НҰР-СҰЛТАН, 6 қыркүйек — Sputnik. Қазақстанның тұңғыш президенті Нұрсұлтан Назарбаев Мәскеудегі халық шаруашылығы жетістіктері көрмесінің павильонына барады. Бұл туралы баспасөз мәслихатында Ресей президентінің халықаралық мәдени әріптестік жөніндегі арнайы өкілі Михаил Швыдкой айтты.
"Нұрсұлтан Назарбаев қазір Мәскеу қаласында. ВДНХ-дағы Қазақстан павильонын ашатын болады. Бұл ерекше өте заманауи павильон" –деді Швыдкой.
Шара сенбі, 7 қыркүйек күні өтеді. Бұл күні ВДНХ-ның басты сахнасында мерекелік Гала-концерт болады, деп жазылған Қазақстанның Ресейдегі елшілігінің ресми сайтында.
"7 қыркүйек күні Ресей президенті Владимир Путин қатысады... Шараға Қазақстанның тұңғыш президенті Нұрсұлтан Назарбаев та келеді деп күтіліп отыр"- деп жазды Кремльдің баспасөз қызметі.
Ресейдегі Қазақстанның мәдениет күндері
ВДНХ-ның басты сахнасында "Астана балет" театрының солистері өнер көрсетеді.
"Голос.Дети-4" (Украина) теле жобасының жеңімпазы Данэлия Төлешова ән шырқайды деп күтіліп отыр.
9 -11 қыркүйек күндері Мәскеу алаңында қазақстандық фильмдер көрсетіледі.
