Ұйқыдағы бойжеткен

Дәрігерлер дұрыс ұйықтай алмаудың себебін атады

2719
Ұйықтар алдында таза ауада серуендеу керек. Бұған дейін ғалымдар тым аз немесе көп ұйықтаған адамда өкпе фиброзы болатынын анықтады

НҰР-СҰЛТАН, 19 қаңтар - Sputnik. Дәрігерлер ұйқыға қатысты ең қауіпті әдеттерді атады, деп хабарлайды "Вечерняя Москва" .

Мұндай әдеттердің бірі - ұйықтар алдында телефон қолдану немесе теледидар көру. Дәрігердің айтуынша, телефонның көк түсі дұрыс ұйықтау үшін жауап беретін гормон - мелатониннің деңгейін азайтады. Ал ұйықтардың алдында сюжеті шым-шытырман фильмдерді көрген кезде ағза стресс гормонын бөледі. 

Сондай-ақ, маман көп тамақтанбау керек екенін айтады. Кофе мен шай ішпеген жөн. Алайда аш қарынға да ұйықтауға болмайтын көрінеді. Жеңіл тамақ жеу керек. Ішілген алкогольдің мөлшері көп болса, ұйқы сапасы төмен болады. 

Маман ұйқыдан бірнеше сағат бұрын жаттығулар жасап, спортзалға бару пайдалы деген ойды жоққа шығарды. 

"Спорттан кейін ағза белсенділігі артады. Бұл төрт сағатқа дейін созылуы мүмкін. Осы уақыт өткен соң ғана жақсы ұйықтауға болады. Спорттан кейін бірден ұйықтаған дұрыс емес", - дейді дәрігер Алена Гаврилова.

Тағы оқыңыз: Күндіз ұйқы басса, не жеу керек – мамандар жауабы

Ол ұйқыға дейін таза ауада серуендеу керектігін айтып отыр. Бұған дейін ғалымдар тым аз немесе көп ұйықтаған адамда өкпе фиброзы болатынын анықтады. Олардың зерттеуіне сәйкес, 11 сағаттан көп ұйықтайтын адамдар бұл дертке жеті сағат ұйықтайтын адамдарға қарағанда жиі шалдығады.

2719
Кілт сөздер:
қауіпті зат, ұйқы, ғалымдар
Тақырып бойынша
Дәрігерлер ұйқы үшін ең қолайлы уақытты анықтады
Ғалымдар тәулігіне 6 сағаттан аз ұйықтаса не болатынын анықтады
Ғалымдар дұрыс ұйықтамаудың несімен қауіпті екенін айтты
Ақтөбеде ұйқы бермеген көршісін өлтірген әйел сотталмайтын болды
20 сағат бойы жұмыс істеген хирург ота үстінде ұйықтап кетті
Бурабай

Бурабай мен Көк Жайлаудағы жердің бір бөлігі қайтарылады Тоқаев заңға қол қойды

90
Туризм инфрақұрылымын салуға бөлінген, алайда мақсатқа сай пайдаланылмаған жерлер мемлекетке қайтарылады

НҰР-СҰЛТАН, 30 қыркүйек – Sputnik. Қазақстан президенті Қасым-Жомарт Токаев "Қазақстан Республикасының кейбір заңнамалық актілеріне ерекше қорғалатын табиғи аумақтар мәселелері бойынша өзгерістер мен толықтырулар енгізу туралы" заңға қол қойды, деп хабарлады Ақорда.

Заң Іле Алатауы мемлекеттік ұлттық табиғи паркі, Бурабай және Көк Жайлау табиғи парктері жерлерінің бір бөлігін мемлекет меншігіне қайтаруды көздейді. Заң Жер кодексіне өзгерістер мен толықтырулар енгізуді қарастырады.

Оқи отырыңыз: Тоқаев "Көк Жайлау" құрылысына қатысты соңғы сөзін айтты 

"Өзгерістер ерекше экологиялық, ғылыми, тарихи-мәдени және рекреациялық құндылығы бар және қайтарылған жер учаскелерінде орналасқан табиғи қорық қорының табиғи кешендері мен нысандарын сақтау қажеттілігінен туындады", - деп түсіндірді бұған дейін мәжілісмен Роман Ким сенат қабырғасында заң жобасын таныстыра отырып.

Заң нормалары туристік нысандар мен құрылыстарды салу және пайдалану үшін алынған, бірақ сол мақсатта пайдаланылмай жатқан жерлерді ерекше қорғалатын табиғи аумақтар құрамына қайтаруға мүмкіндік береді. 

90
Кілт сөздер:
Қасым-Жомарт Тоқаев, "Көк Жайлау" курорты, Бурабай
Тақырып бойынша
"Асығыстық танытуға болмайды" Тоқаев Байбектің шешіміне қолдау білдірді
Бурабай мен Көк Жайлаудағы жерлердің бір бөлігі мемлекетке қайтарылады
Архивтегі фото

Еуразиялық патенттік ұйым Төрегелді Шармановқа алтын медаль табыстады

46
Патенттік ұйымның алтын медалі өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі

НҰР-СҰЛТАН, 30 қыркүйек – Sputnik. Еуразиялық патенттік ұйым Қазақстандық өнертапқыштарды алтын медальмен марапаттады, деп хабарлады әділет министрлігінің аспасөз қызметі.

Медицина ғылымдарының докторы, профессор, Қазақстан Ұлттық ғылым академиясының және Ресей ғылым академиясының академигі, өнертапқыш Төрегелді Шарманов және тау-кен және мұнай саласындағы жетістіктерімен танымал Satbayev University В.И. Блинников атындағы алтын медалмен марапатталды.

Мұндай шешім Еуразиялық патенттік ұйым әкімшілік кеңесінің 36 отырысында қабылданды.

Оқи отырыңыз: Төрегелді Шарманов ұзақ өмір сүрудің құпиясын бөлісті

Салтанатты марапаттау рәсімі Қазақстан Республикасы Әділет органдары қызметкерлерінің күніне орай өткізілді. Аталған марапаттарды Алматы қаласы әділет департаменті басшысы Абай Арап тапсырды.

Айта кетейік, В.И. Блинников атындағы алтын медаль Еуразиялық патенттік конвенцияға қатысушы мемлекеттер үшін маңызды өнертапқыштық қызметке және өнертабыстардың құқықтық қорғалуын дамытуға елеулі үлес қосқан адамдарға беріледі.

46
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті