Қорғаныс министрлігінің ғимараты

Жаңа ту бекітілді деген ақпарат жалған Қазақстанның қорғаныс министрлігі

1908
(Жаңартылды 17:39 29.10.2019)
Әлеуметтік желіде "Қазақстанның жаңа әскери туы" бекітілгені жайлы ақпарат тарап, оны желі қолданушылары қызу талқылады

НҰР-СҰЛТАН, 29 қазан – Sputnik. Әлеуметтік желілерде Қазақстанның жаңа әскери туы бекітілгені туралы ақпарат тарап кетті. Алайда қорғаныс министрлігі бұл ақпараттың шындыққа жанаспайтынын мәлімдеді, деп хабарлайды Sputnik Қазақстан тілшісі.

Мәжіліс депутаты Бақытбек Смағұл әлеуметтік желілер мен WhatsApp мессенджерінде "Қазақстанның жаңа әскери туы" бекітілгені туралы ақпар қызу талқыланып жатқанын хабарлады.

"Осыған байланысты менің ұялы телефоныма ашынған азаматтардан хабарламалар түсе бастады. Бұл жаңалықтың жалған екенін жария еткім келеді. Аңғал болмайық, ағайын! Көрінген құйтырқы әзіл мен фейкке сүйеніп, қазіргі аумалы-төкпелі заманда алтыннан да қымбат тыныштығымызды тоқырата бермегеніміз жөн", - деп жазды депутат Facebook желісіндегі жеке парақшасында.

Депутаттың айтуынша, бұл жалған ақпаратты сатиралық "Панорама" басылымы таратыпты. Депутат бұл басылым әзіл-қалжыңдарды ғана жазатынын атап өтті.

Тағы оқыңыз: Қазақстанның елтаңбасы өзгерді

"Біріншіден, "Президент құрлық әскерлері, әуе күштері және әскери теңіз флоты үшін бірыңғай әскери тудың дизайнын бекітті және ол елдің барлық әскери бөлімдері мен оқу орындарында пайда болды" деген ақпараттың бастапқы қайнар-көзі "Панорама" басылымы. Ал ол өзін "сатиралық басылым" деп атайды, яғни жазатындары ақиқат ауылынан алыс қонған әзіл-қалжыңдар ғана", - дейді Бақытбек Смағұл.  

Екіншіден, оның мәліметінше, әскери бөлімдер мен әскери оқу орындарында жаңа байрақ пайда болған жоқ, бәрінде қолданыстағы ту тұр.

"Үшіншіден, қорғаныс министрлігінің басшылығымен де хабарластым, олар осы күндері әскери ту өзгертілмегенін растады", - деп түйіндеді депутат.

Оның сөзін қорғаныс министрлігі ақпарат және коммуникация департаментінің басшысы Данияр Әлжанов та растады.

"Бұл – ақпарат жалған, сенуге болмайды", - деп қысқа қайырды ол.

1908
Кілт сөздер:
жалған ақпарат, Қорғаныс министрлігі
Мәжіліс депутаттары

Перуашев зейнетақы мен жәрдемақыны басқаша есептеуді талап етті

782
(Жаңартылды 18:36 22.09.2020)
Депутат минималды жалақы және тағы басқа төлемдерді есептегенде ең төменгі айлық көрсеткіш сияқты шартты көрсеткіштерден бас тартуға шақырды

НҰР-СҰЛТАН, 22 қыркүйек – Sputnik. Әлеуметтік төлемдерді белгілегенде тұтынушылық қоржынды есепке алу қажет. Бұл туралы парламент мәжілісінің депутаты Азат Перуашев мәлімдеді, деп хабарлайды Sputnik Қазақстан тілшісі.

"Біз зейнетақы, минималды жалақы және тағы басқа төлемдерді есептегенде ең төменгі айлық көрсеткіш сияқты шартты көрсеткіштерден бас тартуымыз қажет. Бұны талай рет айтқанбыз. Ең төменгі айлық көрсеткіш деген не? Бұл – ауадан алынған цифр", - деді Перуашев орталық коммуникациялар қызметінде өткен онлайн брифингте.

Оқи отырыңыз: Депутат 42 500 теңге төлеуге қатысты тың ұсыныс жасады

Депутаттың айтуынша, әлеуметтік төлемдерді санағанда тұтынушылық қоржынды есепке алу қажет. Оған бір адамға жететін минималды азық-түлік жиынтығы, коммуналдық шығындар және қоғамдық көлікке кететін ақша кіреді.

"Өркениетті елдерде тұтынушылық қоржынға мәдени демалыстың шығындары да кіреді. Мысалы, театрға баруға кететін ақша бар. Бұдан бөлек, киім-кешек алу қажет. Осының бәрін есептесек, еліміздегі нақты күнкөріс деңгейін шығара аламыз", - деп атап өтті Перуашев. 

Оның сөзіне қарағанда, мемлекеттік органдардың өздері белгілейтін ең төменгі айлық көрсеткіштің салдарынан көптеген азамат кедейшілік шегінен аса алмай жатады. Бұны 42 500 теңгені тарату науқаны ашық көрсетті. Миллиондаған адам ақшалай көмекке зәру болып қалды.

"Сондықтан осындай ең төменгі айлық көрсеткіш сияқты абстрактылы ұғымдардан бас тартуымыз қажет. Оны нақты өмір сүру деңгейі мен талаптарына сай келтіру керек", - дейді Перуашев.

782
Кілт сөздер:
әлеуметтік төлем, жәрдемақы, зейнетақы, Азат Перуашев
Тақырып бойынша
Зейнетақы жинағын беру халыққа шынайы көмек пе?
Экономист баласы бар отбасыларға зейнетақы жинағын алуға рұқсат беруді ұсынды
Қазақстанда кімдерге алғаш рет 830 мың теңгеден төленетіні белгілі болды
Көпбалалы аналар 153 миллиард теңге жәрдемақы алды - еңбек министрлігі
"5-10-20" және "7-20-25" бағдарламалары бойынша қалай баспана алуға болады
Операторлар, иллюстративті фото

Журналистердің кәсіподағы құрылды

31
Жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды

НҰР-СҰЛТАН, 22 қыркүйек – Sputnik. Қазақстанда бұқаралық ақпарат құралдары мен телерадио хабарларын тарату қызметкерлерінің "BAQ KASIPODAQ" салалық кәсіподағы құрылды. Бұл туралы бүгін ZOOM платформасында өткен бейнеконференцияда белгілі болды, деп хабарлайды Sputnik Қазақстан тілшісі.

Бейнеконференцияға танымал журналистер мен медиаменеджерлер қатысты. Сол жерде жаңа ұйымның төрағалығына журналистика саласында 30 жылдық тәжірибесі бар танымал тележүргізуші Зейін Әліпбек сайланды. Осыдан кейін кәсіподақ басшысы құрылымның жоспары мен алдағы бағыттары туралы жан-жақты баяндап берді.

Оқи отырыңыз: Қазақстанда митингтен хабар тарататын журналистер нені білуі тиіс 

"Алда журналистердің әлеуметтік-құқықтық жағдайын жақсартуды көздейтін көптеген шаруа, игі бастамалар тұр. Әсіресе, журналистердің шеберлігін шыңдап, кәсіби өсуіне бағытталған және қазақстандық БАҚ-тың әлеуетін күшейтуге арналған ілкімді жобалар бар. Оны тек қана кәсіподақ атқарады деуге болмайды. Оның барлығына сіздермен, құрметті әріптестер, бірлесе отырып қана қол жеткізе аламыз", - деді Әліпбек.

Айта кетейік, 2020 жылдың 10 қаңтарындағы мәлімет бойынша Қазақстанда 3669 БАҚ тіркелген. Республикада 2964 мерзімді басылым, 161 телеарна, 73 радио, 471 ақпарат агенттігі және желілік басылым бар.

31
Кілт сөздер:
журналистика
Архивтегі фото

Талдықорғанда 35 жыл түрмеде отырған баукеспе ұры ұсталды

0
(Жаңартылды 19:06 22.09.2020)
Бірнеше рет ұрлық жасады деген күдікке ілінген Талдықорған қаласының 54 жастағы тұрғыны бұрын он рет сотталған болып шықты

НҰР-СҰЛТАН, 22 қыркүйек – Sputnik. Талдықорғанда аса қауіпті рецидивист ұсталды, деп хабарлады Polisia.kz.

Осы жылдың сәуір айынан бастап жеке үйлерде бірнеше рет ұрлық жасалған. Оңай олжаға дәніккен азамат үй иелері кеткен сәтті күтіп, түрлі жолдармен үйге кірген. Ұрланған мүліктің ішінде әртүрлі тұрмыстық техника, азық-түлік және велосипед сияқты түрлі заттар бар.

"Криминалдық полиция қызметкерлері көптеген күдіктіні тексерді, ақырында Талдықорған қаласының 54 жастағы тұрғыны болып табылатын аса қауіпті рецидивист анықталды. Ол он рет сотталған", – дейді Талдықорған қаласы ПБ Батыс ҚПБ бастығы Айдын Аденбаев.

Күдікті алғаш рет заңға қайшы әрекетін 15 жасында жасаған, содан бері ол темір тордың арғы жағында 35 жыл өмірін өткізген. Ол негізінен ұрлық жасағаны үшін, бір рет ауыр дене жарақаты үшін сотталған. 2020 жылдың ақпан айында түрмеден босап шыққан.

Оқи отырыңыз: Талдықорғанда ұры жүргізушілерге үндеу жасады – видео 

"Бүгінгі күні күдіктінің 12 эпизодқа қатысы бар екенін дәлелдей алдық. Ұрланған заттардың бір бөлігін тауып, заңды иелеріне қайтардық, ал қалған бөлігін күдікті сатып, ақшасын өз қажеттілігіне жұмсаған ", – деп толықтырды полицей Айдын Аденбаев.  

0
Кілт сөздер:
ұры, Талдықорған
Тақырып бойынша
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда ер адам төлем терминалын ұрлап кетті – видео
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Талдықорғанда екі жігіт аса қауіпті қылмыскерді ұстады
Қарағанды облысында ұрланған көлік өртеніп кетті