Жүргізуші куәлігі, архив фото

Қазақстанда жаңа үлгідегі жүргізуші куәлігі қашан беріледі

422
(Жаңартылды 13:50 15.11.2019)
Жаңа үлгідегі куәліктердің жалған құжат жасаудан қорғау жүйесі жақсарады, мемлекеттік баж салығының көлемі өзгермейді

НҰР-СҰЛТАН, 15 қараша – Sputnik. Жаңа үлгідегі жүргізуші куәліктері 2020 жылдан бастап беріледі, деп хабарлады Қазақстан ішкі істер министрлігінің баспасөз қызметі. Бұған қоса, көлікті тіркеу куәлігінің түрі өзгереді.

Ішкі істер министрі тиісті бұйрыққа екінші қарашада қол қойды.

"Бұл құжаттардағы электрондық чип келесі жағына ауысады және чип сыйымдылығы ұлғаяды", - деп түсіндірді ішкі істер министрлігі.

Қолдан жасау мүмкін емес

Ведомство баспасөз қызметінің мәліметінше, бұл шара жүргізуші куәлігі мен көлікті тіркеу куәлігін жеке басын куәландыратын құжаттармен сәйкестендіруге мүмкіндік береді.

Водительские удостоверения нового образца
© Photo : МВД Казахстана
Жаңа үлгідегі жүргізуші куәлігі

Сондай-ақ, ол құжаттар жасаудың бірыңғай өндірістік стандартына көшуге жол ашады.

Жаңа үлгідегі құжаттарда штрих-код түріндегі қосымша қорғаныш пайда болады. Көлікті тіркеу куәлігінің түсі өзгереді, оның түсі қанық бола түседі.

Свидетельство о регистрации транспортного средства
© Photo : МВД Казахстана
Көлікті тіркеу куәлігі

Жүргізуші куәлігін жаңасына қашан ауыстыру керек

"Бұған дейін берілген жүргізуші куәлігі мен автокөлікті тіркеу куәлігін ауыстыру қажет емес. Олар өз мерзімі аяқталғанша жарамды (жүргізуші куәлігі - берілген күннен бастап 10 жыл, көлікті тіркеу куәлігі - машина ауыстырғанға дейін)", - деп нақтылады ішкі істер министрлігі.

Бұл құжаттар үшін төленетін мемлекеттік баж салығының көлемі өзгермейді. Олар 1,25 АЕК (3156 теңге немесе шамамен 8 долларды) құрайды.

422
Кілт сөздер:
құжат, көлік, жүргізуші куәлігі
Тақырып бойынша
Армян және қырғыз нөмірлерімен жүрген көліктерді тіркеу жүйесі өзгереді
Қазақстанда жүргізуші куәлігін алатындар үшін жаңа талап енгізіледі
Тоқаевтың тапсырмасы: заң бұзған жүргізушілер көлігінен айырылуы мүмкін
Жүргізуші куәлігінсіз көлік айдағандарға салынатын айыппұл бес есе артады
Шенеунік

Қазақстанда екі вице-министр қызметінен босатылды

10
(Жаңартылды 19:23 07.07.2020)
Нариман Мұқышев еңбек және халықты әлеуметтік қорғау вице-министрі қызметінен, ал Мәдина Жүнісбекова ұлттық экономика вице-министрі қызметінен босатылды

НҰР-СҰЛТАН, 7 шілде – Sputnik. Қазақстанда екі вице-министр қызметінен босатылды, деп хабарлайды primeminister.kz сайты.

"Нариман Мұқышев – еңбек және халықты әлеуметтік қорғау вице-министрі, Мәдина Жүнісбекова – ұлттық экономика вице-министрі қызметінен босатылды. Ал ұлттық экономика вице-министрі қызметіне Айгүл Шайымова тағайындалды", – делінген хабарламада.

Айгүл Шайымова туралы не білеміз?

Айгүл Шайымова 1979 жылы Ақмола облысының Мариновка ауылында дүниеге келген.

Гумилев атындағы Еуразия университетін, қаржы полициясы академиясын, Ресей президентінің халық шаруашылығы және мемлекеттік басқару академиясын бітірген.

Ол әр жылдары қаржы полициясы агенттігі мен экономикалық және сыбайлас жемқорлыққа қарсы күрес агенттігінде және бас прокуратурада жұмыс істеді.

2013-2014 жылдары – Қазақстан Республикасы қауіпсіздік кеңесінің ахуалдық орталық меңгерушісінің орынбасары қызметін атқарды.

2014-2016 жылдары мемлекеттік қызмет және сыбайлас жемқорлыққа қарсы іс-қимыл агенттігінде аппарат басшысы болды.

2016 жылы – мемлекеттік қызмет істері жөніндегі вице-министр.

2016 жылдың қыркүйегінен 2019 жылдың шілдесіне дейін мемлекеттік қызмет және сыбайлас жемқорлыққа қарсы іс-қимыл агенттігі төрағасының орынбасары болды.

2019 жылдың шілдесінен бастап Мәдина Жүнісбекованың оқу демалысы кезеңінде ұлттық экономика вице-министрі қызметін атқарды.

Нариман Мұқышев туралы не білеміз?

Нариман Мұқышев еңбек министрлігінде цифрландыру саласына жауап берді. 2020 жылдың сәуір-мамыр айында ол 42 500 теңге жәрдемақы алу үшін сайттар мен ақпараттық жүйелерге техникалық қызмет көрсетуді қамтамасыз етуге жауапты болды. Бұрынғы вице-министр әлеуметтік желілерде төлемдер туралы сұрақтарға белсенді жауап беріп тұрды.

Нариман Мұқышев 1984 жылы 9 мамырда Қарағанды ​​облысында дүниеге келген. Сүлеймен Демирел университетін, Халықаралық бизнес академиясын бітірген.

Еңбек жолын 2006 жылы бастаған. Әр жылдары коммерциялық құрылымдарда жұмыс істеді.

Оқи отырыңыз: Дәрігердің шағымынан кейін Меркі ауруханасының басшылығы қызметінен босатылды

2014 жылғы қарашадан 2018 жылдың маусым айына дейін "Қазпочта" АҚ басқарушы директор қызметін атқарды. 2018 жылдың маусымында ол еңбек және халықты әлеуметтік қорғау вице-министрі болып тағайындалды.

10
Кілт сөздер:
Еңбек және халықты әлеуметтік қорғау министрлігі, Ұлттық экономика министрлігі
Тақырып бойынша
Энергетика вице-министрі қызметінен босатылды
Денсаулық министрі Біртанов қызметінен босатылды
Таразда індет жұқтыруға жол берген әскери бөлімнің лауазым иелері қызметінен босатылды
Аида Балаеваның орынбасары қызметінен босатылды
Ішкі істер министрінің орынбасары қызметінен босатылды
Дәрі-дәрмек, архивтегі фото

Дәрі-дәрмекті заңсыз сатқандарға қандай жаза қарастырылған?

18
Жеке тұлғалар үшін 70, ал ірі кәсіпкерлік нысандар үшін 1 000 айлық есептік көрсеткішке дейін айыппұл салынады

НҰР-СҰЛТАН, 7 шілде – Sputnik. Ішкі істер министрлігі дәрі-дәрмекті заңсыз саудалауға қандай жаза қарастырылғанын түсіндірді, деп хабарлайды Sputnik Қазақстан тілшісі.

Министрдің орынбасары Алексей Калайчидидің айтуынша, карантин кезінде медициналық препараттарға сұраныс күрт өскен. Содан табыс көргісі келетіндер де аз емес. Олар дәрілерді қымбат бағаға сатады. Сол үшін заңсыз кәсіпкерлікпен де айналысады. Алыпсатарлардың ішінде дәріхана қызметкерлері де, қарапайым азаматтар да бар.   

"Қазіргі таңда 17 оқиғаға қатысты Қылмыстық кодекстің 214-бабы – "заңсыз кәсіпкерлік қызмет" бойынша сотқа дейінгі тергеу басталды. 30 факт негізінде тәртіп бұзушылар әкімшілік жазаға тартылып отыр", - деді Калайчиди бүгінгі онлайн брифингте.

Оның айтуынша, Әкімшілік құқық бұзушылықтар туралы кодексте дәрі-дәрмекті қымбат бағаға сатқандар үшін жауапкершілік қарастырылған. 426-бапта жазасы жазылған.   

"Осы бапқа сәйкес, жеке тұлғалар үшін 70 айлық есептік көрсеткіш, ал ірі кәсіпкерлік нысандар үшін 1 000 айлық есептік көрсеткішке дейін айыппұл салынады. Дәрі-дәрмекті тәркілеу шарасы бар. Лицензиясын да кері қайтаруы мүмкін", - деп атап өтті Калайчиди.

Оқи отырыңыз: Үш айға жететін дәрі-дәрмекті бір аптада сатып алды – облыс әкімі 

Айта кетейік, заңсыз кәсіпкерлік қызмет үшін 2 000 АЕК-ке дейінгі айыппұл, екi жылға дейiнгi мерзiмге бас бостандығын шектеу не сол мерзімге бас бостандығынан айыру жазасы қарастырылған. Құқық қорғаушылардың айтуынша, тәркіленген дәрі-дәрмектің бәрі медициналық ұйымдарға таратылады.

18
Кілт сөздер:
карантин, дәрі-дәрмек
Тақырып:
Коронавирус эпидемиясы
Тақырып бойынша
Нұр-Сұлтанда дәрі-дәрмекке қатысты жедел желі іске қосылды
Алматыда парацетамол мен термометр тапшылығы мәселесі қалай шешілді?
"Бұған жол беруге болмайды": Тоқаев жұртты алаңдатқан мәселе туралы айтты
Денсаулық министрі парацетамол тапшылығына кімдер кінәлі екенін айтты 
Дәрі-дәрмекті қымбатқа сатқандар жазаланады 
Шымкентте тегін таратылуы тиіс дәрілерді ұрлаған сатушы ұсталды
Денсаулық министрі алыпсатарлар қанша табыс тауып жатқанын айтты