Кеңсе, қызметкер

Қандай мемлекеттік қызметшілердің демалыс күні қысқарады

4227
(Жаңартылды 14:39 05.03.2020)
Sputnik Қазақстан азаматтардың қай санаты мемлекеттік қызметшіге жататынын және президенттің мереке күніне байланысты тапсырмасы кімге қатысты болатынын анықтады

АЛМАТЫ, 5 наурыз  – Sputnik. Президент Қасым-Жомарт Тоқаев мемлекеттік қызметшілердің мерекелік демалысын қысқарту туралы тапсырма берді. Қазіргі уақытта Қазақстанда мереке демалыс күніне сәйкес келсе, келесі күн демалыс деп жарияланады.

Мәселен, халықаралық әйелдер күні жексенбіге дәл түссе, 9 наурыз (дүйсенбі) демалыс күні болып саналады. Ал 2020 жылдың наурызында демалыс күннің келесі күнге ауысуына байланысты қазақстандықтар 13 күн демалады.

Мемлекет басшысының айтуынша, бұл мемлекеттік қызметшілерге қатысты болмауы тиіс. Кейін президенттің баспасөз хатшысы Берік Уәли Тоқаевтың бұл тапсырмасы әлемде коронавирустың тарауына және елдегі су тасқыны қаупіне байланысты енгізіліп отырғанын айтты.

"Мұның бәрі шұғыл әрекет етуді, барлық мемлекеттік құрылымның жедел және үйлесімді жұмысын талап етеді", - деді Берік Уәли.

Оның сөзіне қарағанда, мемлекеттік қызметші мерекенің басқа күнге ауыстырылуына сәйкес, демалыс күні жұмысқа шыққан жағдайда еңбек заңнамасы сақталады. Демек, еңбек кодексінің 85-бабына сәйкес, демалыс күні жұмысқа шыққан мемлекеттік қызметшіге бір жарым күндік жұмыстың ақы төленеді.

Мемлекеттік қызметшілер демалыс күні жұмысқа өзінің жазбаша рұқсатымен ғана шығады.

Мемлекеттік қызметші деген кім

Қазақстандағы мемлекеттік қызмет "Мемлекеттік қызмет туралы" заңмен реттеледі.

Осы заңға сәйкес, Қазақстан президенті әкімшілігі, парламент, үкімет, жоғарғы соттың және оның бақылауындағы соттардың, сондай-ақ, конституциялық кеңес пен орталық сайлау комиссиясы аппараты қызметкерлері мемлекеттік қызметші болып саналады.

Сонымен қатар министрлікте, мемлекеттік комитетте және өзге де орталық атқарушы органдарда жұмыс істейтін адамдар мемлекеттік қызметші болып саналады. Мәслихат пен әкімдік қызметкерлері де осы тізімге енеді.

Мемлекеттік қызметші тізіміне мемлекеттік органдар мен олардың аппараттарында техникалық қызмет көрсететін адамдар кірмейді.

Қазақстанда қанша мемлекеттік қызметші бар

2019 жылдағы мәлімет бойынша, Қазақстанда 98,7 мың мемлекеттік қызметші бар. Мемлекеттік қызмет істері агенттігінің ақпаратына сәйкес, орталық мемлекеттік органдарда 52 363 шенеунік, ал жергілікті мемлекеттік органдарда 46 363 адам жұмыс істейді.

Демек, Қазақстан халқы санына шаққанда орта есеппен әр мың адамға 5,4 мемлекеттік қызметшіден келеді.

Қазақстанда мемлекеттік қызметші санаты

Қазақстанда мемлекеттік қызметші мәртебесінің екі түрі бар: әкімшілік және саяси.

Әкімшілік мемлекеттік қызметкер – саяси мемлекеттік қызметші құрамына кірмейтін тұлға. Бұл санатқа президент әкімшілігінің қызметкерлері кіреді. Олар: сектор меңгерушісі, инспектор, кеңесші, сарапшы, референт.

  • В тобына парламент палатасының аппараттарында, премьер-министр кеңсесінде, жоғары сот жанындағы соттардың қызметін қамтамасыз ету департаментінде, президенттің іс басқармасында, орталық сайлау комиссиясының аппаратында, республикалық бюджеттің атқарылуын бақылау жөніндегі есеп комитетінде жұмыс істейтін адамдар кіреді.
  • В-1 санатына құрылымдық бөлімшенің басшысы кіреді. В-2 санаты құрылымдық бөлімше басшысының орынбасары енсе, В-3 санатына премьер-министрдің кеңесшісі мен көмекшісі, Жоғары сот төрағасының көмекшісі мен кеңесшісі кіреді. Сондай-ақ, Конституциялық кеңес төрағасының көмекшісі мен кеңесшісі, премьер-министр кеңсесінің бас инспекторы, президенттің іс басқармасы кеңсесінің бас инспекторы, орталық сайлау комиссиясының төрағасының көмекшісі мен кеңесшісі кіреді.
  • В-4 санатына премьер-министр орынбасарының, премьер-министр кеңсесі басшысы орынбасарының, президеттің іс басқармасы басшысы орынбасарының, республикалық бюджеттің атқарылуын бақылау жөніндегі есеп комитетінің төрағасы орынбасарының көмекшісі мен кеңесшісі кіреді. Сондай-ақ, парламент төрағасы орынбасарының көмекшісі, Жоғары сот аппараты басшысы орынбасарының көмекшісі, сектор басшысы, бас кеңесші жатады.
  • В-5 санатына бас сарапшы, парламент депутатының көмекшісі кіреді.
  • В-6 санатына сарапшы кіреді.
  • С санатына тікелей президентке бағынатын органдарда жұмыс істейтін адамдар кіреді. Олар: орталық атқарушы орган, Адам құқығы жөніндегі ұлттық орталық, орталық атқарушы органдардың ведомствалары және Қазақстанның шетелдегі мемлекеттік қызметкерлері.
  • D санатына облыс әкімдігі мен мәслихатында жұмыс істейтін адамдар жатады.
  • Е тобына аудан әкімдігі мен мәслихатында қызмет ететін адамдар кіреді.

Конституциясының 40-бабы 1-бөлігіне сәйкес, Қазақстан республикасының президенті — мемлекеттің басшысы, мемлекеттің ішкі және сыртқы саясатының негізгі бағыттарын айқындайтын, ел ішінде және халықаралық қатынастарда Қазақстанның атынан өкілдік ететін ең жоғары лауазымды тұлға.

4227
Кілт сөздер:
демалыс, мемлекеттік қызметші
Тақырып бойынша
Мереке күндері кімдер жұмыс істейді - президент тапсырмасы түсіндірілді
Тоқаев тапсырмасы: қазақстандықтар 9 наурыз күні демала ма
"Дүйсенбі жұмыс күні болуы тиіс": Тоқаев мереке күніне қатысты тапсырма берді
Тоқаев: Құжаттардың қағаз нұсқаларына біртіндеп тыйым салынуы керек
"Шешім қабылдадым": Тоқаев неден бас тарту керек екенін айтты
Монеталар

Қазақстанда қаржы пирамидасына қатысы бар қанша қылмыстық топ анықталды

8
(Жаңартылды 14:45 04.06.2020)
Министр орынбасары "Гарант 24 ломбард" ЖШС, "ЕSTATE ломбард", "Выгодный займ" басшыларына қатысты атышулы қылмыстық істер туралы да айтты

НҰР-СҰЛТАН, 4 маусым – Sputnik. Қазақстанның ішкі істер министрлігі қаржы пирамидаларымен күрес қалай жүргізіліп жатқанын айтты, деп хабарлайды Sputnik Қазақстан тілшісі.

Ішкі істер министрінің орынбасары Арыстанғали Заппаров әр өңірде қаржы пирамидасының қызметіне қарсы іс-қимыл бойынша мамандандырылған топтар құрылғанын атап өтті.

"Соңғы үш жылда Қылмыстық кодекстің 217-бабы бойынша полиция бөлімшелері 42 қылмыстық іс қозғады. Олар бойынша қылмыстың 975 эпизоды тергелді. 2017 жылы – 11, 2018 жылы – 9, 2019 жылы – 10 және қазіргі кезде 12 қылмыстық іс қозғалған", – деді ол сенат отырысында депутаттың сұрағына жауап беріп.

Оның айтуынша, 38 қылмыстық топ, оның ішінде трансұлттық бір топ анықталған.

2017-2019 жылдары ішкі істер министрлігі Қазақстан, Ресей және Испания азаматтарына қатысты қылмыстық істі тергеді. Олар "Questra Holdings" қаржы пирамидасын құрған. Былтыр желтоқсанда кінәлі адамдар сегіз жылдан он жылға дейін бас бостандығынан айырылды.

Оқи отырыңыз: "14 мың сал да, 114 мың ал": сарапшы жаңа қаржы пирамидасы туралы шындықты айтты

Қылмыстық топ 9 миллиард теңгеден астам шығын келтірген.

Заппаров биыл "Гарант 24 ломбард" ЖШС, "ЕSTATE ломбард", "Выгодный займ" басшыларына қатысты қозғалған атышулы қылмыстық істерге де тоқталды.

"Бұл компаниялардың филиалы 15 өңірде қызмет етіп, олар өз жобаларына 39 мыңнан астам адамды қатыстырған. Бүгінде 9 393 адам арыз түсірді", – деді ол.

Ішкі істер министрлігінің басшылығы қылмыстық істі тергеуді өз бақылауына алған.

8
Кілт сөздер:
қаржылық қызметтер, қаржы пирамидасы
Тақырып бойынша
Әлеуметтік желіде жұртты 6 миллион теңгеге алдап соққан алаяқ ұсталды
Сотталған алаяқ түрмеде отырып-ақ 500 адамды арбауына түсірген
Қызылордада "таксистерді" ерекше әдіспен алдаған алаяқ қоғамдық резонанс туғызды
Өскемендік алаяқ жиһаз жасап беремін деп 16 адамды алдап кетті
Қарағандыда қаржы пирамидасы туралы іс тергелуде
EuroMillions лотерея билеті

Заңсыз лотерея өткізетіндер қалай жазаланады сенат заң қабылдады

12
Заңда лотерея операторынан немесе таратушыларынан басқа кез келген лотерея жарнамасына тыйым салу көзделеді

НҰР-СҰЛТАН, 4 маусым – Sputnik. Парламент сенаты лотереялар және лотерея қызметі туралы заңды екі оқылымда қарап, қабылдады, деп хабарлайды Sputnik Қазақстан тілшісі.

Мәдениет және спорт министрі Ақтоты Райымқұлованың айтуынша, заң жобасы лотереялық қызметті құқықтық реттеуді жетілдіруге бағытталған.

Құжатта лотерея операторы болып саналмайтын тұлғаның лотерея ойындарын жүргізгені үшін әкімшілік жауапкершілік белгіленген.

Жеке тұлғаларға – 100 АЕК, шағын бизнес немесе коммерциялық емес ұйымдар үшін – 300 АЕК, орта бизнес үшін – 500 АЕК, ірі бизнес үшін 1 000 АЕК мөлшерінде айыппұл салынады.

"Ал бір жыл ішінде қайталанып жасалған заңсыз іс-әрекеттер үшін жеке тұлғаларға – 200 АЕК, шағын кәсіпкерлік субъектілеріне немесе коммерциялық емес ұйымдарға – 700 АЕК, орта кәсіпкерлік субъектілеріне – 1 000 АЕК, ірі бизнес үшін 2 000 АЕК айыппұл салынып, әкімшілік құқық бұзушылықтың табысы тәркіленеді", – деді Райымқұлова сенат отырысында.

Сонымен қатар, лотерея операторымен немесе таратушыларымен (агенттерімен) орналастырылған жарнаманы қоспағанда, кез келген лотерея жарнамасына тыйым салынады.

Оператор – біреу, таратушы – үш мыңға жуық

Үкіметтің 2017 жылғы қаулысымен "Сәтті Жұлдыз" АҚ лотерея операторы болып 15 жыл мерзімге белгіленді. Лотерея операторында 748 қызметкер жұмыс істейді.

Министрдің ақпаратынша, республикада 3 мыңға жуық таратушы (агенттер) шағын және орта кәсіпкерлерден тұрады. Олармен келісімшарттар негізінде жұмыс жүргізіледі, яғни лотерея операторы лотереяның дұрыс жүргізілуіне және таратылуына тікелей өзі жауап береді.

Таратушылар (агенттер) лотерея операторынан жалпы таратылған лотерея билеттерінің құнынан 6 процентке жоғары сыйақы алады.

Оқи отырыңыз: Енді Instagram-да лотерея өткізетін әнші-әртістер жауапқа тартылады

"Сәтті Жұлдыз" АҚ 24 жедел (оның ішінде 18-і электрондық) және 8 тиражды лотерея ойынын (оның ішінде 4-і электрондық) жүзеге асырады. 2017-2019 жылдар аралығында лотерея билеттерін сатудан түскен жалпы айналым 18,5 миллиард теңгені құраған.

Сенат заңды екі оқылымда да қабылдап, президентке жіберді.

12
Кілт сөздер:
Ақтоты Райымқұлова, заң, лотерея
Тақырып бойынша
Ұтып алған пәтерімді алмайтын болдым – вице-министр
Тікелей эфирде ұсталған Ернар Айдардың ісіне қатысты Мейрамбек Бесбаев пікір білдірді
Ернар Айдар заңсыз лотерея ұйымдастырды деген күдікке ілінді
"Котёл" ойыны: Тоқаевтың кеңесшісі өз ойын ашық айтты
Василий Левитпен бірге түскі ас: лотерея жеңімпазы анықталды