Той

Ақтау полициясы 15 жасында отау құрғандардың жағдайы не болатынын айтты

1278
(Жаңартылды 18:08 09.09.2019)
Ақтау қалалық әкімдігі жас жұбайлардың өз некесін тіркемегенін хабарлады

НҰР-СҰЛТАН, 9 қыркүйек – Sputnik. Ақтау полициясы 15 жаста отау құрған жас жұбайлардың видеосын тексеруге кірісті, деп хабарлады Sputnik Қазақстан тілшісі.   

Облыстық полиция департаменті ұсынған ақпаратқа сәйкес, жас жұбайлардың кім екені анықталды. Қазіргі кезде кәмелеттік жасқа толмағандардың ісі бойынша арнайы бөлім мамандары видеоны зерделеп жатыр.

"Жасөспірімдердің аты-жөні анықталды. Алдағы уақытта бөлім мамандары тиісті ақпаратты Ақтау қалалық әкімдіктің кәмелеттік жасқа толмағандардың құқықтарын қорғау бөліміне жібереді. Сол жерде жас жұбайларды есепке қою мәселесі қаралуы мүмкін", - дейді құқық қорғаушылар.

Посмотреть эту публикацию в Instagram

Публикация от RakhmandullaAsem❤️ (@mukhamedinova_10)

Ал Ақтау қалалық әкімдігі жас жұбайлардың өз некесін тіркемегенін хабарлады. Себебі заң бойынша некеге тұратын жасқа толмаған.

Жасөспірімдер қалай үйленді?

Жақында Ақтауда 15 жастағы жасөспірімдердің үйлену тойы өткен болатын. Осы той желіде қызу талқыланып жатыр. Қыз бен жігіттің екеуі де колледжде оқиды. Қалыңдық әлеуметтік желіде екеуінің қалай қосылғанын баяндады.

"Біз екеуіміз де 2004 жылы тудық, он бес жастамыз. Ата-енеммен бірге Ақтауда тұрамын. Біз үш-төрт ай кездестік. Кейін үйленеміз деп шештік. Ата-анамыз басында, әрине, қарсы болды. Мені алып қашты. Қайтып келген қыз жаман дегендей және бір-бірімізді сүйгендіктен, қаламын деп шештім", - деп жазды қыз.

Посмотреть эту публикацию в Instagram

Публикация от RakhmandullaAsem❤️ (@mukhamedinova_10)

Қалыңдық үйлену тойының суреттерімен желідегі парақшасында бөлісті. Той осы жылдың шілде айында болған көрінеді. Желі қолданушылары мешітте неке қиылғанмен, ресми куәлік жоқ болуы мүмкін деген болжам айтып отыр. 

Посмотреть эту публикацию в Instagram

Публикация от RakhmandullaAsem❤️ (@mukhamedinova_10)

Айта кетейік, Қазақстанда тек 18 жастан бастап неке қиюға болады. Кейбір себептерге байланысты некені тіркеуші орган бұл шекті екі жылға төмендете алады. 18 жасқа толмағандар арасындағы неке ата-аналарының жазбаша түрдегі келісімімен ғана рұқсат етіледі.

1278
Кілт сөздер:
полиция, Ақтау
Тақырып бойынша
Кішкентай қыздың тойында түсірілген видео журналисті жылатты
Оспанова: әйел бірінші орынға күйеуін, одан кейін ғана балаларын қоюы керек
"Күйеуімді қорқытып берші": бұрынғы судьяның ашық әңгімесі
Он бес жасында тұрмысқа шыққан ақтаулық қыз мән-жайды айтып берді – видео
Монеталар

Қазақстанда қаржы пирамидасына қатысы бар қанша қылмыстық топ анықталды

9
(Жаңартылды 14:45 04.06.2020)
Министр орынбасары "Гарант 24 ломбард" ЖШС, "ЕSTATE ломбард", "Выгодный займ" басшыларына қатысты атышулы қылмыстық істер туралы да айтты

НҰР-СҰЛТАН, 4 маусым – Sputnik. Қазақстанның ішкі істер министрлігі қаржы пирамидаларымен күрес қалай жүргізіліп жатқанын айтты, деп хабарлайды Sputnik Қазақстан тілшісі.

Ішкі істер министрінің орынбасары Арыстанғали Заппаров әр өңірде қаржы пирамидасының қызметіне қарсы іс-қимыл бойынша мамандандырылған топтар құрылғанын атап өтті.

"Соңғы үш жылда Қылмыстық кодекстің 217-бабы бойынша полиция бөлімшелері 42 қылмыстық іс қозғады. Олар бойынша қылмыстың 975 эпизоды тергелді. 2017 жылы – 11, 2018 жылы – 9, 2019 жылы – 10 және қазіргі кезде 12 қылмыстық іс қозғалған", – деді ол сенат отырысында депутаттың сұрағына жауап беріп.

Оның айтуынша, 38 қылмыстық топ, оның ішінде трансұлттық бір топ анықталған.

2017-2019 жылдары ішкі істер министрлігі Қазақстан, Ресей және Испания азаматтарына қатысты қылмыстық істі тергеді. Олар "Questra Holdings" қаржы пирамидасын құрған. Былтыр желтоқсанда кінәлі адамдар сегіз жылдан он жылға дейін бас бостандығынан айырылды.

Оқи отырыңыз: "14 мың сал да, 114 мың ал": сарапшы жаңа қаржы пирамидасы туралы шындықты айтты

Қылмыстық топ 9 миллиард теңгеден астам шығын келтірген.

Заппаров биыл "Гарант 24 ломбард" ЖШС, "ЕSTATE ломбард", "Выгодный займ" басшыларына қатысты қозғалған атышулы қылмыстық істерге де тоқталды.

"Бұл компаниялардың филиалы 15 өңірде қызмет етіп, олар өз жобаларына 39 мыңнан астам адамды қатыстырған. Бүгінде 9 393 адам арыз түсірді", – деді ол.

Ішкі істер министрлігінің басшылығы қылмыстық істі тергеуді өз бақылауына алған.

9
Кілт сөздер:
қаржылық қызметтер, қаржы пирамидасы
Тақырып бойынша
Әлеуметтік желіде жұртты 6 миллион теңгеге алдап соққан алаяқ ұсталды
Сотталған алаяқ түрмеде отырып-ақ 500 адамды арбауына түсірген
Қызылордада "таксистерді" ерекше әдіспен алдаған алаяқ қоғамдық резонанс туғызды
Өскемендік алаяқ жиһаз жасап беремін деп 16 адамды алдап кетті
Қарағандыда қаржы пирамидасы туралы іс тергелуде
EuroMillions лотерея билеті

Заңсыз лотерея өткізетіндер қалай жазаланады сенат заң қабылдады

12
Заңда лотерея операторынан немесе таратушыларынан басқа кез келген лотерея жарнамасына тыйым салу көзделеді

НҰР-СҰЛТАН, 4 маусым – Sputnik. Парламент сенаты лотереялар және лотерея қызметі туралы заңды екі оқылымда қарап, қабылдады, деп хабарлайды Sputnik Қазақстан тілшісі.

Мәдениет және спорт министрі Ақтоты Райымқұлованың айтуынша, заң жобасы лотереялық қызметті құқықтық реттеуді жетілдіруге бағытталған.

Құжатта лотерея операторы болып саналмайтын тұлғаның лотерея ойындарын жүргізгені үшін әкімшілік жауапкершілік белгіленген.

Жеке тұлғаларға – 100 АЕК, шағын бизнес немесе коммерциялық емес ұйымдар үшін – 300 АЕК, орта бизнес үшін – 500 АЕК, ірі бизнес үшін 1 000 АЕК мөлшерінде айыппұл салынады.

"Ал бір жыл ішінде қайталанып жасалған заңсыз іс-әрекеттер үшін жеке тұлғаларға – 200 АЕК, шағын кәсіпкерлік субъектілеріне немесе коммерциялық емес ұйымдарға – 700 АЕК, орта кәсіпкерлік субъектілеріне – 1 000 АЕК, ірі бизнес үшін 2 000 АЕК айыппұл салынып, әкімшілік құқық бұзушылықтың табысы тәркіленеді", – деді Райымқұлова сенат отырысында.

Сонымен қатар, лотерея операторымен немесе таратушыларымен (агенттерімен) орналастырылған жарнаманы қоспағанда, кез келген лотерея жарнамасына тыйым салынады.

Оператор – біреу, таратушы – үш мыңға жуық

Үкіметтің 2017 жылғы қаулысымен "Сәтті Жұлдыз" АҚ лотерея операторы болып 15 жыл мерзімге белгіленді. Лотерея операторында 748 қызметкер жұмыс істейді.

Министрдің ақпаратынша, республикада 3 мыңға жуық таратушы (агенттер) шағын және орта кәсіпкерлерден тұрады. Олармен келісімшарттар негізінде жұмыс жүргізіледі, яғни лотерея операторы лотереяның дұрыс жүргізілуіне және таратылуына тікелей өзі жауап береді.

Таратушылар (агенттер) лотерея операторынан жалпы таратылған лотерея билеттерінің құнынан 6 процентке жоғары сыйақы алады.

Оқи отырыңыз: Енді Instagram-да лотерея өткізетін әнші-әртістер жауапқа тартылады

"Сәтті Жұлдыз" АҚ 24 жедел (оның ішінде 18-і электрондық) және 8 тиражды лотерея ойынын (оның ішінде 4-і электрондық) жүзеге асырады. 2017-2019 жылдар аралығында лотерея билеттерін сатудан түскен жалпы айналым 18,5 миллиард теңгені құраған.

Сенат заңды екі оқылымда да қабылдап, президентке жіберді.

12
Кілт сөздер:
Ақтоты Райымқұлова, заң, лотерея
Тақырып бойынша
Ұтып алған пәтерімді алмайтын болдым – вице-министр
Тікелей эфирде ұсталған Ернар Айдардың ісіне қатысты Мейрамбек Бесбаев пікір білдірді
Ернар Айдар заңсыз лотерея ұйымдастырды деген күдікке ілінді
"Котёл" ойыны: Тоқаевтың кеңесшісі өз ойын ашық айтты
Василий Левитпен бірге түскі ас: лотерея жеңімпазы анықталды