Тамыз конференциясының қатысушылары

Енді мұғалімдер аптасына бес күн жұмыс істейді

26174
Аймағамбетов мұғалімдерге бес күн жұмыс істеуге еш нәрсе кедергі емес екенін айтты

НҰР-СҰЛТАН, 16 тамыз – Sputnik. Қазақстандық мұғалімдер үшін бес күндік жұмыс аптасы енгізіледі. Бұл туралы білім және ғылым министрі Асхат Аймағамбетов мәлімдеді, деп хабарлайды Sputnik Қазақстан тілшісі.

Министр елімізде мектептердің бір бөлігі бес күндік оқу аптасына ауысқанын атап өтті. Алайда, оның айтуынша, бұл тұста әлі де шешілмеген мәселелер бар.

"Балалар аптасына бес күн оқыса да, мұғалімдер алтыншы күні де мектепке келуі тиіс. Әрине, кейбір өңірлерде олай емес. Десе де бізде бірыңғай тәртіп болуы керек", - деді ол дәстүрлі тамыз конференциясында.

Тағы оқыңыз: Тоқаев мұғалімдердің жалақысын екі есеге өсіруді тапсырды 

Аймағамбетов министрліктің заңнаманы қарап шыққанын, мұғалімдерге бес күн жұмыс істеуге еш нәрсе кедергі емес екенін айтты.

"Алтыншы күнді педагогтар өз қалауына қарай өткізуі тиіс. Балалармен уақыт өткізе ме, сабаққа дайындала ма, оны өздері шешеді. Кейде бұл күні педагогикалық кеңес өткізуге де болады және тағысын тағы. Бірақ, ең бастысы, алтыншы күн – мұғалімдердің жеке уақыты болуы тиіс", - деді ол.

Министр бұл тапсырманы білім жүйесі алдына қойып отырғанын қадап айтты.

Айта кетсек, астанадағы Тәуелсіздік сарайында президенттің қатысуымен дәстүрлі тамыз конференциясы өтті. Жиынға республиканың түкпір-түкпірінен екі мыңға жуық мұғалім келген.

Жиын барысында білім және ғылым саласындағы өзгерістерді басқару мәселелері талқыланып, инновациялық идеялар мен бастамалар ұсынылды. Сондай-ақ бірқатар педагог президенттің қолынан марапат алды.

26174
Кілт сөздер:
мұғалімдер, Асхат Аймағамбетов, тамыз конференциясы
Тақырып бойынша
Жаңа білім министрі мектептерге Әліппені қайтаруға уәде берді
"Бұл жақсы идея еді": Тоқаев үкіметке шұғыл тапсырма берді
Жалақы екі есе өседі: Тоқаевтың сөйлеген сөзінің толық мәтіні
Тоқаев үштілділікке қатысты маңызды мәлімдеме жасады
Загрузка...