жаңа туған бала

Дәрігерлер 277 нәрестенің өлімін жасырған министр Біртанов

866
Денсаулық сақтау министрлігі Атырау перинаталдық орталығында шыққан жанжалдан кейін бүкіл республика бойынша тексеріс жүргізген

НҰР-СҰЛТАН, 21 қазан – Sputnik. Тексеріс нәтижесінде дәрігерлердің 277 нәрестенің өлімін жасырғаны анықталды, деп хабарлайды Sputnik Қазақстан тілшісі.

"Біз Атырау облысында жүргізілген тексерістен кейін ел бойынша жаппай аудит жүргіздік. Материалдарды тек Маңғыстау облысы ұсынған жоқ. Тексеріс нәтижесінде 277 нәресте өлімін жасырып қалу фактісін анықтадық", - деді министр Елжан Біртанов сенатта өткен үкімет сағатында.

Министрдің айтуынша, талдаудың нәтижесінде өткен жылғы статистикаға түзету енгізілді. Осылайша, 2018 жылы нәресте өлімінің көрсеткіші біршама нашарлаған.

Ал журналистерге сұхбат берген комитет басшысы Людмила Бюрабекова дәрігерлердің ондай тәртіп бұзушылықтарға не үшін баратынын түсіндірді. Айтуынша, өлі туған нәрестелер статистикаға енгізілмейді. Ал тірі туып, артынан шетінеп кетсе, бірден статистикаға кері көрсеткіш болып кіреді. Сол себепті дәрігерлер шетінеп кеткен нәрестелерді басқаша рәсімдеп отырған.

"Талдау кезінде өткен жылғы барлық шыныдағы анализдер тексерілді. Ондайда бала туған кезде өкпесі ашылды ма, дем алды ма, соның бәрі зерделенеді. Сөйтіп, нәресте тірі туғанын анықтауға болады. Осылайша, 277 сәбидің тірі туып, артынан шетінеп кеткенін анықтадық. Бірақ дәрігерлер оларды "өлі туды" деп жазған. Сөйтіп, өздерінің статистикалық көрсеткіштерін жақсартқысы келген", - деді Бюрабекова.

Тағы оқыңыз: Сәби өлімінен кейін перзентхана дәрігерлері арыз жазды

Оның сөзіне қарағанда, Маңғыстау облысы тексеріске тиісті материалдарды бермеген. Себебі барлығын жойып жіберген болып шықты. Ондай әрекеттер ережеге қайшы, бірақ қылмыстық және әкімшілік жаза қарастырылмаған.

"Шыны препараттарын сақтамай, ерте жойып жібергені үшін тәртіптік жаза ғана бар", - деп атап көрсетті Бюрабекова.

Тоңазытқыштағы бала өлімі

4 қазанда сыбайлас жемқорлыққа қарсы іс-қимыл агенттігі Атырау облыстық перинаталдық орталығының жетекшісіне жаңа туған нәрестенің өліміне қатысы бар деген айып тағылғанын хабарлады. 

Перзентханада сәби тірі туған. Алайда дәрігерлердің салғырттығынан құжатта өлі деп жазылады. Олар қатені түзетпеу үшін шақалақты тоңазытқыш камерасында қалдырып кеткен.

Бұл жағдай орталық жетекшісіне қатысты басқа істі тексеру кезінде анықталған. Бұған дейін медициналық мекеменің басшысы жемқорлыққа байланысты ұсталғаны хабарланған еді.

Баланың өліміне қатысты әйелді босандырған акушер-гинеколог та қамауға алынды.

Атырау облысында шыққан шудан кейін денсаулық сақтау басқармасының басшысы қызметінен кетіп, әкімнің орынбасарына қатаң сөгіс берілді.

Тағы оқыңыз: Дәрігерлер қателесіп сау аяғын кесіп тастаған зейнеткер көз жұмды

866
Кілт сөздер:
нәресте
Тақырып бойынша
Бір жасар сәби жұмбақ жағдайда жоғалып кеткен: анасының қылмысы әшкере болды
"Не деген бас мынау?!" Димаштың сәби кезіндегі суреті жұрттың жүрегін елжіретті
ЭКСПО-ға келіп, қазақтан сәби сүйген африкалық әйел жауапқа тартылды
Бетперде таққан балалар

Қыркүйектің басынан бері 104 оқушы коронавирус жұқтырды Цой

15
Денсаулық министрі әкімдер мектептердегі профилактика шараларының мүлтіксіз орындалуын қамтамасыз етуі қажет деп санайды

НҰР-СҰЛТАН, 30 қыркүйек – Sputnik. Жаңа оқу жылы басталғалы бері Қазақстанда 104 оқушы індетке шалдыққан. Соның ішінде 33 бала мектепте кезекші сыныптарда оқып жүрген оқушылар. Бұл туралы денсаулық сақтау министрі Алексей Цой мәлімдеді, деп хабарлайды Sputnik Қазақстан тілшісі.

"Оқу жылы басталғалы бері 104 оқушы коронавирус инфекциясын жұқтырды, соның 33-і кезекші сыныптарға барып жүрген балалар. Олармен байланыста болған 550 адам анықталды, олардың жетеуі індетке шалдыққан", – деді Цой үкімет отырысында.

Айтуынша, қашықтан оқитындар арасында 71 оқушыда коронавирус диагнозы расталды. Олар 240 адаммен байланыста болған, 15-і індет жұқтырды.

"Барлық оқушы мектепке барып оқығанда, байланыста болғандар саны кемінде 1 500 адамға дейін өсіп, оқушылар, мұғалімдер мен отбасы мүшелері арасында ауру таралып кетер еді", – деді министр.

Оқи отырыңыз: Кезекші топтарда коронавирус анықталса, мектеп жабылуы мүмкін 

Осыған байланысты әкімдер мектептерде санитарлық-дезинфекциялық, маска режимі және басқа да профилактика шараларының мүлтіксіз орындалуын қамтамасыз етуі қажет, деп толықтырды Цой.

15
Кілт сөздер:
коронавирус, балалар
Тақырып:
Коронавирус эпидемиясы
Тақырып бойынша
Карантин аяқталғаннан кейін мектеп формасын кию қайта міндеттеле ме?
Бастауыш сынып оқушыларының 60%-і мектеп партасына отырды
Маңғыстауда мектеп оқушысы жасанды тыныс алдыру аппаратын құрастырды
Қыздар төбелесінен кейін жұмыстан кеткен мектеп директорлары қайта шақыртылды
"Пышақпен қорқытып, видеоға түсірді": Жамбылда бала зорлығына қатысты іс дауға айналды
Нұр-Сұлтан әуежайы

Қазақстан басқа елдермен әуе рейстерін тоқтатады

25
Министрдің айтуынша, анықтама болмаған жағдайда, азаматтар коронавирусқа тексеру үшін екі тәулікке карантиндік стационарға орналастырылады

НҰР-СҰЛТАН, 30 қыркүйек – Sputnik. 5 қазаннан бастап Қазақстан басқа елдермен қосымша әуе рейстерін тоқтатып, Түркияға рейстерді қысқартуы мүмкін. Денсаулық сақтау министрі Алексей Цой үкімет басшысына осындай өтініш айтты, деп хабарлайды Sputnik Қазақстан тілшісі.

"Шет елдерде жағдайдың ушыққанын ескеріп, инфекцияның елге кіруіне және таралуына жол бермес үшін 5 қазаннан бастап басқа елдермен қосымша әуе рейстерін уақытша тоқтатуды ұсынамыз. Сондай-ақ, әуе қатынасы жанданған елдермен рейстерді ұлғайтпай, Түркияға рейстерді қысқартқан жөн деп санаймыз", – деді Цой үкімет отырысында.

Бұған қоса, екінші санаттағы елдерден келетін азаматтар үшін міндетті талаптар бекітілді.

  • Дене қызуын өлшеу;
  • Сауалнама;
  • Коронавирусқа тест тапсырғаны туралы анықтама, берілгеніне 3 тәулік аспауы тиіс.

Министрдің айтуынша, анықтама болмаған жағдайда, азаматтар коронавирусқа тексеру үшін екі тәулікке карантиндік стационарға орналастырылады.

"Мұндай талаптар өткізу бекеттерінде ЕАЭО елдерімен және Өзбекстанмен әуе өткелдерінде мемлекеттік шекараны кесіп өткендерге де қолданылады. Осыған байланысты әкімдерге мемлекеттік шекараны кесіп өту бекеттерінде карантиндік стационарлар мен тестілеуді ұйымдастыруды тапсыруды сұраймын", – деді ол.

Оқи отырыңыз: Денсаулық министрі Қазақстан қандай жағдайда қатаң карантинге оралатынын айтты

25
Кілт сөздер:
әуе қатынасы, карантин
Тақырып:
Төтенше жағдай және карантин
Тақырып бойынша
Ұшақ Алматыны бір сағат айналып ұшты: Air Astana не болғанын түсіндірді
Украинадағы ұшақ апаты: аман қалған жалғыз курсанттың әкесі сұқбат берді
Мәскеу мен Нұр-Сұлтан арасындағы әуе қатынасы қайта жанданады – Ресей елшілігі
Қазақстан мен Түркия арасындағы әуе қатынасы қашан қалпына келетіні талқыланды
Қазақстанда халықаралық әуе қатынасы қашан іске қосылатыны белгілі болды