Көлік дөңгелегі, архивтегі сурет

"Екі есе қымбаттайды": көлікті қысқа дайындау бағасы қандай?

2127
(Жаңартылды 16:39 24.10.2019)
Қыста көлігіңіз әуре-сарсаңға салмай, бірден оталғанын қаласаңыз төмендегі кеңестерді естен шығармаңыз

НҰР-СҰЛТАН, 24 қазан — Sputnik. Қазақстанның басым бөлігінде ауа райы күрт өзгеріп, күн суытты. Ауа райының тосын мінезі жүргізушілерге қиындық тудыратыны анық. Sputnik Қазақстан тілшісі көлікті қысқа дайындау қанша тұратынын, оның дөңгелегін қашан айырбастау керектігін біліп көрді.

Астанадағы қызмет көрсету бағасы

Күн суытқан кезде жол апаты жиілей түседі. Себебі көктайғақ болады. Ал жүргізушілердің көбі көлік дөңгелегін ауыстырып үлгермейді. Солтүстік өңірдегі жүргізушілер қазан айынан бастап қамданады. 

Автозавод, архивное фото
© Sputnik / Виталий Аньков
Қысқы дөңгелекті алдын ала айырбастап қойған жөн. Себебі, күн суытқан соң, бұл қызметке сұраныс артып, бағасы қымбаттайды

Жеңіл көліктің шинасын қысқыға айырбастау кем дегенде 4 мың теңге тұрады. Ал жол талғамайтын автомобиль иелері бұл қызметке ең арзаны 8 мың теңге төлейді. Қысқы дөңгелекті алдын ала айырбастап қойған жөн. Себебі, күн суытқан соң, бұл қызметке сұраныс артып, техникалық қызмет көрсету орталығында ұзын-сонар кезек болады. Сондай-ақ, қысқы шинаны айырбастау бағасы 1,5-2 есеге қымбаттап кетуі мүмкін.

Автомобиль дөңгелегі сыртқы резеңкесінің (покрышка) бағасы тауар өндіруші мен тауардың сапасына байланысты. Қолданылған жеңіл көліктің қысқы дөңгелегінің жиынтығы – 150-180 мың теңге. Ал жаңа шина жиынтығының құны 250 мың теңгеден асады.

Дөңгелекті қашан айырбастау қажет

Техникалық регламентке сәйкес, Қазақстанда қыс айларында: желтоқсан, қаңтар, ақпанда жазғы шинамен жүруге тыйым салынады. Сондай-ақ, маусым, шілде, тамызда қысқы дөңгелекпен жүре алмайсыз. Бұл үшін айыппұл салынады. Ал күз, көктем мезгілінде шектеу жоқ. Бұл жағдайда жүргізушілер шешімді өздері қабылдайды. 

Ең маңыздысы ауа райы жағдайына қарау керек. Мысалы, жазғы дөңгелек ауа температурасы +7 градустан төмен болса, жолда қауіп тудыруы мүмкін. Ал қысқы шиналар аязда қатпайды.

Тағы оқыңыз: Ақтауда жол талғамайтын көлік жер астына түсіп кетті – жаға ұстатар видео

Тікенекті дөңгелектер қысы қатал, көктайғақ жиі болатын аймақтарға арналған. Алайда ондай шинадағы тікенектердің (шипы) 30%-і түсіп қалса, ол да жарамсыз болып саналады. Сондықтан бұл жағдайды естен шығармаңыз.

2017 жылдан бастап, жүргізушілерге көлігінің артына "Ш" белгісін қою міндетті емес екені хабарланды. Ол болмаса, сізге айыппұл салынбайды. "Ш" белгісі тікенекті дөңгелек дегенді білдіреді.

Көлігіңіз істен шықпасын десеңіз...

Ауа температурасы төмендеген кезде автомобильге артық салмақ түседі. Сондықтан көлігіңіз істен шығып, тозып қалмасын десеңіз, май, антифриз, тежегіш сұйықтығын бақылап отырыңыз.

Автомобильдің майы мен фильтрін айырбастау 1,5-2 мың теңге тұрады. Ал қысы қытымыр келетін өңірлер үшін 5w40 индексі бар майды таңдау керек. Майды толығымен айырбастау үшін 12 мың теңгеден 20 мың теңгеге дейін қаражат жұмсауыңыз мүмкін.

Работа шиномонтажной мастерской в Великом Новгороде
© Sputnik / Константин Чалабов
Тікенекті дөңгелектер қысы қатал, көктайғақ жиі болатын аймақтарға арналған. Алайда ондай шинадағы тікенектердің 30%-і түсіп қалса, ол да жарамсыз болып саналады

Ауа райы суық уақытта бак фара мен шыныны жууға арналған сұйықтыққа толы болуы қажет. Ал қазанның ортасынан бастап солтүстікте қатпайтын арнайы сұйықтықты қолданған жөн.

Көліктің шанағы мен түбін коррозиядан қорғаңыз. Егер көлігіңіз жаңа немесе оған шамамен 3-5 жыл болса, жолыңыз болды. Бұл жағдайда еш нәрсе істеудің қажеті жоқ. Ал көлік ескі болса, оның түбі мен шанағын коррозияға қарсы материалмен өңдеу керек. Бұл қызметтің бағасы көліктің түріне байланысты.

Көлігіңіз әуре-сарсаңға салмай, күн сайын таңертең оталуын қаласаңыз аккумуляторды тексеріп жүріңіз. Қызметтің құны – шамамен 500 теңге.

"Қысқы" отынның бағасы қанша?

Газ және бензинмен жүретін көлік иелері үшін бұл сұрақ өзекті болмауы мүмкін. Ал "дизель" отынын тұтынатын автобиль иелері қыста оның қатып қалатынын біледі. Сондықтан "қысқы" дизель отынын пайдаланған жөн. Мұндай жанар-жағармайдың бағасы 30%-ке жоғары болады.

Қажетті керек-жарақтар

Қыста көлікте міндетті түрде тұтататын сым, қатпайтын арнайы сұйықтық болуы керек. Егер көлігіңіз дала тұратын болса, қарды тазалайтын қылшақ пен қолғап керек.

2127
Кілт сөздер:
ақша, қыс, көлік
Тақырып бойынша
Lada ма, әлде Toyota ма - қазақстандықтар ең көп сатып алатын көлік
Павлодар облысында зейнеткер көлік айдап кетуге неге мәжбүр болғанын айтты
"Мұны тоқтату керек" облыс әкімі қымбат көлік сатып алуға тыйым салды
Қазақстанда көлік техникалық байқаудан жаңаша өткізіледі: не өзгереді
Әжей жол үстінде көлік жүргізушісін ұрып тастады – видео
Қасым-Жомарт Тоқаев Hyundai Trans Kazakhstan зауытына барды

Тоқаев Алматыда автокөліктің капотына не жазды

1983
(Жаңартылды 11:14 26.09.2020)
Президент Алматы қаласына жұмыс сапары кезінде қол қойған автокөлік жаңа зауыттың көрсету залына қойылады

НҰР-СҰЛТАН, 26 қыркүйек – Sputnik. Президент Қасым-Жомарт Тоқаев Алматыдағы Hyundai Trans Kazakhstan зауытына барған кезде жаңа автокөліктің капотында естелік жазба қалдырды.

Мемлекет басшысы "Iске сәт! Ақ жол тілеймін!" деп жазды. Ол сондай-ақ қол қойып, сол күннің датасын көрсетті.

Касым-Жомарт Токаев оставил надпись на капоте авто
© Photo : Astana Motors
Тоқаев жаңа автокөліктің капотында естелік жазба қалдырды

"Астана Моторс" компаниясы Sputnik Қазақстанға президент қол қойған көлікті не істейтіндерін айтты.  

"Ол тарих үшін сақталып, зауыт кеңсесінің көрсету залына қойылады", - деп хабарлады баспасөз қызметі.

Айта кетейік, кәсіпорында президентке автокөліктерді құрастыру процесі көрсетілген болатын. Ол 2020 жылдың 15 қазанында ашылады.

Кәсіпорын пайдалануға берілгеннен кейін оның қуаты бірінші кезеңде жылына 30 мың, екінші кезеңде 45 мыңға дейін машина жасауға жетеді. Инвестицияның жалпы көлемі – 28 миллиард теңгеден астам, оның 30% – компанияның өз қаражаты.

Оқи отырыңыз: Коронавирустың екінші толқынына дайын болайық – Тоқаев 

Hyundai Trans Kazakhstan кәсіпорны 700-ге жуық жұмыс орнын ашып, сабақтас салалардың дамуына серпін береді.

Инвесторлар келешекте автобөлшектер шығаратын зауыт салуды жоспарлап отыр. Осылайша компания отандық автокөлік өнеркәсібін дамыту жөніндегі көздеген мақсаттарына қол жеткізеді. Бұл отандық өндірістің 51 % астамын қамтамасыз етеді.

Еске сала кетейік, жұмада Қасым-Жомарт Тоқаев жұмыс сапарымен Алматыға барды. Ол қалалық клиникалық жұқпалы аурулар ауруханасы филиалының, өнеркәсіптік кәсіпорындардың және көпфункционалды музыкалық орталықтың жұмысымен танысты.

1983
Кілт сөздер:
зауыт, Алматы, Қасым-Жомарт Тоқаев
Тақырып бойынша
Президентке құрылыс материалдары өндірісінің технологиялық процесі көрсетілді
Тоқаев жарлыққа қол қойды
Тоқаев жұмыс сапарымен Алматыға барды
Тоқаев Қазақстанның өлім жазасынан бас тартуына байланысты түсініктеме берді
Архивтегі фото

Өткен тәулікте 69 адамнан коронавирус табылды

49
(Жаңартылды 09:41 26.09.2020)
Маңғыстау, Қызылорда облыстары мен Шымкент қаласында бірде-бір адамнан коронавирус инфекциясы анықталмады

НҰР-СҰЛТАН, 26 қыркүйек – Sputnik. Қазақстанда өткен тәулікте 69 адам коронавирус жұқтырғаны белгілі болды. Бұл туралы COVID-19 індетін таратпау жөніндегі ведомствоаралық коммиссия хабарлады.  

Өңірлер бойынша мәлімет:

  • Нұр-Сұлтан қаласы – 14,
  • Алматы қаласы – 3,
  • Ақмола облысы – 5,
  • Ақтөбе облысы – 1,
  • Алматы облысы – 2,
  • Атырау облысы – 5,
  • Шығыс Қазақстан облысы – 17,
  • Жамбыл облысы – 2,
  • Батыс Қазақстан облысы – 2,
  • Қарағанды облысы – 5,
  • Қостанай облысы – 3,
  • Павлодар облысы – 4,
  • Солтүстік Қазақстан облысы – 5,
  • Түркістан облысы – 1.

Жалпы ел бойынша ауырғандар саны – 107 659. Індеттен 1 699 қайтыс болды.

Оқи отырыңыз: Қатаң карантин қай кезде енгізіледі – денсаулық сақтау министрлігі түсініктеме берді 

49
Кілт сөздер:
коронавирус
Тақырып:
Коронавирус эпидемиясы
Тақырып бойынша
Коронавирустың екінші толқынына дайын болайық – Тоқаев
Депутат бұрынғы вице-министрдің отставкасы жайлы: бұған жауап беруі керек
Ғалымдар табиғи антибиотик ойлап тапты
Алматыда COVID-тен жазылғандар оңалту орталығына ағылып жатыр: мамандар себебін түсіндірді
Тағы бір облыста 8 бірдей мектепте коронавирус анықталды
Иллюстративті фото

Қыздар төбелесінен кейін жұмыстан кеткен мектеп директорлары қайта шақыртылды

0
Ақтөбе облыстық білім басқармасы Темір аудандық білім бөлімінен жасақталған комиссия асығыс шешім қабылдағанын анықтады

НҰР-СҰЛТАН, 26 қыркүйек – Sputnik. Ақтөбе облысында орамал таққан қыздардың төбелесінен кейін Темір аудандық білім бөлімінің басшысы қатаң сөгіс алды.

Ал осы оқиғадан соң жұмыстан кеткен Кеңқияқ, Шұбарши, Саркөл орта мектептерінің директорлары қызметтеріне қайта оралды, деп хабарлады "Астана" арнасы.

Облыстық білім басқармасының дерегінше, Темір аудандық білім бөлімінен жасақталған комиссия асығыс шешім қабылдаған.

"Облыстық білім басқармасы жалпы оқиғаның мән-жайын анықтау барысында бұл аталған директорларды орнынан босату негізсіз екендігін анықтады. Сондықтан да директорлар өз орнына қайта тағайындалды. Аудандық білім бөлімінің басшысына қатаң сөгіс жарияланды", - дейді Ақтөбе облыстық білім басқармасы басшысының орынбасары Нұргүл Бертілеуова.

Еске сала кетейік, 20 қыркүйек күні Кеңқияқ елді мекенінде жоғарғы сыныптың оқушы қыздары арасында төбелес болды. 8 сыныптағы қызды аямай сабап, оны таспаға түсіріп таратқан.

Оқи отырыңыз: "Қазпоштаның" Балқаштағы бөлімшесінде қыздар төбелесті – видео

Қазіргі кезде бұл оқиға бойынша "бұзақылық" бабымен қылмыстық іс қозғалып, тергеу амалдары жүріп жатыр. Қыздардың шаш жұлысып, тепкілесуіне не себеп болғанын енді облыстық білім басқармасынан құрылған арнайы топ анықтамақшы.

0
Кілт сөздер:
мектеп директорлары, төбелес, қыздар
Тақырып бойынша
Қостанайда бойжеткенді соққыға жықты: жігіттер төбелесті сырттан бақылап тұрған
Көшедегі қыздар төбелесі видеоға түсіп қалды