Система Кунделик, иллюстративное фото

Назарбаева "Күнделіктің" жұмысын кімдер шектеп отырғанын айтты

1112
Дариға Назарбаеваның пікірінше, депутаттар аймақ басшылары сирек баратын шалғай елді мекендерді аралауы керек

НҰР-СҰЛТАН, 24 желтоқсан – Sputnik. Сенат төрағасы Дариға Назарбаева "Күнделік" электронды күнделігі сервисіне қатысты пікір білдірді, деп хабарлайды Sputnik Қазақстан сенаттың сайтына сілтеме жасап.

Сенат бюросының отырысында Дариға Назарбаева білім беру, денсаулық сақтау жүйелерін цифрландыру мен ауылдардағы интернет мәселелерін шешуді тапсырды. Оның айтуынша, қазір аймақтарда интернет жоқ және ол мұғалімдер жүктемесін ұлғайтады деген сылтаумен "Күнделік" электронды күнделігі сервисінің жұмысы шектеле бастаған.

"Әрбір жекелеген жағдайдың шешімін іздестіру керек. Әкімдіктер мен жергілікті білім басқармаларына электронды күнделік неге тиімсіз? Өйткені ол барлық білім беру, тестілеу, сабаққа қатысу, сабақ өткізу жүйесін ашық көрсетеді", - деді Назарбаева.

Төрағаның пікірінше, "Күнделік" барлық сабақтың болатынын әлде қағазда ғана қалатынын анықтап береді.

"Бүгінгі күні электронды күнделік оқушылардың үлгерім деңгейін, мұғалімдердің өздерінің дайындығын – осының бәрін көрсетіп отыр. Бұл оларға тиімсіз", - деді ол.

"Күнделікте" діни насихат жүргізіледі: депутат үкіметке сауал жолдады

Сенат төрағасы сондай-ақ ауылдық нысандарға, оның ішінде әлеуметтік инфрақұрылым объектілеріне жоғары жылдамдықтағы интернет жүргізу үшін әкімдіктерге бөлінген қаражаттың қалай игерілгенін тексеру қажет деді.

"Менің ойымша, депутаттар аймақ басшылары сирек баратын ең шалғай елді мекендерде болу керек. Осы сапар кезінде депутаттардың негізгі мақсаты азаматтардың өзекті мәселелерін шешу болуы тиіс", - деді жоғарғы палата басшысы.

1112
Кілт сөздер:
Дариға Назарбаева, күнделік
Тақырып бойынша
"Әркімге жалынып жүрміз": депутат мектеп мұғалімдерінің мұңын жеткізді
Министр даулы орыс тілі оқулығына қатысты пікір білдірді
Күнделік кз: Ата-аналар мен оқушылар нені білуі тиіс?
Аймағамбетов ағарту министрлігін құруға қатысты пікір білдірді 
Загрузка...