Камера, архивтегі сурет

Министр елді дүрліктірген оқиғадан кейін қандай шара қолданылатынын айтты

3223
(Жаңартылды 17:58 31.01.2020)
2019 жылдың күзінде Тараздағы орта мектептердің бірінде педофил 12 жасар оқушы қызды мектеп ауласындағы дәретханада зорлап кетті. Қылмыскер мектеп бейнекамераларына түсіп қалған

НҰР-СҰЛТАН, 31 қаңтар – Sputnik. Білім және ғылым министрлігі мектептер мен балабақшаларды бірінші қыркүйекке дейін бейнебақылау камераларымен қамтамасыз етуді көздеп отыр. Бұл туралы бүгін ведомствоның басшысы Асхат Аймағамбетов мәлімдеді, деп хабарлайды Sputnik Қазақстан тілшісі.

Аймағамбетов мектептерді бейнебақылау камералары және өзге де тиісті жабдықтармен қамтамасыз ету туралы тапсырма орындалып жатқанын айтты. Десе де, біраз проблема бар.

"1220 мектеп пен 1628 балабақша бейнебақылау жүйесімен жабдықталмаған. Сапасына қарасақ, біраз сұрақ бар. Білім және министрлігі мен ішкі істер министрлігі бекіткен бұйрық бар, сол бұйрықта барлық мәселе, яғни, бейнекамера неше күн жазба жүргізу керек, оның сапасы қандай болу керек деген мәселелер қаралған. Бірақ бүгінде өңірлер мұны орындамай отыр. Үкіметтің кеңейтілген отырысында президент тағы бір мәрте тапсырма берді. Біздің алдымызда тұрған мақсат  - қыркүйек айына дейін осы жұмысты аяқтау керек", - деді ол министрліктің кеңейтілген алқа отырысында.

Сонымен қатар, министр дәретханалары аулада орналасқан мектептердің санын жария етті. Оның мәліметіне сүйенсек, қазір Қазақстанда 2352 мектептің дәретханасы ауылда орналасқан. Мектеп дәретханасы далада орналасқан мектеп саны бойынша Түркістан облысы (541 мектеп) бірінші орында, Алматы облысы (415 мектеп) екінші орында, Шығыс Қазақстан облысы (276) үшінші орында тұр.

"Бұл мәселені де биыл толығымен шешу қажет", - деді Аймағамбетов.

Еске сала кетсек, 2019 жылдың күзінде Тараздағы орта мектептердің бірінде педофил 12 жасар оқушы қызды мектеп ауласындағы дәретханада зорлап кетті. Қылмыскер мектеп бейнекамераларына түсіп қалған.

Тағы оқыңыз: Таразда мектеп дәретханасында оқушы қызды зорлаған еркек видеоға түсіп қалды

Сұмдық оқиғадан кейін облыстық білім басқармасының басшысы, мектеп директоры, сабақ кезінде дәретханаға жіберген мұғалім, кезекші мұғалім, вахтер мен оқу ісінің меңгерушісі қызметінен кетті. Сондай-ақ, Тараз қаласының әкімі Қайрат Досаев та қызметінен босатылды. Ал облыс басшысы ескерту алды.

Ал он екі жастағы қызды зорлаған 38 жастағы педофил сот үкімімен кінәлі деп танылып, 25 жылға сотталды. Мемлекет басшысы Қасым-Жомарт Тоқаев Тараздағы оқиғаны – нағыз масқара деп атады.

Президент биылдан қалдырмай балабақшалар мен мектептерге толығымен камера орнатуды тапсырды.

3223
Кілт сөздер:
мектеп, Тараз, шаралар, оқиға, министр
Тақырып бойынша
Тоқаев Тараз қаласының әкімін қызметінен босатуды тапсырды
Таразда мектеп дәретханасында оқушыны зорлады: білім министрлігі түсініктеме берді
Тараздағы сұмдық: оқушы қыздың зорлануына қатысты тың деректер шықты
Таразда мектеп оқушысы зорланды: облыс әкімі жауапкершілікті сезіне ме?
Президент: Таразда болған оқиға – нағыз масқара
Сұлулық салоны

Дәрігер салонға барғанда коронавирус жұқтырудан қалай сақтану керектігін айтты

4
(Жаңартылды 17:36 28.05.2020)
Клиенттер сұлулық салонындағы кірпік жалғау, бет тазалау, пилинг секілді қызмет түрлерінен қазірше бас тарта тұруы тиіс

АЛМАТЫ, 28 мамыр – Sputnik. Ресейлік жоғары санатты дәрігер Лариса Алексеева "Звезда" телеарнасына берген сұхбатында шаштаразға барған кезде коронавирусты жұқтырудан қалай сақтану керек екенін айтты.

"Шаштаразда шаш қию, шашты сәндету секілді қызметті ғана пайдалануға болады. Бетке қатысы бар процедулар орындалмайды. Себебі адам міндетті түрде маскада болуы қажет", – дейді маман.

Дәрігердің айтуынша, салонда клиент пен шаштараз маска тағу режимі мен өзге де қажетті шектеулерді сақтауы қажет. Сонымен қатар кірпік жалғау, бет тазалау, пилинг секілді күтімнен бас тартқан жөн.

"Екі адамның арасында байланыс өте жақын болғандықтан шаштараз бен клиенттің вирус жұқтыру қаупі жоғары", – деп ескертеді дәрігер.

Оқи отырыңыз: Бекшин сұлулық салондарының не себепті ашылмайтынын түсіндірді

Айта кетейік, ДДҰ-ның мәліметі бойынша, әлемде бес жарым миллионға жуық адам коронавирус инфекциясын жұқтырды. Ал 350 мыңға жуық науқас қайтыс болды.

Қазақстанда науқастар саны 9 576 адамға жетіп, 4 827 адам жазылып шықты, 37 адам қайтыс болды.

4
Кілт сөздер:
коронавирус, шаштараз, сұлулық
Тақырып:
Коронавирус эпидемиясы
Тақырып бойынша
Айдар, тұлым, кекіл: қазақ халқының балаға шаш қою дәстүрінің сыры неде?
Енді шаш алмайды: алматылық дәрігердің ісінен кейін министр шешім қабылдады
Қазақ қызының ұлттық киімі Кореядағы сұлулық байқауында үздік деп танылды – фото
ҰБТ-дан жоғары балл жинаған жігіт шаштараз мамандығын таңдады
Абай өлеңін оқып тұрып, шаш қиған Алматы тұрғыны танымал болып шыға келді
Kazpost постаматы, архивтегі фото

"Кез келген адам ақша таба алады": Қазпошта жаңа қызметті іске қоспақшы

32
(Жаңартылды 17:16 28.05.2020)
Басқарма төрағасы Сәкен Сәрсенов жаңа қызмет арқылы студенттер мен жұмыссыздар табыс таба алатынын атап өтті

НҰР-СҰЛТАН, 28 мамыр – Sputnik. "Қазпошта" АҚ басқарма төрағасы Сәкен Сәрсенов курьерлік қызмет арқылы ақша табуға болатынын мәлімдеді. Оған кез келген адам қатыса алады, деп хабарлайды Sputnik Қазақстан тілшісі.

Компания басшысының айтуынша, кей кезде сәлем-сауқат көп келеді. Әсіресе, күзде және жаңа жылдың алдында халық интернет арқылы тапсырыс жиі жасайды. Осындай уақытта Қазпоштаның қызметкерлері бәрін уақытында жеткізуге үлгермей жатады. Осыған байланысты алдағы уақытта курьерлік қызмет арқылы басқа адамдарға ақша табуға мүмкіндік беру жоспарланып отыр.

Оқи отырыңыз: Зейнеткерлер төтенше жағдай кезінде зейнетақыны қалай алады

"Мысалы, қазір Яндекс Таксиге кез келген адам тіркеліп, ақша таба алады. Сол сияқты біз де курьерлік қызметті ұсынамыз. Кез келген адам біздің жүйемізге қосылып, бос тұрған сәлем-сауқаттардың бар екенін көре алады. Соны жеткізгені үшін ақша алады. Жақын арада осындай қызметті іске қосамыз", - деді Сәрсенов Sputnik Қазақстан редакциясында өткен онлайн брифингте.

Оның сөзіне қарағанда, жаңа қызмет арқылы студенттер мен жұмыссыздар табыс таба алады. Ал курьерлік компаниялар бос отырған қызметкерлеріне қосымша тапсырыс беріп отырады.

32
Кілт сөздер:
табыс, "Қазпошта"
Тақырып бойынша
Қазақстанда әскери қызметке өзгеріс енгізіледі
Карантиндегі көмек: Қазақстанда жаңа сайт іске қосылды
Енді қазақстандықтар су жаңа көлігін онлайн тіркей алады
Салық, айыппұл мен мемлекеттік қызметтерді QR-код арқылы төлеуге болады
Сынықтар, архивтегі сурет

Түркістан облысында жантүршігерлік жол апаты төрт адамның өмірін қиды

0
"Жетісай – Шардара" автожолында екі жеңіл автокөлік бетпе-бет соқтығысқан, сотқа дейінгі тергеу басталды

НҰР-СҰЛТАН, 28 мамыр – Sputnik. Түркістан облысында жол апатынан төрт адам көз жұмды.

Жол апаты 28 мамыр сағат 14:30 шамасында Кетебай ауылының бойында, "Жетісай – Шардара" автожолында болды, деп хабарлайды Polisia.kz.

Екі жеңіл көлік – "Нексия" мен "Лада-Vesta" бетпе-бет соқтығысқан.

Жол апаты салдарынан "Нексия" жүргізушісі мен екі жолаушы, "Лада-Vesta" көлігінің бір жолаушысы көз жұмды.

Тағы оқыңыз: Блок бекеттегі трагедия: күдіктінің әкесі полиция мәлімдемесін жоққа шығарды - видео

Оқиға орнында Жетісай аудандық полиция бөлімінің жедел тергеу тобы жұмыс істеп жатыр.

Бұл фактіге қатысты Қылмыстық кодекстің 345-бабы "Жол жүру немесе көлік пайдалану ережелерін бұзу" бойынша сотқа дейінгі тергеу басталды.

Полиция оқиғаның мән-жайын анықтап жатыр.

0
Кілт сөздер:
Түркістан облысы, жол апаты, автокөлік