Құжаттар, архивтегі сурет

Министр Біртанов алматылық дәрігерлердің ісіне қатысты пікір білдірді

225
Денсаулық сақтау министрі дәрігерлерді қамауға алу шарасымен келіспейтінін жеткізді. Ол кәсіби мамандар жұмыстан шеттетілмеуі керек деп отыр

НҰР-СҰЛТАН, 27 қыркүйек – Sputnik. Денсаулық сақтау министрі Елжан Біртанов Алматыдағы бас дәрігер мен анестезиологтың ісіне қатысты пікір білдірді, деп хабарлайды Sputnik Қазақстан тілшісі.

Министрдің айтуынша, қылмыстық іс кәсіби міндеттерді тиісті деңгейде орындамау бойынша қозғалған болатын. Енді, барлық тергеу шаралары заң аясында атқарылуы шарт. Біртанов осы мәселені өз бақылауына алды. Себебі толыққанды сараптама жасалып, өлімнің нақты себебі анықталуы шарт.

"Дәрігерлердің тарапынан қателік болды ма? Олар шынымен де өз міндеттерін тиісті деңгейде орындаған жоқ па? Бәлкім, солай болған шығар. Бірақ адам өлімі содан болды ма? Осыны анықтау қажет. Ол үшін тиісті органдар бар. Бас прокуратура да осы жағдайды бақылауда ұстап отыр деп ойлаймын", - деді Біртанов үкімет үйінде өткен баспасөз мәслихатында.

Министр дәрігерлерді қамауға алу шарасымен келіспейтінін де жеткізді. Себебі екеуі де кәсіби маман және өз жұмысын жалғастыруы қажет.

"Меніңше, бас бостандығынан айыру сияқты шараны қолданудың қажеті жоқ. Дәрігерлер өз жұмысын жалғастыра беруі керек. Себебі олардың кәсіби дайындығы да, біліктілігі де жақсы. Мемлекет басшысының үн қатқанына да қуаныштымыз. Енді қылмыстық кодекс бойынша тергеу шараларын өткізу керек. Олардың кінәсі дәлелденсе, сот өз шешімін шығарады", - деді Біртанов.

Оның айтуынша, Қанат Тезекбаев қамауға алынғанға дейін бас дәрігер қызметінен кеткен болатын. Ал мұндай шешімді министрлік емес, жергілікті билік, яғни Алматы қалалық денсаулық сақтау басқармасы қабылдайды.

"Біз біреуді жұмысқа алып, шығара алмаймыз. Білуімше, заң бойынша оның (Қанат Тезекбаев - Sputnik Қазақстан) әкімшілік жұмыспен айналысуына әзірше шектеу жоқ", - дейді Біртанов.

Алматылық дәрігерлердің ұсталуы

Алматыда №4 қалалық клиникалық ауруханасының бас дәрігері Қанат Тезекбаев ұсталған болатын. №2 мамандандырылған ауданаралық тергеу соты екі айға қамауға алу түріндегі бұлтартпау шарасын таңдаған.

Дәрігерге қылмыстық кодекстің 317-бабының 3-бөлігі ("Медициналық немесе фармацевтикалық қызметкердің кәсіби міндеттерін тиісті деңгейде орындамауы")  бойынша айып тағылды. Тезекбаевтың бас дәрігер қызметінен уақытша шеттетілгені хабарланды.

Тағы оқыңыз: "Темір көрініп тұр". Алматыда ота жасатқан әйел өз көзіне өзі сенбеді

Сондай-ақ, сот санкциясымен №4 қалалық клиникалық ауруханасының анестезиологы Асқар Тұңғышбаев та екі айға қамауға алынды. Ол да осы бап бойынша айыпталып отыр.

Егер кінә дәлелденсе, үш жылға дейін белгілі бір лауазымды атқару немесе белгілі бір қызметпен айналысу құқығынан айырылып, бес жылға дейін сотталуы мүмкін.

Тоқаевтың тапсырмасы

Мемлекет басшысы Қасым-Жомарт Тоқаев Қанат Тезекбаев пен Асқар Тұңғышбаевтың ұсталуына қатысты істі бақылауға алды. Бұл туралы президент Twitter-де жазды.

​Бұған дейін желіде Тезекбаевтың ұсталуы Нұрсұлтан Күдебаевтың өлімімен байланысты болуы мүмкін екені жазылған хат тараған еді. Алматы полиция департаментінің басшысы Серік Күдебаевтың ұлы Нұрсұлтан Күдебаев биыл тамыздың басында Алматы облысында квадроциклмен жол апатына түскен болатын. 27 тамызда жас жігіт Германиядағы емханалардың бірінде көз жұмды.

Дәрігерлер босатылды

Осыдан екі күн бұрын Алматы қалалық сотының қылмыстық істер жөніндегі сот алқасы Қанат Тезекбаевқа қатысты бұлтартпау шарасын өзгертті. Алматыдағы № 4 қалалық аурухананың бас дәрігері Қанат Тезекбаев ешқайда шықпау туралы қолхатпен босатылды.

Cондай-ақ, бұл соңғы шешім және шағым түсірілмейтіні хабарланған. Анестезиолог Асқар Тұңғышбаев та қолхатпен босатылды.

225
Кілт сөздер:
пікір, бас дәрігер, Елжан Біртанов, министр
Тақырып бойынша
Ақтауда жазықсыз сотталған дәрігер: "Апаны жазғырмаймын, ісім судьямен болсын"
"Миға ірің шабады": дәрігер ешкім елемейтін сырқаттың аса қауіпті екенін айтты
Елордалық дәрігер тұмауды емдегенде жіберілетін аса қауіпті қателікті атады
Шымкентте толғағы қысқан келіншек пен дәрігер билеп жүр - жұртты таңғалдырған видео
Тоқаевтың мәлімдемесінен кейін бас дәрігер босап шықты
Ақша, архивтегі сурет

Ірі көлемде пара алған әкім орынбасары қамауға алынды видео

11
Алматы облысындағы Қарасай ауданы әкімнің орынбасары 33,5 миллион теңгені заңсыз сыйақы ретінде алды деген күдік бар

НҰР-СҰЛТАН, 4 маусым – Sputnik. Сыбайлас жемқорлыққа қарсы іс-қимыл қызметі жергілікті биліктің бірнеше өкіліне қатысты сотқа дейінгі тергеуді бастады, деп хабарлайды Sputnik Қазақстан тілшісі.

Алматы облысында Қарасай ауданы әкімінің орынбасары аса ауыр сыбайлас жемқорлық қылмысы үшін ұсталды. Тергеуші Данияр Биғайдаровтың айтуынша, әкімінің орынбасары мемлекеттік сатып алулар кезінде қамқорлық жасаған. Ол кәсіпкерден пара алғаны үшін айыпталып отыр.

"Жол картасы 2020" бағдарламасы аясында кезекті құрылыс нысаны бойынша рәсімделген келісімшарттың жалпы құны 660 миллион теңге болған. Әкімнің орынбасары осы ақшадан 33,5 миллион теңгені заңсыз сыйақы ретінде алды деген күдік бар. 

 "Бұдан бөлек, Алматы облысында Кербұлақ ауданы әкімі аппаратының жетекшісіне қатысты сотқа дейінгі тергеу басталды. Шенеунік жекеменшік фирма өкілімен бірге 5 миллион теңге көлемінде бюджет қаражатын жымқырғаны үшін айыпталып отыр. Ол ақша жұмыспен қамтудың жол картасы аясында бөлінген болатын", – деді Биғайдаров бүгінгі онлайн брифингте.

Ал Қарағанды облысы Жаңарқа ауданындағы Атасу кентінде әкім аппаратының лауазымды тұлғалары балабақша құрылысына бөлінген бюджет қаражатын жымқырды деген күдікке ілінді. Осылайша, "Ер төстік" сәбилер балабақшасының құрылысына бөлінген 5 миллион теңге қолды болды.

Оқи отырыңыз: Нұр-Сұлтанда басқарма басшысын ұстау сәтінің видеосы жарияланды

Сондай-ақ, Қарағанды қаласының жер қатынастары, сәулет және құрылыс бөлімінің басшылығы мен Шет аудандық құрылыс бөлімінің қызметкерлеріне қатысты сотқа дейінгі тергеу басталды.

11
Кілт сөздер:
пара, парақорлық, пара алу
Тақырып бойынша
Қостанай облысында пара алған полицей видеоға түсірілді
Блок-бекетте пара алған шенеуніктерге қатысты сот үкімі шықты
СҚО-да карантинде кедергісіз жүру үшін полицей 1 миллион 300 мың пара алған
Аса ірі көлемде пара алған басқарма төрағасына қатысты тергеу басталды
Пара ретінде темекі алған полицейдің үстінен іс қозғалды
Зорлық-зомбылық

"Ұруға болады": бірнеше әйел алғысы келетін оқытушы мәлімдемесі желіні шулатты

150
(Жаңартылды 15:11 04.06.2020)
Ұлттық университет оқытушысының әйелдерге қатысты айтқан пікірі туралы ақпарат тексеріледі. Оның өзін "исламист, ұлтшыл, гомофоб, жидофоб" деп атады деген мәліметтің де рас-өтірігі анықталады

АЛМАТЫ, 4 маусым – Sputnik. Еуразия ұлттық университетінде оқытушы Ерлан Сүлейменнің айтқан сөзінен кейін тексеру жүргізіледі.

Ер адам Facebook желісінде "әйелдерді ұрып-соғуға болады және солай істеу қажет" деп пікір қалдырған. Скриншоттарға қарасақ, ол "әйелдер тіпті өздерінің жүктілігін де зерттей алмады" деп сынаған.

Оқытушының әйелдер жайлы пікірі

Жас ғалымдар альянсының төрағасы Әсия Ермұхамбетова Ерлан Сүлейменов екеуінің пікір алмасқан фотосын жариялады. Ол Лев Гумилев атындағы Еуразия ұлттық университетінде жұмыс істейтін оқытушының сексистік, ұлтшылдық және арандатушылық тудыратын пікір жазғанын айтты.

Бастапқыда бойжеткен Ұлттық қоғамдық сенім кеңесінің отырысында білім беру мәселелерін негізінен ер адамдар талқылағанын жазды. Ал оған Ерлан Сүлейменов бірден жауап берді.

"Әйелдер өмір бойы өз жүктілігін зерттей алмай келеді. Қанша лайық болса, соншасы қатысып отыр", - деді ол.

 

Өзін исламист деп атап, жақша ішіне "көп әйел алуды қолдаймын, әйелдерді ұрып-соғуға болады және кейде ұру да керек" деп жазды.

Осы жағдайды ЕҰУ Sputnik Қазақстан ақпарат агенттігіне түсіндірді.

"Университет өз қызметінде кез келген түрде адамды кемсітуге мүлдем төзбейді. ЕҰУ Ерлан Сүлейменнің дінге және басқа да мәселелерге қатысты жеке пікірін қолдамайды", - деп жауап берді.

Аталған жағдай Еңбек кодексі аясында талқыланады, карантиндік шаралар алынып тасталған соң университетте ішкі тексеру жұмыстары жүргізіледі, деп нақтылады оқу орны.

"Университет пен Ерлан Сүлеймен арасындағы қарым-қатынас Қазақстанның еңбек заңнамасымен реттеледі. Барлық қызметкер оқытушылардың корпоративтік мәдениет кодексінің нормаларын сақтауға міндетті", - деп қосты университет.

Сонымен қатар оқу ордасы университетте нәсілдік, этникалық, діни, әлеуметтік ымырасыздық пен ерекшеліктерді насихаттау, милитаристік және халықаралық құқық пен гуманизм принциптеріне қайшы келетін өзге де идеяларды таратуға тыйым салынғанын атап өтті.

Қазір университет оқытушылары, оның ішінде Ерлан Сүлеймен де қашықтан жұмыс істеу форматына ауыстырылған.

ЕҰУ сайтында Ерлан Сүлейменнің химия ғылымдарының кандидаты, PhD, қолданбалы химия институтының жетекшісі екені көрсетілген.

Қыздарды маркерге теңеді

2020 жылдың наурызында абайтанушы, филология ғылымдарының кандидаты Омар Жәлел Тараздағы Назарбаев зияткерлік мектебінде мектеп оқушыларын оқуға емес, бала тууға үндеді. Дәріс кезінде қыздарды кеуіп қалатын маркерге теңеген болатын. 

Абайтанушының айтқан сөзі мектеп оқушыларының ашуына тиді. Мектептің 11-сынып оқушысы Instagram желісінде пікірін жазып, оның бұл сөзімен келіспейтінін жеткізді. Мектеп әкімшілігі де оқушының позициясын қолдады.

"Қыз мұраты – кету" дегенді біз ұмыттық. Соның салдарынан қазір біздің қыздарымыз "менің мұратым – оқу" деп ұғады. Сол себепті қазір қазақтың қыздары оқу қуып, тұрмысқа шықпай жатыр. Соның кесірі біздің демографияға кері әсер етіп, халықтың саны өспей жатыр. Мен "ұлдың мұраты – елге қызмет ету, ал қыздың мұраты – ерге қызмет ету" деп айттым", - деп түсіндірді сөзін Омар Жәлел.

150
Кілт сөздер:
мәлімдеме, оқытушы, әйелдер
Тақырып бойынша
Алматыда белгілі әртістің әйелі күйеуінен көрген қорлығын жайып салды
"Құл секілді ұстады" Төрт күйеуінен де талақ естіген шымкенттік әйелдің жанайқайы
"Әйелдің бәрі - жезөкше": қыз-келіншектерді аяусыз өлтірген атышулы қанішерге үкім шықты
Омар Жәлел оқушылардың ашуына тиген дәрісіне қатысты түсініктеме берді
Күйеуі ұрып-соғатын әйелдер өзін қалай қорғай алады - мамандар кеңес берді