Әйел мен бала

Қазақстандық әйел жоғалып кеткен ұлын 25 жылдан соң тапты - видео

4038
(Жаңартылды 15:15 19.11.2019)
Тамархан Кенжеханова құжаттарын реттеу үшін Қазақстанға кетіп, сегіз жастағы ұлын өгей әкесімен Омбыда қалдырған. Ал қалаға келген кезде оларды таппай қалған

НҰР-СҰЛТАН, 19 қараша – Sputnik. Қазақстандық әйел Тамархан Кенжеханова туған ұлы Әлішерді 25 жыл бойы іздепті, деп хабарлайды НТВ телеарнасы.

Анасы баласын "Жди меня" бағдарламасы арқылы тапты.

Тамархан Кенжеханова ұлының әкесі Маратпен 1985 жылы Шымкентте танысыпты. Кейін олардың дәм-тұзы жараспай, қарым-қатынастарын үзген екен. Дегенмен Тамархан жүкті болып, Әлішерді дүниеге әкеліпті.

Бес жылдан соң Марат досы Сергеймен бірге Қазақстанға келіп, Тамарханмен татуласуды көздейді. Бірақ бұл ойынан түк шықпайды. Алайда әйелдің Сергейге сезімі оянып, екеуі отбасын құрып, Ресейдің Омбы облысына жұмыс істеуге кетеді.

Тағы оқыңыз: Қарағандыда ұрланған 3 жасар баланың мәйіті табылды

Кейін әйел құжаттармен туындаған мәселені шешу үшін Қазақстанға аттанады. Ал сегіз жастағы ұлын күйеуіне сеніп, қалдырып кетеді. Алайда Тамархан Ресейге оралған сәтте Сергейді де, туған ұлын да таппай қалған. Полицияға хабарласқанымен одан еш нәтиже шықпапты.

"Анам есімде жоқ. Оның мені қалай күткені, тамақ бергені ғана еміс-еміс есімде қалыпты. Бірақ кейін анам жоғалып кетті. "Қайда кетті, не болды?" деген сұрақтарды өзіме қоймаппын. Алайда оның жанымда болмағаны анық есімде қалды", - дейді Әлішер.

Оның айтуынша, Сергей оны Новосібір қаласына алып келген. Алғашында екеуі вокзалда тұрып, бір күні өгей әкесі де жоғалып кетіпті. Осылайша, Әлішер балалар үйінде біраз жыл тұрған екен.

Кейін Сібір кадет корпусына оқуға түсіп, оны тәмамдаған соң РФ ішкі істер министрлігінің Санкт-Петербор әскери институтында білімін шыңдапты. Осыдан соң жас сарбаз Омбыда әскери қызмет атқарған екен.

Тағы оқыңыз: Қостанай облысында жоғалған оқушының ажалы моншадан болды

Әлішерді бала кезінде асырап алғысы келгендер де болыпты. Алайда ол туған анасымен кездескісі келетінін айтып, есейген кезде анасын іздеуге тырысқан.

"Анамның қандай екенін көргім келді. Достарым таныстары арқылы оның жеке мәліметтерін тауып берді. Олар анамның суретін жібермес бұрын, оның маған қатты ұқсайтытын айтты. Анамның көзіне, бет-бейнесіне мұқият қарауға кеңес берді. Суретке қараған кезде ондағы адамның анам екенін сездім", - деп ағынан жарылды Әлішер.

Анасы мен баласы бір-бірін  "Жди меня" бағдарламасы арқылы тауып, эфирде кездесті. Әлішер жүздесу барысында оның үш қарындасы бар екенін білді.

"Мен сені үлкен, мықты азамат ретінде елестеткен едім. Солай боп шықты. Анама қатты ұқсайсың", - деді оның қарындасы Зарина.

4038
Кілт сөздер:
бала, Ресей, Қазақстан
Тақырып бойынша
"Жағдай бұдан да ауыр болар еді": Беккер Арыстағы таңғаларлық жайт туралы айтты
Күйеуін өлтіріп, анасының қабіріне көмген: елордалық әйелдің адам шошырлық қылмысы
Дәрігерлер

Өткен тәулікте 872 адамның коронавирус індетімен ауырғаны анықталды

44
(Жаңартылды 09:56 09.08.2020)
Коронавирус анықталған 428 адам клиникалық белгісі жоқ тасымалдаушы ретінде тіркелген

НҰР-СҰЛТАН, 9 тамыз – Sputnik. Қазақстанда өткен тәулікте 872 адамның коронавирус індетімен ауырғаны белгілі болды. Ал республика бойынша 664 адам дерттен айығып шықты, деп хабарлайды ведомствоаралық комиссия.

"Оның ішінде 428 адам клиникалық белгілері жоқ тасымалдаушы ретінде тіркелді", – делінген хабарламада.

Қалалар мен өңірлер бойынша (жалпы/симптомсыз):

  • Нұр-Сұлтан қаласы - 174 / 78
  • Алматы қаласы - 151 / 73
  • Шымкент қаласы - 24 / 13
  • Ақмола облысы - 39 / 22
  • Ақтөбе облысы - 10 / 5
  • Алматы облысы - 23 / 16
  • Атырау облысы - 41 / 35
  • Шығыс Қазақстан облысы - 78 / 30
  • Жамбыл облысы - 30 / 18
  • Батыс Қазақстан облысы - 55 / 24
  • Қарағанды облысы - 90 / 27
  • Қостанай облысы - 30 / 13
  • Қызылорда облысы - 6 / 6
  • Маңғыстау облысы - 29 / 24
  • Павлодар облысы - 26 / 15
  • Солтүстік Қазақстан облысы - 40 / 11
  • Түркістан облысы - 26 / 18.

Жалпы ел бойынша ауырғандар саны – 98 701.

Ведомство таратқан дерекке сүйенсек, өткен тәулікте Қазақстанда 664 адам коронавирус індетінен емделіп шықты.
Қалалар мен өңірлер бойынша:

  • Нұр-Сұлтан қаласы - 21
  • Алматы қаласы - 60
  • Шымкент қаласы - 2
  • Ақмола облысы - 41
  • Ақтөбе облысы - 48
  • Атырау облысы - 29
  • Шығыс Қазақстан облысы - 212
  • Жамбыл облысы - 53
  • Батыс Қазақстан облысы - 32
  • Қарағанды облысы - 23
  • Қостанай облысы - 101
  • Маңғыстау облысы - 2
  • Павлодар облысы - 30
  • Түркістан облысы - 10.

Қазақстан бойынша жазылғандар саны – 72 273.

44
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Коронавирус қанша уақытқа созылады - дүниежүзілік денсаулық ұйымы болжам жасады
Коронавирус анықтамасын сатқан медицина қызметкері қылмыс үстінде ұсталды – видео  
Мамин коронавирус пандемиясының жаңа толқыны туралы айтты
Коронавирус пен пневмония құрбандары: министрлік соңғы деректерді жария етті
Ақтөбеде коронавирус жұқтырған балалар Кавасаки синдромына шалдықты
Дәрігер

Ақтөбеде коронавирус жұқтырған балалар Кавасаки синдромына шалдықты

854
Синдром белгілері аяқтың ісінуі, көздің қызаруы, диарея, құсу сияқты жағдайлармен байланысты болып келеді

НҰР-СҰЛТАН, 9 тамыз – Sputnik. Ақтөбеде облыстық балалар ауруханасында жатқан 5 және 15 жастағы баладан Кавасаки ауруына ұқсас белгілер анықталды, деп хабарлайды "Диапазон" Ақтөбе облысының денсаулық сақтау басқармасына сілтеме жасап.

"Облыстық балалар ауруханасында жатқан екі балада мультисистемалық қабыну синдромы расталды. 5 және 15 жастағы балалар ауыр жағдайда қабылданған болатын. Қазір олар палатаға ауыстырылды, өмірлеріне ешқандай қауіп жоқ", - деді облыстық денсаулық сақтау басқармасының басшысы Самат Даняров.

Оның айтуынша, 5 балада Кавасаки синдромы болуы мүмкін деген күдікпен ауруханаға түскен. Бұл диагноз үшеуінде расталмады.

"Коронавирус инфекциясы ересектерде тромбоэмболия тудыруы мүмкін, ал балаларда Кавасаки синдромын өршітеді. Ауру дене қызуын көтеріп, әлсіздік пен аяқ-қолда аллергия сияқты бөртпе пайда болады. Жүрек соғысы да жиілей түседі", - деп түсіндірді жұқпалы аурулар жөніндегі бас маман Мейрамбек Құрмангазин.

Оқи отырыңыз: Қытайда соңы өлімге соқтыратын жаңа вирус тарала бастады

Сондай-ақ, ол COVID-19 індетінің алғашқы белгілері сезіле бастағанда-ақ дәрігер кеңесіне жүгіну керектігін айтады.

Бұған дейін Италия, Ұлыбритания және АҚШ-та коронавирус инфекциясы бар балаларда осындай асқынулар тіркелген болатын. Мұндай жағдайда балалардың орта және кіші артериялары зардап шегеді.

Ал осыған ұқсас жағдайлар алғаш рет мамыр айында Еуропа елдерінде тіркелді. Неміс бұқаралық ақпарат құралдарында, атап айтқанда Deutsche Welle басылымы ол туралы жазды.

Маусым айында екі жасар қыз Мәскеуде Кавасаки тәрізді синдромның құрбаны болды, деп хабарлады РИА Новости

Шілде айында америкалық Wall Street Journal АҚШ-та тестілеу нәтижесінде балалардың коронавирус жұқтырған жағдайлары анықталып жатқанын мәлімдеді. Кейбір балаларда COVID-19 жұқтырғаннан кейін денеде қабыну процесі басталады.

Балалардағы синдром белгілері аяқтың ісінуі, көздің қызаруы, диарея, құсу сияқты жағдайлармен байланысты болып келеді.

854
Кілт сөздер:
коронавирус, вирус, індет
Тақырып:
Коронавирус эпидемиясы
Тақырып бойынша
Ғалымдар коронавирус қандай суда өлетінін анықтады
Ғалымдар коронавирусты емдейтін жаңа қондырғы ойлап тапты
Дәрігер Қазақстанда вирус жұқтырғандар неліктен көбейіп жатқанын айтты
Ғалымдар коронавирус жұқтырғанда кімдер 12 есе жиі көз жұматынын айтты
Тойда 16 қонаққа вирус жұқтырған: Тоғжанов қайғылы жағдайлар туралы айтты
Кене

Дәрігер Қытайда анықталған жаңа вирус қаупіне қатысты пікір білдірді

0
Қытайда анықталған SFTS вирусын 60-тан астам адам жұқтырып, оның жетеуі қайтыс болды

НҰР-СҰЛТАН, 9 тамыз – Sputnik. Дәрігер-вирусолог Евгения Тарасова "Вечерная Москва" басылымына берген сұхбатында тромбоцитопениялық синдроммен байланысты безгектің таралу ықтималдығын болжады, деп хабарлайды Sputnik Қазақстан.

Бұған дейін Қытайда SFTS вирусын 60-тан астам адам жұқтырып, оның жетеуі қайтыс болғаны хабарлаған.

Оқи отырыңыз: Адам өміріне аса қауіпті: кене шаққанда не істеу керек?

Аталған инфекцияның қоздырғышы кене болып табылады. Ал адамдар арасында қан немесе шырышты қабық арқылы жұғады.

Ауру белгісі ретінде науқаста жөтел пайда болып, қызба және лейкоциттер мен тромбоциттер деңгейінің төмендеуі байқалады.

"Инфекция ошақтары бір ғана елдің ішінде болғандықтан, бұл вирустың таралуы екіталай", – деп түсіндірді Тарасова.

Виролог қолданыстағы карантиндік шаралар мен шекаралардың жабық болуы инфекцияның Қытай аумағынан тыс жерге таралу ықтималдығын төмендетеді, деп атап өтті.

0
Кілт сөздер:
Қытай, вирус
Тақырып бойынша
WhatsApp-тан хабарлама ұрлайтын жаңа вирус анықталды
Ғалымдар коронавирусты емдейтін жаңа қондырғы ойлап тапты
Қытайда тағы бір жаңа вирус шықты
Қытайда соңы өлімге әкелетін жаңа вирус тарала бастады
Оңтүстік Қазақстанда кене шаққан әйел мен бала көз жұмды