Нұргүл Әубәкірова

Тоқаев Sputnik Қазақстан тілшісіне алғысын білдірді

138
(Жаңартылды 14:59 26.12.2019)
Мемлекет басшысы елдегі тың реформаларды насихаттауға елеулі үлес қосқаны үшін Sputnik Қазақстан тілшісін марапаттады

НҰР-СҰЛТАН, 26 дек — Sputnik. Қазақстан президенті Қасым-Жомарт Тоқаев отандық журналистиканы дамытуға қосқан үлесі үшін Sputnik Қазақстан халықаралық ақпарат агенттігі қазақ редакциясының тілшісі Нұргүл Әубәкіроваға алғысын білдірді.

Журналистке алғыс хат Ақордада табысталды.

"Сізге ұлттық журналистканы дамытуға, мемлекетімізде жүргізіліп жатқан реформаларды насихаттауға елеулі үлес қосқаныңыз үшін алғыс білдіремін", - делінген президенттің алғыс хатында.

Осы орайда Нұргүл Әубәкірова қуанышты жағдайдан алған әсерімен бөлісті.

Тағы оқыңыз: Ұлттық волонтерлік желі Sputnik Қазақстанды марапаттады 

"Шынын айтсам, мұндайды күткен жоқпын. Жұмысыма мұншалықты жоғары баға берілгеніне қуаныштымын. Әрине, Жаңа жылда мұндай сыйлық берілгені қуантады. Шын жүрегіммен барша қазақстандықты Жаңа жыл мерекесімен құттықтаймын", - деді Sputnik Қазақстан тілшісі.

Айта кетейік, Нұргүл көпбалалы отбасында тәрбиеленген, үйдің үлкені. Ол Солтүстік Қазақстан облысы Шал ақын ауданы Социал ауылында дүниеге келген. Оның 4 інісі мен сіңлісі бар. Нұргүл Лев Гумилев атындағы Еуразия ұлттық университетінде білім алған.

Sputnik Қазақстан ұжымы әріптесін шын жүректен құттықтай отырып, оған шығармашылық табыс тілейді.

Осыған дейін Нұргүл Әубәкірова Алматы қаласының әкімдігі ұйымдастырған "Жасампаз елдің жастары" конкурсында "Ақпарат агенттіктеріндегі үздік жарияланым" номинациясында жеңімпаз атанған болатын.

138
Ант қабылдау рәсімінен кейін

Биыл әскери ант қабылдауға ата-аналар қатыса ала ма?

7
Жас сарбаздар салтанатты ант қабылдау рәсімінен фото немесе видео түсіріп, отбасына жолдай алады

НҰР-СҰЛТАН, 28 мамыр – Sputnik. Коронавирус пандемиясына байланысты әскери бөлімдерде ант қабылдау рәсіміне ата-аналар шақырылмайды. Бұл туралы Алматы қаласы қорғаныс істері департаментінің басшысы Амантай Өсербаев мәлімдеді, деп хабарлайды Sputnik Қазақстан тілшісі.

"Жыл сайын әскери ант қабылдау шарасына азаматтардың ата-анасы мен туған-туыстары шақырылатын. Биыл пандемияға байланысты туған-туыстар ант қабылдау рәсіміне шақырылмайды. Бірақ әскери бөлімдерде санитарлық нормаларды ескеріп, ара қашықтықты сақтап, ант қабылдау рәсімі салтанатты түрде өткізіледі", – деді ол онлайн брифингте.

Десе де, жас сарбаздар салтанатты ант қабылдау рәсімін фото немесе видеоға түсіріп, отбасына жолдай алады.

Бұған дейін Өсербаев көктемгі мерзімді әскери қызметке шақыру пандемия жағдайында қалай жүргізілетінін айтқан еді.

Оқи отырыңыз: Әскерге шақырылғандар он төрт күнге карантинге алынады

Әскерге шақырылғандар он төрт күнге карантинге орналастырылады, сонымен қатар коронавирусқа ПТР тест тапсырады.

7
Кілт сөздер:
сарбаз, ант, әскери
Тақырып бойынша
Қазақстанда әскери қызметке өзгеріс енгізіледі
Қазақстанда әскерге шақыру тоқтатылды
Тоқаев әскерге шақыру туралы жарлыққа өзгеріс енгізді
2019 жылғы Қазақстанның ең үздік спортшысы әскер қатарына алынды
кісен, архив

Серік Сәпиевтің орынбасары ұсталды видео

333
(Жаңартылды 13:11 28.05.2020)
Күдіктілер Өскемен қаласында ұсталды және сол жерде уақытша ұстау абақтысына тоғытылды, қазір тергеу жүріп жатыр

НҰР-СҰЛТАН, 28 мамыр - Sputnik. Мәдениет және спорт министрлігінің спорт және дене шынықтыру комитеті төрағасының бұрынғы және қазіргі орынбасарлары 380 миллион теңге бюджет қаражатын жымқырды деген күдікпен ұсталды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Агенттіктің аса маңызды істер жөніндегі тергеушісі Данияр Биғайдаровтың айтуынша, күдіктілер Өскемен қаласында ұсталды және сол жерде уақытша ұстау абақтысына тоғытылды. Сот біреуін 2 айға қамауды ұйғарды.

"Олар "Риддер қаласындағы олимпиадалық резерв бойынша республикалық мамандырылған мектеп-интернат-колледж" РМК-сы 300 орындық оқу корпусының құрылысы кезінде 380,8 миллион теңге бюджет қаражатын жымқырғаны үшін айыпталып отыр. Күдіктілер нақты жұмыстар атқарылмаса да, ол ақшаны мердігердің есепшотына аударған", - деді Биғайдаров бүгінгі онлайн брифингте.

Қазіргі кезде сотқа дейінгі тергеу шараралары жүргізіліп жатыр.

Айта кетейік, мәдениет және спорт министрлігінің спорт және дене шынықтыру комитетінің төрағасы -  Олимпиада чемпионы Серік Сәпиев. Ол осы қызметке 2019 жылдың басында тағайындалған болатын.

333
Кілт сөздер:
видео
Қылмыстық іс

Әкімнің заңсыз әрекеті әшкере болды - видео

2
(Жаңартылды 13:31 28.05.2020)
Сыбайлас жемқорлыққа қарсы іс-қимыл агенттігі бұл іске қатысты тергеу жалғасып жатқанын айтты. Соңғы шешімді сот шығарады

НҰР-СҰЛТАН, 28 мамыр - Sputnik. Сыбайлас жемқорлыққа қарсы іс-қимыл агенттігі пара алған Түркістан облысында әкімі ұсталғанын мәлімдеді, деп хабарлайды Sputnik Қазақстан тілшісі.

Ресми мәліметке сәйкес, Келес ауданына қарасты Жамбыл ауылдық округының әкімі жер учаскесін бергені үшін заңсыз ақша алған. 

"Әкім 400 мың теңге көлемінде пара алғаны үшін айыпталып отыр. Ол қамауға алынған жоқ. Себебі сотқа дейінгі өндірісті тездетіп өткізуге өтініш берді. Тергеу жалғасуда. Соңғы шешімді сот шығарады", - дейді агенттіктің тергеушісі Данияр Биғайдаров.

Сондай-ақ, мәдениет және спорт министрлігінің спорт және дене шынықтыру комитеті төрағасының бұрынғы және қазіргі орынбасарлары ұсталғаны хабарланды. Олар 380 миллион теңге бюджет қаражатын жымқырды деген күдікке ілінді.

2
Кілт сөздер:
видео, пара, әкім
Тақырып бойынша
Серік Сәпиевтің орынбасары ұсталды – видео
Алматыда судьяның пара алып жатқан сәті видеоға түсіп қалды
Пара алған әкім қамауға алынбады – агенттік түсініктеме берді
Қостанай облысында пара алған полицей видеоға түсірілді
Блок-бекетте пара алған шенеуніктерге қатысты сот үкімі шықты