Алматыда 6 шілдеде болған митинг

Мемлекет басшысы қандай жағдайда митинг өткізуге рұқсат етілетінін мәлімдеді

653
(Жаңартылды 12:19 02.09.2019)
Президент бейбіт акцияларға заң бойынша рұқсат берілуі тиіс екенін атап өтті

НҰР-СҰЛТАН, 2 қыркүйек – Sputnik. Мемлекет басшысы Қасым-Жомарт Тоқаев митинг өткізуге қатысты пікір білдірді, деп хабарлайды Sputnik Қазақстан тілшісі.

Президент халықтың мұң-мұқтажына жауап беру мемлекеттік органдардың басты міндеті екенін атап өтті. Бүгінде президент әкімшілігінде арнайы бөлім құрылған. Осы құрылым мемлекеттік органдардың арыз-шағымдарды қарау жұмысын бақылайды.

"Конституцияға сәйкес, біздің азаматтарымыз өз пікірін ашық білдіре алады. Егер бейбіт акциялар заңды және халықтың тыныштығын бұзуды көздемесе, онда заң бойынша рұқсат беріп, жағдай жасауымыз қажет. Ол үшін арнайы орындар беру керек. Бірақ қаланың шетінен емес. Ал Конституцияға қарсы үндеулер мен бұзақылық әрекеттердің жолы кесіледі", - деді Тоқаев алғашқы жолдауын жариялау рәсімінде.

Мемлекет басшысының айтуынша, халықтың проблемалары далада емес, парламентте шешілуі керек.

"Халықты мазалайтын өзекті мәселелер далада емес, осы жерде – парламентте талқыланып, өз шешімін табуы шарт. Депутаттар заңды құқықтарын пайдалана білуі керек. Үкіметке маңызды проблемалар туралы сауалдар жолдап, нақты шешімдерді талап етуі қажет", - деп атап көрсетті Тоқаев.

Осы орайда мемлекет басшысы заң шығарушы және атқарушы биліктің арасында іскерлік сипатта қарым-қатынас болуы тиіс екенін атап өтті. Бұл жерде жасанды текетірес жасаудың қажеті жоқ.

653
Кілт сөздер:
Қасым-Жомарт Тоқаев, Жолдау - 2019, митинг
Тақырып:
Президент жолдауы - 2019 (26)
Тақырып бойынша
Митингіде полицейлерге гүл сыйлаған қыздың анасы мән-жайды түсіндірді
Тоқаев: халыққа берген уәделерімді міндетті түрде орындаймын
"Бар шындықты айтамыз": елорда мен Алматыда рұқсат етілген митинг өтті
Министр 6 шілдеде болған митинг кезінде қанша адам ұсталғанын айтты
6 шілдедегі митинг: полицейлер мен наразы топ қалай әрекет етті – видео
Загрузка...