Корея

Нұр-Сұлтанда екі Қытай азаматы коронавирустан қайтыс болғаны рас па?

2812
Министр Елжан Біртанов қазақстандықтарды әлеуметтік желіде және мессенджерде расталмаған ақпаратты таратпауға шақырды

АЛМАТЫ, 5 наурыз  – Sputnik. Денсаулық сақтау министрі Елжан Біртанов Нұр-Сұлтанда екі Қытай азаматы коронавирустан қайтыс болды деген ақпаратты жоққа шығарды, деп хабарлайды Sputnik Қазақстан тілшісі.

Орталық коммуникациялар қызметінде өткен баспасөз мәслихатында денсаулық сақтау министрлігінің басшысы қазақстандықтарды әлеуметтік желіде және мессенджерде расталмаған ақпаратты таратпауға шақырды.

"Соңғы күндері әлеуметтік желіде түрлі хабарлама тарап жатыр. Бүгін WhatsApp арқылы Нұр-Сұлтанда екі Қытай азаматы қайтыс болды деген ақпарат тарады. Ал кеше Алматыда көптеген Қытай азаматы емделіп жатқаны хабарланды", - деді министр.

Елжан Біртанов денсаулық сақтау министрлігінің өкілеттілігіне қазақстандықтарды вирустан сақтау ғана емес, сонымен қатар дер кезінде ақпарат беру де кіретінін айтты.

Сондай-ақ, министр коронавирустың алдын алу мақсатында мерекелік шараларды өткізуге шектеу қойылғанын да атап өтті. Атап айтқанда, конференциялар, байқаулар мен форумдар кейінге қалдырылды.

Оқи отырыңыз: Қазақстан Оңтүстік Корея азаматтарының елге кіруіне тыйым салды 

"Бір аптадан кейін не болатыны белгісіз. Оған ешкім кепілдік бере алмайды. Өзгеріс болған жағдайда біз карантин енгізе аламыз. Билет алып, артық трафик жасап, келеңсіз жағдай туындамас үшін кей шараларды кейінге қалдырып жатырмыз. Әсіресе, спорт және мәдени жиындар кейінге қалдырылды", - деді ол.

Бұған дейін денсаулық сақтау министрлігі 8 наурыздан бастап Оңтүстік Корея азаматтарының Қазақстанға кіруіне тыйым салынатынын жариялаған болатын. Оның алдында Қытай мен Иран азаматтарының Қазақстанға кіруіне тыйым салынды.

Қанша адамға карантинде жатыр

Қазір Қазақстанда 992 адам стационарлық және үй жағдайындағы карантинде жатыр. 7 515 адам тұрғылықты жерінде бақылауға алынған, олардың арасында Қазақстан азаматтары да, шетел азаматтары да бар.

60 адам коронавирус жұқтырды деген күдікпен ауруханаға жеткізілді. Оның ішінде 18 адам ауруханадан шығарылды. Әлемде коронавирус тараған уақыттан бері Қазақстанда аурудың бірде-бір жағдайы тіркелген жоқ.

2812
Кілт сөздер:
Қытай, вирус
Тақырып бойынша
Біртанов: Дәріханаға жүгіріп, бетперде іздеудің қажеті жоқ
Тоқаев: Қазақстан қиын сәтте Қытайдың әрекетіне жан-жақты қолдау білдіреді
Министрлік қазақстандық коронавирус жұқтырды деген ақпаратқа түсініктеме берді
Ақпанда Қазақстанға шетелден 1,5 миллион адам келді – ҰҚК
"Қорықпауға шақырамын": Даниал Ахметов желіде видео жариялады
Сарымсақ туралы әңгімені экс-министр Досқалиев айтпаған болып шықты
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

63
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

63
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео
Қорғаныс министрі Нұрлан Ермекбаев Сарыөзек гарнизонын тексерді

Қорғаныс министрі Сарыөзек гарнизонының қысқы дайындығын қатаң сынға алды

28
(Жаңартылды 21:03 24.09.2020)
Әскери қалашық, казарма ғимараттарын жөндеуге тартылған мердігер компаниялар жұмысты аяқтау мерзімін сақтамаған

НҰР-СҰЛТАН, 24 қыркүйек – Sputnik. Қорғаныс министрі Нұрлан Ермекбаев Сарыөзек гарнизоны нысандарының қысқы дайындығын қатаң сынға алды, деп хабарлады ведомствоның баспасөз қызметі.

Оның айтуынша, Сарыөзек гарнизонындағы жылу желілері жылыту маусымына толық дайын емес. Ал қараша айына жоспарланған әскери қалашық, казарма ғимараттарын жөндеуге тартылған мердігерлер жұмысты аяқтау мерзімін сақтап отырған жоқ.

Суық күндер келе жатыр, бұған жол беруге болмайды, деп атап өтті қорғаныс ведомствосының басшысы.

  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
  • Сарыөзек гарнизоны нысандарының қысқа дайындығына қорғаныс министрінің көңілі толмады
    Сарыөзек гарнизоны нысандарының қысқа дайындығына қорғаныс министрінің көңілі толмады
    © Photo : Минобороны Казахстана
1 / 3
© Photo : Минобороны Казахстана
Сарыөзек гарнизоны нысандарының қысқа дайындығына қорғаныс министрінің көңілі толмады

Генерал-лейтенант Нұрлан Ермекбаев қорғаныс министрлігінің мердігерлері тек қана үлгілі ұйым болуы керек екенін атап өтіп, мердігер ұйым басшыларынан нысандарды тапсыру мерзімін сақтауды талап етті.

Оқи отырыңыз: Қорғаныс министрлігі арнайы жиынға кімдерді шақырмайды 

Ал мердігерлер әскери нысандарға кіруге рұқсат алу мерзімі созылып кететінін айтып шағымданды.

Қалыптасқан жағдайға байланысты министр байқауларды өткізу тәртібі мен шарттарын жетілдіруді, командирлер, ҚР Қарулы күштері әскерлерін пәтерлерге орналастыру бас басқармасы, аудандық пайдалану бөлімдері мен мердігерлер арасында міндеттерді бөлу бойынша кешенді жүйелі ұсыныстар әзірлеуді тапсырды.  

28
Кілт сөздер:
қыс, Ермекбаев
Тақырып бойынша
Тоқаев Ақордадағы кеңесте алдағы өзгерістердің басты мақсатын айтты
Тоқаев былтыр жарылыс болған Арыс қаласына барды
Қыркүйекте әскерге шақырудың күзгі науқаны басталады
Маңғыстау облысында ірі ауқымды әскери оқу-жаттығу өтті