Ұстаз

Мұғалімге тіл тигізгендер қамауға алынады - жаңа заң нормалары

1885
Өткен жылдың соңында мемлекет басшысы Қасым-Жомарт Тоқаев "Педагог мәртебесі туралы" заңға қол қойды. Биылдан бастап осы құжаттың барлық бастамалары қолға алынуы шарт

НҰР-СҰЛТАН, 1 қаңтар – Sputnik, Арман Асқар. "Педагог мәртебесі туралы" заңда ұстаздар жалақысын көтеруден бастап олардың абыройына нұқсан келтіргені үшін айыппұл төлеуге дейінгі шаралар қарастырылған. Sputnik Қазақстан тілшісі заңның негізгі нормаларына шолуды ұсынады.

Қосымша ақылар

Заңда материалдық ынталандырудың бірнеше тетігі қарастырылған. Мәселен, дәптерді тексергені үшін төленетін қосымша ақы екі есе артады. Тәлімгерлік үшін ай сайын бір базалық жалақы немесе 17 500 теңге төленеді.

"Педагогикалық шеберлік үшін барлық мұғалімге 30-50 процент арасында қосымша ақы қарастырылған. Тағы бір маңызды мәселе, біраз жылдан бері колледж ұстаздары, қосымша білім беру мен балабақша мұғалімдері категория бойынша ақы алмаған. Енді осы мәселе де қарастырылды. Аттестация бойынша қосымша ақы төленеді", - дейді білім министрі Асхат Аймағамбетов.

Сондай-ақ, жергілікті атқарушы орган педагогтерге 300 айлық есептік көрсеткіш көлемінде қосымша ақы төлеуге құқылы.

Этика мәселесіне баса назар аударылады

Заң жобасында ұстаздық қызметпен айналысуға тыйым салу шарттары да бар. Атап айтқанда, психикалық және мінез-құлықта ауытқуы бар, дәрігердің бақылауында тұрған қабілеті шектеулі адамдарға педагогикалық қызметпен айналысуға рұқсат жоқ.

Бұдан бөлек, мұғалімдердің этика мәселесіне баса назар аударылады. Ол үшін әрбір білім беру мекемесінде әдеп кеңестері жұмыс істейді.

Тағы оқыңыз: Назарбаева "Күнделіктің" жұмысын кімдер шектеп отырғанын айтты

Ал материалды емес ынталандыру тетіктері аясында ұстаздардың балаларына балабақшаға бірінші кезекте орын беру нормасы қарастырылып отыр. Барлық педагог алдағы уақытта 56 күндік демалысқа шыға бастайды.

Сондай-ақ, білім беру мекемелерінде жұмыс істейтін ер азаматтарды әскери қызметке шақыруды кейінге қалдыру нормасы кеңейтілді. Бұған дейін тек ауыл мұғалімдерінің әскери қызметі кейінге шегерілсе, енді осы жеңілдік барлық ұстазға таралады.

"Педагог мәртебесі туралы" заңның негізгі жаңалықтары

  • 2020 жылдан бастап жалақыны 25 процентке өсіру, осылайша төрт жыл ішінде мұғалімдердің еңбекақысы екі есеге артады;
  • Халықаралық олимпиадалар, конкурстар мен спорттық жарыстардың жеңімпазын, жүлдегерін дайындаған ұстазға үш лауазымдық айлық мөлшерінде біржолғы сыйақы төлеу;
  • "Қазақстанның еңбек сіңірген ұстазы" құрметті атағымен марапатталған педагогке 1000 еселенген айлық есептік көрсеткіш мөлшерінде (2019 жылы 2,5 миллион теңгеге тең) біржолғы төлем беру;
  • 2021 жылдың 1 қыркүйегінен бастап мектеп мұғалімдері үшін нормативтік оқу жүктемесін 18 сағаттан 16 сағатқа дейін төмендету;
  • Магистр дәрежесі үшін он еселенген айлық есептік көрсеткіш мөлшерінде (25 250 теңге) қосымша ақы енгізу;
  • Тәлімгерлік үшін қосымша ақы енгізу;
  • Сынып жетекшілігі мен дәптер тексергені үшін екі есе мөлшерде қосымша ақы төлеу;
  • Біліктілік санаттары бойынша мектеп директорлары мен орынбасарларының жалақысын арттыру;
  • Әскери қызметке шақыруды кейінге қалдыру;
  • Ұстазды өз міндетіне жатпайтын жұмыстан босату; 
  • Педагогикалық шеберлігі үшін лауазымдық жалақыдан 30-50 процент аралығында жаңа қосымша ақы енгізу;
  • Мұғалімдердің балаларына тұрғылықты жері бойынша мектепке дейінгі ұйымдарға бірінші кезекте орын беру.

Заң бұзғаны үшін қандай айыппұл қарастырылған

  • Жеке тұлғалардың ұстазға тіл тигізгені үшін 30 АЕК көлемінде айыппұл салынады. Егер бір жыл ішінде осы тәртіп бұзушылық қайталанса, онда 40 АЕК мөлшерінде айыппұл салынады немесе бес тәулікке дейінгі мерзімге әкімшілік қамауға алынады;
  • Кәмелет жасқа толмағандардың педагогке тіл тигізгені үшін ата-аналарына немесе оларды алмастыратын адамдарға 20 АЕК көлемінде айыппұл салынады. Егер бір жыл ішінде қайталанса, айыппұл мөлшері 30 АЕК-ке өседі;
  • Мұғалімді өз міндетіне жатпайтын функцияларға тартқаны үшін ескерту беріледі. Егер жыл ішінде қайталанса, 20-120 АЕК көлемінде айыппұл салынады;
  • Қарастырылмаған есептілікті талап еткені үшін алдымен ескерту жасалады. Егер бір жыл ішінде қайталанса, 20-120 АЕК көлемінде айыппұл салынады;
  • Қазақстан Республикасы заңнамасында қарастырылмаған тексерістер жүргізгені үшін ескерту беріледі. Егер бір жыл ішінде қайталанса, 20-120 АЕК көлемінде айыппұл салынады.
1885
Кілт сөздер:
заң, тіл тигізді, мұғалім
Тақырып бойынша
Білім министрі таяуда жақсы жаңалық болатынын мәлімдеді
"Кім жауап береді?": Сенатор білім саласындағы былықты жайып салды   
Тоқаев педагог мәртебесі туралы заңға қол қойды
2019 жылы бүкіл елді дүрліктірген оқиғалар - видео
Тышқан жылы: 2020 жылы болатын маңызды оқиғалар
Нұр-Сұлтан, архивтегі фото

Аптап ыстық, найзағай және бұршақ: жұмада ауа райы қандай болады

35
Қазақстанның үш өңірінде аптап ыстық болады, найзағай ойнап, қатты жел соғады деп болжануына байланысты дабылды ескерту жарияланды  

НҰР-СҰЛТАН, 28 мамыр – Sputnik. Қазгидромет метеорологтары 29 мамырда ауа-райы қандай болатынын болжады.

Ел аумағының басым бөлігі бұрынғыдай жоғары қысым аясында болады, осыған байланысты жауын-шашын болмайды. Синоптиктер тек солтүстікте, солтүстік-батыста өткінші жаңбыр жауады, найзағай ойнап, дауыл тұрады, сондай-ақ бұршақ жаууы мүмкін деп болжап отыр.

Оқи отырыңыз: Биылғы жаз қандай болады - ауа райы болжамы жарияланды 

Республиканың кей жерлерінде жел күшейеді, оңтүстігінде шаңды дауыл, оңтүстік-батыста тұман түседі.

Дабылды ескерту

29 мамырда таңертең және түстен кейін Қостанай облысының кей жерлерінде күн күркірейді, жел 15-20 м/с күшейеді.

Алдағы екі күнде, 29-30 мамырда Түркістан облысында кей жерлерде 15-20 м/с жылдамдықпен жел соғады.

29 мамырда күндіз Атырау облысында қатты ыстық болады – 35-38 градус.

Өңірлердегі ауа райы

Солтүстік Қазақстан облысында кей жерлерде дауыл соғады, бұршақ жауып, жел күшейеді – екпіні 25 м/с дейін.

Жамбыл, Ақмола, Шығыс Қазақстан, түнде Алматы, күндіз Қызылорда, Батыс Қазақстан, Павлодар, Қарағанды ​​облыстарында жел 15-20 м/с күшейеді, Жамбыл облысында шаңды дауыл тұрады.

Атырау, Ақтөбе облыстарында, Маңғыстау облысының оңтүстігінде, Қостанай облысында, Батыс Қазақстан облысының оңтүстік-шығысында қатты ыстық болады.

Павлодар, Шығыс Қазақстан, Қызылорда, Ақмола облыстарының кей жерлерінде төтенше өрт қаупі сақталады.

Мегаполистердегі ауа райы

Нұр-Сұлтанда түнде 11-13 градус жылы, күндіз 27-29 градус ыстық болады.

Алматыда түнде 12-14 градус жылы, күндіз – 26-28 градус.

Шымкентте түнде ауа температурасы 19-21 градус жылы, күндіз 33-35 градус ыстық болады.

35
Кілт сөздер:
аптап ыстық, бұршақ, жаңбыр, ауа райы
Тақырып бойынша
"Қазгидромет" мамыр айына болжам жасады
Архивтегі фото

Індеттен жазылғандардың саны бес мыңға жуықтады

36
Қазақстанда 9 576 тұрғын коронавирус инфекциясын жұқтырып,  оның 4 893-і ауруханадан емделіп шықты   

НҰР-СҰЛТАН, 28 мамыр – Sputnik. Қазақстанда тағы 66 адам коронавирус індетінен емделіп шықты, деп хабарлады мемлекеттік комиссияның шұғыл штабы.

"Алматы қаласында 28, Нұр-Сұлтан қаласында 11, Шымкент қаласында 3, Жамбыл облысында 3, Қарағанды облысында 8, Қостанай облысында 2, Түркістан облысында 10, Маңғыстау облысында 1 науқас жазылды", - делінген хабарламада.

Қазақстан бойынша жазылғандар саны – 4 893.

  • Нұр-Сұлтан қаласы – 1029,
  • Алматы қаласы – 1373,
  • Шымкент қаласы – 244,
  • Ақмола облысы – 106,
  • Ақтөбе облысы – 176,
  • Алматы облысы – 180,
  • Атырау облысы – 279,
  • Шығыс Қазақстан облысы – 51,
  • Жамбыл облысы – 176,
  • Батыс Қазақстан облысы – 269,
  • Қарағанды облысы – 217,
  • Қостанай облысы – 62,
  • Қызылорда облысы – 233,
  • Маңғыстау облысы – 116,
  • Павлодар облысы – 148,
  • Солтүстік Қазақстан облысы – 35,
  • Түркістан облысы – 199.

Айта кетейік, Қазақстанда 9 576 адам коронавирус жұқтырды, оның 37-сі көз жұмды.

"Кіріме дейін жуды": Індетті жеңген 89 жастағы кейуана дәрігерлерге алғыс айтты 

36
Кілт сөздер:
науқас, коронавирус
Тақырып:
Коронавирус эпидемиясы
Тақырып бойынша
Дәрігер салонға барғанда коронавирус жұқтырудан қалай сақтану керектігін айтты
Алматы қаласының бас дәрігері үйде емделудің ерекшелігін түсіндірді
"Қорқып кеттік": Түркістан қаласының әкімдігі тұрғындардан кешірім сұрады
Пандемия рекордты бұзды: бір тәулікте 100 мыңнан астам адам COVID-19 жұқтырды
Қырғызстан парламентінің экс-спикері коронавирустан қайтыс болды