Депутаттар, архивтегі сурет

"Кетпеңізші деп жалынамыз": кәсіпкер депутаттар алдында жанайқайын жеткізді

6601
(Жаңартылды 13:59 28.02.2020)
Кәсіпкердің айтуынша, бүгінде қазақстандық студенттердің небәрі екі проценті ғана ауыл шаруашылығы мамандығында оқиды

НҰР-СҰЛТАН, 28 ақпан – Sputnik. "Олжа-Агро" ЖШС бас директоры Айдарбек Қожаназаров ауыл шаруашылығының дамуын тежеп тұрған басты проблеманы атады, деп хабарлайды Sputnik Қазақстан тілшісі.

Қазақстандық агрономның айтуынша, еліміздің аграрлық секторында білікті мамандар тапшы, кадрлық аштыққа ұшырап отыр.

"Мәселен, біз бәріміз жан жақтан ет-мал шаруашылығын дамыту керек деп айтамыз. Бірақ еңбек нарығында кәсіби зоотехниктер жоқ. Барлары жұмыс істеп жатыр, ал жаңа кадр дайындалмайды. Мал бағатын малшы таба алмайсың", - деді Қожаназаров сенатта агроөнеркәсіп кешенін дамыту мәселелері туралы парламенттік тыңдауда.

Мысалы, оның айтуынша, Қостанай мемлекеттік университетін 2018 жылы 15 зоотехник тәмамдаса, былтыр 40-қа тарта маман бітірген. Ал жергілікті ауыл шаруашылығы колледжінде зоотехника факультеті атымен жоқ.
Агроном өзі басқаратын "Олжа Агро" кәсіпорны да маман тапшылығын сезініп отырғанын атап өтті.

"Мәселен, бізде 270 жұмыс орны бос тұр. Оның ішінде 20 агроном,  114 механизатор, 3 ветеринар және 20 зоотехник керек, ал біз жұмыссыздық туралы айтамыз. Бізде істейтін зоотехниктердің жартысы зейнеткерлер. Біз жыл сайын оларға кетпеңізші деп жалынамыз. Өйткені ауыл шаруашылығын сеніп тапсыратын ешкім жоқ. Сол себепті "Болашақ" бағдарламасы бойынша грант бөлген кезде, осы мәселені ескеру керек шығар?!", - деп мұңын шақты кәсіпкер.

Ол мамандар тапшылығын білім және ғылым базасының әлсіздігімен байланыстырды.

"Мойындайықшы, агромамандықтарды қалаған факультетіне түсе алмай, жолы болмаған жастар таңдайды. Амалсыздан осы мамандыққа барады. Халқымыздың жартысы ауылда тұрса да, студенттердің екі проценті ғана ауыл шаруашылығы мамандығында оқиды екен. Ойландыратын мәселе емес пе?", - деді ол.

Қожаназаров ауыл шаруашылығы саласының мамандарына қойылатын талаптар әдейі төмендетілгенін мойындады. Ал қазір, айтуынша, аграрлық сектор өз "еңбегінің" жемісін көріп отыр.

Тағы оқыңыз: Дариға Назарбаева реформаның салдары неге әкеп соққанын айтты

Сонымен қатар, кәсіпкер агроғылымды қаржыландыру тетігін өзгертуді ұсынды.

"Соңғы жеті жылда ауыл шаруашылығы ғылымына бөлінетін қаржы екі есеге өскен. Бірақ нәтиже сол қалпы. Яғни, қаржы ұлғайғанмен, тиімділік жоқ. Соған қарағанда, мәселе ғылымды қаржыландыруда емес, оның әдіс-тәсілдерінде шығар? Отандық агроғылым саланың табыстылығын ұлғайтып, тиімділігін арттыруы керек. Бюджеттен ғылымға құйылған ақша салаға пайдасын әкелуі тиіс", - дейді Қожаназаров.

Ол күрделі проблемаларға көшу үшін алдымен осы мәселелерді шешіп алу керек деп санайды.

6601
Тақырып бойынша
Ұнның арасына жасырған: әкімдік басшыларының ұсталған сәті видеоға түсіп қалды
"Депутат ұйықтап отыр ма?": Владислав Косарев жауап беруге дайын – видео
Елордалық депутат Kaspi Gold иелерін 3% салық төлеуге міндеттеуді ұсынды
Ақтауда шенеуніктің көлігінен бума-бума ақша шықты – видео
Ыдырысова депутаттардың неге шаршап отыратынын айтып берді
Аурухана, архивтегі сурет

Блок бекеттегі апат: министр ауруханада жатқан полицейге барды

205
(Жаңартылды 20:35 27.05.2020)
Ішкі істер министрі Алматыдағы блок бекетте болған жағдайды жеке бақылауына алды. Тұрғымбаев зардап шеккен полицейге тез сауығып кетуін тіледі

НҰР-СҰЛТАН, 27 мамыр — Sputnik. Ішкі істер министрі Ерлан Тұрғымбаев екі полицей көз жұмған жол апатынан кейін жұмыс сапарымен Алматыға арнайы барды, деп хабарлайды Polisia.kz.

Министр внутренних дел Казахстана Ерлан Тургумбаев навестил в больнице полицейского, пострадавшего при столкновении на блокпосту в Алматы
Ішкі істер министрі Алматыдағы №7 қалалық клиникалық ауруханада

Министр №7 қалалық клиникалық ауруханаға зардап шеккен полиция қызметкері аға лейтенант Ербұлан Сейдазымға барды. “BMW” автокөлігінің блок бекетке соғылуының салдарынан ол жабық бас сүйек-ми жарақатын алып, миы ауыр дәрежеде зақымданған.

Зардап шеккен полицейге екі операция жасалды. Бас сүйегінің резекциялы трепанациясы және бас сүйек ішіндегі гематома алынды.

Ведомство басшысы дәрігерлер консилиумына қатысты. Мамандардың айтуынша, пациенттің жағдайы ауыр, бірақ оның өміріне қауіп төніп тұрған жоқ.

Блок бекеттегі апат

Айта кетейік, 25 мамыр күні таңертең Көксай ауылындағы блок бекеттердің бірінде жантүршігерлік жол апаты болып, екі полицей көз жұмды. Сол сәтте көлік ішінде болған 42 жастағы полицей Жарас Жанғазиев оқиға орнында, ал оның әріптесі Дастан Әбдіқанов аурухана төсегінде көз жұмды. Тағы бір полицей ауыр жараланды. Ол бекеттен әрі-бері өткен көліктерді тексеріп тұрған. Басынан ауыр жараланған полицейге ота жасалды.

№ 7 қалалық клиникалық аурухананың нейрохирургы Ерлан Түбелбаев науқастың жағдайы тұрақты ауыр екенін айтты. Миына компьютерлі томография жасалынды. Науқас жасанды тыныс алдыру аппаратына қосылған. Жансақтау бөлімінде емделіп жатыр.

Күдіктінің кінәсі дәлелденсе 15 жылға дейін бас бостандығынан айырылуы мүмкін.

205
Кілт сөздер:
Алматы, полицей, аурухана, министр, апат
Тақырып бойынша
Марқұм полицейдің әйелі мас жүргізуші туралы: ол күйеуіммен бірге істеді  
Бас санитар дәрігер блок бекеттердің қандай жағдайда алынатынын айтты
Алматы блок бекетіндегі оқиғадан кейін полиция департаментінің басшылығы жазаланды
Алматыда блок бекетті соққан ер адам полицияда 6 жыл жұмыс істеген – ІІМ
Блок бекеттегі трагедия: қаза болған полицейлердің отбасына пәтер беріледі 
Құқық қорғау органдарының қызметкерлері

Арнайы операцияның видеосы: ҰҚК екі қылмыстық топ туралы ақпарат жариялады

162
(Жаңартылды 20:02 27.05.2020)
Ұсталғандар уақытша ұстау изоляторларына қамалды, бұлтартпау шарасын таңдау туралы мәселе шешіліп жатыр

НҰР-СҰЛТАН, 27 мамыр – Sputnik. Ұлттық қауіпсіздік комитеті мен ішкі істер министрлігі бірлесе Алматы және Алматы облысында жүргізілген арнайы операцияның видеосын жариялады. Операция нәтижесінде бір-біріне қарсы екі қылмыстық топ әрекетінің жолын кесілді. 

"Қылмыстық топқа қатысушылардың бірнеше ауыр және аса ауыр қылмыстарға қатысы бар. Қылмыс атыс қаруын қолдана отырып, аса өктемдікпен жасалған", - деп хабарлады ұлттық қауіпсіздік комитетінің баспасөз қызметі.

Екі топтың белсенді мүшелерінің жалпы саны 30 адамға жеткен. Олардың арасында бұрын сотталғандар бар, кейбірі "ұрылар" идеологиясын ұстанып, трансұлттық қылмыстық қоғамдастық жетекшілерімен байланыста болған.

Топ қатысушыларының тұрғылықты жері бойынша тінту барысында қарудың 11 түрі , 200-ден артық оқ-дәрі алынды.

Ұсталғандар уақытша ұстау изоляторларына қамалды, бұлтартпау шарасын таңдау туралы мәселе шешілуде.

 

 

162
Кілт сөздер:
қылмыстық топ, ҰҚК, арнайы операция
Тақырып бойынша
ҰҚК Ақмола облысында өткізілген операцияның видеосын жариялады
ҰҚК 20 лауазымды тұлғаны ұстау сәтінің видеосын жариялады
Трансгендерді зорлады деп айыпталған ҰҚК қызметкері сотталып жатыр
ҰҚК қызметкерлері ойынханадағы 30-дан астам адамды ұстады – видео
ҰҚК Алматы тұрғынын қылмыс үстінде ұстады
Тұрғындар, жаз

Аптап ыстық болады - бейсенбіге арналған ауа райы болжамы

119
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

119
Кілт сөздер:
синоптиктер, ауа райы, мамыр