Қоғам

Елімізде коронавирусқа байланысты жедел желі іске қосылды

© REUTERS / STRINGERКитайские туристы прибывают в международный аэропорт
Китайские туристы прибывают в международный аэропорт - Sputnik Қазақстан
Жазылу
Қазақстанның сыртқы істер министрлігі коронавирус мәселелері бойынша жедел желіні іске қосты

НҰР-СҰЛТАН, 28 қаңтар – Sputnik. Сыртқы істер министрлігінде Қытай Халық Республикасындағы коронавирус мәселелері бойынша жедел желілер іске қосылды, деп хабарлайды ведомство.

Министрлік мәліметінше, жұмыс уақытында Қазақстан азаматтары келесі нөмірлер бойынша қоңырау шала алады: +7 (7172) 72-05-49, +7 (7172) 72-01-98, +7 (7172) 72-04-93.

Жұмыстан тыс уақытта және демалыс күндері +7 (7172) 72-01-11 нөмірі бойынша хабарласуға болады.

Тағы оқыңыз: Алматыда коронавирус анықталды деген хабарламаға қатысты басқарма түсініктеме берді

"Сонымен қатар, ҚХР-дың кейбір қалаларында карантиннің енгізілуіне байланысты Қытай аумағындағы біздің азаматтар үшін Қазақстанның Пекиндегі елшілігінде +86 10 65324189 телефоны бойынша тәулік бойы жедел желі ашылды", - делінген сыртқы істер министрілігі ақпаратында.

Қытайдағы коронавирус

Желтоқсан айының соңында Қытайдың Ухань қаласында белгісіз пневмония туралы ақпарат жарияланды. Кейін билік аурудың қоздырғышы коронавирустың жаңа түрі - 2019-nCoV екенін анықтады.

Ол адамнан адамға жұғады. Вирус Ухань қаласынан Қытайдың басқа өңірлеріне, кейін өзге елдерге де жылдам тарап кетті. 

Әзірге коронавирустан вакцина жоқ. Ауру белгілері: жоғары температура, жөтел, тыныс алудың қиындауы. Cоңғы мәлімет бойынша бұл індеттен жүзден астам адам көз жұмған.

Жаңалықтар
0