Аружан Саин

Аружан Саин барлық балалар үйін жауып тастамақшы

242
(Жаңартылды 13:42 27.09.2019)
Бала құқықтары жөніндегі уәкілдің пікірінше, мемлекеттік балалар үйлерін кәсіби фостерлік отбасылармен алмастыру тиімді

НҰР-СҰЛТАН, 27 қыркүйек – Sputnik. Бала құқықтары жөніндегі уәкіл Аружан Саин балалар үйлерін жауып тастаудың тиімді жолын жариялады, деп хабарлайды Sputnik Қазақстан тілшісі.

"Бүгінде республика бойынша 109 балалар үйі мен интернат бар. Сол жерде шамамен 5 000 бала қалды. Ол көп емес. Негізі, балалар үйлерін толығымен жауып тастауға болады. Ол үшін мемлекеттік мекемелерді кәсіби фостерлік отбасылармен алмастыру қажет. Бүгінде әлемнің бәрі бұл мәселені солай шешіп жатыр. Олар барлық интернатты жауып тастады. Ал ата-атанасыз қалған бала интернатқа емес, кәдімгідей кәсіби отбасыға түседі. Сол отбасы мемлекетке жұмыс істейді", - деді Саин астанада өткен баспасөз мәслихатында.

Тағы оқыңыз: Аружан Сайын шетелдіктерге бала сатты деп айыптағандарға жауап берді 

Оның айтуынша, фостерлік отбасылар арнайы дайындықтан өтеді. Сөйтіп, кәсіби ата-аналар асыраусыз қалған балаға жеке-дара қарап, тәрбие беріп отырады. Бұл – өте тиімді әдіс. Себебі балалар үйінде қызметкерлер әрбір балаға жеке-дара қарай алмайды. Бәрі кезекпен жұмыс істейді. Ал балаға жеке қамқорлық қажет.

"Сондықтан фостерлік отбасылардың тәжірибесі өте тиімді. Бала сол отбасыда болғанда тиісті мемлекеттік органдар оның ата-анасымен жұмыс істей алады. Бәлкім, олар өз баласын қайта алады, болмаса, тұрақты бір отбасының асырауына беруге болады. Патронат та бар. Мен осы бағытта жұмыс істеуге мүдделімін", - деп атап көрсетті Саин.

Уәкілдің сөзіне қарағанда, қазіргі кезде осы мәселені балалар үйінің қызметкерлеріне айтқанда мамандар жұмыссыз қаламыз деп қорқады. Алайда осы мәселені де шешуге болады.

"Қазір патронатты тәрбиеші деген форма бар. Ол адамдарға ақша да төленеді. Еңбек өтіліне қарай 35-60 мың теңгенің айналасында. Мен айтамын, сіздер қазір балалар үйінде 20-30 балаға қарайсыздар, ал бір-екі баланы отбасыға алуға болады ғой. Сол үшін ақша алып, балабақша тәрбиешісі болып қатар жұмыс істеуге мүмкіндік бар", - дейді Саин.

Оның есебіне сәйкес, Қазақстанға шамамен 350-500 фостерлік отбасы қажет. Себебі жыл сайын 1 500 бала ата-анасының асырауынсыз қалып жатады. Сонда бір фостерлік отбасы 3-5 баланы алса, қазіргі интернат мәселесін толығымен шешуге болады.

242
Кілт сөздер:
Аружан Сайын, балалар үйі
Тақырып бойынша
Тоқаев Аружан Саинды жаңа қызметке тағайындады
Аружан Саин: дәрігерлерді оқытудан гөрі баланы емдеуге ақша жинау жеңіл
Аружан Саин жарақаты салдарынан азап шегіп жүрген балаға көмектесуді сұрайды
Тоқаев Аружан Сайыннан балалар омбудсмені қызметінде не күтетінін айтты
Дәрігерлер, архивтегі сурет

Айнұр Тұрсынбаева желіде жазба жариялады - басы дауға қалған компания жауабы

227
Бүгін Тұрсынбаева өзінің әлеуметтік желідегі парақшасында халықтан жиналған ақшаға Түркияда 125 жасанды тыныс алу аппараты сатып алынғанын жариялады. Алайда оны жеткізу мен таратуда қиындық туындағанын айтты

НҰР-СҰЛТАН, 10 шілде – Sputnik. "СК-Фармация" компаниясы айтыскер ақын Айнұр Тұрсынбаеваның үндеуіне жауап берді, деп хабарлайды Sputnik Қазақстан тілшісі. 

"СК-Фармацияның" баспасөз қызметі компания гуманитарлық көмекті қабылдаудың бірыңғай операторы болып саналатынын жеткізді. Алайда қайырымдылық көмек тек компания арқылы жасалуы керек деген шарт жоқ. Қайырымдылық жасайтын адамдар оны өздігімен де жасай алады. 

"СК-Фармацияны" гуманитарлық көмекті қабылдаудың бірыңғай операторы ретінде белгілеудің негізгі мақсаты – медициналық препараттар мен бұйымдарды тарату және дер кезінде жеткізу. Ондайда дәрі-дәрмектерді сақтау мен тасымалдаудың өзіндік талаптары болады. Ол үшін компанияда логистикалық желі бар. Бұдан бөлек, "СК-Фармацияның" құрылымдық бөлімшелері медициналық препараттарды кедендік рәсімдеу мен рұқсат құжаттарын алуға көмектеседі. Алайда бұның барлығы басқа адамдардың біреуге көмек көрсетуіне шектеу бола алмайды", - дейді мамандар. 

Айта кетсек, бүгін Айнұр Тұрсынбаева өзінің әлеуметтік желідегі парақшасында халықтан жиналған ақшаға Түркияда 125 жасанды тыныс алу аппараты сатып алынғанын жариялады. Алайда оны жеткізу мен таратуда қиындық туындағанын айтты. 2 тонна жүкті тұтас жеткізетін мүмкіндік болмаған. Осыған орай, айтыскер президенттен, денсаулық министрі мен қорғаныс министрінен көмек сұрады. Ол тыныс алу аппараттарын Қазақстанға жеткізгеннен кейін тарату жұмысын өздеріне тапсыруды сұрады. Себебі СК "Фармация" компаниясына сенім жоқ екенін айтты.

"Біз алған аппаратты Қазақстанға барған соң СК "Фармация" деген мекеме қабылдап алады. Ол мекемеге халық та, халықтан ақша жинаған белсенділер де сенбей отыр. Осы аппараттарды таратудың билігін өзімізге берсеңіздер екен. Қорғаныс министрлігі арнайы ұшақ жіберсе, тұтас апаруға болады", -дейді Тұрсынбаева.

Посмотреть эту публикацию в Instagram

Публикация от Айнұр Тұрсынбаева (@aidyn_nury)

Оның сөзіне қарағанда, Түркиядағы зауытпен екі аптада арзан бағаға 500 аппарат сатып алуға келісім жасалған. Оның ақшасын да жинауға мүмкіндік бар. 

Тыныс алу аппаратарына ақша жинауға көмектесіп жүрген блогер Дәулет Төлеутайұлы да өз парақшасы арқылы бейнеүндеу жолдады. Оның айтуынша, 125 аппараттың ақшасы бір күнде жиналды. Ал вице-министр Людмила Бюрабекова ондай көмекті жеткізудің тәртібін түсіндірген.  

"Маған вице-министр Людмила Витальевна хабарласты. Ол маған елдегі заңды түсіндірді, яғни, заң аясында сол "СК-Фармация" қабылдайды екен немесе әрбір елдімекеннің әкімшілігімен біз келісімшартқа отыруымыз керек екен. Бұның барлығы уақыт алады, бюрократия. Бүгінде "СК-Фармация" халықтың сенімінен айырылып отыр. Біз 125 аппаратты 125 елдімекенге таратқанда 125 әкіммен келісімшарт жасасақ, уақыт жоғалтамыз", - дейді Төлеутайұлы.  

227
Аурухана, архивтегі сурет

Қазақстандағы "белгісіз пневмония": министр Тоқаевтың сауалына жауап берді

331
(Жаңартылды 21:36 10.07.2020)
Денсаулық сақтау министрі Алексей Цой биыл елде түрлі пневмонияға шалдыққандар саны күрт артқанын айтты

НҰР-СҰЛТАН, 10 шілде — Sputnik. Қазақстан президенті Қасым-Жомарт Тоқаев денсаулық сақтау министрінен Қазақстандағы "белгісіз пневмония жағдайлары" туралы сұрады.

"Біздің елде пневмонияның белгісіз түрі өршігені туралы ақпарат тарап жатыр. Ол біздің статистикада көрсетілмей жатқаны айтылады. Бұл қандай пневмония?" - деп сұрады Тоқаев үкіметтің кеңейтілген отырысында.

"2020 жылдың бірінші жартыжылдығында 98 546 адам пневмонияға шалдықты. Өсім - 55,4%", - деп жауап берді Цой.

Мемлекет басшысы бұл пневмония салдарынан қанша адам қайтыс болғанын нақтылады.

"Бірінші жартыжылдықта 1772 жағдай тіркелді. Өткен жылы (бір жылда) 1 780 адам қайтыс болды", - деді Алексей Цой.

Президент бұл төтенше жағдай екенін айтты. 

"Сонда жағдай төтенше деген сөз бе? Көп адам қайтыс болды, мұны мойындау керек", - деді Тоқаев.

331