Әуежайдағы ұшақ

Bek Air ұшқышы Тоқаевтан көмек сұрады видео

1120
(Жаңартылды 18:04 17.02.2020)
Алматы түбіндегі ұшақ апатын тергеу аяқталмаса да, қызметкерлер әуе компаниясына сертификатты қайтаруды сұрап отыр

НҰР-СҰЛТАН, 17 ақпан — Sputnik. Қазақстанның Халық қаһарманы, ұшқыш Дмитрий Родин президент Қасым-Жомарт Тоқаевқа ұжымдық үндеуді оқыды. Ұшқыш Bek Air әуе компаниясына сертификатты қайтаруға қолдау көрсетуді сұрап отыр. 2019 жылдың 27 желтоқсанында болған апаттан кейін компания сертификаты алынған болатын.

"Біз Қазақстан азаматы, Bek Air әуе компаниясының ұшқыш, бортсерік, инженеріміз. 2019 жылдың 27 желтоқсанында болған жағдайға байланысты қазақстандықтардың қайғысына ортақпыз", - деп бастады өз сөзін Родин.

Сондай-ақ, ұшқыш Қазақстанның авиациялық әкімшілігі шешімімен компанияның сертификаты тоқтатылғанын айтты.

"Қазіргі уақытта тергеу аяқталған жоқ. Радиограммада компанияның Қазақстанның авиациялық ереже талаптарын бұзуы туралы айтылмаған", - деді ол.

Бұл әуе компаниясы ұшуды жалғастыра алмайды деген сөз. Алайда ұшқыштар бұған негіз жоқ деп отыр.

Бұған дейін әуе компаниясының қызметкерлері Нұрсұлтан Назарбаевтан көмек сұраған еді.

Дмитрий Родин кім?

Дмитрий Родин 1961 жылдың 31 тамызында Алматыда туған. Қазақстанның Халық қаһарманы атағына ие болған ұшқыш.

Ол 27 наурыз күні алдыңғы шассиі жоқ Fokker-100 ұшағын Астана әуежайына қондыра білді. Ұшақ бортында 116 жолаушы және бес экипаж мүшесі болған еді. Ешкім зардап шеккен жоқ.

Алматы түбіндегі ұшақ апаты

Ұшақ апаты 2019 жылдың 27 желтоқсанында таңғы сағат жетіде болды. Bek Air әуе компаниясының "Алматы – Нұр-Сұлтан" бағытындағы Fokker 100 ұшағы Алматы маңына құлады.

Ұшақта 93 жолаушы мен 5 экипаж мүшесі болған. Апат 12 адамның өмірін қиды, қаза болғандардың ішінде ұшақ командирі бар. Екінші пилот жансақтау бөліміне түскен.

Тағы оқыңыз: Ұшқыштың жаназасына келген Bek Air басшысы оғаш қылық танытты

Президент тапсырмасымен премьер-министр жетекшілік ететін комиссия құрылды. Тоқаев апаттың себебін анықтап, кінәлілерді қатаң жазалауды тапсырды. 28 желтоқсан елімізде жалпыұлттық аза тұту күні болды.

1120
Кілт сөздер:
видео, үндеу, Қасым-Жомарт Тоқаев, ұшқыш, Bek Air
Тақырып:
Алматы маңындағы ұшақ апаты (67)
Тақырып бойынша
Bek Air-де жаға ұстатарлық жайттар анықталды: ұшақтардың суреті жарияланды
Алматы түбіндегі Bek Air ұшағы апатының негізгі себебі жарияланды
Ақмола облысында аудан әкімі аза тұту күні мейрамханада көңіл көтерді
Ішкі істер министрлігі екінші ұшқыштың өліміне қатысты түсініктеме берді
Мәскеудегі трагедия: ажал құшқан бортсерік соңғы рет не деп жазды – видео
Загрузка...