Қоғам

"Жұмыс істеңдер": Назарбаев көмек сұрайтындарға жауап берді

© Sputnik / СтрингерЕлбасы Нурсултан Назарбаев на заседании политсовета партии Nyr Otan, архивное фото
Елбасы Нурсултан Назарбаев на заседании политсовета партии Nyr Otan, архивное фото - Sputnik Қазақстан
Жазылу
Елбасы халық жұмыс істемесе, мемлекетте ақша болмайтынын айтты

НҰР-СҰЛТАН, 21 тамыз – Sputnik. Елбасы Нұрсұлтан Назарбаев мемлекеттен көмек сұрай беретін адамдарға жауап берді, деп хабарлайды Sputnik Қазақстан тілшісі.

"Әлі есімде, бас кезінде қиын болды. Жұмыс жоқ, жалақы жоқ, дүкен сөрелері бос тұрды. Сонда бәрі "бер, бер" деп отыратын. Мемлекетте ақша жоқ болмаса, қайдан береміз? Бірақ қазір сол 30 жыл бұрын болған ұрандарды көтеріп жүр. Маған бер, балаларым көп дейді, жалақым аз, тағы бер дейді. Бас кезінде нені ойладың? Бұл сенің проблемаң. Сен мемлекетпен ақылдасқан жоқсың ғой", - деді Назарбаев Nur Otan партиясы Саяси кеңесінің кеңейтілген отырысында.

Оның айтуынша, мемлекет мұқтаж адамдарға көмектессе де, ол адамдар тағы "бер, бер" деп шыға келеді. Сондықтан халық арасында түсіндіру жұмысын жүргізу керек.

Тағы оқыңыз: Назарбаев Шымкенттегі жұртты шулатқан оқиға жайлы: Бір нәрседен қорқамыз ба?

"Мысалы, бір миллион оралман шақырып, алып келдік. Бірде-бір мемлекет оны жасаған жоқ. Біз алып келдік, жұмыс істеңдер, балаларың өссін, өнсін десек, олар "маған беріңдер" деп айтады. Жұмыс істеңдер. Мемлекеттің қаражатын жинайтын – ел, халық. Халық жұмыс істемесе, мемлекеттің ақшасы болмайды. Қаржы болмаса, нені береміз?", - деді Назарбаев.

Жаңалықтар
0