Тор

Терроризм үшін сотталғандарды түрмеде қалай ұстайды?

881
(Жаңартылды 12:44 06.02.2020)
Өткен жылдың соңында астанада "Жусан" операциясы аясында Сириядан қайтарылған 14 қазақстандыққа қатысты үкім шыққан болатын

НҰР-СҰЛТАН, 6 ақпан – Sputnik. Терроризм мен экстремизм үшін сотталғандардың басым бөлігі дұрыс жолға түседі. Дегенмен түрмеде радикалды көзқарасын өзгертпей шығатындар да бар, деп хабарлайды Sputnik Қазақстан тілшісі.

Ұлттық қауіпсіздік комитеті төрағасының орынбасары Нұрғали Білісбековтің айтуынша, терроризм және экстремизм үшін сотталғандарды бөлек ұстайды. Олармен теологтер жұмыс істейді. Ішкі істер органдарының мамандары да арнайы дайындықтан өтеді.

"Әрине, біз де осы жұмысқа атсалысып отырамыз. Ешкімді назардан тыс қалдырмаймыз. Енді, ашық айтайын, түрмеде ондай адамдардың басым бөлігі дұрыс жолға түседі. Дегенмен радикалды көзқарасынан қайтпайтындар да бар. Олар бостандыққа шыққаннан кейін пробациялық кезеңде жүреді. Сол кезде біз өз жұмысымызды жалғастырамыз", -  деді Білісбеков журналистерге берген сұқбатында.

Оның сөзіне қарағанда, Қазақстан азаматтарын қақтығыс аймақтарынан шығаруға, одан кейін дерадикализация мен қоғамға бейімдеу шараларына біраз ақша жұмсалады.

"Дегенмен ол шығындардың бәрі ақталады деп ойлаймыз. Себебі елге қайтарылған адамдардың басым бөлігі – балалар. Оларды қайтару – біздің азаматтық міндетіміз", - деп атап көрсетті Білісбеков.

Өткен жылдың соңында астанада "Жусан" операциясы аясында Сириядан қайтарылған 14 қазақстандыққа қатысты үкім шыққан болатын.

Тағы оқыңыз: Қазақстанда салафиттерге тыйым салына ма – Ұлттық қауіпсіздік комитеті жауап берді

Қазақстан азаматтары қылмыстық кодекстің 174-бабы (әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру), 256-бабы (терроризмдi насихаттау немесе терроризм актiсiн жасауға жария түрде шақыру), 257-бабы (террористiк топ құру, оған басшылық ету және оның әрекетіне қатысу), 313-бабы (қатыгездiк және күш қолдануға бас ұруды насихаттайтын туындыларды заңсыз тарату) бойынша кінәлі деп танылды.

Сот шешімімен Нұрлан Қамалов, Газинұр Бақытжанов, Руслан Қуанов, Аманжол Жансеңгіров, Тұрлан Әбілқайыров, Думан Сәдуақасов, Бақтияр Ибраев, Данабек Төреханов, Данияр Әлтаев, Дәурен Сәбитұлы, Абзал Амангелді, Алмаз Нарбутин, Ермұхан Айыпқалиев пен Жандос Әжмәмбетов 8-14 жылға бас бостандығынан айырылды. Әрбіреуі жәбірленушілердің өтемақы қорына 50 000-75 000 теңге аударуы шарт. Сотталғандардың мүлкі тәркіленбейді.

Қазақстан азаматтары Сирияда немен айналысты

Тергеу материалдарына сәйкес, сотталғандардың біреуі – 1992 жылы туған Данияр Әлтаев. Ол 2013 жылы Бішкек арқылы Сирияға барған. Лақап аты – "Әбу Юсуф". Екіншісі – 1992 жылғы Абзал Амангелді. Осыдан төрт жыл бұрын ата-анасымен бірге Сирияға көшіп кеткен. Сол жақта ДАИШ-тың* құрамына кіретін "қазақ жамағатына" қосылған. Былтыр Абзал Амангелді ДАИШ-тың* құрамынан шығып, қашып кетті. Оның бес баласы бар.

Ал Тұрлан Әбілқайыров 25 жасында әйелі және жас баласын алып, алдымен Ресейге, одан кейін Түркияға барған. Сол жақтан Сирияға заңсыз өтіп кеткен. Сөйтіп террористік топтың құрамына қосылған. Оның лақап аты – "Әбу Сейфуллах". Тағы бір сотталушы Жандос Әжмәмбетов Сирияда "Хасан" деген атпен танылған. Жасы – 29-да. 1985 жылы туған Ермұхан Айыпқалиевтің лақап аты – "Исмайл". Ол жарақат алып, мүгедек болып қалған. Айыпқалиев сот отырысына бейнебайланыс арқылы қатысты. Себебі өзі жүре алмайды.

Тағы оқыңыз: "Жусан" операциясы жалғаса ма - Ұлттық қауіпсіздік комитеті жауап берді

56 жастағы Газинұр Бақытжанов Сирияда екі бірдей лақап атпен танылған. Біреуі – "Әбу Сүлейман", екіншісі – "Бабай". Ол ДАИШ-тың* ішкі қауіпсіздік қызметіне кірген әрі әскер қатарынан қашқан Қазақстан азаматтарын құрықтауға көмектескен. Онымен бірге 1986 жылғы Аманжол Жансеңгіров жүрген. Ол сегіз жыл бұрын алдымен Ауғанстанға барған. Ал екі жылдан кейін Сирияға заңсыз өтіп, "қазақ жамағатына" қосылған. Лақап аты – "Абдулфайыз".

35 жастағы Бақтияр Ибраев та алдымен ауған жеріне барған. Бертін келе, Сирияға ауысып, сол жерде әскери тактика мен снайперлік өнерден инструктор болған. Содырлар оны "Әбу әли" деп атаған. Ал 1978 жылғы Нұрлан Қамаловтың бірнеше лақап аты болыпты. Олар – "Абдулла", "Қожеке" және "Әбу Абдулла". Ол "қазақ жамағаты" құрамында "әмір" қызметін атқарған. 28 жастағы Руслан Қуановты "Аббас" деп атапты. Ол Мысырда діни білім алып жүргенде ДАИШ-тың ықпалына түскен. Сөйтіп, Сирияға кетіп қалған. Сол жақта қазақ жігіттеріне дәріс оқыған.

Бұдан бөлек, сотталушылар арасында 1986 жылы туған Алмаз Нарбутин (лақап аты – "Солих медик"), 1988 жылғы Дәурен Сәбитұлы, 1990 жылғы Думан Сәдуақасов пен 1987 жылы туған Данабек Төреханов бар. Сотта барлығы өздерінің отбасылары жайында айтып берді. Мәселен, Алмаз Нарбутиннің екі баласы бар екен. Азаматтық некеде екі рет тұрған. Оның бір әйелі Сирияда жүргенде қайтыс болыпты.

881
Кілт сөздер:
түрме, сотталғандар, терроризм
Тақырып бойынша
ҰҚШҰ өкілдері террористер түрмелерде де үгіт-насихат жүргізіп жатқанын мәлімдеді
"Көмектесуге шақырды": терроризм үшін сотталған ер адам ашық сұқбат берді
Сириядан қайтарылған 14 қазақстандықтың ісі бойынша соттың шешімі шықты
ҰҚК жеті радикалды топ қылмысының жолын кесті
Ұлттық қауіпсіздік комитеті видеоүндеу жариялады
Күн, архивтегі фото

Күн сәулесі коронавирусты өлтіре ме Бекшин жауап берді

534
Алматының бас санитар дәрігері қазір климаты ыстық елдерде ауру жұқтырып жатқандар саны өсіп жатқанын мысалға келтірді  

АЛМАТЫ, 3 маусым – Sputnik. Алматының бас санитар дәрігері Жандарбек Бекшин күн сәулесі коронавирусты өлтіре ме деген сұраққа жауап берді, деп хабарлайды Sputnik Қазақстан тілшісі.

Оның айтуынша, күн сәулесі вирусты өлтіретіні дәлелденбеген. Алайда ЖРВИ, тұмау секілді аурулар сәуірдің соңы мен мамырдың басында күннің ыстық болуына байланысты өршуін тоқтатады.

"Коронавирусқа келетін болсақ, қазір климаты ыстық елдерде ауру жұқтырып жатқандар саны өсіп жатыр. Мысал ретінде Бразилия, Перу, Үндістан, Пәкістанды айтуға болады. Осыдан-ақ вирустың күн сәулесіне қарсы тұра алатынын байқауға болады. Мысал ретінде қаламызда 30 градус ыстық болып тұр, алайда инфекция жұқтырғандар әлі де тіркеліп жатыр", - деді Бекшин.

Сонымен қатар қаланың бас санитар дәрігері жабық нысандардың қауіпті екенін тағы бір рет еске салды.

"Вирус адам ағзасында өмір сүреді, көбейіп, сыртқа шығады. Сондықтан нашар желдетілетін жабық нысандар өте қауіпті болып саналады", - деді ол.

Оқи отырыңыз: Бекшин Алматыда енгізілген шектеу шараларын түсіндірді 

Айта кетейік, Алматыда 2 715 адамның коронавирус жұқтырғаны анықталды, 1 627 адам жазылып шықты, 10 адам қайтыс болды.

534
Кілт сөздер:
коронавирус, Жандарбек Бекшин, күн
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Ер адамдар коронавирусты жиі жұқтырады – ғалымдар себебін анықтады
Ғалымдар коронавирусты кімдер жұқтырмайтынын айтты
Ғалымдар күн сәулесі коронавирусты қанша уақытта өлтіретінін анықтады
Ғалымдар коронавирус пандемиясы қашан аяқталатынын айтты
Архивтегі фото

Елбасы медалі ерекше ережемен табысталады

35
Жобаға 14-29 жас аралығындағы кез келген адам қатыса алады. Басты мақсат – жастарға өзін жетілдіруге серпін беру

НҰР-СҰЛТАН, 3 маусым – Sputnik. Қазақстанда "Елбасы медалі" ұлттық жобасы басталды,  деп хабарлайды Sputnik Қазақстан тілшісі.

"Елбасы Академиясы" корпоративті қоры басшысының орынбасары Әнуар Жанғозиннің айтуынша, жаңа жоба аясында нақты жеті бағыт айқындалған:

  • Спорт және дене шынықтыру.
  • Кітап оқу.
  • Дарын мен дағды.
  • Ұлттық мұра.
  • Еріктілік.
  • Туристік саяхаттар.
  • Еңбек тәжірибесі.

"Жобаның басты мақсаты – 14-29 жас аралығындағы қазақстандықтарға өзін жетілдіруге серпін беру. Бұл дегеніміз, осы жасқа сәйкес келетін кез келген адам қатыса алады. Әсіресе, карантиннен шаршап жүрген жастар үшін жақсы мотивацияға айналады деп сенеміз. Олар өздерінің физикалық жағдайын жетілдіріп, дағдыларын дамытады. Сонымен қатар, айналасындағы адамдарға да көмегін тигізуі керек. Жаңағы жеті бағыт аясында кез келген саланы таңдап, өзін жетілдіру жұмысын бастай беруге болады. Жоба челендж форматында өтеді. Бағдарламаға қатысу тегін", - деді Жанғозин бүгінгі онлайн брифингте.

Қазақстанда "Елбасы медалі" бекітілді: кімдер марапатталады 

Бағдарламадан сәтті өткен жастар Елбасы медалімен марапатталады. Оның үш дәрежесі бар. Олар – қола, күміс пен алтын. Әр деңгейдің өзіндік талаптары белгіленген.

"Қола деңгейге жету үшін 6 ай, күміске 12 ай және алтын деңгейге жету үшін 18 ай қажет. Бағдарламаға қатысу үшін me.fpp.kz сайтында алдағы екі аптаның ішінде тіркелу керек. Бүгінгі таңда алдын ала тіркеуден өткен қатысушылардың саны 6 мың адамнан асып отыр. Қатысушылар бір-бірімен бәсекеге түспейді. Олар өз дағдыларын дамытып, нақты нәтиже көрсетуі керек", - деп түсіндірді Жанғозин.

35
Кілт сөздер:
жастар, медаль, Елбасы
Тақырып бойынша
Қазақстанда "Халық алғысы" медалі пайда болуы мүмкін
Президент әскерилер мен полицейлерді марапаттады
Депутат үш дәрежелі Даңқ ордені иегерінің өмір жолы туралы әңгімелеп берді
Архивтегі фото

Атыраудың тергеу абақтысында сотталғандар бүлік шығарды

5
Жанжалды бастағандар режимді бұзып, қамауға алынған басқа адамдарды тәртіпсіздік жасауға шақырды. Қазіргі уақытта мекемедегі жағдай тұрақтанды

НҰР-СҰЛТАН, 3 маусым – Sputnik. Атырау тергеу изоляторында отырған бес сотталушы режимді бұзып, қамауға алынған басқа адамдарды тәртіпсіздік жасауға шақырды, деп хабарлады ІІМ қылмыстық-атқару жүйесі комитетінің баспасөз қызметі.

Оқиға 2 маусымда кешкі тексерістен кейін болған.

"Атырау қаласының тергеу изоляторында сотталған бес адам жүріп-тұру режимін бұзды, сондай-ақ қамауға алынып, тергеліп жатқан басқа адамдарды тәртіпсіздікке шақырды. Заңсыз әрекеттерді болдырмау үшін жоғарыда аталған адамдар тәртіптік изоляторға қамалды", - деп хабарлады комитет.   

Ведомствоның баспасөз қызметінің мәліметінше, тәртіпсіздікті ұйымдастырушылар кісі өлтіру, қасақана ауыр дене жарақатын салу, ірі көлемде ұрлық жасау секілді ауыр және аса ауыр қылмыстар жасағаны үшін жазасын өтеп жатыр.

Оқи отырыңыз: Арқалықтағы "қасапшылар түрмесіне" алғаш рет әйел түсті

Облыстық қылмыстық-атқару жүйесі департаментінің басшылығы, прокуратура қызметкерлері, сондай-ақ ұлттық алдын-алу жүйесінің өкілдері оқиға орнына барып, сотталғандар арасында сауалнама жүргізіп жатыр.

Қазақстан Қылмыстық кодексінің 428-бабы бойынша (қылмыстық-атқару мекемесі әкімшілігінің заңды талаптарын орындамау) сотқа дейінгі тергеу басталды.

Қазіргі уақытта мекемеде жағдай тұрақты, жүріп-тұру режимін бұзуға жол берілмеді.  

5
Кілт сөздер:
Атырау, тергеу абақтысы
Тақырып бойынша
Түрмедегілер бүлік шығарды: екі офицер мен 25 тұтқын көз жұмды
Түрмедегі коронавирус: жүкті әйелдің сынамасы қате болып шықты 
Челахтың түрмеде көз жұмғаны рас па – ресми жауап
Көкшетауда әкімшілік жазасын өтеп жатқан екі адам көз жұмды
Украина түрмесінде бүлік шықты – оқиға орнында түсірілген видео