Diamond Princess лайнері

Коронавирус тараған лайнердегі қазақстандықтарға қатысты тың дерек айтылды

480
(Жаңартылды 18:23 17.02.2020)
Кемеде коронавирус анықталғаннан кейін оны Жапонияға жақындатпай, карантин жарияланған болатын. Ол 19 ақпанға дейін жалғасады

НҰР-СҰЛТАН, 17 ақпан – Sputnik. Қазақстанның жетекші инфекционисі Динагүл Баешева Diamond Princess лайнерінде қамалып қалған қазақстандықтар туралы айтып берді, деп хабарлайды Sputnik Қазақстан тілшісі.

"Қазақстанның денсаулық сақтау министрлігі лайнерде қамалып қалған төрт қазақстандықпен байланыста отыр. Олардың денсаулығы жақсы. Жақын арада төртеуінен де сынама алынатын болады", - деді Баешева астанада өткен баспасөз мәслихатында.

Оның айтуынша, Бүкіләлемдік денсаулық сақтау ұйымы тек күдікті адамдардан ғана сынама алуға кеңес берген. Ал қазақстандықтарда коронавирусқа шалдығу белгілері болмаған. Сол себепті олардан сынаманы кеш алып жатыр.

Тағы оқыңыз: Коронавирус таралған кемеде 4 қазақстандық бар екені анықталды

"Лайнерде қалған қазақстандықтар арасында балалар жоқ. Бүгінде үнемі келіссөздер жүргізіліп отырады. Барлық мәселелер сыртқы істер министрлігі арқылы шешіледі. Карантин аяқталады, одан кейінгі шаралар тағы пысықталатын болады", - дейді маман.

Лайнерге коронавирус қалай өтті?

5 ақпанда Жапонияның жағасында круиздік лайнердің карантинге қойылғаны туралы хабар тараған болатын. Себебі бір адамда коронавирус анықталды. Жолаушылардың жалпы саны – 3 700 адам.

Үш күннен кейін жаңа ауруға шалдыққандардың саны 70-ке жетті. Ал 10 ақпанда 130 адамның ауырып қалғаны белгілі болды.

12 ақпанда Жапонияның денсаулық сақтау министрлігі коронавирусқа тағы 39 адамның шалдыққанын жариялады. Олардың ішінде карантин қызметінің бір маманы да болған. Ол қорғаныс шараларын сақтамай, ауырып қалды.

Қазіргі кезде лайнерде 454 адам індетке шалдыққан. Карантин 19 ақпанға дейін жалғасады. Кеме 20 қаңтарда Иокогамадан шығып, 3 ақпанда қайтып келген. Бортта Қытайдың бір азаматы болған. Ол Гонконгтен түсіп, ауырып қалды.

480
Кілт сөздер:
Жапония, қазақстандықтар, вирус
Тақырып:
Коронавирус эпидемиясы (869)
Тақырып бойынша
"Қорқынышты": Қазақстан студенттері Уханьда не боп жатқанын айтты - видео
Қытай дәрігерлері бетперде кигеннен кейінгі түрін көрсетті – фото
Анасының құрсағында коронавирус жұқтырған алғашқы сәби дүниеге келген
Коронавирус туралы бірінші хабарлаған дәрігер қайтыс болды
АҚШ елшісі Қазақстанның коронавирус қаупіне дайындығы жайлы мәлімдеме жасады
Блокбекеттердегі полицейлер

"Оңай болған жоқ": министр блокбекеттерде жұмыс істеген полицейлерге алғыс айтты

12
Ішкі істер министрлігінің басшысы 1 маусымнан бастап блокбекеттер алынса да, санитарлық талаптар мен қауіпсіздік шаралары қатаң сақталуы тиіс екенін айтты

НҰР-СҰЛТАН, 31 мамыр – Sputnik. Қазақстанның ішкі істер министрі Ерлан Тұрғымбаев блокбекеттерде жұмыс істеген полицейлерге ризашылығын білдірді, деп хабарлайды Polisia.kz.

"Бүкіл әлем коронавирус пандемиясымен күресуде. Қазақстан да қалыс қалған жоқ. Дер кезінде қабылданған шаралардың, дәрігерлер, полицейлер, әскерилер мен еріктілердің жанкештілігінің, сондай-ақ, халықтың жауапкершілігі мен тәртіптілігінің арқасында еліміз осы кезеңнен аз шығынмен өтуде", – деді ішкі істер министрі Ерлан Тұрғымбаев қызмет және бөлімше басшыларымен өткен селекторлық кеңесте.

Министр президенттің тапсырмасымен ішкі істер органдарының барлық күші қоғамдық тәртіп пен тұрғындардың қауіпсіздігін сақтауға, карантин шараларын қамтамасыз етуге бағытталғанын айтты.

52 мыңнан астам қызметкер блокбекеттерде үздіксіз қызмет атқарды. Олардың арасында полицейлер, құтқарушылар, әскери қызметшілер және ішкі істер органдарының медицина қызметкерлері бар.

Тағы оқыңыз: Қазақстанда блокбекеттер алынып, қалааралық автобустар жолға шығады

Ішкі істер министрлігінің ақпаратынша, өзін-өзі оқшаулау және шектеу режимі кезеңінде қабылданған шаралардың арқасында елдегі қылмыс 26%–ке төмендеді. Полиция мен министрліктің басқа да күштері мұндай ерекше режимде алғаш рет жұмыс істеді.

"Оңай болған жоқ. Тәулік бойы жұмыс істеу, казармалық жағдай, үй мен отбасынан жырақта болу, кейбір азаматтардың түсінбеушілігі мен қарсылығы үлкен психологиялық және физикалық жүктемелер тудырды. Бірақ біздің қызметкерлеріміз 78 күн бойы ел басшылығы қойған міндеттерді нақты орындай отырып, қызмет өткеруді жалғастырды", – деді Тұрғымбаев.

Қызметтік міндеттерін адал орындағаны, блокбекеттерде коронавирустық инфекциямен күрес жөніндегі шараларға тікелей қатысқаны үшін министрдің бұйрығымен ерекше көзге түскен қызметкерлер грамоталармен және алғыс хаттармен марапатталды.

Тағы оқыңыз: "Ешқайда шықпайды": пойыздағы жаңа тәртіп туралы айтылды

Министр, сондай-ақ, қауіп-қатер аймағында жүрген полицейлерге маска мен  комбинезондар дайындаған сотталғандарға да алғыс айтты.

"Елді мекендер арасындағы блокбекеттер алынып тасталады. Бірақ бұл қауіп жоқ дегенді білдірмейді. Азаматтарға санитарлық талаптармен қатар сақтық шараларын қатаң сақтау керек", – деді Тұрғымбаев.

Еске салсақ, карантин режимі кезінде елде 400-ге жуық блокбекет жұмыс істеді, оған 6 мыңға жуық қызметкер тартылды. Осы кезең ішінде блокбекеттерде 3,2 миллионнан астам көлік және 5 миллион жолаушы тексерілді.

12
Кілт сөздер:
Ішкі істер министрлігі, коронавирус, төтенше жағдай
Тақырып:
Төтенше жағдай және карантин
Аурухана қызметкері

Қазақстанда тағы 476 адам коронавирус жұқтырды

1287
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

1287
Кілт сөздер:
коронавирус
Тақырып:
Коронавирус эпидемиясы (869)
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды