КСРО және Қазақстанның халық әртісі Бибігүл Төлегенова

Бибігүл Төлегенова 90 жасқа толды: "Әдемі қартайып келемін"

4652
(Жаңартылды 14:32 16.12.2019)
Бибігүл Төлегенованың балалық шағы болған жоқ. 1937 жылы 7 жасында әкесін халық жауы деп ұстап әкетті. Балалық шағы сол кезде аяқталды. Оның қуыршағы болмады, ойыншықты білмей өсті

АЛМАТЫ, 16 желтоқсан – Sputnik, Айгерім Таубай. Бүгін, 16 желтоқсанда қазақ ән өнерінің бұлбұлы, КСРО және Қазақстанның халық әртісі Бибігүл Төлегенова 90 жасқа толды. Қазақстан Республикасының Тәуелсіздік күні қарсаңында Бибігүл Ахметқызы президент жарлығымен І дәрежелі "Барыс" орденімен марапатталды. Sputnik тілшісі халық әншісімен балалық шағы, шәкірттері, бүгінгі қызметі жайында әңгімелесіп қайтты.

Қара жұмысшыларға концерт берді

"Мен көп еңбек еттім, – деп бастады әңгімесін қазақтың бұлбұлы. – Шахтадағы қызметкерлердің жарты сағат үзілісінде ол кісілерге концерт бердім. Бұл өзім сол ортаның қандай екенін білгеннен туған ой еді".

Халық әртісі бала күнінде Күләш, Шара, Жамал Омарова сынды әртістер келгенде соларды көруге құштар болыпты.

"Пимамның ішіне зат салып, бойымды өсіріп, әнге, өнерге шөлдеген көпшіліктің ішіне кіріп, ән тыңдағанға құмар едім. Бірде залға кіресің, бірде сыймай қаласың. Ол кезде баламын, кісі толған залда сахнаны көруге бойым жетпейді. Кейде клубтан шығарып та жіберетін. Қарапайым халықтың арасынан шыққан соң, сол кісілердің ортасында жүргім келді", - дейді ол.

Бибігүл Төлегенова саналы ғұмырында ашаршылықты, ел басына қиын күн туған соғысты, нәубетті жылдарды да көрген. Бар халық бейбітшілік үшін еңбек еткен тұста сол ортада жүріп, жас та болса өз үлесін қосқанын айтады.

Жеті жасынан бастап кір де, үй де жуды, қара жұмысшы болды, жер де қазды. 18 жасында 7-сыныпты бітіріп, Алматыға келді. Құрманғазы атындағы халық аспаптары консерваториясының дайындық курсына алды. Содан 25 жыл театрда жұмыс істеді, 25 жыл консерваторияда шәкірт тәрбиеледі.

Қазақтың бұлбұлы Бибігүл Төлегенова туралы не білеміз? 

"Ашаршылықты, Отан соғысын көрдік. Қиын қыстау күнде еңбек еттік, қара жұмыс істедік. Содан жаман болмадық. 60 жылдан аса сахнада жүрмін. Соның басым бөлігінде ауыл араладым. Шахтерлар, егіншілер, малшылар, қара жұмысшыларға концерт бердім. Халықтың ортасында жүргенімнің арқасында осы дәрежеге жеттім", - деп еске алды халық әртісі.

Шәкірттері жиналып, туған күнін атап өткелі жатыр

Бибігүл Төлегенованың  шәкірттерінің барлығы әлі күнге дейін өнер жолында, ән айтады.

"Қызылордада Қарагөз Дәулетова, Самал Байсейіт деген екі қызым бар. Бірі – Қазақстанның еңбек сіңірген қайраткері, екіншісі өз қаламның мәдениетін көтеремін деп Қызылордаға кетті, қазір филормонияда жұмыс істейді. Атырауда Маржан Төреханова деген шәкіртім бар. Қазір бес баланың анасы. Колледжде сабақ беріп, оркестрмен концерттерде жүр. Менің 90 жылдығыма орайластырып Атырауда үлкен концерт беріпті", - деп әншінің көңілі марқайды.

Одан бөлек 16 желтоқсанда Нұрсұлтан қаласында шәкірттері жиналып, туған күнін атап өтпекші.

"Оның ішінде ерекше шәкіртім Толқын Забирова да бар", - деп атап өтті Бибігүл Төлегенова.

"Сіздің қолыңызға осы сағат жарасады"  

Халық әртісі 3 желтоқсанда Нұр-Сұлтан қаласында Астана опера және балет театрында концерт өткізді, ал 22 желтоқсанда алматылық ән сүйер қауымды жинамақ.

"Осы сапарымда Елбасымен кездестім. Ол кісі өзінің дана ойлары жазылған кітаптары мен "сіздің қолыңызға осы сағат жарасады" деп бриллиант сағат сыйлады. Ал жаңа президентіміз "Барыс" орденімен марапаттап жатыр. Өзімді бақытты адам санаймын", - деді әнші.

"Әдемі қартайып келе жатырмын"

Биыл Бибігүл Төлегенова атындағы халықаралық вокалистер конкурсы 10-рет өтіп, мерейтойын тойлады. Екі жылда бір өтетін байқауға алыс-жақын шет елден опера әншілері қатысады.

"Адам баласы өсу керек, әдемі өмір сүру керек, әдемі қартаю керек. Мен осы девизбен өмір сүретін адаммын. Арасында спортпен шұғылданамын. Қалғанының бәрі табиғаттың дарытқаны. Кез келген тамақты жей бермеймін. Маска жасап әуреге салынбаймын. Жасыма лайық әдемі қартайып келе жатырмын", - дейді ол.  

Қазақ ән өнері бұлбұлының қазіргі ең үлкен жұмысы –  екі жылда бір рет өтетін халықаралық конкурс. Биыл әншінің 90 жылдық мерейтойы, конкурс та 10 жылдығын тойлап жатыр.  

Ел үшін, жер үшін еңбек ету керек

Әншінің айтуынша, қазір ата-аналар балаларын өздері өнерге әкеліп, бар жағдайын жасап отыр. Ел үшін еңбек етемін деген адамға бар жағдай жасалған.

"Анама "Майнұр, осы балаңның дауысы жақсы. Оқуға бер" десе, анамыз: "жұмыс істесін, әнді кейін айтады" дейтін. Сол кезде біз түсінбейтінбіз.Ал қазір ата-аналар баласын киіндіріп, сахнаға шығарып, жанында жүреді. Тыныштық болса, басқаның бәрі адамның қолынан келеді. Қазір дені сау адамдар да қайыр сұрап жүреді, ондайды көрсем, қатты намыстанамын", - деді әнші.   

Оның пікірінше, он екі мүшесі сау адам тамақ үшін ғана емес, ел үшін, жер үшін еңбек етуі керек. Ал ел мен жерге төгілген тер, еңбек жерде қалмайды.

"Үнемі елдің тыныштығын тілеп отырамын. Еліміз аман болсын! Елбасымыз аман болсын! Аспанымыз ашық, тыныштық болсын!", - деп аяқтады сөзін халық әртісі.  

4652
Тақырып бойынша
Назарбаев әнші Бибігүл Төлегенованы 90 жылдық мерейтойымен құттықтады
Майра Ілиясова: Ринат айтыста профессор болсын, ал Димашта жұмысы болмасын
"Үнемі күліп жүретін": танымал әнші Батырхан Шүкенов туралы не білеміз?
Қазақтың бұлбұлы Бибігүл Төлегенова "Барыс" орденімен марапатталды - фото
Ливанға аттанып бара жатқан Қазақстанның әскери дәрігерлері

Қазақстандық әскери дәрігерлер Ливан астанасына аттанды

16
Ливан астанасына аттанған әскери дәрігерлердің көпшілігі ағылшын тілін жетік меңгерген мамандар

НҰР-СҰЛТАН, 8 тамыз – Sputnik. Қазақстан президенті – Қарулы күштер бас қолбасшысы Қасым-Жомарт Тоқаевтың тапсырмасына орай, Қарулы күштердің жеке құрамынан құралған әскери дәрігерлер тобы Ливан астанасына аттанды, деп хабарлайды қорғаныс министрлігінің баспасөз қызметі.

29 медицина маманы мен 4 аудармашы бар топ Нұр-Сұлтан – Ақтау – Бейрут бағыты бойынша ұшты.

"Бүгін таңертең Бейрут портындағы жарылыс салдарынан зардап шеккендерге медициналық көмек көрсету үшін әуе қорғаныс күштерінің әскери-көліктік авиация ұшағы Ливан астанасына аттанды. Әскери медицина қызметкерлерінің мақсаты зардап шеккендерге білікті медициналық көмек көрсету болып табылады", – делінген хабарламада.

Ведомство мәліметінше, топ құрамында жоғары білікті хирургтер, травматологтар, нейрохирургтер, анестезиолог-реаниматологтар, сондай-ақ хирургиялық салаға бейімделген орта медициналық персоналдар бар. Олардың көпшілігі ағылшын тілін жетік меңгерген.

Елдегі Covid-19 эпидемиясына байланысты топ құрамына инфекционист және терапевт дәрігерлер қосылмады.

Оқи отырыңыз: Тоқаев қазақстандықтардың қауіпсіздігі үшін Ливан президентіне қоңырау шалды

Айта кетейік, 4 тамыз күні Ливан астанасында әскери-теңіз күштерінің базасына жақын орналасқан Бейрут портының маңында қуатты жарылыс болып, 150-ден астам адам қаза болды. Бес мыңға жуық адам жарақат алды. Алайда, ауруханаларда орын жетіспеуінен зардап шеккендер стационар жағдайында ем қабылдай алмауда.

16
Кілт сөздер:
әскерилер, көмек
Тақырып бойынша
Тоқаев әскери жағдайда өзінің өкілеттігін кеңейту мәселесін заңдастырды
Ақмола облысында әскери дәрігер пневмониядан көз жұмды
Әскери роботтар өндірісіндегі серпіліс
Ресейдің әскери дәрігерлері Нұр-Сұлтан мен Алматыдағы госпитальдерде жұмысқа кірісті
Нұр-Сұлтанда иттің үргеніне ашуланған әскери қызметкер ерлі-зайыптының зәресін алды
Халыққа қызмет көрсету орталығы

Енді көлікті ХҚКО-ға бармай-ақ тіркеуге болады

454
(Жаңартылды 16:21 08.08.2020)
Вице-министрдің айтуынша, қазіргі кезде жүргізушілер Qamqor арқылы айыппұлдың бар-жоғын тексеру мүмкіндігін пайдалана алады

НҰР-СҰЛТАН, 8 тамыз – Sputnik. Мамандандырылған халыққа қызмет көрсету орталықтарындағы автокөлікті тіркеу рәсімі тағы да жетілдіріліп, жеңілдей түсетін болды. Бұл туралы туралы цифрлық даму, инновациялар және аэроғарыш өнеркәсібі бірінші вице-министрі Бағдат Мусин facebook желісіндегі парақшасында жазды.

"Апта басында мамандандырылған ХҚКО-ға бардым. Адам өте көп. Әрине, біздің міндетіміз – қызметтің бәрін автоматтандыру. Ішкі істер министрлігіне цифрландыру бойынша жаңадан тағайындалған вице-министр Сәкен Сәрсеновпен бірге процесті жеңілдетуді пысықтаудамыз", – деп жазған Мусин алдағы уақытта ХҚКО-ға келушілер санын мүмкіндігінше азайтуға жұмыс істеу қажеттігін атап өткен.

"Жүргізілген талдау нәтижесі Нұр-Сұлтан қаласында ресімделетін автокөліктің 30%-ті автосалоннан сатып алынатынын көрсетті. Сондықтан автосалондарда мамандандырылған ХҚКО бұрышын ұйымдастыруды ұйғардық. Автокөлікті таңдау, банк операторының несие ресімдеуі, ХҚКО операторының автокөлік кепілдігін ресімдеуі, мемлекеттік нөмір мен техникалық құжатты алу – бәрі бір жерде, автосалонда жасалады", – деді Мусин.

Бүгінде қаладағы бірқатар автосалонда осындай қызмет көрсету бұрыштары жұмыс істейтініне тоқталған ол, өзге автосалондарды өз клиенттеріне осылай қызмет көрсетуге шақырды. Ол үшін азаматтарға арналған үкіметке хабарласу қажет.

"Бізге адамдардың әлеуметтік қашықтықты сақтауына жағдай жасау маңызды. Жүргізушілер үшін тағы бір кішігірім жаңалық. Qamqor арқылы айыппұлдың бар-жоғын тексеру қызметі жұмыс істеуде", – деп толықтырды ол жазбасында.

Оқи отырыңыз: Алматы тұрғыны ХҚКО ғимаратында босанды

Айта кетейік, осы кезге дейін ұлттық ақпараттық технологиялар агенттігі мен бас прокуратура бұл қызметтің eGov.kz қолжетімділігін пысықтау барысында қауіпсіздікке қатысты бірқатар мәселені анықтаған болатын. Сондай-ақ, арнайы есеп және құқықтық статистика комитетімен келіссөз жүргізу нәтижесінде айыппұлдарды Qamqor арқылы тексеру қалпына келтірілген.

"Біздің мақсатымыз – барлығын eGov.kz арқылы емес, керісінше азаматтарға әртүрлі платформалар арқылы қызмет алу мүмкіндігін ұсыну", – деді Мусин.

454
Кілт сөздер:
көлік, ХҚКО, Бағдат Мусин
Тақырып бойынша
Емшектегі баланы ұстап отырған ХҚКО қызметкерінің суреті желіде дау тудырды
Нұр-Сұлтан тұрғыны ХҚКО қызметкеріне жұдырық ала жүгірді
Төтенше жағдай кезінде ХҚКО қалай жұмыс істейді?
Қазақстанның тоғыз өңірінде ХҚКО ашылды
13 өңірде ХҚКО-ның жұмыс уақыты өзгереді