Тапанша, архивтегі сурет

Заңсыз аңшылық пен балық аулау қылмыс санатына жатқызылады Бас прокуратура

215
Орман шаруашылығы инспекторының өміріне қауіп төндіру құқық қорғау органы қызметкеріне шабуыл жасаумен бірдей болады

НҰР-СҰЛТАН, 11 қыркүйек – Sputnik. Бас прокуратура браконьерлікке қарсы заңнаманың қалай өзгеретінін жариялады, деп хабарлайды Sputnik Қазақстан тілшісі.

Бас прокурордың орынбасары Марат Ахметжановтың айтуынша, браконьерлік қылмыстың барлық санаты бойынша заңсыз аң аулау қару-жарақтары, көлік пен мүлкін тәркілеу міндеті енгізіледі. Заңсыз аңшылық және балық аулау тәртіп бұзу қатарынан шығарылып, орта деңгейдегі қылмыс санатына жатқызылатын болады.

"Бұл дегеніміз, адам браконьерлікке шығып, Қызыл кітапқа енген аң-құстарды атпаса да, бас бостандығынан айырылуы мүмкін. Бүгінгі заңнамада 40 тәулікке дейін қамау шарасы ғана қарастырылған", - деді Ахметжанов астанада өткен баспасөз мәслихатында.

Оның сөзіне қарағанда, жүйелі браконьерлік, ірі көлемде зиян келтірген аңшылық пен сирек аң-құстарды ату әрекеті ауыр қылмыс қатарына енгізіледі. Ондай қылмыстар үшін 6 жылға дейін бас бостандығынан айыру жазасы болады.

Тағы оқыңыз: Браконьерлер шабуылынан тірі қалған қорықшы алғаш рет тілшілерге сұқбат берді

"Ал ұйымдасқан қылмыстық топтың құрамында браконьерлік жасағаны үшін 10 жылға дейін бас бостандығынан айыру жазасы қарастырылған. Киіктерді ату жазасы бөлек қаралады. Орман шаруашылығы инспекторының өміріне қауіп төндіру құқық қорғау органдары қызметкеріне шабуыл жасаумен бірдей болады. Осының бәрі арнайы заң жобасында көрсетілген", - деді Ахметжанов.

215
Кілт сөздер:
Бас прокуратура, түрме, браконьер
Тақырып бойынша
Полиция қарағандылық инспекторды кімдер өлтіргенін анықтады
Қасымов браконьерлердің қорықшыларға шабуылына қатысты мән-жайды баяндады
Назарбаев браконьерлердің қолынан қаза тапқан инспекторды марапаттады
Ақмола облысында браконьерлер қорықшыны атып өлтірді
Тоқаев браконьерлердің жазасын күшейтуді тапсырды
Еңбек кітапшасы

Депутат жұмыспен қамту орталықтарының былығын әшкереледі

36
Министрдің өзі нысаналы көрсеткіштер үшін осы кезге дейін жалған жұмысқа орналастыру жағдайлары болғанын жоққа шығармады

НҰР-СҰЛТАН, 24 қыркүйек – Sputnik. Мәжіліс депутаты Құдайберген Ержан жұмыспен қамту орталықтары нысаналы көрсеткіштерге қандай жолмен қол жеткізетінін айтты, деп хабарлайды Sputnik Қазақстан тілшісі.

Депутат бүгінде жұмыс істеп тұрған 200-ге жуық жұмыспен қамту орталығының негізгі міндеті – жұмыссыздарды жұмысқа орналастыруға жәрдемдесу екенін атап өтті. Бірақ мұндай орталықтар нысаналы көрсеткіштерге қол жеткізу үшін түрлі заңбұзушылықтарға барып жатады.

"Мәселен, жұмыспен қамту орталықтарының қызметкерлері жұмыс берушілермен келіседі де орталық жолдамасымен қайтадан жұмысқа орналасты деп белгі қояды. Яғни, еңбек нарығы ақпараттық жүйесіне өзгеріс енгізу олар үшін оңай. Ал шын мәнінде жаңа жұмыс орны ашылған жоқ. Бірақ іс жүзінде әлгі адам өз кәсіпорнында жұмысын жалғастырып жатдады. Осылайша жұмыспен қамту көбіне, формалды түрде өтеді", – деді депутат мәжілісте өткен үкімет сағатында.

Осыған байланысты Құдайберген Ержан жұмыспен қамту процестерін автоматтандыру қажеттігі туындағанын айтты.

Өз кезегінде еңбек және халықты әлеуметтік қорғау министрі Біржан Нұрымбетов депутаттың сөзімен толық келісетінін білдірді.

"Мұндай проблема бары жасырын емес. Оны прокуратура тексеріп, айқындаған. Нысаналы көрсеткіштер үшін жалған жұмысқа орналастыру, бір мекемеден шығарып, оған қайта кіргізу жағдайлары тіркелді", – деді ол.

Оқи отырыңыз: Ірі қалалардың жұмыспен қамту орталықтарында электронды кезек енгізілді

Министр қазір бұған цифрлық-ақпараттық жүйе арқылы тосқауыл қойылып жатқанын атап өтті.

"Қазір адамды жұмыспен қамту орталығы жұмысқа жіберердің алдында, ақпараттық жүйе оның алдыңғы жұмысын тексеріп алады. Сөйтіп, ол адамға бір жерден жұмыстан шығып, оған қайтып баруына ақпараттық жүйе жол бермейді. Жалпы болашақта біз жұмыспен қамту орталықтарын халықпен қатынаспай, цифрлық шешімдер арқылы жұмыс істеуге көшіреміз", – деді Нұрымбетов.

36
Кілт сөздер:
депутат, Еңбек және халықты әлеуметтік қорғау министрлігі, жұмыспен қамту
Тақырып бойынша
Еңбек министрі ең төменгі жалақы қашан және қаншаға өсетінін айтты
Экономистер зейнетақы жинағын қай салаларда жұмыс істейтіндер алатынын айтты
Оқы, оқы және оқы: Қазақстан еңбек нарығын жаңғыртады
Енді жұмыспен қамту орталықтарында жалақы адам санына қарай төленеді
Азаматтарды жұмыспен қамту мақсатында әкімдіктерге жаңа міндет жүктелді
Қашықтан оқыту

Сенаторлар қашықтан оқытуға байланысты мектептерде қосымша сабақ енгізуді ұсынды

13
(Жаңартылды 12:52 24.09.2020)
Депутаттардың пікірінше, қазіргі пандемия жағдайында Қазақстанда осы мәселенің өзектілігі арта түскен

НҰР-СҰЛТАН, 24 қыркүйек – Sputnik. Парламент сенатының бір тор депутаттары кибербулинг мәселесін көтеріп, үкімет басшысының атына сауал жолдады, деп хабарлайды Sputnik Қазақстан тілшісі.

Сенатор Нариман Төреғалиевтің айтуынша, бүгінде қазақстандықтар "буллинг", "моббинг", "хейзинг", "кибермоббинг", "кибербуллинг" сияқты бұрын-соңды естімеген лексиконды жиі пайдалана бастады. Осы шетелдік терминдерді ағылшын тілінен аударғанда "әлеуметтік желі мен түрлі мессенджерлер арқылы адамды қорлау, қорқыту, қудалау мен мазақтау" деген мағынаны білдіреді.

"Бір сөзбен айтқанда, бұл – адамды интернетте, оның ішінде әлеуметтік желіде қорлау. Кибербуллингтің құрбаны кез келген адам болуы мүмкін. Алайда, зардап шеккендердің негізгі жасы 11-16 жас аралығындағы жасөспірімдер. Демек, еліміздегі жасөспірімдердің 12 пайызға жуығы осы кибербуллингің зардабын тартқандар", – деді Төреғалиев.

Қазіргі пандемия жағдайында осы мәселенің өзектілігі арта түсті. Себебі, балалардың басым бөлігі қашықтан білім алып жүр. Интернетте көп уақыт отырады. Осындайда кибербулингтің қаупі күшейе түседі. Ал тұзаққа түскен балалар көп жағдайда ешкімге ештеңе айтпайды.

Кибербуллингпен кімдер айналысады

"Кибербуллингпен көп жағдайда педофилдер мен психикалық ауытқулары бар адамдар айналысады. Олар жалған аккаунттар ашып, бүлдіршіндердің сеніміне кіріп, алғашында достық қарым-қатынас орната отырып жеке ақпараттарына қол жеткізеді. Сонан соң психологиялық манипуляция жасай отырып, ой-санасын улайды. Әдетте, мұндай қылмыстар, қарапайым виртуалды достық хат алмасулардан басталып, қорқытумен өз-өзіне қол жұмсауға дейін алып келеді", – деп атап көрсетті Төреғалиев.

Осы орайда сенатор халық ішінде "Көк кит", "Тыныш үй", "Қызыл жапалақ", "Мені сағат 04:20-да оят" және тағы басқа адам өміріне қауіпті ойындардың қазақ тілінде пайда бола бастағанына аладаушылықтың бар екенін жеткізді. Мысалы, Арыс қаласында "Вконтакте" әлеуметтік желісі және "Telegram" мессенджері арқылы балаларды суицидтік сипаттағы ойындарға тартқан бір адам анықталды.

"Бұл бағытта әлемде көптеген елдер, интернет-платформалардың қауіпсіздік деңгейін арттыру, заңнама бойынша жұмыс істеу және балаларды, олардың ата-аналарын кибербуллингтен қорғау мақсатында тиісті заңдарды қабылдауда. Мысалы, Германияда кибербуллинг ұйымдастырған азаматтар 10 жылға дейін бас бостандығынан айырылуы мүмкін", – деді Төреғалиев.

Оқи отырыңыз: Қашықтан оқыту қашан аяқталады – Аймағамбетов эксклюзивті сұқбат берді

Сенаторлар осы мәселенің маңыздылығын ескере отырып, бірқатар шараларды қолға алу қажеттігін жеткізді. Олар:

  • буллинг пен кибербуллингке тосқауыл қою үшін интернеттегі парақшалар мен мессенджерлердегі топтарға мониторингті күшейту;
  • мектептер мен оқу орындарында "Кибербуллингтың зардаптары" тақырыбындағы тәрбие сағаттарын өткізу;
  • арнайы мамандарды дайындау, мұғалімдер мен ата-аналарға түсіндірме жұмыстарын жүргізу;
  • информатика пәніне кибербуллингке қарсы қосымша сабақтар енгізу;
  • балалардың интернеттегі қауіпсіздігі мен қорғалуын қамтамасыз ететін ұлттық жоба әзірлеу;
  • буллинг үшін қылмыстық жауапкершілікті күшейту.
13
Кілт сөздер:
сенатор, қауіпсіздік, білім беру
Тақырып бойынша
Қашықтан оқыту баланың оқу үлгерімін төмендете ме – министрдің жауабы
Қашықтан оқыту кезінде қанша уақыт демалыс берілетіні белгілі болды
Қашықтан оқыту жалақы мен шәкіртақыға әсер етпейді – министр
Денсаулық министрі қашықтан оқыту туралы: бірінші тоқсан осы форматта өтеді
Қашықтан оқыту кезінде балалар оқу тапсырмасын ғана орындайды – Аймағамбетов
Беларусь президенті Александр Лукашенко

Еуропа Одағы Лукашенконы Беларусь президенті ретінде мойындаудан бас тартты

0
Еуропа Одағы Беларусь президентін сайлау нәтижесін мойындамайтынын, Лукашенконың инаугурациясы демократиялық заңды күшінен айырылғанын айтты

 

АЛМАТЫ, 24 қыркүйек – Sputnik. Еуропа Одағы Беларусь президенті Александр Лукашенконың инаугурациясы демократиялық заңдылықтан айырылғанын мәлімдеді.

Еуроодақ дипломатиясының басшысы Жозеп Боррелдің айтуынша, бұл Беларусь еліндегі дағдарыстың күшеюіне әкеледі, деп хабарлайды РИА Новости.

"Еуроодақ Беларусьте 9 тамызда өткен президенттік сайлау еркін және адал өтпегенін тағы да қайталайды. ЕО сайлаудың жалған нәтижелерін мойындамайды. Осыған сүйене отырып, 2020 жылдың 23 қыркүйегінде өткен ұлықтау рәсімі және Лукашенко дәмелі болып отырған жаңа (президенттік) мандат кез келген демократиялық заңды күшінен айырылды", - делінген құжатта.

Беларусьтегі сайлау мен президент инаугурациясы

Тоғызыншы тамызда Беларусь елінде президент сайлауы өтті, орталық сайлау комиссиясының нәтижелері бойынша сайлауда 80,1% дауыс жинаған қазіргі мемлекет басшысы Александр Лукашенко жеңіске жетті.

ОСК заңға сәйкес, сайланған президентті ұлықтау рәсімі сайлау күнінен бастап екі ай ішінде өтуі керек деп мәлімдеді.

23 қыркүйекте Александр Лукашенко президент қызметіне кірісті. Ұлықтау рәсімі Минскідегі Тәуелсіздік сарайында жасырын түрде өтті, ел билігі бұл туралы алдын ала хабарламады.

Ұлықтау рәсіміне жүзден аса адам шақырылды. Олардың қатарында жоғары лауазымды тұлғалар, өкілдер палатасының депутаттары және республикалық кеңестің мүшелері, мемлекеттік органдар мен ұйымдардың, жергілікті атқарушы және басқарушы органдардың, республикалық бұқаралық ақпарат құралдары басшылары, ғылым, мәдениет және спорт қайраткерлері бар.

Конституцияға оң қолын қойып, Александр Лукашенко беларусь тілінде ант берді. Содан кейін ол ант беру туралы актіге қол қойды.

Осыдан кейін Беларусь орталық сайлау комиссиясының төрағасы Лидия Ермошина Александр Лукашенкоға мемлекет басшысының куәлігін табыс етті.

Беларусь еліндегі наразылықтар

Жаппай наразылық акциялары Беларусь елінде 9 тамызда президент сайлауы болған күні басталды. Орталық сайлау комиссиясының мәліметінше, сайлауда алтыншы рет Александр Лукашенко жеңіске жетті, ол 80,1% дауыс жинады. Осы күні ресми мәліметпен келіспейтіндердің наразылығы басталды, өйткені олардың пікірінше, сайлау нәтижесі бұрмаланды.

Ресми мәліметтер бойынша, алғашқы күні наразылыққа шыққан 6,7 мыңнан астам адам ұсталды. Республика ішкі істер министрлігі тәртіпсіздік барысында жүздеген адамның зардап шеккенін, олардың ішінде 120-дан астам құқық қорғау органы қызметкері бар екенін хабарлады. Үш наразылық білдіруші қайтыс болды.

0
Кілт сөздер:
Александр Лукашенко