Коронавирусқа қарсы шаралар, дайындық

Коронавирус қаупі: карантинде болған қазақстандық студенттер ашық сұхбат берді

524
Ухань қаласынан елге жеткізілген қазақстандық студенттер екі апта бойы астанаға жақын жердегі көпбейінді ауруханада карантинде болған

НҰР-СҰЛТАН, 17 ақпан – Sputnik. Бүгін Қытайдың Ухань қаласынан қайтарылған қазақстандық студенттер халық алдына шығып, тілшілердің сұрағына жауап берді. Арнайы баспасөз мәслихатына 80 студенттің атынан екі адам келді, деп хабарлайды Sputnik Қазақстан тілшісі.

"Оқуымды аяқтап шығуым қажет"

Гүлбақыт Болатбекқызы - Ухань университетінің Phd студенті. Оның айтуынша, қаланың жабылатыны туралы ақпарат 22 қаңтарда жарияланды. Аталған шара Қытайдың жаңа жылымен тұспа-тұс келді. Ондайда барлығы дүкеннен тамақты көптеп сатып алады. Себебі мереке күндері супермаркеттер жарты күн істейді.

"Біз бір-екі аптаға тамақ сатып алдық. Содан 22 қаңтарда Ухань қаласының жабылатыны туралы хабар келді. Әуе мен жол қатынасын толығымен тоқтатты. Төтенше жағдай жарияланды. Бәрімізге үйден шықпасын деді. Жарайды, тамақ бар дедік те, кампуста отырдық. Бетпердені де таратып берді", - дейді Болатбекқызы.

Оның айтуынша, студенттік кампустың аумағы үлкен, Нұр-Сұлтанның сол жағалауымен бірдей. Оның ішінде дүкен де, кинотеатр да, бәрі бар. Ол жерде тек оқытушылар мен студенттер ғана тұрады.

"Дүкенге бір маршрутпен ғана барып жүрдік. Кураторға нақты келетін уақытымызды да айтып кететінбіз. Бетперде, көзілдірік пен қолғап киіп жүрдік. Сөйтіп, бір сағат, ары кетсе, екі сағатқа шығып тұрдық. Қалада дүрбелең болған жоқ. Нан үшін ешкім төбелескен жоқ. Барлығы тәртіппен атқарылды", - деді Болатбекқызы.

Тағы оқыңыз: "Бұл нақты дерек": дәрігерлер Қытайдан Нұр-Сұлтанға келген қызға диагноз қойды

Гүлбақыт елге эвакуацияланғаннан кейінгі карантинге де тоқталды.

"Қазақстанда біз көпбейінді ауруханада жаттық. Барлық сынамалар алынды. Бәрімізде теріс нәтиже тіркелді. Жалпы, Қытаймен бірге санағанда біз карантинде 24 күн отырдық. Негізі, шипажайдың демалысынан кем болмады. Төрт мезгіл тамақ берілді, психологтар жұмыс істеді. Бәрі кәсіби деңгейде атқарылды. Сол үшін үлкен алғыс айтамыз", -  деп атап көрсетті Болатбекқызы.

Студент қыз шекараны ашқаннан кейін Қытайға барып, оқуды жоспарлап отыр. Мамандығы – халықаралық құқық. Ғылыми жұмысы - Еуразиялық экономикалық одақ. Гүлбақыт Phd дәрежесін алып шығуға мүдделі.

Қытай билігі қысым жасаған жоқ

Дәурен Уришанов та Ухань қаласына қатысты алыпқашпа әңгімелерге сенбеуге шақырды.

"Уханьда тамақ жоқ деген видеолар тарады. Бұның бәрі – өтірік. Мен өзім сол қалада оқимын. Супермаркеттер күні бойы ашық тұрады. Азық-түлікті күнде әкеледі. Су да, дәрі де, бәрі бар. Ал интернетте жүрген видеолардың біреуі ескі болса, енді біреуі Уханьға ешбір қатысы жоқ", - дейді Үришанов.

Оның айтуынша, бас кезінде жергілікті халық жаңа вирусқа қатысты әңгімелерге көп мән бермеді. Артынан үкімет ресми ақпарат таратып, ескерту жасағаннан кейін барлығы сақтық шараларын қолға алды. Ал қазақстандық студенттерге елшілік мамандары хабарласып, санитарлық-гигиеналық шараларды барынша сақтауды тапсырды.

"Далаға шықсақ, тек бетпердемен жүрдік. Үйге келгеннен кейін қолға дезинфекция жасап отырдық. Бәрін инструкция бойынша жасадық қой. Қала тыныш, ешқандай дүрбелең болған жоқ. Адамдар үйде отырады. Азық-түлік керек болған жағдайда ғана дүкенге шығады. Көшеде ешкім құлап жатқан жоқ", - деп атап көрсетті Уришанов.

Студент Ухань қаласында жүргенде өзіне хабарласқан тілшілерге не себепті сұхбат бермегенін де түсіндірді.

"Маған да бір-екі рет хабарласты. Мен сұхбат бермеймін дедім. Себебі бізге ата-атамыз күніне он бес рет қоңырау шалады, ағайындар бар, достар хабарласады. Сұрайтыны бір – коронавирус. Шынымды айтсам, біз ол сұрақтан моральды тұрғыда шаршап кеттік. Содан бәріміз чат арқылы ақылдасып, сұхбат бермейміз деп келістік. Қытай билігі тарапынан ешқандай қысым жасалған жоқ", - дейді Уришанов.

Студенттерді қалай эвакуациялады?

Қазақстан екі апта бұрын коронавирус тараған Қытай қаласынан 83 қазақстандық (олардың 80-і – студент), бес Беларусь азаматы мен бір Армения азаматын әкелген болатын.

Бұған қоса, 18 қырғызстандықты эвакуациялады, оларды арнайы бортпен Бішкекке жіберді.

Қазақстанға келгендер астананың көпсалалы ауруханасы жанындағы арнайы бөлінген инфекцияға қарсы корпуста 14 күндік карантинде болды. Ол аурухана Нұр-Cұлтан қаласынан жеті шақырым жерде орналасқан.

Денсаулық сақтау министрі Елжан Біртанов карантинттен шыққандардың барлығын тұрғылықты мекенжайлары бойынша қосымша бақылауды тапсырды.

524
Кілт сөздер:
сұхбат, студенттер, карантин
Тақырып бойынша
Қытай Қазақстанға өтініш білдірді
"Қорқынышты": Қазақстан студенттері Уханьда не боп жатқанын айтты - видео
Нұр-Сұлтанда әйел коронавирус жұқтырдым деп күдіктеніп, емханаға келді  
Коронавирус тараған лайнердегі қазақстандықтарға қатысты тың дерек айтылды
АҚШ елшісі Қазақстанның коронавирус қаупіне дайындығы жайлы мәлімдеме жасады
Күн, архивтегі фото

Күн сәулесі коронавирусты өлтіре ме Бекшин жауап берді

514
Алматының бас санитар дәрігері қазір климаты ыстық елдерде ауру жұқтырып жатқандар саны өсіп жатқанын мысалға келтірді  

АЛМАТЫ, 3 маусым – Sputnik. Алматының бас санитар дәрігері Жандарбек Бекшин күн сәулесі коронавирусты өлтіре ме деген сұраққа жауап берді, деп хабарлайды Sputnik Қазақстан тілшісі.

Оның айтуынша, күн сәулесі вирусты өлтіретіні дәлелденбеген. Алайда ЖРВИ, тұмау секілді аурулар сәуірдің соңы мен мамырдың басында күннің ыстық болуына байланысты өршуін тоқтатады.

"Коронавирусқа келетін болсақ, қазір климаты ыстық елдерде ауру жұқтырып жатқандар саны өсіп жатыр. Мысал ретінде Бразилия, Перу, Үндістан, Пәкістанды айтуға болады. Осыдан-ақ вирустың күн сәулесіне қарсы тұра алатынын байқауға болады. Мысал ретінде қаламызда 30 градус ыстық болып тұр, алайда инфекция жұқтырғандар әлі де тіркеліп жатыр", - деді Бекшин.

Сонымен қатар қаланың бас санитар дәрігері жабық нысандардың қауіпті екенін тағы бір рет еске салды.

"Вирус адам ағзасында өмір сүреді, көбейіп, сыртқа шығады. Сондықтан нашар желдетілетін жабық нысандар өте қауіпті болып саналады", - деді ол.

Оқи отырыңыз: Бекшин Алматыда енгізілген шектеу шараларын түсіндірді 

Айта кетейік, Алматыда 2 715 адамның коронавирус жұқтырғаны анықталды, 1 627 адам жазылып шықты, 10 адам қайтыс болды.

514
Кілт сөздер:
коронавирус, Жандарбек Бекшин, күн
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Ер адамдар коронавирусты жиі жұқтырады – ғалымдар себебін анықтады
Ғалымдар коронавирусты кімдер жұқтырмайтынын айтты
Ғалымдар күн сәулесі коронавирусты қанша уақытта өлтіретінін анықтады
Ғалымдар коронавирус пандемиясы қашан аяқталатынын айтты
Архивтегі фото

Елбасы медалі ерекше ережемен табысталады

33
Жобаға 14-29 жас аралығындағы кез келген адам қатыса алады. Басты мақсат – жастарға өзін жетілдіруге серпін беру

НҰР-СҰЛТАН, 3 маусым – Sputnik. Қазақстанда "Елбасы медалі" ұлттық жобасы басталды,  деп хабарлайды Sputnik Қазақстан тілшісі.

"Елбасы Академиясы" корпоративті қоры басшысының орынбасары Әнуар Жанғозиннің айтуынша, жаңа жоба аясында нақты жеті бағыт айқындалған:

  • Спорт және дене шынықтыру.
  • Кітап оқу.
  • Дарын мен дағды.
  • Ұлттық мұра.
  • Еріктілік.
  • Туристік саяхаттар.
  • Еңбек тәжірибесі.

"Жобаның басты мақсаты – 14-29 жас аралығындағы қазақстандықтарға өзін жетілдіруге серпін беру. Бұл дегеніміз, осы жасқа сәйкес келетін кез келген адам қатыса алады. Әсіресе, карантиннен шаршап жүрген жастар үшін жақсы мотивацияға айналады деп сенеміз. Олар өздерінің физикалық жағдайын жетілдіріп, дағдыларын дамытады. Сонымен қатар, айналасындағы адамдарға да көмегін тигізуі керек. Жаңағы жеті бағыт аясында кез келген саланы таңдап, өзін жетілдіру жұмысын бастай беруге болады. Жоба челендж форматында өтеді. Бағдарламаға қатысу тегін", - деді Жанғозин бүгінгі онлайн брифингте.

Қазақстанда "Елбасы медалі" бекітілді: кімдер марапатталады 

Бағдарламадан сәтті өткен жастар Елбасы медалімен марапатталады. Оның үш дәрежесі бар. Олар – қола, күміс пен алтын. Әр деңгейдің өзіндік талаптары белгіленген.

"Қола деңгейге жету үшін 6 ай, күміске 12 ай және алтын деңгейге жету үшін 18 ай қажет. Бағдарламаға қатысу үшін me.fpp.kz сайтында алдағы екі аптаның ішінде тіркелу керек. Бүгінгі таңда алдын ала тіркеуден өткен қатысушылардың саны 6 мың адамнан асып отыр. Қатысушылар бір-бірімен бәсекеге түспейді. Олар өз дағдыларын дамытып, нақты нәтиже көрсетуі керек", - деп түсіндірді Жанғозин.

33
Кілт сөздер:
жастар, медаль, Елбасы
Тақырып бойынша
Қазақстанда "Халық алғысы" медалі пайда болуы мүмкін
Президент әскерилер мен полицейлерді марапаттады
Депутат үш дәрежелі Даңқ ордені иегерінің өмір жолы туралы әңгімелеп берді
Архивтегі фото

Атыраудың тергеу абақтысында сотталғандар бүлік шығарды

4
Жанжалды бастағандар режимді бұзып, қамауға алынған басқа адамдарды тәртіпсіздік жасауға шақырды. Қазіргі уақытта мекемедегі жағдай тұрақтанды

НҰР-СҰЛТАН, 3 маусым – Sputnik. Атырау тергеу изоляторында отырған бес сотталушы режимді бұзып, қамауға алынған басқа адамдарды тәртіпсіздік жасауға шақырды, деп хабарлады ІІМ қылмыстық-атқару жүйесі комитетінің баспасөз қызметі.

Оқиға 2 маусымда кешкі тексерістен кейін болған.

"Атырау қаласының тергеу изоляторында сотталған бес адам жүріп-тұру режимін бұзды, сондай-ақ қамауға алынып, тергеліп жатқан басқа адамдарды тәртіпсіздікке шақырды. Заңсыз әрекеттерді болдырмау үшін жоғарыда аталған адамдар тәртіптік изоляторға қамалды", - деп хабарлады комитет.   

Ведомствоның баспасөз қызметінің мәліметінше, тәртіпсіздікті ұйымдастырушылар кісі өлтіру, қасақана ауыр дене жарақатын салу, ірі көлемде ұрлық жасау секілді ауыр және аса ауыр қылмыстар жасағаны үшін жазасын өтеп жатыр.

Оқи отырыңыз: Арқалықтағы "қасапшылар түрмесіне" алғаш рет әйел түсті

Облыстық қылмыстық-атқару жүйесі департаментінің басшылығы, прокуратура қызметкерлері, сондай-ақ ұлттық алдын-алу жүйесінің өкілдері оқиға орнына барып, сотталғандар арасында сауалнама жүргізіп жатыр.

Қазақстан Қылмыстық кодексінің 428-бабы бойынша (қылмыстық-атқару мекемесі әкімшілігінің заңды талаптарын орындамау) сотқа дейінгі тергеу басталды.

Қазіргі уақытта мекемеде жағдай тұрақты, жүріп-тұру режимін бұзуға жол берілмеді.  

4
Кілт сөздер:
Атырау, тергеу абақтысы
Тақырып бойынша
Түрмедегілер бүлік шығарды: екі офицер мен 25 тұтқын көз жұмды
Түрмедегі коронавирус: жүкті әйелдің сынамасы қате болып шықты 
Челахтың түрмеде көз жұмғаны рас па – ресми жауап
Көкшетауда әкімшілік жазасын өтеп жатқан екі адам көз жұмды
Украина түрмесінде бүлік шықты – оқиға орнында түсірілген видео