Аружан Сайын

Аружан Сайын шетелдіктерге бала сатты деп айыптағандарға жауап берді

1040
Балалар омбудсмені шетелдіктердің бала асырап алуына қатысты заңға қайшылықты анықтады

НҰР-СҰЛТАН, 22 тамыз — Sputnik. Қазақстандағы бала құқықтары жөніндегі уәкіл Аружан Сайын қазақстандық жетім балаларды шетел азаматтарына сатуға қатысы барын жоққа шығарды.

Қоғам қайраткері Facebook парақшасында өзі туралы кейбір БАҚ-тың балаларды шетелге сатумен айналысты, әр бала үшін 200 мың доллар талап етті деп жазғаны туралы айтты.

"Әлеуметтік желіде тараған мәлімет бойынша айтарымыз, Аружан Сайынның балаларды шетелдіктердің асырауына қатысы жоқ, Аружан Сайын ешқашан бұл мәселемен айналысқан емес", - деп Сайын білім және ғылым министрлігі бала құқықтарын қорғау комитетінің жауабын дәйек ретінде келтірді.

Сонымен бірге Аружан Сайын қазақстандық балаларды шетелдіктердің асырап алуына қатысты өз көзқарасын айтты.

"Мен балаларымызды асырап алуын, әр баланың Қазақстан және шетел азаматтарының отбасында тәрбиелену құқығына ие болуын, біздің елдің барлық халықаралық конвенцияны сақтауын қолдаймын. Бірақ процесс ашық, 100 процент түсінікті және заңды болуы тиіс", - деп мәлімдеді ол.

Балалар омбудсмені атап өткендей, заңнама шетелдіктер мен қазақстандық асырап алушылардың құқықтарын тең қамтамасыз етуі тиіс.

Шетелдіктер үшін Қазақстаннан бала асырап алу қанша тұрады?

Аружан Сайын жазғандай, қазір ұйымдардың сайттарында бала асырап алу тәртібі мен қызмет көрсету құны туралы бүкіл ақпарат бар.

"Мұндай қызмет көрсету 15 800-ден 38 500 еуроға дейін тұрады. Басқа елдерде бағасы әлдеқайда төмен!", - дейді балалар омбудсмені.

Шетелдік ерлі-зайыптыларға мекеме директорына "сары алтыннан жасалған бұйымдар", косметика, әтір, ішімдік және тағы басқа сыйлық тарту етуге кеңес берілген.

Тағы оқыңыз: Тоқаев Аружан Сайыннан балалар омбудсмені қызметінде не күтетінін айтты

Сондай-ақ "баланың диагнозы еуропалық немесе америкалық диагнозбен сәйкес келмейтіні" де айтылған екен.

Осы мәселелерге қатысты бала құқықтары жөніндегі уәкіл атынан Қазақстан президенті мен Бас прокуратураға, сондай-ақ білім министрлігіне хат жолданыпты.

Қазақстанда бала асырап алу ережелері

Аружан Сайын білім және ғылым министрлігінің бала құқықтарын қорғау комитетінен ата-анасынан айырылған балаларды шетелдіктердің асырап алу тәртібін түсіндіруді сұрағанын айтты.

Бала құқықтарын қорғау комитетінің жауабы бойынша, Қазақстанда шетелдіктердің бала асырап алуы республика аумағында аккредитациядан өткен агенттіктер арқылы ғана жүзеге асады.

Бүгінде осы мәселемен ресми айналысатын 13 агенттік бар.

2015 жылдан бері шетелдік отбасылар бір және тоғыз жас аралығындағы 156 қазақстандық баланы асырап алды.

Тағы оқыңыз: Бельгиялық отбасы асырап алған Аида мен Салтанат тарихи отанына келді

"Атап өтсек, Қазақстанда шетелдіктер баланы асырап алу бойынша  ешқандай шығындарды өтемейді", - дейді Аружан Сайын.

Аружан Сайын бала құқықтарын қорғау комитетінен шетелдік ерлі-зайыптыларға қойылатын талаптар мен бала асырап алу құнының қайдан шыққанын, агенттіктердің ата-аналарды жемқорлыққа неге итермелейтінін түсіндіруді талап етті.

1040
Кілт сөздер:
бала асырап алу, шетелдіктер, Аружан Сайын
Дәрі-дәрмек

Парацетамол мен ибупрофенді кімдерге ішуге болмайды?

520
(Жаңартылды 13:51 06.07.2020)
Мамандар қазақстандықтар дәріханадан жаппай сатып алып жатқан дәрілердің кері әсері болуы мүмкін екенін ескертті. Сондықтан міндетті түрде дәрігер тағайындауы тиіс

НҰР-СҰЛТАН, 6 шілде – Sputnik. Температурасы 38,5 градустан төмен ересектерге парацетамол мен ибупрофен ішуге болмайды. Бұл туралы орталық коммуникациялар қызметінде медицина ғылымдарының кандидаты, доцент, "Астана медициналық университетінің" кафедра меңгерушісі Нұрила Малтабарова айтты.

Оның айтуынша, бұл препараттар қабынуға қарсы дәрілер тобына жатады. Дәрігерлерде оларды қолданудың нақты хаттамасы бар.  

"Парацетамол мен ибупрофенді ересектер температурасы 38,5 градустан жоғары болған кезде ғана ішуі керек. Бұл препараттардың түрлі баламасы бар. Алайда дәрілердің кері әсері болуы мүмкін екенін ұмытпау қажет", - деді доцент.

Медицина ғылымдарының кандидаты неврологиялық сырқаттармен есепте тұрған балалардың  температурасы 37,5 градус болғанда парацетамол тағайындалатынын айтты.

Айта кетсек, Қазақстанда коронавирус жұқтырғандар санының артуына байланысты дене қызуын түсіретін дәрілер тапшылығы туындады.

Бұл мәселені шешуді президент денсаулық сақтау министрлігі мен құқық қорғау органдарына тапсырды.

520
Кілт сөздер:
коронавирус, дәрі-дәрмек
Тақырып бойынша
Шымкенттік дәрігер президентке үндеу жолдады - денсаулық министрі жауап берді 
COVID-19: министр қандай дәрілер көмектеспейтінін айтты
COVID-19: дәрігер желіде тараған кеңес несімен қауіпті екенін айтты
Нұр-Сұлтанда дәрі-дәрмекке қатысты жедел желі іске қосылды
Шымкентте тегін таратылуы тиіс дәрілерді ұрлаған сатушы ұсталды
Дәріханадағы кезек

Нұр-Сұлтанда дәрі-дәрмекке қатысты жедел желі іске қосылды

76
(Жаңартылды 13:16 06.07.2020)
Бұған дейін мемлекет басшысы қазіргі пандемия кезінде аса қажетті дәрі-дәрмек бағасын қымбаттатуға болмайтынын айтқан болатын

НҰР-СҰЛТАН, 6 шілде – Sputnik. Нұр-Сұлтан әкімдігі дәріханалардағы бағаның негізсіз өсуін iKomek сервисі арқылы қадағалап, 109 нөмірімен шағымдана алады, деп хабарлайды елорда әкімдігінің ресми сайты.

Қала әкімі Алтай Көлгінов қала тұрғындарына дәрі-дәрмектердің қымбаттау фактілері туралы хабарлауды ұсынды.

"Мемлекет басшысы мемлекеттік органдарға дәріханалардағы бағаны бақылауда ұстауды тапсырды. IKomek 109 базасында жедел желі іске қосылды. Дәрі-дәрмектің бағасын негізсіз көтергені туралы шағымдар бойынша қала тұрғындары 109 нөміріне хабарласа алады. Өтініштерге жауап береміз", – деп жазды Алтай Көлгінов Instagram парақшасында.

Айта кетейік, бұған дейін мемлекет басшысы қазіргі пандемия кезінде аса қажетті дәрі-дәрмек бағасын қымбаттатуға болмайтынын айтқан. Президент үкімет мен құқық қорғау органдарына туындаған мәселені реттеуді тапсырған.

"Азаматтарымыздың дәріханалардағы аса қажетті дәрі-дәрмектердің негізсіз қымбатауына байланысты шағымдары орынды. Пандемия кезінде бұған жол беруге болмайды. Үкімет пен құқық қорғау органдарына аталған мәселені реттеу тапсырылды", - деп жазды президент Twitter парақшасында.

Оқи отырыңыз: Нұр-Сұлтан дәріханаларында дәрі-дәрмек сатуға лимит қойылады

Мемлекет басшысы кінәлілер жауапқа тартылатынын мәлімдеген.

76
Кілт сөздер:
Нұр-Сұлтан, дәрі-дәрмек
Тақырып:
Коронавирус эпидемиясы
Тақырып бойынша
Ресейлік дәрі-дәрмек пен медтехника қазақстандықтарға аурудан айығуға көмектеседі
ЕАЭО дәрі-дәрмек нарығы Қазақстан үшін несімен тиімді
Астанада сарапшылар ЕАЭО аясындағы дәрі-дәрмек бағасын талқылайды
Нұр-Сұлтанда қарт адамдарға дәрі-дәрмек үйге жеткізіліп жатыр
Тоқаев дәрі-дәрмек туралы: импортқа тым тәуелдіміз