Мәжіліс төрағасы Нұрлан Нығматулин

Назарбаевтың тапсырмасын уақытында орындамағандар Нығматулиннен сөз естіді

588
(Жаңартылды 18:57 09.10.2019)
Елбасы үкіметке "Жас маман" бағдарламасын әзірлеуді осы жылдың қаңтарында тапсырған, алайда білім министрлігіне бір құжатты дайындау үшін тоғыз ай қажет болыпты

НҰР-СҰЛТАН, 9 қазан – Sputnik. Мәжіліс төрағасы Нұрлан Нығматулин мемлекеттік органдардағы бюрократиялық келеңсіздіктер мен қағазбастылық мәселесін көтерді, деп хабарлайды Sputnik Қазақстан тілшісі.

Бүгін мәжілісте "2019-2021 жылдарға арналған республикалық бюджет туралы" заңға өзгерістер енгізу туралы" заң жобасы қаралды. Сұрақ-жауап барысында депутаттар заң жобасында "Жас маман" жобасын жүзеге асыруға қаржыландыру азайғанына назар аударды.

Белгілі болғандай, бағдарламаны жүзеге асыру тәртібін айқындайтын ережелер уақытында бекітілмегендіктен, қаржы қысқартылған.

Нығматулин тұңғыш президент Нұрсұлтан Назарбаев "Жас маман" бағдарламасын әзірлеуді осы жылдың 23 қаңтарында, Жастар жылының салтанатты ашылу рәсімінде тапсырғанын еске салды. Айтуынша, арада тоғыз ай өтсе де, үкімет тапсырманы орындауға кіріскен жоқ.

Тағы оқыңыз: "Мынау масқара ғой": Нығматулин мәдениет министрлігіне шүйлікті

"Тапсырманың орындалмауының басты себебі – сол баяғы қағазбастылық. 23 қаңтарда тапсырма берілді. 31 мамырда, төрт ай өткеннен кейін, осы бойынша үкімет қаулысы қабылданады. 1,5 беттік қаулыны үкімет төрт ай бойы жазып, келіскен. Содан кейін, тағы бір жарым айдан соң білім және ғылым министрлігінің ережелер жобасы әзірленген. Ол тағы екі ай бойы үш министрлік арасында келісілген. Тек 27 қыркүйекте жобаны жүзеге асыру тәртібін бекітетін білім министрінің бұйрығы шықты. Сосын оны әділет министрлігі тіркеген. Қарап отырсақ, бір құжатты келісуге тоғыз ай кеткен. Міне, министрліктің жұмыс істеу стилі. Осы уақыт аралығында әйел дүниеге бала әкеліп үлгереді. Ал сендер бір бұйрықты әзірлей алмай жүрсіңдер", - деп ашуланды спикер.  

Нығматулин мұны бюрократиялық келеңсіздік пен қағазбастылықтың айқын көрінісі деп атады.

"Жастар жылы аяқталуға тақап қалды, ал сендер енді оянып жатсыңдар. Осы жобаның аясында еліміздің барлық облысында студенттер сұранысқа ие 100 мамандық бойынша білім алуы тиіс еді. Алайда жоба әлі басталған да жоқ. Ал мына миллиардтаған қаржы осы уақыт бойы ешкімге керексіз болып жатты", - деді төменгі палата төрағасы.

Ол білім және ғылым министрі Асхат Аймағамбетовтен тәртіп орнатуды өтінді.

"Асхат Қанатұлы, министрлікке енді келгеніңізді бәрі біледі. Қызметке кіріскеніңізге үш-төрт ай ғана болды. Бұл проблема сізге мұраға қалып отыр. Қазір осы мәселені қолға алғаныңыз жақсы, әрине. Қай бағытта жүру керек екенін біліп отырсыз. Сізден тәртіп орнатуды өтініп сұраймын. Министрлікте осыған қай вице-министр жауапты болғанын анықтаңыз", - деді Нығматулин.

Спикер егер кінәлі адамдар "Nur Otan" мүшесі болса, парламенттік фракция партия басшылығына оларды жауапқа тарту ұсынысымен жүгінетінін атап өтті.

"Әріптестер, біреудің енжарлығы мен жауапсыздығын жай ғана кешіре салуға болмайды. Әсіресе, ел басшылығы мен партияның тапсырмаларын орындауға қатысты сөз болғанда", - деді мәжіліс төрағасы.

Білім министрі Нығматулиннің айтқанымен толықтай келісті. Аймағамбетов кінәлі адамдар жазасыз қалмайтынына сендірді.

Тағы оқыңыз: Білім министрі оқуды қызыл дипломмен бітірген мұғалімге жұмыс тауып берді

Айта кетсек, биыл 23 қаңтарда Қазақстанның сол кездегі президенті – Елбасы Нұрсұлтан Назарбаев үкіметке "Жас маман" бағдарламасын әзірлеуді тапсырған болатын.

Мақсат – жаңғыртылған оқу орындары базасында ең қажет индустриялды-сервистік 100 мамандық бойынша мамандар даярлау. Бұдан бөлек, Назарбаев заманауи технологиялармен жабдықталған 10 үздік колледж қажет екенін де атап өткен еді.

588
Кілт сөздер:
білім және ғылым министрлігі, Асхат Аймағамбетов, Нұрлан Нығматулин
Тақырып бойынша
Нығматулин жұмысына жаңадан кіріскен Нұрлан Әлімжановқа ескерту жасады
"Кейін көреміз оны": Нығматулин қарсы дауыс берген депутат жайлы пікір білдірді
"Ұялмаңыздар" Нығматулин Досаевтан айыппұлды көтеруді талап етті
Депутат білім грантының құнын жаңаша есептеуді сұрап отыр
"Бәрі түсінікті": министрден көңілі қалған Нығматулин қолын бір-ақ сілтеді
Білім министрі көпбалалы аналар квота алу үшін не істеу керектігін түсіндірді  
Білім министрі қай мұғалімді үлгі тұтатынын айтып берді
Нығматулин Қазақстанның ет пен сүтті шетелден импорттап отырғанына қапаланды
Дәріхана, архивтегі сурет

COVID-19: министр қандай дәрілер көмектеспейтінін айтты

193
Министр қазіргі уақытта көптеген адамдар дәрігерден кеңес алмай, өзін-өзі емдеумен айналысып жатқанын айтты

НҰР-СҰЛТАН, 5  шілде – Sputnik. Денсаулық сақтау министрі Алексей Цой коронавирус инфекциясынын айықтырмайтынын дәрілерді атады, деп хабарлайды Sputnik Қазақстан тілшісі.

"Мысалы, қазір бәрі "Цефтриаксон" деген бактерияға қарсы препаратты іздейді. Алайда Қазақстанда осы дәрінің 30-ға жуық атауы тіркелген. Соның ішінде "Цефаксон", "Аксон", "Белацеф", "Севацеф", "Сертоцеф", "ЦЕФ-триаксон", "Ротацеф", "Медаксон", "Зибан", "Цефасон", "Рацифин" және тағы басқа аналогтар бар", - деді Цой бүгінгі онлайн брифингте. 

Министрдің айтуынша, вирусқа қарсы препараттар да солай. Қазір көбі "Ингавирин" іздейді. Алайда осы іспетті 23 аналог бар. Олар – "Кагоцел", "Грипповир", "Пановир", "Арбидол", "Амиксин", "Тамифлю", "Ремантадин", "Флустоп", "Намидес", "Арпефлю" және тағы басқа дәрігер. 

"Вирусқа қарсы препараттар көп. Алайда ол дәрілер коронавирусты емдеу схемасына кірмейді. Қазір халық оның бәрін жаппай сатып алып жатыр. Бірақ онымен коронавирус инфекциясы емделмейді. Ондай дүрбелең туғызбау қажет. Себебі адамдар дәрігерлерден кеңес алмай, ол препараттарды сатып алады да, өзін-өзі емдеумен айналысады. Оның коронавирусқа қарсы көмегі болмайды", - деп атап көрсетті Цой.

193
Тақырып:
Коронавирус эпидемиясы
Коронавирус, тест

Қазақстанда коронавирустан қайтыс болғандар саны артты

247
Бұған дейін денсаулық министрлігі коронавирустан қайтыс болғандар статистикасын әр аптаның соңында жариялау туралы шешім қабылдаған болатын

НҰР-СҰЛТАН, 5  шілде – Sputnik. Денсаулық сақтау министрі Алексей Цой коронавирус инфекциясынан қайтыс болған науқастардың жалпы санын жариялады, деп хабарлайды Sputnik Қазақстан тілшісі.

"Бүгінде коронавирус инфекцияның 47 171 жағдайы тіркелген. Бір тәуліктің ішінде 1 452 науқас анықталды. Күнделікті өсім 3,2 процентті құрап отыр. Қайтыс болғандардың саны - 232 адам, бір тәуліктің ішінде, шамамен, 18 науқас", - деді Цой бүгінгі онлайн брифингте. 

Министрдің айтуынша, Қазақстанда коронавирусқа екінші рет шалдығу жағдайлары тіркелген жоқ. Кей кезде тесттің нәтижесі қате шығады.  

Айта кетейік, бұған дейін денсаулық министрлігі коронавирустан қайтыс болғандардың статистикасын әр аптаның соңында жариялау туралы шешім қабылдаған болатын. Себебі науқастардың неден қайтыс болғанын анықтау үшін зерттеу жүргізу керек.

247
Тақырып:
Коронавирус эпидемиясы
Тақырып бойынша
"Бұған жол беруге болмайды": Тоқаев жұртты алаңдатқан мәселе туралы айтты
"Бір апта ауырды": қазақстандық актер қайтыс болды
Маңғыстау әкімдігі желіде тарап кеткен видеоға қатысты түсініктеме берді
Шымкенттік дәрігер президентке үндеу жолдады - денсаулық министрі жауап берді 
Қазақстанда ПЦР-тестке 34 миллион доллар бөлінеді