Ақша, теңге, архивтегі сурет

"Заң жобасында көрсетілді": жемқорлыққа жол берген басшылар қалай жазаланады?

164
(Жаңартылды 16:41 31.10.2019)
Мемлекеттік қызмет және сыбайлас жемқорлыққа қарсы күрес жөніндегі заң жобасы мемлекет басшының қол қоюына жіберілді

НҰР-СҰЛТАН, 31 қазан – Sputnik. Сыбайлас жемқорлыққа қарсы іс-қимыл агенттігінің төрағасы Алик Шпекбаев жемқорлық үшін басшылардың жауапкершілігі күшейетінін мәлімдеді, деп хабарлайды Sputnik Қазақстан тілшісі.

"Біріншіден, қол астындағы қызметкерлердің жемқорлық жасағаны үшін мемлекеттік орган басшылары отставкаға жіберіледі. Осы норма соттың айыптау үкімі заңды күшіне енгеннен кейін қолданылатын болады. Екіншіден, қызметкерлер арасында жемқорлықтың алдын алуды дұрыс ұйымдастырмағаны үшін мемлекеттік органдар мен квазимемлекеттік сектор басшыларының жеке жауапкершілігі енгізіледі", - деді Шпекбаев агенттіктің алқа мәжілісінде.

Бұдан бөлек, нормативтік актілерді жемқорлыққа қарсы сараптамадан өткізудің арнайы тәртібі болады. Оған қоғам өкілдері мен сарапшылар қатысады.

"Осы үш бастама мемлекеттік қызмет және сыбайлас жемқорлыққа қарсы күрес жөніндегі заң жобасында көрсетілген. Ол құжат мемлекет басшысының қол қоюына жіберілді. Жақын күндері заң жарияланады деп ойлаймын. Сөйтіп, біз өз жұмысымызды бастаймыз", - деп атап көрсетті Шпекбаев.

Тағы оқыңыз: Ақмола облысында шенеуніктің пара алған сәті видеоға түсіп қалды

Оның айтуынша, агенттік құқық қорғаушылар мен судьялардың жауапкершілігін де күшейтуді көздейді. Осы орайда ауыр және аса ауыр жемқорлық қылмыс үшін мерзімінен бұрын босату шарасын қолдануды шектеуге қатысты нақты ұсыныстар бар.

164
Кілт сөздер:
Алик Шпекбаев, заң, жемқорлық
Тақырып бойынша
Кешірім сұрады: мерзімінен бұрын бостандыққа шыққан жемқор басшылар кімдер?
Жемқорлардың аты-жөні жұртқа жария етілді – видео
ІІМ Қуандық Бишімбаевтың қалай босап шыққанын айтты
Маңғыстау облысында шетелдіктерді заңсыз кіргізген шенеунік ұсталды
Қостанайда полиция подполковнигі сотталды 
Загрузка...