Архивтегі фото

Білім министрі көпбалалы аналар квота алу үшін не істеу керектігін түсіндірді  

1631
(Жаңартылды 11:34 01.10.2019)
Аймағамбетов квота алу үшін көпбалалы аналар да ұлттық бірыңғай тестілеуден өтіп, шекті балды жинауы керек екенін атап өтті

НҰР-СҰЛТАН, 1 қазан – Sputnik. Білім және ғылым министрі Асхат Аймағамбетов көпбалалы аналарға квотамен грант беру бастамасын түсіндірді, деп хабарлайды Sputnik Қазақстан тілшісі.

Министрдің айтуынша, бүгінде білім беру гранттары таратылғанда мүгедектерге, я болмаса, жетім балаларға квота беріледі. Тура сондай квота көпбалалы аналарға да бөлінетін болады.

Тағы оқыңыз: Қазақстанда 1 қаңтардан бастап әйелдердің зейнет жасы ұлғаяды 

"Мысалы, көпбалалы ана оқуға түсемін, грант аламын десе, құжаттарын тапсырады. Сол адамдарға арналған квота болады. Квотаның ішінде олар орынды жеңілдікпен алады. Бірақ оны алу үшін де ұлттық бірыңғай тестілеуді тапсыру керек. Ол – бір. Екіншіден, шекті балды жинау керек. Сонда ғана квотаға тапсыруға болады. Дегенмен, квотаға тапсырған адамдар да өзара бәсекеге түсіп, грант үшін таласады", - деді Аймағамбетов Sputnik Қазақстан тілшісіне берген сұхбатында.

Оның айтуынша, әзірше ондай квотаға үлкен сұраныс жоқ. Бұл дегеніміз, оқуға түсемін дейтін көпбалалы аналар аз. Осыған байланысты әзірше квотаның көлемін 1 процент деңгейінде (барлық мемлекеттік тапсырыстың есебінен – Sputnik Қазақстан) бекіту қарастырылып отыр.

"Енді, бүгінде бұл квотаға үлкен сұраныс жоқ. Бірақ көпбалалы аналармен кездескенде осындай ұсыныстар түскен. Жалпы, қазір көпбалалы аналарды жұмысқа тартуымыз керек, оларға білім беруіміз керек деп айтып жатырмыз ғой. Сондықтан осы тұрғыда көпбалалы аналар оқимыз десе, біз ондай мүмкіндік беруге дайынбыз", - деп атап көрсетті Аймағамбетов.

Айта кетейік, мәжілісте "Педагог мәртебесі туралы" заңды таныстырғанда білім министрі халықтың әлеуметтік осал топтарына арналған квотаның бөлінетінін айтқан. Ондай жеңілдікке  көпбалалы, толық емес, мүгедек бала тәрбиелеп отырған отбасылар, "Алтын алқа" мен "Күміс алқамен" марапатталған аналар ие болады.

Қазіргі кезде білім гранттарын таратқанда мүгедектерге, жетім балаларға, соғыс ардагерлеріне теңестірілген азаматтарға және өзге елден келген қандастарымызға квота беріледі. Биыл көпбалалы және жағдайы төмен отбасылардан шыққан балаларға да қосымша 5 000 грант бөлінген болатын.

1631
Кілт сөздер:
Асхат Аймағамбетов, квота, көпбалалы отбасы
Тақырып бойынша
Қазақстанда көпбалалы аналарға арнайы квота бөлінеді
Егер біз наразы топқа баспана берсек, ертең бәрі митингіге шығады – Абаев
"Ешкім бере алмайды": вице-министр баспана сұрап, бас көтеретін аналарға жауап берді
Аналармен жанжалдасқан әкім орынбасары енді не істейтінін айтты
Кезекке тұрмайды, бірақ баспана талап етеді: елорда әкімдігі митингілер туралы
Вице-министр көпбалалы отбасылар үшін жағымды жаңалықпен бөлісті
ҰБТ, архивтегі фото

Грант иегерлерінің тізімі қашан жарияланатыны белгілі болды

680
(Жаңартылды 17:25 15.08.2020)
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы білім гранты иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.

Оның айтуынша, комиссия отырысы аяқталып, шешім қабылданған.

Грант қалай тағайындалады?

"Бакалавр" дәрежесі бойынша білім гранттары ұлттық бірыңғай тестілеудің немесе кешенді тестілеудің нәтижесіне қарай конкурстық негізде беріледі. Конкурс кезінде Қазақстан тарихы, математика, оқу сауаттылығы (қазақ немесе орыс тілі) және екі бейіндік пәннің ұпай саны ескеріледі. Ал шығармашылық пәндер болса, емтихандардың нәтижесі есепке алынады.

Оқытудың қысқартылған мерзімін көздейтін және жоғары білімнің ұқсас білім беру бағдарламалары бойынша оқуға түсемін деушілердің кәсіптік пәннен және арнайы пәннен жинаған ұпайы ескеріледі. Сол сияқты шығармашылық даярлық бойынша арнайы пән мен шығармашылық емтиханның бағасына қарайды.

Қанша балл жинау керек?

Жоғары білімнің білім беру гранттарын тағайындауға арналған конкурсқа қатысу үшін шығармашылық даярлықты талап ететін жоғары білімнің білім беру бағдарламаларына түсушілерді қоспағанда, ұлттық университеттерге түсу үшін ҰБТ нәтижесі бойынша кемінде 65 балл жинау керек.

  • "Педагогикалық ғылымдар" бойынша кем дегенде 70 балл;
  • "Ауыл шаруашылығы және биоресурстар" және "Ветеринария" бойынша кемінде 60 балл.

Басқа жоғары оқу орындарына түсуі үшін кемінде 50 балл жинау қажет. Педагогика бойынша ұпай саны 70 болса, медицина мамандықтарына түсу үшін кем дегенде 65 балл алу керек.

Ал шығармашылық даярлықты талап ететін жоғары білімнің білім беру бағдарламаларына түсушілерді қоспағанда, оқытудың қысқартылған мерзімін көздейтін жоғары білімнің ұқсас білім беру бағдарламаларының тобы бойынша білім беру бағдарламалары топтарына түсушілерге ҰБТ нәтижесі бойынша – кемінде 25 ұпай жинау керек.  

Кімге басымдық беріледі?

Конкурс кезінде грантқа үміткерлердің ұпай саны тең болса, басымдық беру шарттары қарастырылған. Олар:

  • "Алтын белгi" белгiсімен марапатталған тұлғалар;
  • техникалық және кәсіптік білім алғаннан кейін мамандығы бойынша кемінде бір жыл жұмыс өтілі бар тұлғалар;
  • тiзбесiн бiлiм беру саласындағы уәкiлеттi орган айқындайтын жалпы бiлiм беретiн пәндер бойынша халықаралық олимпиадалар мен ғылыми жобалар конкурстарының (ғылыми жарыстардың) (бiрiншi, екiншi және үшiншi дәрежелi дипломдармен марапатталған), орындаушылардың халықаралық және республикалық конкурстарының және спорттық жарыстардың (бiрiншi, екiншi және үшiншi дәрежелi дипломдармен марапатталған) соңғы үш жылдағы жеңiмпаздарының, сондай-ақ өздерi таңдаған мамандықтар олимпиадалардың, конкурстың немесе спорттық жарыстың пәнiне сәйкес келген жағдайда, жалпы бiлiм беретiн пәндер бойынша ағымдағы оқу жылында президенттік, республикалық олимпиадалар мен ғылыми жобалар конкурстарының (бiрiншi, екiншi және үшiншi дәрежелi дипломдармен марапатталған) жеңiмпаздары;
  • жетiм балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары;
  • I және II топтағы мүгедектер, жеңілдіктері мен кепілдіктері бойынша Ұлы Отан соғысының қатысушылары мен мүгедектеріне теңестірілген тұлғалар, медициналық қорытындыға сәйкес тиісті білім беру ұйымдарында оқуға қарсы айғақтары жоқ бала кезінен мүгедектер, мүгедек балалар және үздік білімі туралы құжаттары (куәліктері, аттестаттары, дипломдары) бар тұлғалар.
  • Гранттардың 70 проценті жалпы конкурс тәртібімен беріледі, қалған 30 проценті тек ауыл жастары арасынан шыққандарға таратылады.

 

680
Кілт сөздер:
грант тізімі, грант
Алматыдағы Шәмші Қалдаяқов ескерткіші

"Ұлттың баға жетпес байлығы": Тоқаев желіде жазба жариялады

3563
(Жаңартылды 14:34 15.08.2020)
Он бесінші тамызда Қазақстанның халық әртісі, ұлы композитор Шәмші Қалдаяқовтың туғанына тоқсан жыл толды

НҰР-СҰЛТАН, 15 тамыз – Sputnik. Шәмші Қалдаяқовтың шығармашылығы - ұлттың баға жетпес байлығы, дейді президент Қасым-Жомарт Тоқаев.

"Бүгін еліміздің Әнұраны "Менің Қазақстаным" әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы", - деп жазды Тоқаев әлеуметтік желідегі парақшасында.

Шәмші Қалдаяқовтың өмірбаяны

Шәмші Қалдаяқов 1930 жылдың 15 тамызында Оңтүстік Қазақстан облысы Отырар ауданы Шәуілдір ауылында дүниеге келген. Ол бірден өнер жолына түскен жоқ. Әуелі Қапланбектегі ветеринарлық техникумды бітірсе, кейін Сахалиндегі әскери училищені, елге келген соң Ташкент қаласындағы Хамза Ниязи атындағы музыка училищесін, содан соң Құрманғазы атындағы консерваториясының композиторлар дайындайтын факультетінде оқыған.

Шәмші Қалдаяқовтың көптеген әні Роза Бағланова, Ришад Абдуллин, Бибігүл Төлегенова, Рашид Мұсабаев, Зейнеп Қойшыбаева сынды әншілердің репертуарынан берік орын алды. Халық арасында "Менің Қазақстаным" туындысы айрықша мәшһүр болды. Қазақтың музыка өнерінде Шәмшінің орны ерекше 300-ге жуық әні бар. 

Артына музыкалық мол мұра қалдырған Шәмші Қалдаяқов 1992 жылы 62-ге қараған шағында Алматы қаласында қайтыс болды.

1991 жылы Шәмші Қалдаяқов жайлы "Жылдарым менің, жырларым менің" атты ғұмырнамалық деректі фильм түсірілді. Осы жылы композитор Қазақстанның халық әртісі атағын алды.

3563
Кілт сөздер:
Шәмші Қалдаяқов, Қасым-Жомарт Тоқаев