Қазақстан шекарасы, архивтегі фото

Енді қазақстандықтар Ресеймен шекарада басқа құжат көрсетеді

2405
Қазақстан азаматтарынан Ресеймен арадағы шекарада талап етілетін құжаттар тізімінен үй кітапшасы алынып тасталды

НҰР-СҰЛТАН, 26 қыркүйек – Sputnik. Қазақстан-Ресей мемлекеттік шекарасы маңындағы аумақтарда тұратын қазақстандықтар енді шекарадан өткен кезде жеке куәлікпен бірге мекенжай анықтамасын да көрсетеді, деп хабарлайды Sputnik Қазақстан тілшісі.

Сенаттың жалпы отырысында "2006 жылғы 3 қазандағы Қазақстан және Ресей шекара маңындағы аумақтары тұрғындарының Қазақстан-Ресей мемлекеттік шекарасын кесіп өту тәртібі туралы келісімге өзгерістер енгізу туралы хаттаманы ратификациялау туралы" заң жобасы қаралды.

Сыртқы істер министрінің міндетін атқарушы Марат Сыздықовтың айтуынша, хаттама шекара маңындағы аумақтарда тұратын қазақстандықтардың өту үдерісін жеңілдетуге және тәртіпке келтіруге бағытталған.

"Қазақстанның ішкі заңнамасындағы өзгерістерге, яғни азаматтарды тіркеуді есепке алу кітабының (үй кітапшасы) орнына мекенжай анықтамасының енгізілуіне байланысты, бұл құжаттарды тиісті хаттама арқылы келісімге енгізу қажеттілігі туды. Құжат жергілікті тұрғындарға шекарадан жеке куәлігі мен мекенжай анықтамасын көрсету арқылы өтуге мүмкіндік береді", - деді ол.

Айтуынша, бүгінде Ресеймен шекарада 51 ресми бақылау-өткізу бекеті бар. Олардың 30 –автокөлік, 20 – теміржол және біреуі – өзен арқылы өтетін пункт.

Сыздықов Ресей тарапы 2019 жылдың 12 сәуір айында хаттаманың күшіне енуі үшін қажетті мемлекетішілік рәсімдерді аяқтағанын хабарлады. Хаттаманы қабылдау мемлекеттік бюджеттен қосымша шығындарды талап етпейді.

Тағы оқыңыз: Қырғыз-тәжік шекарасындағы қақтығыстың видеосы жарияланды

Айта кетсек, хаттама 2018 жылғы 9 қарашада Петропавлда жасалған. Қолданыстағы келісімге сәйкес шекараны кесіп өту кезінде Қазақстан азаматтары өзімен бірге жеке куәлігі немесе төлқұжатын, сондай-ақ азаматтарды тіркеу кітабынан көшірмені көрсетуі тиіс еді. 2011 жылдан бастап Қазақстанда азаматтарды тіркеуді есепке алу кітабы алынып тасталған. Осыған байланысты келісімге хаттаманың 1-бабымен өзгерістер енгізіліп отыр. Оған сәйкес жеке куәлікке (төлқұжатқа) шекара маңындағы аумақтың елді мекенінде тұрғылықты жері бойынша тіркелгенін растайтын, уәкілетті мемлекеттік орган берген мекенжай анықтамасы қоса берілуі тиіс.

Сенат депутаттары заңды бірауыздан қабылдады.

2405
Кілт сөздер:
құжат, Ресей, шекара
Тақырып бойынша
"300 жылқы ұстадық": Шекарашылар қырғыз кәсіпкерлерінің қулығын әшкереледі 
Қазақстан Қытайдан қанша қарыз алады – парламент заң қабылдады
Қырғыз шекарашылары Қазақстан азаматын атып өлтірді
Назарбаевтың тапсырмасы: Асқар Мамин Астана түбіндегі елді мекендерді аралады
Қырғызстан мен Тәжікстан шекарасында атыс болды
Дәріхана, архивтегі сурет

COVID-19: министр қандай дәрілер көмектеспейтінін айтты

194
Министр қазіргі уақытта көптеген адамдар дәрігерден кеңес алмай, өзін-өзі емдеумен айналысып жатқанын айтты

НҰР-СҰЛТАН, 5  шілде – Sputnik. Денсаулық сақтау министрі Алексей Цой коронавирус инфекциясынын айықтырмайтынын дәрілерді атады, деп хабарлайды Sputnik Қазақстан тілшісі.

"Мысалы, қазір бәрі "Цефтриаксон" деген бактерияға қарсы препаратты іздейді. Алайда Қазақстанда осы дәрінің 30-ға жуық атауы тіркелген. Соның ішінде "Цефаксон", "Аксон", "Белацеф", "Севацеф", "Сертоцеф", "ЦЕФ-триаксон", "Ротацеф", "Медаксон", "Зибан", "Цефасон", "Рацифин" және тағы басқа аналогтар бар", - деді Цой бүгінгі онлайн брифингте. 

Министрдің айтуынша, вирусқа қарсы препараттар да солай. Қазір көбі "Ингавирин" іздейді. Алайда осы іспетті 23 аналог бар. Олар – "Кагоцел", "Грипповир", "Пановир", "Арбидол", "Амиксин", "Тамифлю", "Ремантадин", "Флустоп", "Намидес", "Арпефлю" және тағы басқа дәрігер. 

"Вирусқа қарсы препараттар көп. Алайда ол дәрілер коронавирусты емдеу схемасына кірмейді. Қазір халық оның бәрін жаппай сатып алып жатыр. Бірақ онымен коронавирус инфекциясы емделмейді. Ондай дүрбелең туғызбау қажет. Себебі адамдар дәрігерлерден кеңес алмай, ол препараттарды сатып алады да, өзін-өзі емдеумен айналысады. Оның коронавирусқа қарсы көмегі болмайды", - деп атап көрсетті Цой.

194
Тақырып:
Коронавирус эпидемиясы
Коронавирус, тест

Қазақстанда коронавирустан қайтыс болғандар саны артты

251
Бұған дейін денсаулық министрлігі коронавирустан қайтыс болғандар статистикасын әр аптаның соңында жариялау туралы шешім қабылдаған болатын

НҰР-СҰЛТАН, 5  шілде – Sputnik. Денсаулық сақтау министрі Алексей Цой коронавирус инфекциясынан қайтыс болған науқастардың жалпы санын жариялады, деп хабарлайды Sputnik Қазақстан тілшісі.

"Бүгінде коронавирус инфекцияның 47 171 жағдайы тіркелген. Бір тәуліктің ішінде 1 452 науқас анықталды. Күнделікті өсім 3,2 процентті құрап отыр. Қайтыс болғандардың саны - 232 адам, бір тәуліктің ішінде, шамамен, 18 науқас", - деді Цой бүгінгі онлайн брифингте. 

Министрдің айтуынша, Қазақстанда коронавирусқа екінші рет шалдығу жағдайлары тіркелген жоқ. Кей кезде тесттің нәтижесі қате шығады.  

Айта кетейік, бұған дейін денсаулық министрлігі коронавирустан қайтыс болғандардың статистикасын әр аптаның соңында жариялау туралы шешім қабылдаған болатын. Себебі науқастардың неден қайтыс болғанын анықтау үшін зерттеу жүргізу керек.

251
Тақырып:
Коронавирус эпидемиясы
Тақырып бойынша
"Бұған жол беруге болмайды": Тоқаев жұртты алаңдатқан мәселе туралы айтты
"Бір апта ауырды": қазақстандық актер қайтыс болды
Маңғыстау әкімдігі желіде тарап кеткен видеоға қатысты түсініктеме берді
Шымкенттік дәрігер президентке үндеу жолдады - денсаулық министрі жауап берді 
Қазақстанда ПЦР-тестке 34 миллион доллар бөлінеді