памперс

Жөргек ер баланың денсаулығына қауіпті ме дәрігер жауап берді

727
Дәрігер жөргекке қатысты айтылып жүрген алыпқашпа әңгімелерге қатысты пікір білдіріп, пайдалы кеңестерімен бөлісті

НҰР-СҰЛТАН, 28 қазан – Sputnik. Нәрестеге қанша жасқа дейін жөргек кигізуге болады және ол ер балаларға зиян деген рас па? Бұл туралы педиатр-дәрігер Ғалия Сейдалиева айтып берді, деп хабарлайды Sputnik Қазақстан тілшісі.

Маман халық арасында "жөргек ер баланы есейгенде бедеулікке алып келеді" деген қауесет тараған дейді. Оның пікірінше, бұл шындыққа жанаспайды.

"Ұл баланың жыныс мүшесі өзіне ыңғайлы, яғни төмен температурада болады. Сондықтан ешқандай ауру бола қоймайды. Жалпы, памперстің құрамын көп ғалым зерттеген. Дегенмен Дүниежүзілік денсаулық сақтау ұйымының жөргектің қандай ауру тудыратыны жөнінде толыққанды зерттеуі жоқ", - дейді дәрігер.

Тағы оқыңыз: Қыз баланың тұсауы кесілмейді деген рас па – этнографтың жауабы

Сонымен қатар, ол Дүниежүзілік денсаулық сақтау ұйымы, АҚШ пен Еуропа педиатрлар қауымдастығының "жөргекті пайдалануға болмайды" деген зерттеу нәтижелері жоқ екенін айтты.

Десек те, дәрігер баланы 7-8 айынан бастап тосып үйрету керектігін атап өтті.

"Біз бүлдіршінді 7-8 айынан бастап тосып үйретеміз. Ол бір жастан кейін "кіші дәретке бару керек" деген белгілерді түсіне бастайды. Ал баланы "горшокқа" үйретсеңіз, ол өздігімен кіші дәретке бара алатын болады", - дейді дәрігер.

Педиатр балаға 1 жасқа дейін жөргек кигізуге болады дейді. Бірақ осы уақытқа дейін оны тосып үйреткен жөн.

727
Кілт сөздер:
дәрігер, бала күтімі, бала
Тақырып бойынша
Дәрігер кімге банан жеуге болмайтынын айтты
"Қауіпті болуы мүмкін": Димаштың ұстазы шәкіртіне қандай кеңес бергенін айтты
Тоя тамақ ішіп те оңай арықтауға болады – ғалымдар кеңес берді
Әйелдерге қандай ер адамдар ұнайды – ғалымдар зерттеу нәтижесін жариялады
Зағип баланың видеосы жұрттың жүрегін елжіретті
Балалар дұрыс тамақтанбайды: дәрігер ата-аналарға пайдалы кеңес берді
Аурухана қызметкері

Қазақстанда тағы 476 адам коронавирус жұқтырды

1201
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

1201
Кілт сөздер:
коронавирус
Тақырып:
Коронавирус эпидемиясы
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды
Аурухана палатасындағы медициналық аппаратура

Қазақстанда коронавирустан тағы бір адам қайтыс болды

139
Жұма, 29 мамырда Шымкент қаласында індетке шалдыққан 1945 жылғы науқас қайтыс болды, республикада вирустан көз жұмғандар саны 38 адамға жетті

НҰР-СҰЛТАН, 30 мамыр – Sputnik. Шымкентте коронавирустан бір адам көз жұмды, деп хабарлайды жедел штаб.

Науқас 29 мамырда қайтыс болған. Ол 1945 жылы туған әйел.

"Коронавирус жұқтырған науқастардың өлімін зерттеу жөніндегі комиссия пациенттің өліміне коронавирус инфекциясы себеп болды деген шешімге келді", - делінген хабарламада.

Қазақстанда осымен COVID-19-дан қайтыс болғандар саны 38 адамға жетті.

Республикада барлығы 10382 адамда коронавирус диагнозы расталды, 5057 адам жазылып шықты.

139
Кілт сөздер:
Шымкент, коронавирус
Тақырып:
Коронавирус эпидемиясы
Мысық балық жеп жатыр

Коронавирус Уханьдағы базардан тараған жоқ Қытай ғалымдары

0
Сарапшылар Қытайда коронавирус жұқтырған алғашқы он үш адамның базарға еш қатысы жоқ екенін дәлелдеді

НҰР-СҰЛТАН, 31 мамыр – Sputnik. Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді.

Мамандар Ухань базарындағы өнімдерден COVID-19 табылмағанын айтты.  Ғалымдар инфекция адамға жарқанаттан жұқты деген болжамды растап, вирус теңіз өнімдері базарында болған науқастан тарала бастады деген пайымға келді.

Алайда сарапшылар вирус алғашқы адамға базарда емес, басқа жерде жұқты деп отыр.

Ғалымдар Қытайда ең алғаш тіркелген 13 адамның Уханьдағы базарға еш қатысы жоқ екенін дәлелдеді, деп жазады The Sun.

0
Кілт сөздер:
Қытай, коронавирус
Тақырып:
Коронавирус эпидемиясы