вице-премьер Бердібек Сапарбаев

"Бұл масқара ғой": Реформалардың нәтижесі Сапарбаевтың ашуын келтірді  

22421
(Жаңартылды 11:14 01.02.2020)
Еліміздің жастары шетелге кетпей, Қазақстанда білім алу үшін барлық жағдайды жасау керек, деп мәлімдеді үкімет басшысының орынбасары  

НҰР-СҰЛТАН, 1 ақпан – Sputnik. PISA білім беру сапасының халықаралық рейтингісінде Қазақстанның соңғы орындардың бірін иеленуі вице-премьер Бердібек Сапарбаевтың ашуын келтірді, деп хабарлайды Sputnik Қазақстан тілшісі.

Білім министрлігінің кеңейтілген алқа отырысында премьер-министрдің орынбасары Қазақстан бұрынғы Кеңес Одағы елдерінің арасында PISA рейтингісінде соңғыдан алдыңғы орынды иеленіп отырғанын мәлімдеді.

"Бізден кейін Грузия ғана. Бұл Қазақстанның білім беру жүйесі үшін масқара ғой. Осындай мемлекеттік қолдау жасалып жатқанда соңғының алдында тұрмыз", - деді Бердібек Сапарбаев.

 Ол бұл жағдайды мұғалімдермен, қоғаммен және республика билігімен бірлесіп жұмыс істеу арқылы ғана түзетуге болатынын атап өтті.

Сапарбаевтың пікірінше, жергілікті билік көбінесе проблемалардың алдын алудың орнына, ол пайда болғаннан кейін ғана іске кіріседі.

"Кім жауап береді?": Сенатор білім саласындағы былықты жайып салды 

"Біздің қателігіміз – реформаларды жүзеге асыру барысында халықпен жұмыс жүргізбейміз, түсіндірмейміз, ақпарат бермейміз, шағым келіп түскен кезде ғана әрекет етеміз. Ең бастысы оқушыларды жақсы оқуға ынталандыра білу керек. Біздің жастарымыз неге шетелге кетіп жатыр? Олар осында қалуы үшін барлық жағдайды жасауға тиіспіз", - деп толықтырды вице-премьер.

Өткен жылдың желтоқсан айында Қазақстан PISA рейтингісінде үздік 50 елдің қатарына енбей қалды. Оқушылардың жетістіктерін бағалаудың халықаралық бағдарламасы (PISA) аясындағы тестілеу қорытындысы бойынша қазақстандық оқушылар орташадан төмен нәтиже көрсетті.

22421
Кілт сөздер:
білім беру, реформа, Бердібек Сапарбаев
Тақырып бойынша
Қазақстан президенті қандай реформаларды қолға алатынын айтты
Білім министрлігі мектептерді дамыту үшін Дүниежүзілік банктен қарыз алды
Грузия білім реформасын қалай іске асырады: премьер-министр елдің тәжірибесімен бөлісті
Елімізде бес университеттің лицензиясы уақытша тоқтатылды
Жадкевич атындағы Мәскеу қалалық клиникалық ауруханасының бас дәрігері Александр Мясников

Бұрынғы КСРО елдерінде коронавирустан қайтыс болу көрсеткіші төмен

56
(Жаңартылды 23:14 02.06.2020)
Дәрігер Мясников өлім-жітімнің төмен көрсеткішін КСРО-да медицинаның ерекше болуымен байланыстыра түсіндірді

НҰР-СҰЛТАН, 2 маусым — Sputnik. Белгілі ресейлік тележүргізуші, Жадкевич атындағы Мәскеу қалалық клиникалық ауруханасының бас дәрігері, коронавирусқа қатысты жағдайды бақылау жөніндегі ақпарат орталығының өкілі Александр Мясников Sputnik арнайы онлайн-видеокөпірі кезінде шын мәнінде коронавирустың қалай дамитынын және неліктен Италия, Испания және АҚШ-тағы қайғылы жағдайлардың посткеңестік елдерде қайталанбағанын айтып берді.

КСРО құрамына кірген көптеген елде коронавирус індетінен болатын өлім-жітім көрсеткішінің әлемдік деңгейден әлдеқайда төмен болуы ғалымдар мен дәрігерлерді таңғалдырып отыр. Coronavirus-monitior.ru сервисінің мәліметінше, 1 маусымдағы жағдай бойынша олардағы өлім деңгейі Өзбекстандағы 0,4% -тен Литвадағы 4,23% -ке дейінгі аралықта құбылады. Ал Италия мен Ұлыбританияда бұл көрсеткіш –14%, Францияда – 15%, Бельгияда – 16%.  

Оқи отырыңыз: Қазақстан коронавирустың екінші толқынынан қалай сақтанып жатыр 

"Саясаткерлер, білікті дәрігерлер қазір бұрынғы Кеңес Одағы елдеріне үңіле бастады, - дейді дәрігер Мясников. – Ауыр науқастар мен қайтыс болғандардың саны эпидемияның қазіргі жағдайын көрсетеді. Ал бұрынғы КСРО-ның барлық елінде өлім-жітім деңгейі төмен. Неліктен екенін бағамдау қажет. БЦЖ-ның (КСРО-да кеңінен қолданылған туберкулезге қарсы вакцина) пайдасы тиген болуы мүмкін, айтпақшы, қазірдің өзінде зерттеу жүргізіліп жатыр – америкалықтар шағын топтарға БЦЖ еге бастады. Дүниежүзілік денсаулық сақтау ұйымы да: "Мәселе БЦЖ-ға иммундық жауапта болуы мүмкін, бірақ әзірге оны ұсынбаймыз" деді". 

Мясников посткеңестік елдер халқының иммунитеті коронавирусқа төзімді екенін айта келе, бұл жағдайдың бұрын туберкулез инфекциясын жұқтыру деңгейінің жоғары болуымен байланыстырылуы мүмкін екенін болжады.

"Кейбір ғалымдар жасырын туберкулездің таралу деңгейінің жоғары болуы иммундық жүйенің өзгеруіне әкеледі, сондықтан коронавирус үлкен қарсылыққа кезігеді" деп болжап жатыр, – дейді сарапшы. – Бірақ біз орыстар, белорустар, украиндар, қазақтар неліктен америкалықтардан, француздардан және италиялықтардан он есе аз өлетінін анықтауымыз керек. Мәселенің басын ашу керек".  

56
Кілт сөздер:
КСРО, коронавирус
Тақырып бойынша
Қазақстанда 7 журналист коронавирус жұқтырды
Бас санитар дәрігер той-томалақ өткізуге бола ма деген сұраққа жауап берді
Қазақстандық әкім коронавирус жұқтырды
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер
Митинг, архивтегі фото

Нұр-Сұлтанда көпбалалы және мүгедек баласы бар аналар пәтер талап етті

69
Коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды

НҰР-СҰЛТАН, 2 маусым – Sputnik.Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Блогер және Қазақстандағы MMA қозғалысының негізін қалаушы Анатолий Ким жағалаудан трансляция жүргізді.

Посмотреть эту публикацию в Instagram

Публикация от ANATOLIY KIM (@kazmma)

"Бізге пәтер беруді талап етеміз. 27 мамырда балам қайтыс болды, сал ауруымен ауырды, ұзақ жылдар бойы пәтер кезегінде тұрдық. Балам қайтыс болған кезде мені кезектен шығарып жіберді. Басқа балам жоқ", - деді наразылық білдірушілердің бірі Роза.

Сондай-ақ, адамдар күн көру қиындап кеткеніне шағымданып, жәрдемақыны көбейтуді талап етті.

"Бізге ешкім келмеді" деген әйелдердің сөзін әкімдік өкілдері теріске шығарып, келіссөз жүргізгендерін айтты.

Сондай-ақ митинг болған жерге тәртіп сақшылары келді. Олар ешкімді ұстап әкеткен жоқ.

Оқи отырыңыз: Бұдан былай бейбіт митинг өткізу үшін рұқсат алудың қажеті жоқ – Тоқаев 

Айта кету керек, митингіге байланысты елордалық Арбат шұғыл жұмысын тоқтатты, қолөнершілер жәрмеңкесіне қатысушылар мен музыканттар үйлеріне кетті.

Қазақстан президенті 25 мамырда бейбіт митингілер өткізу туралы заңға қол қойды. Жиналыстан 5 күн бұрын жергілікті атқарушы органдарға хабарлануы керек.

Бейбіт митингілер өткізу туралы заң 6 маусымда күшіне енеді.

69
Кілт сөздер:
баспана, мүгедек, көпбалалы отбасы
Тақырып бойынша
Тоқаев митинг туралы заңға қол қойды
Митингке шыққысы келетін қазақстандықтар нені білуі тиіс
Тұрғымбаев: Митингіге шығатындар бейбітшілік басты құндылық екенін түсінбейді
Министрдің орынбасары полиция белсенділерді үйден ұстап әкетпейтінін айтты
"Жауыз қылып бітірдік": депутат митингте "адамдарды сүйреп әкететіндер" туралы айтты