Теңге, архивтегі сурет

Үкімет халықтың кредитін өтейді: қарыз алушы не істеуі керек?

8263
Кредиті өтелетін қазақстандықтар банктер мен микроқаржы ұйымдарына өтініш жазбайды

НҰР-СҰЛТАН, 13 тамыз – Sputnik. Тұрмысы төмен азаматтардың 300 мың теңге мөлшеріндегі қарызы тамыз айының соңына дейін өтеледі. Бұл туралы ұлттық банк төрағасы Ерболат Досаев мәлімдеді, деп хабарлайды Sputnik Қазақстан тілшісі.

Досаев қазақстандықтардың борыш жүктемесін азайту үшін үкімет пен ұлттық банк екінші деңгейлі банктермен және микроқаржы ұйымдарымен бірлесіп, екі бағыт бойынша жұмыс жүргізіп жатқанын атап өтті.

"Біріншісі – халықтың әлеуметтік осал топтары үшін кепілсіз тұтынушылық қарыз бойынша 300 мың теңгеге дейінгі берешекті өтеу. Азаматтардың тізімдері бойынша берешек туралы ақпарат жиналды. Қарызы өтелетіндердің тізімі жасалды. Берешекті өтеу тамыздың соңына дейін аяқталады", - деді Досаев.

Оның айтуынша, кредиті өтелетін қазақстандықтар банктер мен микроқаржы ұйымдарына өтініш жазбайды. Берешекті өтеу жұмысын кредиторлар дербес жүргізеді. Содан кейін кредиторлар әрбір қарыз алушыға тиісті хабарлама жібереді.

"Екінші бағыт – барша қазақстандықтың кепілсіз тұтынушылық қарызы бойынша 2019 жылғы 1 шілдеде есептелген айыппұлы мен өсімпұлын есептен шығару. 30 шілдеде банктер мен микроқаржы ұйымдары 33 миллиард 600 миллион теңгеге 1 миллион 200 мың азаматтың айыппұлы мен өсімпұлын кешірді", - деді Досаев.

Ол 20 тамызға дейін ұлттық банк банктер жұмсаған шығынның 30 процентін өтейтінін атап өтті.

Тоқаевтың жарлығы

Осы жылдың маусымында мемлекет басшысы Қасым-Жомарт Тоқаев Қазақстан азаматтарының борыш жүктемесін азайту шаралары туралы жарлыққа қол қойған еді. Мұндай жеңілдік көпбалалы отбасылар, асыраушысынан айрылу жағдайына байланысты төлем алатын отбасылар, мүгедек балалары бар, 18 жастан асқан, бала жасынан мүгедектер бар отбасылар, атаулы мемлекеттік әлеуметтік көмек алатындар, жетім балалар, ата-анасынан кәмелеттік жасқа дейін айырылған, жиырма тоғыз жасқа толмаған, ата-ананың қамқорлығынсыз қалған балаларға беріледі.

Тағы оқыңыз: Тоқаевтың қарыздан құтылуға мүмкіндік беретін жарлығы күшіне енді

Мемлекет есебінен әлеуметтік тұрмысы төмен азаматтардың 300 мың теңге мөлшеріндегі барлық қарызы өтеледі. Бұл қарызға негізгі борыш, сыйақы, айыппұлдар да кіреді.

2019 жылдың 1 маусымындағы жағдай бойынша бір қарыз алушыға кредиттің жалпы көлемі 3 миллион теңгеден аспауы тиіс.

8263
Кілт сөздер:
банк, қазақстандықтар, кредит
Тақырып бойынша
Досаев АҚШ президентінің мәлімдемесінен кейін қандай өзгеріс болғанын айтты
Қазақстандықтардың айыппұлы мен өсімпұлы кешірілді
Қарағандыда жұртқа "таратылып" жатқан ақша бір отбасының берекесін қашырды
Қазақстанда кредит беру шарттары өзгереді
"Құқығымыз жоқ": Тоқаев халықтың кредитін төлеу туралы айтты
Халыққа қызмет көрсету орталығы

Жоспар өзгерді: Жамбыл облысында ХҚКО-ның қайта ашылуы кейінге қалдырылды

4
Жедел штабтың өкілдері кезекті отырыста аймақтағы эпидемиологиялық ахуалға байланысты шешімді күрт өзгертіп, тұрғындарды карантин талабына бей-жай қарамауға шақырады

НҰР-СҰЛТАН, 25 мамыр – Sputnik. Жоспар бойынша бүгін Жамбыл облысында халыққа қызмет көрсету орталықтары ашылуы тиіс еді. Алайда, өңірде індет жұқтыру жағдайы ушығуына байланысты аталған нысандар іске қосылған жоқ, деп хабарлайды Sputnik Қазақстан.

"Соңғы күндері аймақта коронавирус індетін жұқтырушылардың саны күрт көбеюіне байланысты (22 мамыр күні – 20 жағдай, 23 мамыр – 10 жағдай) 25 мамырдан бастап карантин шаралары жеңілдетілмейтін болды. Жамбыл облыстық жедел штабы осындай шешім қабылдады", – делінген облыстық әкімдіктің хабарламасында.

Оқи отырыңыз: Төтенше жағдай кезінде ХҚКО қалай жұмыс істейді?

Өңірде өткен тәулік ішінде індет жұқтырғандардың саны 33-ке жеткен.

Жедел штабтың кезекті отырысында өңірде қалыптасқан эпидемиологиялық ахуалға сәйкес карантин шараларын жеңілдету мәселесі қаралды.

"Карантин талабы тұрғындардың қауіпсіздігіне бағытталған. Сондықтан да азаматтарды тиісті шектеулер мен ескертулерге бей-жай қарамауға шақырамыз. 25 мамырға жоспарланған халыққа қызмет көрсету орталықтарының ашылуы кейінге шегерілді", – делінген жедел штаб мәлімдемесінде.

Бүгінге дейін Жамбыл облысында коронавирус жұқтырғандардың саны 292 адамға жетсе, оның ішінде 171 науқас жазылып шығып, бір адам көз жұмды.

Ал Қазақстан бойынша 8 531 адам індетке шалдығып, 4 352 адам ауруынан айықты. 35 науқас қайтыс болды.

4
Кілт сөздер:
эпидемия, халыққа қызмет көрсету орталығы, Жамбыл облысы
Тақырып:
Төтенше жағдай және карантин
Тақырып бойынша
Димаш Құдайбергенов Ақтөбедегі ХҚКО-да паспортты қалай жасатты?
ХҚКО-дағы компьютерден порно көрген ер адам жұрттың ашуына тиді
Нұр-Сұлтан тұрғыны ХҚКО қызметкеріне жұдырық ала жүгірді
Қазақстанның тоғыз өңірінде ХҚКО ашылды
Емшектегі баланы ұстап отырған ХҚКО қызметкерінің суреті желіде дау тудырды
Білім және ғылым министрі Асхат Аймағамбетов

"Ұялудың еш қажеті жоқ": министр грантқа қалай түсе алмағанын айтты

9
(Жаңартылды 13:36 25.05.2020)
Білім және ғылым министрі ұстаздарды, оқушылар мен ата-аналарды соңғы қоңырау мерекесімен құттықтады

НҰР-СҰЛТАН, 25 мамыр – Sputnik. Білім және ғылым министрі Асхат Аймағамбетов түлектерді ештеңеден қорықпауға шақырып, өзі де мектеп бітірген соң, бірден грантқа түсе алмағанын айтты, деп хабарлайды Sputnik Қазақстан.

Министр мұғалімдер, оқушылар мен ата-аналарды соңғы қоңырау мерекесімен құттықтады.

"Барлығымыз үшін 25 мамыр ерекше жағдайда өтіп жатыр. Әлемдік пандемия біздің күнделікті өмірімізді түбегейлі өзгертті. Биылғы оқу жылы 4 миллионнан астам оқушы мен студенттің есінде қашықтан оқу форматына көшумен сақталады деп ойлаймын. Қысқа уақыт ішінде барлығыңыз жұмысты дұрыс ұйымдастыра білдіңіздер. Бұл мұғалімдердің, оқушылар мен ата-аналардың бірлескен әрекетінің нәтижесі деп білемін", - деді Аймағамбетов бейнеқұттықтауда.

Ол қашықтан оқыту форматы Қазақстанның білім саласында бұрын-соңды болмаған оқиға екенін атап өтті.

Аймағамбетов 2020 жылдың түлектеріне жеке тоқталды. Министр мектеп бітірушілерді ештеңеден қорықпай, мүмкіндіктерді пайдалана білуге шақырды.

Тағы оқыңыз: Білім басқармасы 1-сыныпқа қабылдау тәртібін түсіндірді  

"Алған беттен қайтпау өте маңызды екенін өз басым білемін. Нақты қадам жасап, ойыңыздағыны іске асыру керек. Мәселен, мен мектеп бітірген соң, бірден бір жылдың ішінде грантқа түсе алмадым. Одан ұялудың еш қажеті жоқ. Менің алдымда екі таңдау болды: біріншісі, ақылы түрде оқу, екіншісі бір жыл дайындалып, келесі ҰБТ-ны қайта тапсыру. Сол кезде бір жыл дайындалып, тесті қайта тапсырам деп шешім қабылдадым. Бір жыл уақытымды табанды дайындықпен жұмысқа арнап, нәтижесінде келесі жылы армандаған грантқа қол жеткіздім", - деді ол.

Министр ҰБТ түлектердің өміріндегі ең жеңіл емтиханның бірі болатынын айтты.

Сондай-ақ, ол түлектерді қателік жасаудан қорықпай, керісінше, одан сабақ алуға үндеді.

"Кішкентай кезімізден бізді қателік жасау дұрыс емес, кешірімсіз деп сендірген. Мектеп қабырғасынан бастап қателік жасамау біздің санамызға құйылып келді. Табысты адам ешқашан қателеспейді деген қате ұғым екенін айтқым келеді. Бәрі қателік жасайды, бастысы – одан сабақ алып, тәжірибе жинақтау. Қателік жасап, бәрін қайта бастаудан қорықпау қажет", - деп кеңес берді ведомство басшысы.

Айта кетсек, биыл коронавирус індетіне байланысты 1-10 сынып оқушылары үшін соңғы қоңырау онлайн режимде өтті.

Мектеп түлектері үшін аттестат табыстау және соңғы қоңырау мерекесі 3-4 маусымға жоспарланған. Оқу мекемелерінің әкімшілігі іс-шараны мектеп ауласында ұйымдастырады.

Ұлттық бірыңғай тестілеу дәстүр бойынша маусымның соңы мен шілденің басында өтеді. 

9
Кілт сөздер:
түлектер, білім және ғылым министрлігі, Асхат Аймағамбетов