Сириядан қайтарылған қазақстандықтардың соты

"Адам басына аяғын қойып, фотоға түсті": Сириядан келген жігіт әрекетін түсіндірді

2339
Сириядан қайтарылған қазақстандық террористік ұйым мүшелерінің бәрі өлген адамдармен фото мен видеоға түсетінін айтады

НҰР-СҰЛТАН, 22 қазан – Sputnik. Астанадағы сотта ИГИЛ*-дың құрамында болған 14 қазақстандықтың ісі қаралып жатыр. 33 жастағы сотталушы Аманжол Жансеңгіров бірінші болып жауап берді. Ол прокурордың дәйектеріне жауап берді, деп хабарлайды Sputnik Қазақстан тілшісі.

Түске дейінгі отырыста прокурор Еділ Мұрат сотталушылардың Сириядағы әрекеттері жайында айта келе, қарулы қақтығыстан кейінгі бір жағдайды мысалға келтірді. ИГИЛ* террористік ұйымының мүшелері жеңіліске ұшыраған төрт адамның басын кесіп тастап, қала көшелерінің біріне жұрт үрейін тудыру мақсатында жеті тәулікке тастап кеткен.

"Террористік топ мүшесі Жансеңгіров осы бастардың жанында тұрып, оның бірін аяғымен басып, қолына атыс қаруын ұстап тұрып, суретке түскен. Ол сурет ғаламтор арқылы көпшілікке тарап кеткен", - деді прокурор.

Түстен кейінгі отырыста Аманжол Жансеңгіров өз әрекетін түсіндірді. Оның сөзіне қарағанда, террористік топтың серкелері жаңа мүшелерді әдейі видео мен фотоға түсіріп отырған. Сөйтіп, өз еліне қайтпасын деп, ғаламторға жүктеп жүрді. Ал видео мен фотоға түсуден бас тартатындарды бірден "тыңшы" деп, ату жазасына кескен. Көбісі өз балалары мен әйелдері үшін қорыққан. Сол себепті фото-видеоға түсуге мәжбүр болды.

Тағы оқыңыз: Қазақ жігіттерінің Сирияда немен айналысқаны әшкере болды

"Сол күнгі қақтығыстан кейін көп адам тұрып, фотоға түсіп жатты. Көп адам тұрғасын, мен де бардым. Ол жердің менталитеті сондай, барлығы өлген адамдармен фото мен видеоға түседі. Менің қасымда әскери әмір Сад болды. Ол маған енді барып сен түс деді. "Неге?" дедім. Мен сенің әскери әміріңмін деп жауап берді. Айтқанымды тыңда, бар тұр деді. Мен тұрдым. Сосын аяғыңды қой деді. Аяғымды қойдым. Қолыңды көтер де, күл деді. Бірақ мен ол фотоны интернетке салған емеспін. Олар өз телефондарына түсірді, артынан өшіреміз деді", - деді Жансеңгіров.

2339
Кілт сөздер:
жігіт, Сирия, фото, аяқ, адам
Тақырып бойынша
Сириядан қайтарылған қазақстандықтар сотталып жатыр – видео
Сириядан құтқарылған әйелдің арам пиғылы әшкере болды
Сириядан оралған әйелдер небір сұмдықты бастан кешіргенін айтты
"33 бала жетім қалды": Сириядан қайтарылған балалардың нақты саны жарияланды
"4 адамның басын кесіп алған": қазақ жігіттерінің Сириядағы қылмысы жарияланды
Белгілі қазақстандық актер Әділ Ахметов

Әділ Ахметов басшылық қызметке тағайындалды

167
Әділ Ахметов – театр және кино актері ғана емес, Жастар театрының алғашқы күнінен бастап еңбек етіп жүрген майталман маман, деп атап өтті Аида Балаева  

НҰР-СҰЛТАН, 23 қыркүйек – Sputnik. Белгілі қазақстандық актер Әділ Ахметов Жастар театрының директоры болып тағайындалды, деп хабарлайды Sputnik Қазақстан.

"Барша астаналықтар үшін сүйікті Жастар театрының басшылығына Әділ Ахметовтың тағайындалғанын үлкен қуанышпен қарсы алдым. Әділ – белгілі театр және кино актері ғана емес, осы театрдың алғашқы күнінен бастап еңбек етіп жүрген майталман маман", - деп жазды ақпарат және қоғамдық даму министрі Аида Балаева Facebook парақшасында.  

Осы орайда, министр Әділ мен театр ұжымын шын жүректен құттықтады.

"Сөз жоқ, бұл қуаныштың түбінде осынау театрдың негізін қалап, талантты да талапты дарындардың басын бір арнада қосқан театрдың көркемдік жетекшісі Нұрқанат Жақыпбай ағамыздың еселі еңбегі жатыр", - деп атап өтті ол.

Балаева театрдың жаңа басшылығы осындай жылдар бойы қалыптасқан жылы дәстүрді жалғап, өнер ұжымын келешек шығармашылық жеңістерге жетелейді деп сенім білдірді.

Әділ Ахметов туралы не білеміз

Әділ Ахметов 2002-2006 жылдары Жүргенов атындағы Қазақ ұлттық өнер академиясының "Драма және кино актері" мамандығы бойынша тәмамдаған.

Еңбек жолын "Мен" театрында бастап, 2007 жылы Астана қаласы Жастар театрының негізін қалауға атсалысқан.

"Кек", "Қалжа", "Елім-ай", "Астана – махаббатым менің", "Армандастар", "Алдар көсе", "Парыз", "Жаужүрек мың бала",  "Қара шаңырақ", "Томирис", "Анаға апарар жол" және тағы басқа фильмдерде ойнаған. 

"Дарын" жастар сыйлығының лауреаты. "Халық сүйіктісі" ұлттық сыйлығының иегері.

167
Кілт сөздер:
кино, театр, Әділ Ахметов
Тақырып бойынша
Режиссер Обаев Әуезов театрындағы жанжал туралы: шындықты неге бұрмалайды?
Режиссер Талғат Теменов мемлекетаралық сыйлыққа ие болды
Әртістерге басу айтуға барған мәдениет министрі даудың ортасында қалды
Сәбит Әбдіхалықовтың орнына жаңа басшы келді
Пандемия кезіндегі театр: "Астана Операда" алғашқы концерт өтті
Архивтегі фото

Біз ұйықтап жатқан жоқпыз "Ауыл" партиясы

305
Қуаныш Сейітжанов партия қатарында бес жылдың ішінде қоғамға пайдасын тигізген, әсіресе, ауыл халқының жағдайын білетін, білімі мен білігі сай азаматтар баршылық екенін атап өтті

НҰР-СҰЛТАН, 23 қыркүйек – Sputnik. "Ауыл" партиясы өзін тек сайлау кезінде ғана оянады деп сынағандарға жауап берді, деп хабарлайды Sputnik Қазақстан тілшісі.

"Ел аманаты" жалпыұлттық сауалнамасына арналған онлайн брифингте журналистердің бірі "Ауыл" партиясының парламент сайлауына қатысты жоспарын сұрады.

"Соңғы өткен парламенттік сайлаудан кейін "Ауыл" партиясы қандай жұмыстар атқарды және оны неге ешкім естімейді? Партия тек сайлау алдында оянатын сияқты әсер қалыптасады. Жалпы алдағы парламент сайлауында қанша дауыс жинауға үміттеніп отырсыздар?", - деп сұрады БАҚ өкілі.

"Жаңағы айтылған бес жылдың ішінде біз ешқашан да ұйықтап жатқан жоқпыз. Әлеуметтік желілердегі ақпараттарды анда-санда ақтарып отырсаңыздар, көз жеткізесіздер. Бес жылдың ішінде қоғамға пайдасын тигізген, әсіресе, ауыл халқының жағдайын білетін, білімі мен білігі сай азаматтар ішкі іріктеуде жоқ емес, бар", - деді "Ауыл" партиясы орталық аппаратының жетекшісі Қуаныш Сейітжанов.

Ол "Ауыл" партиясының негізгі мақсаты – парламентке ену екенін атап өтті.

"Енді қанша пайызға есеп құрып отырсыздар деген әзірге артықтау болатын шығар", - деді ол.

Оқи отырыңыз: Қазақстанда жалпыұлттық сауалнама басталды 

Қазақстанда парламент сайлауы жақындап келеді.

Мәжіліс депутаттарының өкілеттік мерзімі – 5 жыл. Осылайша, мәжілістің қазіргі шақырылымының өкілеттігі 2021 жылдың 24 наурызында аяқталады.

Заң бойынша мемлекет басшысы парламент сайлауының датасын 2020 жылдың 24 қазанына дейін белгілеуі тиіс.

305
Архивтегі фото

Ұшақ Алматыны бір сағат айналып ұшты: Air Astana не болғанын түсіндірді

0
Қалада тәжірибелі нұсқаушылардың басшылығымен оқу-жаттығу өткен, ұшақ бортында жолаушылар мен бортсеріктер болмады

АЛМАТЫ, 23 қыркүйек – Sputnik. Сәрсенбіде Air Astana ұшағы бір сағат бойы Алматы аспанын айналып ұшты. Flightradar24 мәліметінше, әуе кемесі қаланы бірнеше рет айналған.

Әуе компаниясы бұл оқу-жаттығу екенін мәлімдеді.

"Алматы аспанын айналып ұшу кезінде аэродромдық дайындық жасалды, бұл жаңадан келген ұшқыштарға – курсанттар немесе ұшақтың басқа түрлерін басқарған ұшқыштарға арналған ұшу дайындығының бір бөлігі болып саналады", - деп түсіндірді Sputnik Қазақстанға Air Astana баспасөз қызметі.   

Аэродромдық дайындыққа "конвейерден" ретті ұшу (қонғаннан кейін ұшу-қону жолағында тоқтамай), схема бойынша Алматы әуежайы аймағында айналып ұшу, кейін қонып, екінші айналымға кету кіреді.

"Жолаушыларға жақындауға қорықтым": бортсерік басынан кешкен жағдайды айтып берді

Кадеттің дайындық дәрежесіне қарай, әр ұшқыш күніне төрт сағаттан алты сағатқа дейін ұшады.  

"Қазіргі таңда жаңа ұшқыштар көптеп келіп жатқанына байланысты мұндай оқу-жаттығу айына 2-4 мәрте өткізіледі", - деп атап өтті Air Astana.  

Мамандар оқу-жаттығу тәжірибелі нұсқаушылардың басшылығымен өтетінін баса айтты. Сонымен бірге бортта жолаушылар мен бортсеріктер болмайды.  

0
Кілт сөздер:
Алматы, Эйр Астана, ұшақ