Шолпан Уәлиева (оң жақта), Гүлнар Дастанова (ортада)

"Ауру адам таңдамайды": Алматыда екі әйел ракты қалай жеңгенін айтып берді

741
Үш баланың анасы Гүлнар Дастанова мен қызын жалғыз өзі өсіріп отырған Шолпан Уәлиева қатерлі ісікті қалай жеңгенін айтты

АЛМАТЫ, 3 ақпан – Sputnik. Алматыда Дүниежүзілік обырға қарсы күрес күніне орай Қазақ онкология және радиология ғылыми-зерттеу институтында өткен конференция барысында ауруды жеңгендер басынан өткен қиыншылығын айтып берді, деп хабарлайды Sputnik Қазақстан тілшісі.

Үш баланың анасы Гүлнар Дастанова қатерлі ісікті жеңіп, қазір салауатты өмір салтына көшкен.

"Ауру адам таңдамайды. 2017 жылы жатыр мойыны обырының 4-сатысы деген диагноз қойылды. Өзіңнің науқас екеніңді естіген сәтте ем алу кезінде ауруды жеңуге болатынына сену керек. Менің бір танысым осыдан 10 жыл бұрын бастың қатерлі ісігіне шалдықты. 10 жылдан бері өмір сүріп келе жатыр. Қиналған сәтімде сол досымды есіме алатынмын. Яғни, оның қолынан келсе, менің де қолымнан келеді деген сөз", - деп әңгімеледі Дастанова.

Айтуынша, тек дәрігерлер ғана емес, әр адам өз денсаулығы үшін күресуі керек.

Біраз уақыт шетелде болып келген Гүлнар өзінің ауыр дертке шалдыққанын Қазақстанға келіп білген. Қайта кетуге мүмкіндік болғанына қарамастан, ол өз елінде қалуға шешім қабылдапты.

Гүлнар Дастанова (оң жақта)
© Sputnik / Айгерім Таубай
Гүлнар Дастанова (оң жақта)

"Маған өз елімде көмектесе алатын адамдар барына сеніп, осында қалдым. Институттан үнемі скрининг жасауға шақырып тұрды. Сол сәтте мемлекет расында да бізге көмектесетінін түсіндім", - деді ол.

42 сәуле терапиясы, 6 брахитерапия, 2 химиотерапиядан өткен Гүлнар Дастанова өміріңізге, денсаулығыңызға мұқият қарау керек екенін айтады.

"Мен 1 жыл бойы емделдім. Ем кезінде аурды жеңіп, 10, 20 жылдан бері салауатты өмір салтын ұстанып жүрген адамдармен көп әңгімелестім. Сіздің өмір сүруіңіз өзгеге емес, өзіңізге байланысты. Сауығу деген химиотерапия емес, ол сіздің бойыңыздағы күш-жігер", - деді Гүлнар.

Ал 48 жастағы Шолпан Уәлиева 2 жыл бұрын өліп қалуым мүмкін еді дейді. Алматы тұрғыны жалғыз қызын өзі өсіріп отыр. Баласының қамын ойлаған ана өз денсаулығына дұрыс көңіл бөлмегенін айтады. Ауруы асқынса да, жұмыс істеп, ауруханаға бармаған. Осылай кейінге ысырып жүргенде 2018 жылы наурызда есінен танып құлайды. Бастапқыда жекеменшік емханаға қаралған Шолпан онкология институтына келіп, қатерлі ісікке шалдыққанын білген.

Естіген сәтте мең-зең болып қалғанын да жасырмады. Төртінші сатыдағы перитонеальды карцинома деген диагноздың өзі қорқынышты естілген.

"Дәрігерлер шылым шегуге тыйым салғанына қарамастан, естіген сәтте 2 темекі тартып, ұзақ тұрдым. Бастапқыды сабырлы болғаныммен, кейіннен түрлі ой келе бастады", - дейді Шолпан.

Шолпан Уәлиева 2018 жылы мамырда химиотерапиядан өтіп, тамызда тағы бір операция жасаған. 2019 жылдың соңында дәрігерлер ісіктің химия арқылы жойылғанын айтады. Осыдан кейін Шолпан өзін күтіп, спортпен шұғылдана бастаған. Ақ халаттылар суға жүзуді ұсынып, қазір Шолпан Уәлиева тұрақты түрде бассейнге барып тұрады.

741
Кілт сөздер:
ауру, қатерлі ісік
Тақырып бойынша
Ғалымдар қандай ыдыстың рак тудыратынын анықтады
Бас онколог қай облыстардың тұрғындары қатерлі ісікке көбірек шалдығатынын айтты  
Ұйқының рак пен қартаюға қарсы пайдасы анықталды
Ер адам ракты жеңген әйелін мотоциклмен басып өлтірді
Коронавирус, вакцина

Өткен тәулікте 272 адам COVID-19 жұқтырды

9
(Жаңартылды 09:41 28.05.2020)
Коронавирусқа байланысты соңғы мәліметке сәйкес, жалпы ел бойынша ауырғандар саны 9 576, емделіп шыққандар - 4 768, кайтыс болғандар - 37

НҰР-СҰЛТАН, 27 мамыр - Sputnik. Қазақстанда өткен тәулікте 272 адам COVID-19 жұқтырды. Өсім - 2,9%.

Аймақтар бойынша:

Нұр-Сұлтан қаласы - 56 (3,2%)

Қарағанды облысы - 49 (7,0%)

Алматы қаласы - 25 (1,1%)

Ақтөбе облысы - 22 (7,8%)

Батыс Қазақстан облысы - 21 (4,4%)

Қызылорда облысы - 20 (6,6%)

Шымкент қаласы - 17 (2,4%)

Түркістан облысы - 17 (5,0%)

Атырау облысы - 15 (1,6%)

Алматы облысы - 14 (4,6%)

Қостанай облысы - 5 (3,8%)

Жамбыл облысы - 4 (1,1%)

Ақмола облысы - 2 (1,4%)

Солтүстік Қазақстан облысы - 2 (4,1%)

Шығыс Қазақстан облысы - 1 (1,4%)

Маңғыстау облысы - 1 (0,6%)

Павлодар облысы - 1 (0,5%)

155 адам емделіп шықты. Жалпы ел бойынша ауырғандар саны 9 576, емделіп шыққандар - 4 768, кайтыс болғандар - 37.

Данные по коронавирусу на утро 28 мая
© Photo :
Коронавирусқа қатысты соңғы ақпарат, 28 мамыр
9
Кілт сөздер:
Қазақстан, адам, коронавирус
Тақырып:
Коронавирус эпидемиясы
Тақырып бойынша
"Ешқайда кетпейді": бас санитар дәрігер коронавирусқа қатысты мәлімдеме жасады
Бас санитар дәрігер вирус жұқтырғандар саны неге артып жатқанын түсіндірді
Жұмысқа шыққандар арасында вирус жұқтырғандар көбеюде – министрлік
Дәрігер темекі шегетіндер үшін коронавирус қаншалықты қауіпті екенін айтты
Қазақстан өңірлері вирус жұқтыру өсімі бойынша үш топқа бөлінді
Аурухана, архивтегі сурет

Блок бекеттегі апат: министр ауруханада жатқан полицейге барды

261
(Жаңартылды 20:35 27.05.2020)
Ішкі істер министрі Алматыдағы блок бекетте болған жағдайды жеке бақылауына алды. Тұрғымбаев зардап шеккен полицейге тез сауығып кетуін тіледі

НҰР-СҰЛТАН, 27 мамыр — Sputnik. Ішкі істер министрі Ерлан Тұрғымбаев екі полицей көз жұмған жол апатынан кейін жұмыс сапарымен Алматыға арнайы барды, деп хабарлайды Polisia.kz.

Министр внутренних дел Казахстана Ерлан Тургумбаев навестил в больнице полицейского, пострадавшего при столкновении на блокпосту в Алматы
Ішкі істер министрі Алматыдағы №7 қалалық клиникалық ауруханада

Министр №7 қалалық клиникалық ауруханаға зардап шеккен полиция қызметкері аға лейтенант Ербұлан Сейдазымға барды. “BMW” автокөлігінің блок бекетке соғылуының салдарынан ол жабық бас сүйек-ми жарақатын алып, миы ауыр дәрежеде зақымданған.

Зардап шеккен полицейге екі операция жасалды. Бас сүйегінің резекциялы трепанациясы және бас сүйек ішіндегі гематома алынды.

Ведомство басшысы дәрігерлер консилиумына қатысты. Мамандардың айтуынша, пациенттің жағдайы ауыр, бірақ оның өміріне қауіп төніп тұрған жоқ.

Блок бекеттегі апат

Айта кетейік, 25 мамыр күні таңертең Көксай ауылындағы блок бекеттердің бірінде жантүршігерлік жол апаты болып, екі полицей көз жұмды. Сол сәтте көлік ішінде болған 42 жастағы полицей Жарас Жанғазиев оқиға орнында, ал оның әріптесі Дастан Әбдіқанов аурухана төсегінде көз жұмды. Тағы бір полицей ауыр жараланды. Ол бекеттен әрі-бері өткен көліктерді тексеріп тұрған. Басынан ауыр жараланған полицейге ота жасалды.

№ 7 қалалық клиникалық аурухананың нейрохирургы Ерлан Түбелбаев науқастың жағдайы тұрақты ауыр екенін айтты. Миына компьютерлі томография жасалынды. Науқас жасанды тыныс алдыру аппаратына қосылған. Жансақтау бөлімінде емделіп жатыр.

Күдіктінің кінәсі дәлелденсе 15 жылға дейін бас бостандығынан айырылуы мүмкін.

261
Кілт сөздер:
Алматы, полицей, аурухана, министр, апат
Тақырып бойынша
Марқұм полицейдің әйелі мас жүргізуші туралы: ол күйеуіммен бірге істеді  
Бас санитар дәрігер блок бекеттердің қандай жағдайда алынатынын айтты
Алматы блок бекетіндегі оқиғадан кейін полиция департаментінің басшылығы жазаланды
Алматыда блок бекетті соққан ер адам полицияда 6 жыл жұмыс істеген – ІІМ
Блок бекеттегі трагедия: қаза болған полицейлердің отбасына пәтер беріледі