Сот отырысы, архив фото

Ұлттық тестілеу орталығындағы шу: Жақсыбеков 7 жылға сотталды

614
(Жаңартылды 14:03 10.12.2019)
Ұлттық тестілеу орталығы директорының бұрынғы орынбасары Дархан Жақсыбеков өмір бойы мемлекеттік қызмет атқара алмайды

НҰР-СҰЛТАН, 10 желтоқсан – Sputnik. "Ұлттық тестілеу орталығы" РМҚК директорының бұрынғы орынбасары Дархан Жақсыбеков жеті жылға сотталды, деп хабарлады Сыбайлас жемқорлыққа қарсы қызмет.

Ресми ақпаратқа сәйкес, Жақсыбеков "ProBusineSS.kz" ЖШС директоры С.А.Панкеевтен құны 8,8 миллион теңгені құрайтын "Toyota camry" маркалы автокөлікті пара етіп алып, аймақтарда ұлттық бірыңғай тестілеуді ұйымдастыру кезінде жекеменшік фирмаға қызмет көрсетуге жағдай жасады деген күдік болған. Осыған байланысты сыбайлас жемқорлыққа қарсы қызмет сотқа дейінгі тергеу өткізді.

"9 желтоқсанда Нұр-Сұлтан қаласының Байқоңыр аудандық №2 сотының үкімімен Жақсыбеков пара алды деп танылып, оған 7 жылға бас бостандығынан айыру жазасы тағайындалды. Ол мемлекеттік қызмет атқару құқығынан өмір бойына айырылды", - делінген қызметтің ресми хабарламасында.

Айта кетейік, 25 қарашада "Ұлттық тестілеу орталығы" РМҚК бұрынғы директоры Рамазан Әлімқұлов 5 миллион теңге көлеміндегі пара үшін 3,5 жылға бас бостандығынан айырылды. Оған да өмір бойы мемлекеттік қызметте жұмыс істеуге тыйым салынды.

Жақсыбековтың өмірбаяны 

Дархан Жақсыбеков 1971 жылы 4 наурызда дүниеге келген. Ғылыми атағы – тарих ғылымдарының кандидаты. 1996 жылы Әл-Фараби атындағы Қазақ ұлттық университетінің тарих факультетін бітірген. Еңбек жолын 1998 жылы "Ұлттық тестілеу орталығы" РМҚК-да ғылыми-әдістемелік зертхананың жетекші маманы қызметінен бастаған.

2001-2002 жылдары мемлекеттік білім стандарттары мен тестілеу ұлттық орталығында тест сынақтары зертханасында жұмыс істеді. Одан кейін бес жыл бойы осы зертхананың меңгерушісі болды.

2007-2014 жылдары тестілеу орталығының орта білім саласында тестілеуді ұйымдастыру басқармасының жетекшісі, ал 2014 жылы шілде айында директордың орынбасары қызметіне тағайындалды.

2011 жылы Қазақстан президентінің грамотасын алған. Сондай-ақ, Алтынсарин белгісінің иегері.

614
Кілт сөздер:
қылмыстық іс, соттау, Ұлттық тестілеу орталығы
Тақырып бойынша
Вице-министр ісінің тестілеу орталығындағы шуға қатысы бар ма?
Тестілеу орталығына жемқорлық дауынан кейін жаңа басшы келді
"Намысыма тиеді": тестілеу орталығының жаңа басшысына қандай өтініштер түсіп жатыр?
Ұлттық тестілеу орталығының экс-басшысы не үшін ұсталды - тың деректер
"Маған қысым көрсетті": білім министрлігінде тағы да шу шықты
Ұялы телефон, архивтегі сурет

Мемлекеттік мекемедегі трагедия: марқұмның әкесі Назарбаев пен Тоқаевқа үндеу жолдады

11
Марқұмның әкесі ұлы департамент ғимаратының терезесінен өзі секірген жоқ, оны лақтырып жіберді деп санайды

НҰР-СҰЛТАН, 28 қыркүйек – Sputnik. Алматыда экономикалық тергеу департаменті ғимаратының терезесінен секіріп көз жұмған ер адамның әкесі Елбасы мен президенттен көмек сұрады.

Марқұм Ерлан Қоныспаевтың әкесі Сапарқали Қонысбаев әл-Фараби атындағы ҚазҰУ химия және химиялық технология факультетінің профессоры, химия ғылымдарының докторы екен.

Айтуынша, ұлының үстінен қозғалған қылмыстық іс отбасының соңғы 30 жыл бойы айналысқан жұмысымен байланысты. Пандемия кезінде Алматының экономикалық тергеу департаменті жалған қылмыстық іс қозғаған.

"Үйде заңсыз тінту жүргізіп, компьютерлер мен құжаттарды тәркіледі. Ар-намысты қорлап, бізге үлкен моралдық қысым көрсетті", - деп мәлімдеді Сапарқали Қоныспаев.  

Ол 22 қыркүйек күні марқұм ұлын экономикалық тергеу департаментіне алдап шақырды деп санайды.

"Тергеуші іс жабылатынына сендірді. Бірақ, түннің бір уағында суыт хабар алдым: ұлымның көз жұмғанын хабарлады. Оны бесінші қабаттың терезесінен лақтырып жіберген. Ұйым басшылығының бұдан хабары болғанын сезіп отырмын", - дейді Сапарқали Қоныспаев.

Айтуынша, Ерлан Қоныспаевтың өліміне қатысты қылмыстық іс бір ведомстводан екіншісіне тапсырылып, баптар өзгертіліп жатыр.

"Ерланның бірнеше дипломы болған, Францияда білім алды. Бес тіл білетін. Артында үш баласы қалды. Ол мемлекеттік мекемеде өлтірілді. Маған, Қазақстан азаматы ретінде, осының бәріне сену қиын", - деді марқұмның әкесі.

Ол соңғы уақытта өзінің және отбасының, қызметкерлерінің өміріне де алаңдап жүргенін айтты.

"Мен тергеудің әділ өткенін қалаймын. Мен үшін бұл оқиғадағы ең маңыздысы – ол шындық", - деді ол.

Ерлан Қоныспаевтың өлімі

28 қыркүйекте Алматыда аса ірі мөлшерде алаяқтық жасады деп айыпталған ер адамның экономикалық тергеу департаменті ғимаратының терезесінен секіріп қаза болғаны хабарланды.

Қаржы министрлігі қаржылық мониторинг комитеті баспасөз қызметінің мәліметінше, трагедия 22 қыркүйекте болған. 44 жастағы Ерлан Қоныспаев экономикалық тергеу департаменті ғимаратының бесінші қабатынан секіріп көз жұмды.

Қылмыстық іс материалдарына сүйенсек, марқұм 2016 жылы білім министрлігінің ғылым комитетінен 230 миллион теңге мақсатты грант алған. Оның 88 миллион теңгесін еншілес компаниялардың шотына аударып, қолма-қол ақшаға айналдырған. Алайда келісімшартта көзделген жұмыстар орындалмаған.

22 қыркүйекте марқұмнан күдікті ретінде жауап алынады. Қасында адвокаты да болған. Ол Қылмыстық кодекстің 190-бабы 4-тармағында ("Аса ірі мөлшердегі алаяқтық") көзделген қылмысты жасады деп айыпталды.

Тергеуші Қоныспаевтың бұған дейін сотты болғанын және жаңа ауыр қылмыс жасағанын ескеріп, оны ұстау және уақытша ұстау изоляторына қамау туралы шешім қабылдайды.

Алайда тиісті хаттамалар толтырылғаннан кейін, ер адам терезеден секіріп кеткен.

Қазір бұл фактіге қатысты сотқа дейінгі тергеу басталды. Бұған қоса, қаржылық мониторинг комитеті ішкі қызметтік тергеу жүргізіп жатыр.

11
Кілт сөздер:
тергеу, Алматы
Смартфон ұстаған зейнеткер

Жаппай төбелестің бел ортасында жүрген әженің видеосы желіде қызу талқыланып жатыр

1093
(Жаңартылды 15:07 28.09.2020)
Алматы қалалық полиция департаментінің мәліметіне сәйкес, жаппай төбелеске қатысты арыз-шағым түскен жоқ

НҰР-СҰЛТАН, 28 қыркүйек – Sputnik. Әлеуметтік желіде Алматыда болған жаппай төбелестің видеосы тарап кетті. Қолданушылар төбелестен бұрын түнгі уақытта гүл ұстаған әженің қайдан шыққанын қызу талқылап жатыр.

Видеодан бірнеше адамның төбелесіп жүргенін көруге болады. Кадрда қамзол киген әже де бар. Басында ақ орамал, қолында бір шоқ гүлі бар кейуана бір жігітті итеріп, жолдың бергі жағына өтіп кетеді. 

Посмотреть эту публикацию в Instagram

Публикация от @kris_p_almaty +21 | kz 🇰🇿 (@kris_p_almaty)

Желі қолданушылары жаппай төбелестің жұмадан сенбіге қараған түні "Туысқан бар" деген жерде болғанын жазып жатыр. Алайда, көбісі төбелесті емес, түнгі уақытта гүл ұстаған әжені талқыға салуда.

Біреулер оны түнгі клубтардың жанында жиі көретінін және оның қайыр сұрап жүретінін жазса, енді біреулер төбелестің арасында жүрген әженің әрекетін әзіл-қалжыңға айналдыруда.

Оқи отырыңыз: Бокспен шұғылданып жатқан әже желідегілерді таңғалдырды

Алматы қалалық полиция департаментінің мәліметіне сәйкес, жаппай төбелеске қатысты арыз-шағым түскен жоқ. Алайда, әлеуметтік желіде тараған видеодан кейін бұзақылық әрекеті бойынша сотқа дейінгі тергеу басталды.

1093
Кілт сөздер:
жастар, Алматы, жаппай төбелес
Тақырып бойынша
Шыбын өлтірмек болған зейнеткер үйін жарып жіберді
Зейнеткер үйде күтіп отырған 101 жастағы анасы үшін COVID-тен жазылып шықты
Зейнеткер тұрғын үйде ілініп тұрған альпинистердің арқанын кесіп жіберді
Астанада автобуста зейнеткер әже Елбасы туралы ән шырқады
Қостанай облысындағы өрт: ер адам қаза тауып, 96 жастағы әже уланып қалды
Иллюстративті фото

Былтырғы оқиға есіне түсіп кеткен: Көңілдесін ұрып өлтірген атбасарлық сотталды  

0
(Жаңартылды 17:29 28.09.2020)
Ішімдік ішкен ер адам жатын бөлмеге кіріп, әйелді бауыр тұсынан бір ұрған. Ол қатты соққыдан сылқ ете түседі. Бірақ ашуға булыққан ер адам онымен тоқтамаған

НҰР-СҰЛТАН, 28 қыркүйек – Sputnik. Атбасарда көңілдесін ұрып өлтірген 35 жастағы ер адам 9 жылға бас бостандығынан айырылды, деп хабарлайды Sputnik Қазақстан.

Тергеу материалдарына сәйкес, ер адам үйінде ішімдік ішіп отырғанда өзімен бірге тұратын әйелдің 2019 жылы желтоқсан айында таныс адамымен көзіне шөп салғаны есіне түскен. Қызғаныш сезімі билеп, әйелден өшін алуға ұмтылған.

"Ол жатын бөлмеге кіріп, әйелді бауыр тұсынан бір ұрады. Ол қатты соққыдан сылқ ете түседі. Бірақ ашуға булыққан ер адам онымен тоқтамаған, басынан және бетінен ұрғылай берген. Әйел есінен танып қалғаннан кейін есікті құлыптап, далаға шығып кеткен. Сол күні үйге келмеген", - дейді полицейлер.

Келесі күні қайтып келгенде үйдің іші тым-тырыс болған. Көңілдесі жатын бөлмеде сол күйі қозғалмай жатқанын көрген.

Полицейлер атап өткендей, ер адамның зәресі ұшып, қылмыстық жазадан құтылудың амалын іздей бастайды. Содан әйелді далаға сүйреп шығарып, мәйітін жерқоймаға тастап, қашып кетеді.

"Жәбірленуші жабық бас сүйек-ми жарақатын алған. Біршама уақыттан кейін миы ісініп кеткен", - делінген сот-медициналық сараптамада.

Оқи отырыңыз: Түркістанда әйелін пышақтап өлтірген прокурорға сот үкімі шықты 

Қаскүнем тағы бір қылмыс жасайды. Көрші келіншектің кетіп қалғанын пайдаланып, үйіне түскен. Сол жерден ыдыс-аяқ пен тосап ұрлаған.  

Сот оны Қылмыстық кодекстің екі бабы – денсаулыққа қасақана ауыр зиян келтіру және ұрлық бойынша жазаға тартып, 9 жылға бас бостандығынан айыруға шешім шығарды.

0
Кілт сөздер:
көңілдес, Атбасар
Тақырып бойынша
Күйеуін өлтіріп, анасының қабіріне көмген: елордалық әйелдің адам шошырлық қылмысы
Үйлену тойына ақша жетпеген: Шымкентте бай ерлі-зайыптыны өлтірген жігіт сотталды
Ер адам үйлену тойынан кейін әйелін жансақтау бөлімінен бір-ақ шығарды
16 рет пышақ сұққан: шымкенттік мұғалімді кім және не үшін өлтірді