Bek Air

Алматы маңындағы ұшақ апаты: Bek Air қызметкерлері президенттен көмек сұрады

180
(Жаңартылды 10:39 05.02.2020)
Ақысыз демалысқа жіберілген әуе компания қызметкерлерінің отбасылары өмір сүруге ақша таба алмай, қарызға белшеден батып отыр

АЛМАТЫ, 5 ақпан – Sputnik. Bek Air әуе компаниясында тағы бір дау шықты. Компания қызметкерлері жұмыстарының тоқтап тұруына байланысты қарыздарын төлей алмай, үйсіз далада қаламыз деп қорқып отыр. Бұл жайында Еуразия бірінші арнасы хабарлады.

Апатқа ұшыраған әуе кемесінің екінші бортсерігі Мұрат Саховтың жары Шахноз Сахова ай сайын ипотекаға алған үйіне 100 мың теңге көлемінде ақша төлейді. Апаттан аман қалған күйеуінің жұмысы тоқтап тұруына байланысты жалғыз өзі отбасын асырап отыр. Ал оның айлығы қарызын ай сайын төлеп отыруға жетпейді.

"Бәрінен бұрын үш баламен көшеде қаламын ба деп қорқамын. Бұл іс ұзаққа созылып жатыр. Әрі қарай да созыла бермек. Сол себепті ел президентінен барлығының шапшаң қимылдап, істің тезірек бітуін сұраймын. Қанша созуға болады? Біресе, 20-сы, біресе, 30-ына дейін күтіңдер дейді. Ал компания тарапынан еш көмек көрсетіліп жатқан жоқ", - дейді Шахноз.

Сондай-ақ, апатқа ұшыраған ұшақ ішінде болған жолаушылар да моральдық және физикалық зақым алғаны үшін компания өтемақы төлейді деп дәмелі. Заңгерлердің айтуынша, апаттан аман қалғандардың көбі психологиялық тұрғыдан ауыр жағдайда, кейбірі алған жарақатының әсерінен өмір бойы мүгедек болып қалуы мүмкін.

Алматы маңындағы ұшақ апаты

27 желтоқсан күні таңертең Алматы түбінде жолаушылар ұшағы апатқа ұшырады. Әуежайдан Нұр-Сұлтанға ұшып шыққан Fokker-100 көп ұзамай Талғар ауданындағы елді мекенге құлады.

Ұшақ ішінде 93 жолаушы, бес экипаж мүшесі болған. Жолаушылардың төртеуі - шетелдік азамат. Қайғылы оқиғадан 12 адам қаза тапты, бір ай өткен соң екінші ұшқыш та көз жұмды.

180
Кілт сөздер:
президент, ұшақ апаты, Алматы
Тақырып бойынша
Bek Air-де жаға ұстатарлық жайттар анықталды: ұшақтардың суреті жарияланды
Ауғанстанда 83 жолаушы мінген ұшақ құлады
Алматы маңында құлаған Bek Air ұшағының екінші ұшқышы қайтыс болды
Ішкі істер министрлігі екінші ұшқыштың өліміне қатысты түсініктеме берді
"Өлгендер өзін қорғай алмайды": Перуашев Bek Air-дің басшылығына шүйлікті
Ұшақ, аспан

Қазақстан мен Ресей арасындағы әуе қатынасы жанданады

18
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

18
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

89
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

89
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды