Асхат Аймағамбетов

Мұғалімдердің жалақысы өседі: білім министрі тізімге кімдердің ілігетінін айтты

28078
Асхат Аймағамбетов мұғалімдердің жалақысын төрт жылдың ішінде екі есеге арттыру жоспарланып отырғанына тоқталды

НҰР-СҰЛТАН, 28 қараша – Sputnik. "Педагог мәртебесі туралы" заң жобасы аясында директорлар мен әдіскерлердің жалақысына қатысты мәселе шешіледі, деп хабарлайды Sputnik Қазақстан тілшісі.

Білім және ғылым министрі Асхат Аймағамбетовтың айтуынша, материалдық ынталандыру тетігі ретінде бірінші кезекте мұғалімдердің жалақысын төрт жылдың ішінде екі есеге арттыру жоспарланып отыр. Осы бастамаға директорлар мен әдіскерлер де ілігеді.

"Бүгінде директорлар, олардың орынбасарлары мен әдіскерлердің жалақысы төмен. Олар өздерінің біліктілігіне сай үстемақы алып жатқан жоқ. Сондықтан осы мәселені де заң жобасы аясында шешуді қарастырып отырмыз. Біріншіден, осы әріптестеріміз басқа да ұстаздар сияқты еңбекақысы екі есе көтерілетін тұлғалардың қатарына еніп отыр. Екіншіден, олар өз категориясына сәйкес тиісті үстемақы алады. Ол 30-50 процент шамасында болады", - деді Аймағамбетов мәжілістің пленарлық отырысында.

Тағы оқыңыз: Министр мұғалімдердің өмірі қалай өзгеретінін айтты

Оның сөзіне қарағанда, заң жобасы аясында тағы бір маңызды мәселені шешу көзделген. Ол - колледж мұғалімдерінің категорияларына үстемақы төлеу. Бұдан бөлек, магистр атағы бар мамандар мектепке келсе, оларға 10 айлық есептік көрсеткіш (25 250 теңге - Sputnik Қазақстан) көлемінде қосымша ақы беру көзделген.

"Жалпы, осы нормаларды жүзеге асыру үшін бес жылға 5,3 триллион теңге берілетін болады", - деді  Аймағамбетов.

Айта кетейік, бүгін мәжіліс депутаттары "Педагог мәртебесі туралы" заң жобасын бірінші оқылымда мақұлдады. Осы жобасы 19 баптан тұрады. Негізгі төрт бағыты:

  • Ұстаздардың құқықтарын кеңейту және өзіне тән емес жұмыстан босату, жүктемені азайту;
  • Мұғалімнің қызметіне қойылатын талаптарды күшейту;
  • Материалдық емес ынталандыру;
  • Материалдық ынталандыру.
28078
Кілт сөздер:
Асхат Аймағамбетов, білім министрлігі, жалақы, мұғалім
Тақырып бойынша
Мұғалімдер бірқатар жеңілдіктен қағылды – министр себебін түсіндірді
Мұғалімдер мен дәрігерлерге арналған арендалық баспананы қалай алуға болады?
Түнделетіп жолға шыққан мұғалімдер апаттан қаза болды
Аттестациялау жүйесі: тестілеу кезінде заң бұзған мұғалімдер қалай жазаланады?
Депутат мұғалімдер туралы заң жобасының парламентке түспегенін айтып қапаланды
Смартфон ұстаған зейнеткер

Жаппай төбелестің бел ортасында жүрген әженің видеосы желіде қызу талқыланып жатыр

1018
(Жаңартылды 15:07 28.09.2020)
Алматы қалалық полиция департаментінің мәліметіне сәйкес, жаппай төбелеске қатысты арыз-шағым түскен жоқ

НҰР-СҰЛТАН, 28 қыркүйек – Sputnik. Әлеуметтік желіде Алматыда болған жаппай төбелестің видеосы тарап кетті. Қолданушылар төбелестен бұрын түнгі уақытта гүл ұстаған әженің қайдан шыққанын қызу талқылап жатыр.

Видеодан бірнеше адамның төбелесіп жүргенін көруге болады. Кадрда қамзол киген әже де бар. Басында ақ орамал, қолында бір шоқ гүлі бар кейуана бір жігітті итеріп, жолдың бергі жағына өтіп кетеді. 

Посмотреть эту публикацию в Instagram

Публикация от @kris_p_almaty +21 | kz 🇰🇿 (@kris_p_almaty)

Желі қолданушылары жаппай төбелестің жұмадан сенбіге қараған түні "Туысқан бар" деген жерде болғанын жазып жатыр. Алайда, көбісі төбелесті емес, түнгі уақытта гүл ұстаған әжені талқыға салуда.

Біреулер оны түнгі клубтардың жанында жиі көретінін және оның қайыр сұрап жүретінін жазса, енді біреулер төбелестің арасында жүрген әженің әрекетін әзіл-қалжыңға айналдыруда.

Оқи отырыңыз: Бокспен шұғылданып жатқан әже желідегілерді таңғалдырды

Алматы қалалық полиция департаментінің мәліметіне сәйкес, жаппай төбелеске қатысты арыз-шағым түскен жоқ. Алайда, әлеуметтік желіде тараған видеодан кейін бұзақылық әрекеті бойынша сотқа дейінгі тергеу басталды.

1018
Кілт сөздер:
жастар, Алматы, жаппай төбелес
Тақырып бойынша
Шыбын өлтірмек болған зейнеткер үйін жарып жіберді
Зейнеткер үйде күтіп отырған 101 жастағы анасы үшін COVID-тен жазылып шықты
Зейнеткер тұрғын үйде ілініп тұрған альпинистердің арқанын кесіп жіберді
Астанада автобуста зейнеткер әже Елбасы туралы ән шырқады
Қостанай облысындағы өрт: ер адам қаза тауып, 96 жастағы әже уланып қалды
Ер адам терезеге қарап тұр, иллюстративті фото

Алматыда күдікті жауап алғаннан кейін терезеден секіріп көз жұмды

418
22 қыркүйекте марқұмнан күдікті ретінде жауап алынды, қасында адвокаты да болған. Тиісті хаттамалар толтырылғаннан кейін, ер адам терезеден секіріп кеткен

НҰР-СҰЛТАН, 28 қыркүйек – Sputnik. Алматыда аса ірі мөлшерде алаяқтық жасады деп айыпталған ер адам экономикалық тергеу департаменті ғимаратының терезесінен секіріп қаза болды. Бұл туралы қаржы министрлігі қаржылық мониторинг комитетінің баспасөз қызметі хабарлады.

Қайғылы оқиға Алматыда 22 қыркүйек кешке болған. Күдікті Ерлан Қоныспаев экономикалық тергеу департаменті ғимаратының бесінші қабатынан секіріп кеткен. Оқиға орнына бірден жедел жәрдем шақырылды. Алайда дәрігерлер 44 жастағы ер адамның өлімін тіркеді.

"Қазіргі таңда бұл фактіге қатысты сотқа дейінгі тергеу басталды. Бұған қоса, қаржылық мониторинг комитеті ішкі қызметтік тергеу жүргізіп жатыр. Бір мезетте қылмыстық процесс қатысушыларын қорғау және қауіпсіздігін қамтамасыз ету бойынша ведомстволық шаралар қабылдануда. Қаржылық мониторинг комитеті марқұмның отбасына көңіл айтады және бұл трагедияның объективті тергелуіне жан-жақты көмек көрсетеді", - делінген хабарламада.

Қылмыстық іс материалдарына сүйенсек, марқұм 2016 жылы білім министрлігінің ғылым комитетінен 230 миллион теңге мақсатты грант алған. Оның 88 миллион теңгесін еншілес компаниялардың шотына аударып, қолма-қол ақша етіп алған. Алайда келісімшартта қарастырылған жұмыстар орындалмаған.

Комитеттен хабарлағандай, 22 қыркүйекте марқұмнан күдікті ретінде жауап алынды. Қасында адвокаты да болған. Ол Қылмыстық кодекстің 190-бабы 4-тармағында ("Аса ірі мөлшердегі алаяқтық") көзделген қылмысты жасады деп айыпталды.

"Тергеу амалдары аяқталысымен, Қоныспаевтың 2012 жылы ауыр қылмыс үшін сотты болғанын және жаңа ауыр қылмыс жасағанын ескеріп, тергеуші Қылмыстық-процессуалдық кодекстің 128-бабы тәртібінде оны ұстау және уақытша ұстау изоляторына қамау туралы шешім қабылдады", - деді баспасөз қызметінен.

Алайда хаттамалар толтырылғаннан кейін, Қоныспаев терезеден секіріп кеткен.

418
Алматыдағы күз

Қазақстанда 29 қыркүйекте қандай маңызды оқиғалар болады

0
Sputnik Қазақстан 29 қыркүйек пен 1 қазан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

29 ҚЫРКҮЙЕККЕ ЖОСПАРЛАНҒАН ШАРАЛАР

10.00 – Kazakhstan Security Systems2020 қазақстандық қауіпсіздік жүйесінің қауіпсіздігі бойынша онлайн конференция. Бағдарламаға аясында заманауи бейнебақылау жүйелері, өрт қауіпсіздігі, киберқауіпсіздік, террористік қауіп-қатерлерге қарсы іс-қимыл, банк және қаржы салаларындағы қауіпсіздік шаралары қамтылады. Конференцияға 50-ден астам компания қатысып, 18 онлайн іскерлік іс-шара өтеді. Қатысу тегін (kss-expo.kz сайтында тіркелу).

11.00 – "Астана-Теплотранзит" АҚ жылу энергиясының тарифін бекітуге қоғамдық тыңдау өткізеді. Тыңдаулар бір уақытта офлайн және онлайн режимінде ұйымдастырылады. Офлайн Нұр-Сұлтан қаласы "Алматы" ауданы әкімінің аппараты, Тәуелсіздік даңғылы 7, акт залында, ал онлайн департаменттің ресми парақшасында Facebook әлеуметтік желісі арқылы өтеді. Қоғамдық тыңдауға мәслихат депутаттары, жергілікті өзін-өзі басқару органдары, мемлекеттік органдар, тұтынушылар мен олардың қоғамдық бірлестіктерінің өкілдері, тәуелсіз сарапшылар, бұқаралық ақпарат құралдары, табиғи монополиялар субъектілері шақырылады. Анықтама үшін телефон: 8(7172)95-18-69.

12.00 – "Азық-түлік өнімдерін өндірушілер, сауда және шағын бизнес қауымдастықтары өкілдерінің Қазақстан Республикасының президенті Қасым-Жомарт Тоқаевқа үндеуі" баспасөз конференциясы. Спикерлер: Қазақстандық қант, тамақ және қайта өңдеу өнеркәсібі қауымдастығының президенті Айжан Наурызғалиева, "Қазақстанның сүт одағы" ЗТБ атқарушы директоры Владимир Кожевников, Қазақстанның сүт одағының оңтүстік өңірдегі өкілі, одақтың сарапшылар тобының мүшесі Дінмұхамед Айсауытов, "Алкогольсіз сусындар мен шырындар өндірушілер қауымдастығы" ЗТБ атқарушы директоры Әлия Мамытбаева, "Қазақстанның тікелей сату қауымдастығы" ЗТБ атқарушы директоры Анастасия Калашникова, "Қазақстанның тәуелсіз автобизнес одағы" ЗТБ басқарма төрағасы Берік Заиров (Қазақстан баспасөз клубы, Алматы қаласы, Самал шағын ауданы 2, 58. Аккредиттеу +7 701 749 02 00. Трансляция мына сілтеме арқылы жасалады).

19.20 – "Воды слонам!" фильмінің тегін көрсетілімі. Басты рөлдерде – Роберт Паттинсон және Риз Уизерспун (Алматы, Hide Park, Тимирязев көшесі, 42к17).

30 ҚЫРКҮЙЕККЕ ЖОСПАРЛАНҒАН ШАРАЛАР

Республикалық бұқаралық ақпарат құралдарының өкілдеріне арналған "KTZE – Khorgos Gateway" құрғақ портының нысандары мен Қазақ-қытай шекарасындағы Алтынкөл теміржол станциясына баспасөз туры. Тур аясында қайта тиеу процестерінің көрсетілімі және Алтынкөл станциясы мен Құрғақ порт басшылығымен сұхбат ұйымдастырылады. Қатысуға ниетті азаматтар үшін Алматы–Жаркент–Алматы бағыты бойынша көлік ұйымдастырылады және тамақтану (түскі және кешкі ас). Телефон арқылы аккредиттеу: +7 775 813 33 35 (Анастасия Карабалина).

10.00 – Суретші Рустам Халфин туындыларының көрмесі. Қастеев атындағы өнер музейі, Алматы қ., Көктем-3 шағын ауданы, 22/1. Байланыс телефоны: +7 (7273945715).

11.00 – "Көлсай көлдері" мемлекеттік ұлттық табиғи паркін дамыту тұжырымдамасының презентациясы.

11.00 – Еуропалық Одақтың Қазақстандағы өкілдігі Нұр-Сұлтан қалалық әкімдігінің қолдауымен Қазақстандағы ЕО климаттық дипломатиясы және #EU4GreenKZ акциясы аясында ағаш отырғызу. ЕО елшілері мен өкілдері ЕХРО-ға мүше елдердің санын білдіретін ЭКСПО-ға 27 ағаш отырғызады. Іс-шараның мақсаты – Нұр-Сұлтан қаласының жасыл және тұрақты дамуына үлес қосу және Қазақстан мен Еуропалық Одақ арасындағы ынтымақтастықты нығайту. (Өтетін орны: Нұр-Сұлтан қаласы, EXPO аумағы, жанындағы балалар алаңы, Ақмешіт көшесінің бойында. Байланыс телефоны: +7 775 673 08 23)

1 ҚАЗАНҒА ЖОСПАРЛАНҒАН ШАРАЛАР

Құрамында Нобель сыйлығының лауреаттары бар Central Asia Nobel Fest Live бірінші онлайн ғылыми фестивалі (Тіркелу nobel-fest.inpolicy.net).

00.00 – мобильді қосымша және primaries.kz арнайы веб-порталы арқылы Nur Otan партиясының праймеризіне электронды дауыс беру басталады. Дауыс берудің соңғы күні (3 қазан) бастауыш партия ұйымдарының базасында сайлау учаскелері ашылады. Интернет жоқ елді мекендерде қағаз бюллетеньдер арқылы дауыс беруге болады. Үміткерлердің рейтингісі көрсетілетін праймериз қорытындысы 5 қазанда жарияланады.

10.00 – Қазақстанның Орталық мемлекеттік музейі Қытай Халық Республикасының Алматыдағы бас консулдығымен бірлесіп ұйымдастырған "Ғажайып көркем сурет" көрмесі. Көрме ҚХР құрылғанына 71 жыл толуына арналған. Көрме 31 қазанға дейін жұмыс істейді. Демалыс күні – сейсенбі (Алматы, ҚР Орталық мемлекеттік музейі, Самал-1 шағын ауданы, 44. Байланыс телефоны: +7 727 264 26 80).

10.00 – "Қарты бар үйдің қазынасы бар" қайырымдылық концерті (Трансляция Қазақстан Республикасы Ұлттық музейінің Instagram парақшасында).

19.00 – Нұр-Сұлтандағы Максим Горький атындағы Мемлекеттік академиялық орыс драма театрында 120-шы мерейтойлық театр маусымының ашылуы. Маусым "Найзағай" спектаклімен ашылады (Трансляция театрдың YouTube каналында жасалады).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0