Жандарбек Бекшин

Коронавирустың қаупі: министрлік демалыссыз жұмыс кестесіне көшті

433
Франция, Германия, Швейцария, Нидерланды, Швеция мен Норвегияда коронавирус жылдам таралып жатыр. Осыған байланысты бас санитар Еуропа елдеріне бармауға кеңес беріп отыр

НҰР-СҰЛТАН, 10 наурыз – Sputnik. Денсаулық сақтау министрлігі демалыссыз жұмыс кестесіне көшті, деп хабарлайды Sputnik Қазақстан тілшісі.

Бас санитарлық дәрігер Жандарбек Бекшиннің айтуынша, коронавирустың кеңінен таралуына байланысты денсаулық сақтау министрлігі тәулік бойы жұмыс істеуге кірісті.

"Қазір әлемде коронавирусқа қатысты жағдай екі-үш күн сайын өзгеріп тұрады. Осыған байланысты денсаулық сақтау министрлігі 6 наурыздан бастап тәулік бойы жұмыс істеуге көшті. Бұл дегеніміз, демалыс та, мейрам да жоқ. Осының арқасында жағдайды күн сайын бақылап, шұғыл шараларды қолға алуға мүмкіндік бар", - деді Бекшин астанада өткен баспасөз мәслихатында.

Оның сөзіне қарағанда, бүгінде Қытайда эпидемияға қарсы шаралар тиімді жүргізіліп келеді. Соның арқасында коронавирусқа шалдыққандардың саны азайып отыр. Алайда Еуропада осы індетті жұқтырғандардың қатары күрт көбейген.

Оқи отырыңыз: Францияның мәдениет министрі коронавирус жұқтырды 

"Мәселен, Италия ауруға шалдыққандардың саны жағынан Қытайдан кейін екінші орынға, ал осы індеттен қайтыс болғандардың саны жағынан бірінші орынға шықты. Осыған байланысты 8 наурыздан бастап Италияда болған адамдарға Қазақстанға кіруге тыйым салынды. Сөйтіп, "1 А" санатына кіретін Қытай мен Оңтүстік Кореяға Италия да қосылды", - деп атап көрсеті Бекшин.

Ал Франция, Германия, Швейцария, Нидерланды, Швеция мен Норвегияда коронавирусқа шалдығу жағдайлары күрт өсіп кеткен. Осыған байланысты бас санитар Еуропа елдеріне бармауға кеңес беріп отыр.

"Ол жақта аурудың көрсеткіші күрт көтеріліп кетті. Себебі бір одақ, адамдар емін-еркін жүреді. Ішкі шекара жоқ. Әуежайлары үлкен, адам көп жиналады", - деп атап көрсетті Бекшин.

Бас санитар халықты карантиндік шараларды сақтауға үндеді. Атап айтқанда, коронавирустың қаупі жоғары елдерден келген адамдар ауруханаға 14 күндік карантинге жатуға міндетті. Ал қаупі төмен мемлекеттерден келгендер үй жағдайында карантиндік шаралардан өтуі тиіс.

433
Кілт сөздер:
министрлік, коронавирус
Тақырып:
Коронавирус эпидемиясы (856)
Тақырып бойынша
Қазақстанда Сеулден ұшып келген 100 жолаушы карантинге алынды
Қазақстан экономикасы коронавирустан қанша ақша жоғалтқаны белгілі болды
Қазақстан Қырғызстан азаматтарына елге паспортсыз кіруге тыйым салды
Коронавирустан кімдер жиі көз жұмады
Қытай ғалымдары коронавирусқа қатысты күтпеген мәлімдеме жасады
Аурухана, архивтегі сурет

Блок бекеттегі апат: министр ауруханада жатқан полицейге барды

196
(Жаңартылды 20:35 27.05.2020)
Ішкі істер министрі Алматыдағы блок бекетте болған жағдайды жеке бақылауына алды. Тұрғымбаев зардап шеккен полицейге тез сауығып кетуін тіледі

НҰР-СҰЛТАН, 27 мамыр — Sputnik. Ішкі істер министрі Ерлан Тұрғымбаев екі полицей көз жұмған жол апатынан кейін жұмыс сапарымен Алматыға арнайы барды, деп хабарлайды Polisia.kz.

Министр внутренних дел Казахстана Ерлан Тургумбаев навестил в больнице полицейского, пострадавшего при столкновении на блокпосту в Алматы
Ішкі істер министрі Алматыдағы №7 қалалық клиникалық ауруханада

Министр №7 қалалық клиникалық ауруханаға зардап шеккен полиция қызметкері аға лейтенант Ербұлан Сейдазымға барды. “BMW” автокөлігінің блок бекетке соғылуының салдарынан ол жабық бас сүйек-ми жарақатын алып, миы ауыр дәрежеде зақымданған.

Зардап шеккен полицейге екі операция жасалды. Бас сүйегінің резекциялы трепанациясы және бас сүйек ішіндегі гематома алынды.

Ведомство басшысы дәрігерлер консилиумына қатысты. Мамандардың айтуынша, пациенттің жағдайы ауыр, бірақ оның өміріне қауіп төніп тұрған жоқ.

Блок бекеттегі апат

Айта кетейік, 25 мамыр күні таңертең Көксай ауылындағы блок бекеттердің бірінде жантүршігерлік жол апаты болып, екі полицей көз жұмды. Сол сәтте көлік ішінде болған 42 жастағы полицей Жарас Жанғазиев оқиға орнында, ал оның әріптесі Дастан Әбдіқанов аурухана төсегінде көз жұмды. Тағы бір полицей ауыр жараланды. Ол бекеттен әрі-бері өткен көліктерді тексеріп тұрған. Басынан ауыр жараланған полицейге ота жасалды.

№ 7 қалалық клиникалық аурухананың нейрохирургы Ерлан Түбелбаев науқастың жағдайы тұрақты ауыр екенін айтты. Миына компьютерлі томография жасалынды. Науқас жасанды тыныс алдыру аппаратына қосылған. Жансақтау бөлімінде емделіп жатыр.

Күдіктінің кінәсі дәлелденсе 15 жылға дейін бас бостандығынан айырылуы мүмкін.

196
Кілт сөздер:
Алматы, полицей, аурухана, министр, апат
Тақырып бойынша
Марқұм полицейдің әйелі мас жүргізуші туралы: ол күйеуіммен бірге істеді  
Бас санитар дәрігер блок бекеттердің қандай жағдайда алынатынын айтты
Алматы блок бекетіндегі оқиғадан кейін полиция департаментінің басшылығы жазаланды
Алматыда блок бекетті соққан ер адам полицияда 6 жыл жұмыс істеген – ІІМ
Блок бекеттегі трагедия: қаза болған полицейлердің отбасына пәтер беріледі 
Құқық қорғау органдарының қызметкерлері

Арнайы операцияның видеосы: ҰҚК екі қылмыстық топ туралы ақпарат жариялады

145
(Жаңартылды 20:02 27.05.2020)
Ұсталғандар уақытша ұстау изоляторларына қамалды, бұлтартпау шарасын таңдау туралы мәселе шешіліп жатыр

НҰР-СҰЛТАН, 27 мамыр – Sputnik. Ұлттық қауіпсіздік комитеті мен ішкі істер министрлігі бірлесе Алматы және Алматы облысында жүргізілген арнайы операцияның видеосын жариялады. Операция нәтижесінде бір-біріне қарсы екі қылмыстық топ әрекетінің жолын кесілді. 

"Қылмыстық топқа қатысушылардың бірнеше ауыр және аса ауыр қылмыстарға қатысы бар. Қылмыс атыс қаруын қолдана отырып, аса өктемдікпен жасалған", - деп хабарлады ұлттық қауіпсіздік комитетінің баспасөз қызметі.

Екі топтың белсенді мүшелерінің жалпы саны 30 адамға жеткен. Олардың арасында бұрын сотталғандар бар, кейбірі "ұрылар" идеологиясын ұстанып, трансұлттық қылмыстық қоғамдастық жетекшілерімен байланыста болған.

Топ қатысушыларының тұрғылықты жері бойынша тінту барысында қарудың 11 түрі , 200-ден артық оқ-дәрі алынды.

Ұсталғандар уақытша ұстау изоляторларына қамалды, бұлтартпау шарасын таңдау туралы мәселе шешілуде.

 

 

145
Кілт сөздер:
қылмыстық топ, ҰҚК, арнайы операция
Тақырып бойынша
ҰҚК Ақмола облысында өткізілген операцияның видеосын жариялады
ҰҚК 20 лауазымды тұлғаны ұстау сәтінің видеосын жариялады
Трансгендерді зорлады деп айыпталған ҰҚК қызметкері сотталып жатыр
ҰҚК қызметкерлері ойынханадағы 30-дан астам адамды ұстады – видео
ҰҚК Алматы тұрғынын қылмыс үстінде ұстады
Тұрғындар, жаз

Аптап ыстық болады - бейсенбіге арналған ауа райы болжамы

105
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

105
Кілт сөздер:
синоптиктер, ауа райы, мамыр