Көпбалалы аналар, митинг, архивтегі сурет

Депутаттар баласын митингіге ертіп баратын ата-аналарды қамауға алуды ұсынды

93
(Жаңартылды 14:10 10.10.2019)
Мәжілісмендер митингіге қатысу баланың денсаулығы мен психикалық тұрғыдан орнықты дамуына нұқсан келтіретінін алға тартып отыр

НҰР-СҰЛТАН, 10 қазан – Sputnik. Сенат депутаттары кәмелетке толмаған балаларды митингке ертіп апаратын адамдарды 100 АЕК айыппұл салу немесе он тәулікке дейін әкімшілік қамауға алуды ұсынып отыр, деп хабарлайды Sputnik Қазақстан тілшісі.

Сенаттың жалпы отырысында депутаттар "Қазақстанның кейбір заңнамалық актілеріне мемлекеттік қызмет және сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы заң жобасына балаларды митингіге ертіп баратындарды жауапқа тартуды көздейтін норма енгізді.

Сенаттың түсіндірме жазбасында айтылғандай, 2014 жылғы 5 шілдедегі Әкімшілік құқық бұзушылық туралы кодекстің 128-бабы мынадай редакцияда жазылмақ.

"Кәмелетке толмаған адамды Қазақстан заңнамасын бұза отырып өткізілетін жиналыстарға, митингілерге, шерулерге, демонстрацияларға және қоғамдық, топтық немесе жеке мүдделермен қарсылық білдіруге тартуға болмайды. Мұны бұзғандарға 100 айлық есептік көрсеткіш мөлшерінде айыппұл салынады немесе 10 тәулікке дейінгі мерзімге әкімшілік қамаққа алынады", - делінген.

Ал осы іс-әрекеттерді қоспағанда, кәмелетке толмаған баланы әкімшілік құқық бұзушылық жасауға тартқандарға 50 АЕК мөлшерінде айыппұл салынады.

Тағы оқыңыз: "Бізді надан деп ойлайсыздар ма?": Абаев Жаңаөзендегі митинг туралы пікір білдірді

Түсіндірме хатта көрсетілгендей, азаматтар баланы санкцияланбаған митингке шығару арқылы оның денсаулығына және психикалық тұрғыдан орнықты дамуына нұқсан келтіреді.

"Осыған байланысты рұқсат берілмеген акцияларға кәмелетке толмағандарды тартқаны және пайдаланғаны үшін әкімшілік жауапкершілік ұсынылып отыр", - дейді депутаттар.

Айта кетсек, қолданыстағы әкімшілік құқық бұзушылық туралы кодекстің 128-бабында кәмелетке толмаған балаларды әкiмшiлiк құқық бұзушылық жасауға тартқандарға 50 АЕК айыппұл салынатыны айқын жазылған. Енді депутаттар бұл бапқа митингтер мен демонстрацияларды қосып отыр.

Бұған дейін сенат депутаты Сәуле Айтпаева 16 жасқа толмаған балаларын митингіге ертіп шығатын ата-аналарды жауапқа тартуды ұсынған еді.

 

93
Кілт сөздер:
ата-аналар, митинг, балалар, депутаттар
Тақырып бойынша
Митингіде полицейлерге гүл сыйлаған қыздың анасы мән-жайды түсіндірді
6 шілдедегі митинг: полицейлер мен наразы топ қалай әрекет етті – видео
"Көлікпен әдейі қақты": Полицейлер митингіде қалай жарақат алғанын айтты
Мемлекет басшысы қандай жағдайда митинг өткізуге рұқсат етілетінін мәлімдеді
"Сондай күлкілі": Қытай елшісі Жаңаөзендегі митинг жайлы не ойлайтынын ашық айтты
Қасым-Жомарт Тоқаев

Тоқаев жарлыққа толықтыру енгізді

2523
(Жаңартылды 13:50 19.09.2020)
Мемлекет басшысының жарлығы 2023 жылдың 1 қаңтарына дейін шағын кәсіпкерлік субъектілерін тексерулерді тоқтатуды көздейді

НҰР-СҰЛТАН, 19 қыркүйек – Sputnik. Қазақстан президенті Қасым-Жомарт Тоқаев тексерулерге мораторий жариялау туралы жарлыққа толықтыру енгізді, деп хабарлады Ақорданың баспасөз қызметі.

"Қазақстан Республикасында тексерулерге және профилактикалық бақылау мен қадағалауды барып жүргізуге мораторий енгізу туралы" Қазақстан Республикасы президентінің 2019 жылдың 26 желтоқсанындағы № 229 жарлығына мынадай толықтыру енгізілді:   

1-тармақ мынадай мазмұндағы 12) тармақшамен толықтырылсын:

  • "12) мемлекеттік аудит және қаржылық бақылау объектілері.".

Осы Жарлық алғаш ресми жарияланған күнінен бастап қолданысқа енгізіледі.

Еске сала кетейік, президенттің 2019 жылдың 26 желтоқсанындағы № 229 жарлығына сәйкес, орталық мемлекеттік және жергілікті атқарушы органдар
2020 жылғы 1 қаңтардан бастап 2023 жылғы 1 қаңтарға дейін шағын кәсіпкерлік субъектілерін, оның ішінде микрокәсіпкерлік субъектілерін тексерулерді және профилактикалық бақылау мен қадағалауды барып жүргізуді тоқтатты, оған мыналар қосылмайды:

1) халықтың өмірі мен денсаулығына, қоршаған ортаға, заңдылық пен қоғамдық тәртіпке ықтимал түрде жаппай қатер, конституциялық құрылысқа және ұлттық қауіпсіздікке тура немесе тікелей қатер төндіретін заң бұзушылықтарды болдырмауға немесе жоюға бағытталған, сондай-ақ "Қаржы нарығы мен қаржы ұйымдарын мемлекеттiк реттеу, бақылау және қадағалау туралы" 2003 жылғы 4 шілдедегі Қазақстан Республикасының заңында көзделген негіздер бойынша жүргізілетін тексерулер;

2) Қазақстан Республикасының заңнамасында, белгіленген талаптарды бұзу фактілерінің туындау себептерін анықтау үшін, бақылау мен қадағалаудың нақты субъектісіне (объектісіне) қатысты нақты факті бойынша бір жоспардан тыс тексеру жеткіліксіз және осы нақты фактіге байланысты өзге де субъектілерге қатысты бақылау мен қадағалау талап етілетін жағдайларда осы тармақтың 1) тармақшасына сәйкес тексерулер;

3) өз қызметіне қатысты кәсіпкерлік субъектілерінің өтініштері негізінде, оның ішінде "Рұқсаттар және  хабарламалар туралы" 2014 жылғы 16 мамырдағы Қазақстан Республикасының Заңына сәйкес рұқсат алуға арналған өтініш бойынша тексерулер және профилактикалық бақылауды барып жүргізу;

4) 2014 жылғы 4 шілдедегі Қазақстан Республикасының Қылмыстық-процестік кодексінде көзделген негіздер бойынша тексерулер;

5) Қазақстан Республикасы президентінің және Қазақстан Республикасы бас прокурорының тапсырмасы бойынша прокуратура органдарының тексерулері;

6) кедендік тексерулер;

7) қарсы салықтық тексерулер;

8) салық төлеуші мен оның дебиторлары арасындағы өзара есеп айырысуды айқындау, салық органдарында тіркеу есебіне қою, касса бойынша шығыс операцияларын тоқтата тұру туралы салық органы шығарған өкімдерді орындау мәселелері бойынша тақырыптық салықтық тексерулер;

9) халықтың санитариялық-эпидемиологиялық саламаттылығы саласында өнім қауіпсіздігінің мониторингін жүзеге асыру үшін өнімді іріктеу және оған санитариялық-эпидемиологиялық сараптама жасау мақсатындағы профилактикалық қадағалауды барып жүргізу;

10) Қазақстан Республикасының сәйкестiктi бағалау саласындағы аккредиттеу туралы заңнамасының сақталуын тексерулер және профилактикалық бақылауды барып жүргізу;

11) жер қойнауын пайдаланушылар.

2523
Кілт сөздер:
жарлық, Қасым-Жомарт Тоқаев
Тақырып бойынша
Тоқаевтың тапсырмасы: жаңа министрлікті құру үшін қанша ақша керек
Министр мен әкімдердің халыққа есеп беру кездесуіне қатысты өзгеріс жарияланды
Президент екі жаңа агенттік құру жөніндегі жарлыққа қол қойды
Тоқаев Келімбетовке жауапты қызметті сеніп тапсырды
Архивтегі фото

Қазақстанда 2021 жылдан бастап не өзгереді?

2636
Қазақстан үкіметі келесі жылдан бастап сүт және сүт өнімдерін таңбалауды жоспарлап отыр, алайда отандық өндірушілер оған аса қатты құлық танытып отырған жоқ

НҰР-СҰЛТАН, 19 қыркүйек – Sputnik. Қазақстанда 2021 жылдан бастап отандық сүт өндірушілер сүт және сүт өнімдерін таңбалауға міндеттелмек, деп хабарлады КТК.

Елордадан 60 шақырымдай жерде орналасқан өндіріс орнынан шыққан сүт тек бас шаһардың тұрғындарынан ауыспайды. Келесі жылы енгізілетін жаңашылдық цехті сол тұтынушыларынан да айырғалы тұр. Отандық өндіруші сүтті таңбалауға аса қатты құлық танытып отырған жоқ. Себебі, шығыны көп. Бір жылда 55 миллиондай теңге галлограмманы қоюға кетпек.

"Импорт өнім Қазақстанға еркін кіргізіледі. Ал біздің өнімді сыртқа шығару өте қиын. Жаңа ойлап тапқан жобалары талай проблема туғызатынына сенімдімін. Ол пайда әкелмейді. Осы тұрғыда мемлекеттен қолдау болуы шарт. Олар ұсынған қызмет ақысы ертеңгі күні өсіп кетпеуі керек. Себебі, біздікілер қызба, басында басқаны айтып, кейін айтқанынан тайқып, қызметті қымбаттатып жібереді", - дейді ауыл шаруашылығы өнімін өндіруші Иван Сауэр.

Біздің нарықтағы сүт өнімдерінің 67 пайызы Еуразиялық экономикалық одаққа мүше елдерден импортталады. Ал Қазақстанның экспорт үлесі тек 9,3 пайыз. Сыртқа шығарғанымыздан, ішке кіргізгеніміз басым. Егер таңбалау енгізілсе, елдегі ірілі-ұсақты өндірістер тұралауы әбден мүмкін. Сәйкесінше тауар құны да қымбаттайды. Әзірге 9 пайыз деген болжам бар.

Күн сайын мұнда 50 тонна сүт өндіріледі. Зауыттан шығарылатын бір қаптамадағы сүттің бағасы 230 теңге. Әрі қарай сауда орындары бұған өз пайызын қосады. Сарапшылар таңбалау басталса, бір қаптамадағы сүтке 1-ден 5 теңгеге дейін қосымша құн қосылады дейді. Ол әлі де нақты бағасы емес. Бұл тұтынушылардың қалтасын қағары сөзсіз.

Жаңашылдықты жаны қалағандар болса, контрафактіден құтылу үшін таңбалау керек дейді. Алайда сарапшылар бұл "тауар түрін жымысқы әрекетпен шекара асыру мүмкін емес" деген пікірде.

Оқи отырыңыз: Алматыда сұранысқа ие бес тауардың бағасы төмендеді 

Зерттеулерге сүйенсек, контрабандалық жолмен сүтті тасу тек 0,1 пайызға жетер жетпес. Салаға жауапты шенеуніктер белгіні енгізудің тиімді тұсын айтып тауысар емес.

"Ресей Федерациясында сүтті таңбалау жүргізіліп жатыр. Ал Қазақстан 2021 жылға дейін бір шешімге келеді. Сүтті таңбалау арқылы оның тиімді тұстарын, өндірістік қуаттылықтың қаншаға артқанын, контрафактінің қалай азайғанын көреміз деп ойлаймын. Екі ел арасында таза, контрафактілік емес, азық-түлік қауіпсіздігі мен елдің қазыналық саясатының талаптарына сай келетін өнім өткізіледі", - дейді ауыл шаруашылығы министрлігінің департамент директоры Бернат Алпысбеков.

Қазақстанда таңбалаумен, оның ішінде қондырғы әкелу, басқа да жұмыстар ұлттық оператор ретінде танылған "Қазақтелекомға" жүктелген.

Пилоттық жоба ретінде солтүстік қазақстандық және қостанайлық сүт фермасы алыныпты. Нәтиже қандай болары уақыт еншісінде.

2636
Кілт сөздер:
Қазақстан, сүт өнімдері
Тақырып бойынша
"Екі есе қымбаттады": алматылықтар қандай өнімдерді жаппай сатып алып жатыр
Иммунитетті нығайту үшін қандай дәрумендер қажет?
Қазақстанда әлеуметтік маңызы бар азық-түлік бағасын көтеруге тыйым салынады
Қазақстанда сүт қымбаттады
Өрт сөндіру көлігі, архивтегі фото

"Бізді басып озбақ болды": Өрт сөндіру көлігі аударылып, жүргізуші көз жұмды

0
(Жаңартылды 15:18 19.09.2020)
Оқиғаға куә болған басқа жүргізуші өрт сөндіру көлігі өзін басып озбақ болғанын, алайда сол қанатқа соғылып, содан кейін бірнеше рет аударылып түскенін айтты

НҰР-СҰЛТАН, 19 қыркүйек – Sputnik. Қайғылы оқиға кеше сағат 19.00 шамасында Батыс Қазақстан облысындағы тас жолда болды, деп хабарлады "Мой город" сайты.

Апат куәгері, ВАЗ-2114 көлігінің жүргізушісі Жандарбек Ақбасов отбасымен бірге қалаға қарай бара жатқанда өрт сөндіру көлігі басып озбақ болғанын айтты.

"Екі баламмен қалаға қарай бара жатыр едім. Өрт сөндіру көлігі бізді басып озбақ болып, сол қанатқа соғылды. Біз аударылып қала жаздадық, алайда көлікті дер кезінде туралай алдым, ал өрт сөндірушінің көлігі жолдан ұшып кетіп, бірнеше рет аударылды. Қарсы жолда көлік келе жатты-ау деймін, бірақ ол оны күтпесе керек", – деді Жандарбек Ақбасов.

Алматыда бірнеше көлік соқтығысты – оқиға орнында түсірілген видео

Батыс Қазақстан облысы төтенше жағдайлар департаментінің баспасөз қызметі 46 жастағы азаматтық қорғаныс старшинасы апат салдарынан қайтыс болғанын хабарлады. №6 мамандандырылған өрт сөндіру бөлімінің жүргізушісі Деркөл ауылына бара жатқан. Ол салонда жалғыз болған.

0
Кілт сөздер:
жол апаты, өрт сөндіру көлігі
Тақырып бойынша
Павлодарда мотоциклдің автокөлікпен соқтығысуы салдарынан екі адам көз жұмды
Алматыда үш бала мен олардың анасы жол апатына ұшырады
Шығыс Қазақстанда мас жүргізуші төрт баланы қағып кетті
Елордалық полицейлер жол апатының көбею себебін айтты
Блок бекетте 2 адамды өлтірді деген күдікке ілінген экс-полицей: Есімде ештеңе жоқ