Адам

Арыстағы жойқын жарылыс: кімдер тергеуге алынды

527
(Жаңартылды 13:45 16.01.2020)
Арыстағы жарылыс болған әскери бөлім басшысының орынбасарына қатысты бұлтартпау шарасы өзгерді. Ол енді денсаулық жағдайына байланысты үйқамақта отырады

НҰР-СҰЛТАН, 16 қаңтар — Sputnik. Арыстағы әскери қоймада болған жойқын жарылысқа байланысты сегіз адамның үстінен қылмыстық іс қозғалды, деп хабарлайды Sputnik Қазақстан.

Оның үшеуіне қатысты аса ірі мөлшерде сенiп тапсырылған бөтен мүлiктi иемденiп алу немесе талан-таражға салу бабы бойынша айып тағылып отыр.

Sputnik Қазақстан редакциясында Арыстағы жарылыс бойынша жариялауға рұқсат етілген материалдар бар.

Қызметтеріне атүсті қарады

Арыстағы әскери бөлім басшысы және оның орынбасары "қызметіне салғырт қарады және қаруды пайдалану тәртібін бұзды" деген күдікке ілінді. Оларды қамау мерзімі 2020 жылдың 23 қаңтарына дейін ұзартылды. Тек әскери бөлім басшысының орынбасарына қатысты бұлтартпау шарасы өзгеріп, ол денсаулық жағдайына байланысты үйқамақта отыратын болды.

Сондай-ақ, бұл баптар бойынша келесілерге қатысты тергеу басталды:

  • бас зымыран-артиллериясы басқармасына қарасты техникалық бақылау басқармасының басшысы, қарулы күштердің тыл және қару-жарақ басқармасының басшысы. Қамау мерзімі 30 қаңтарға дейін ұзартылды;
  • бас зымыран-артиллериясы басқарма басшысы, қарулы күштердің тыл және қару-жарақ басқармасының басшысы. Қамау мерзімі 30 қаңтарға дейін ұзартылды;
  • А. есімді азаматқа қатысты (ҚР қорғаныс министрінің бұйрығымен) үйқамақта отыру мерзімі 30 қаңтарға дейін ұзартылды.

Бөтеннің мүлкін иемденді

Қылмыстық кодекстің 189-бабының 4-тармағы 2-тармақшасы (аса ірі көлемде сенiп тапсырылған бөтен мүлiктi иемденiп алу немесе талан-таражға салу) бойынша үш адам күдікке ілінді:

  • Қорғаныс министрлігі Шымкент аудандандық пайдалану бөлімі басшысының үйқамақта отыру мерзімі 18 қаңтарға дейін ұзартылды;
  • Қорғаныс министрлігі Шымкент аудандандық пайдалану бөлімі басшысы орынбасарының үйқамақта отыру мерзімі 21 қаңтарға дейін ұзартылды;
  • KONTRA ЖШС директорына қатысты кепілдік түріндегі бұлтартпау шарасын қолдануға рұқсат етілді.

Ашық дереккөздердегі мәліметке сәйкес, KONTRA компаниясы күзет жүйесі және жарық құралдарын сатумен шұғылданады.

Қылмыстық кодекстің 453-бабының 2-тармағы (қызметке салғырт қарау) бойынша сотта күдіктінің айыбы дәлелденсе, бес жылға дейін бас бостандығынан айырылады.

Қылмыстық кодекстің 462-бабының 3-тармағы (Қару-жарақпен жұмыс істеу ережелерін бұзу) бойынша бес жылдан он жылға дейін бас бостандығынан айыру жазасы қарастырылған.

Қылмыстық кодекстің 189-бабының 4-тармағы, 2-тармақшасы (Сенiп тапсырылған бөтен мүлiктi иемденiп алу немесе талан-таражға салу) бойынша жеті жылдан он екі жылға дейін бас бостандығынан айыру мен мүлкiн тәркілеу қарастырылған. Бұған қоса, белгiлi бiр лауазымдарды атқару немесе белгiлi бiр қызметпен айналысу құқығынан өмір бойына айыру жазасы қолданылады. 

Арыстағы жарылыс

2019 жылдың 24 маусымында таңғы сағат 10 шамасында Түркістан облысы Арыс қаласындағы әскери бөлімнің оқ-дәрі қоймасында жойқын жарылыс болды. Қала тұрғындары Шымкент пен көршілес аудандарға шұғыл көшірілді.

Төтенше жағдай салдарынан төрт адам қаза тапты: екі әскери қызметкер, бір жергілікті тұрғын және бір бала. Жарылыстан зардап шеккен бала санавиациямен Нұр-Сұлтан қаласына жеткізілді. Алайда дәрігерлер оның өміріне араша түсе алмады.

Ал 11 қазанда Арыс маңындағы полигонда оқ-дәрілердің жиналған бөлшектерін жою жұмыстары кезінде әскери бөлім инженерлік қызметінің басшысы көз жұмды.

Қайғылы оқиғадан кейін Қазақстан президенті Қасым-Жомарт Тоқаев бұрынғы қорғаныс министрі Сәкен Жасұзақовты Қарулы күштер жүйесінен шығарып жіберді. Бұған қоса, қорғаныс министрі Нұрлан Ермекбаевқа қатаң сөгіс жариялады.

527
Кілт сөздер:
тергеу, Түркістан облысы, жарылыс
Тақырып бойынша
Арыстағы жарылыс: қорғаныс министрі Тоқаевқа есеп берді
Арыстағы жарылыс: Ішкі істер министрлігі тергеуге қатысты ақпарат берді
Қорғаныс министрлігі Арыс тұрғындарынан қандай шағым түсіп жатқанын айтты
Тоқаев Шөкеевке халықтың табысына қатысты тапсырма берді
2019 жылы бүкіл елді дүрліктірген оқиғалар - видео
Көк Жайлау

Көк Жайлауда сауық кешін ұйымдастырғандарға қатаң шаралар қолданылады

56
Қала әкімі полиция департаментінің басшысына тиісті тергеу жүргізіп, кінәлі тұлғаларды жазалауды тапсырды

АЛМАТЫ, 25 мамыр – Sputnik. Алматы әкімінің орынбасары Ерлан Қожағапанов карантин кезінде Көк Жайлауда өткен жаппай сауық кешіне қатысты түсініктеме берді.

"Бұл жол беруге болмайтын жағдай. Қандай да бір шара өткізуден бұрын ол жерге кіруге де тыйым салынған. Ол жерде болған адамдар өздерінің ғана емес, жан-жағындағылардың да өмірін өлімге тікті. Сондай-ақ, олар тауда қоқыстарын қалдырып кетті. Ол шараға рұқсат берілмеген, санитарлық норма сақталмаған", - деді ол брифинг барысында. 

Сонымен қатар Қожағапанов Алматы қаласының бас санитар дәрігерінің коронавирус инфекциясының таралуына жол бермеу үшін жаппай іс-шаралар өткізуге тыйым салатын қаулысы бар екенін атап өтті.

"Аталған адамдарға қатысты қала әкімі полиция департаментінің басшысына тиісті тергеу жүргізуге нақты тапсырма берді. Олардың барлығын анықтап, әкімшілік жаза, қажет болса, қылмыстық жаза қолдану керек", - деді ол.

Сонымен қатар қала прокуроры табиғатты қорғау прокурорына осы жағдайды шешу жөнінде тапсырма берді.

Бұған дейін экология министрлігі Алматыдағы Көк Жайлау тауында сауық кешін өткізгендерге 100 АЕК немесе 277 800 теңге айыппұл салынғанын хабарлады. Айыппұл салынған ер адам автокөлік жанында түскен фотосын әлеуметтік желіге жүктеген болатын.

Карантин кезінде Алматы тауларындағы сауық кеші

24 мамырда Алматы қаласында енгізілген карантинге қарамастан, ерекше қорғалатын аумақта азаматтар ойын-сауық кеші мен түнгі кино көрсетілім ұйымдастырған. Қазіргі кезде "Көк Жайлаудағы кино түнін" ұйымдастырушылар іздестіріліп жатыр.

 

О

56
Кілт сөздер:
карантин, "Көк Жайлау" курорты
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ақылы жол

1 маусымнан бастап курорттар мен шипажайлар ашылады

149
(Жаңартылды 21:05 25.05.2020)
Қонақүй, шипажай-сауықтыру кешендері санитарлық нормаларды қатаң сақтай отыра жұмысқа кірісетіні хабарланды

НҰР-СҰЛТАН, 25 мамыр —Sputnik. Қазақстанда 1 маусымнан бастап курорттық, емдеу-сауықтыру нысандары ашылады. 

Шешім премьер-министр орынбасары Ералы Тоғжановтың төрағалығымен өткен ведомствоаралық комиссия отырысында қабылданды.

"2020 жылғы 1 маусымнан бастап қатаң санитарлық нормаларды сақтай отырып, кәсіподақтар федерациясының қонақүйлері мен сауықтыру санаторийлері және өңірлердегі курорттық, емдеу-сауықтыру нысандары қызметін қайта бастайды", - деп жазылған премьер-министрдің ресми ақпарат ресурсында.

25 мамырдан бастап Атырау қаласымен ішкі әуе қатынасы жанданады.

Сондай-ақ, 1 маусымнан бастап кезең-кезеңмен ішкі теміржол қатынасын іске қосуға байланысты теміржол вокзалдарының қызметі санитарлық нормаларға сәйкес ұйымдастырылады.

Қазақстан азаматтарын шет елдерден қайтару жұмысы жалғасады.

149
Кілт сөздер:
карантин, курорт, маусым
Тақырып бойынша
Алматыда маскасыз жүргендерге айыппұл салынуы мүмкін
Полиция Көк Жайлаудағы отырыс ұйымдастырушыларын іздестіріп жатыр
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ауа райы

40 градус ыстық: 26 мамырға арналған ауа райы

34
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

34
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды