Дәурен Абаев

Митингке шыққысы келетін қазақстандықтар нені білуі тиіс

500
Бұған дейін жаңа заң жобасында бейбіт жиындарға қатысатын адамдар санын 250-ге дейін шектеу ұсынылған еді. Қоғамда бұл норма қызу талқыланып, дауға айналып, ақыр соңында алынып тасталды

НҰР-СҰЛТАН, 12 наурыз – Sputnik. Ақпарат және қоғамдық даму министрі Дәурен Абаев "Қазақстанда бейбіт жиналыстар өткізу туралы" заң жобасын таныстырды, деп хабарлайды Sputnik Қазақстан тілшісі.

Бүгін мәжілісте "Қазақстанда бейбіт жиналыстар ұйымдастыру және өткізу тәртібі туралы" және "Қазақстанның кейбір заңнамалық актілеріне бейбіт жиналыстарды ұйымдастыру және өткізу тәртібі мәселелері бойынша өзгерістер мен толықтырулар енгізу туралы" заң жобалары таныстырылды.

Бұған дейін жаңа заң жобасында бейбіт жиындарға қатысатын адамдар санын 250-ге дейін шектеу ұсынылған еді. Қоғамда бұл норма қызу талқыланып, дауға айналып, ақыр соңында алынып тасталды. Бейбіт жиынға қатысушылар санына шектеу қойылмайды. 

"Қолданыстағы заңда бейбіт жиын түрлері реттелмеген еді. Осыған байланысты осы заң жобасында ұғымдық аппарат енгізу ұсынылады. Бұл бейбіт жиын, митинг, пикет, жиналыс, демонстрация, шеру секілді басты ұғымдарды қалыптастыруға және олардың ара жігін ажыратуға мүмкіндік береді", - деді Абаев. 

Сонымен қатар, заң жобасына сәйкес, пикет, митинг, жиналыс түріндегі бейбіт жиындарды өткізетін ұйымдастырушылар жергілікті атқарушы органға алдын ала хабарлауы тиіс. Егер жергілікті органнан жауап келмесе, бейбіт жиын келісілген болып саналады.

Ал демонстрация мен шеру өткізетіндер жергілікті атқарушы органның келісімін алуға міндеттеледі. Сондай ақ, заң жобасында бейбіт жиындар үшін альтернативті орындар ұсыну құқығы қарастырылған.

Бұдан бөлек, заңда бейбіт жиындарды ұйымдастырушылар, қатысушылар және журналистердің мәртебесін, құқығы мен міндетін бекіту көзделіп отыр.

Министрдің айтуынша, бұл бейбіт жиындардың ұйымдастырушылары мен қатысушыларына қойылатын талаптарды анықтауға мүмкіндік береді. Сонымен қатар, БАҚ саласындағы өкілетті орган бейбіт жиынға қатысатын журналистің қызметі, оны қатысушылардан айыратын белгі түрлері туралы ереже қабылдайды.

"Бейбіт жиындар тек арнайы орындарда өтеді. Мұндай орындарды анықтау кезінде бейбіт жиын мақсатына қол жеткізу мүмкіндігі, ұйымдастыру қолайлылығы, көліктің жүруі, ұйымдастырушылар мен қатысушылардың инфрақұрылым нысандарын пайдалану мүмкіндігі, санитарлық нормалар мен ережелердің сақталуы, ұйымдастырушылар мен қатысушылардың, басқа да адамдардың қауіпсіздігі ескеріледі", -деді ведомство басшысы.

Тағы оқыңыз: "Сондай күлкілі": Қытай елшісі Жаңаөзендегі митинг жайлы не ойлайтынын ашық айтты

Заң жобасында бейбіт жиындарды елдімекеннің шетінде емес, орталық бөлігінде өткізу көзделген.
Сонымен қатар, жергілікті атқарушы органдардың және құқық қорғау органдарының заңда айқындалған жағдайларда бейбіт жиналыстарды қабылдау немесе тоқтату жөніндегі құзыреті белгіленеді.

Олар бейбіт жиынды өткізуге неге рұқсат бермейтінін нақты себептермен көрсетуі тиіс. Сонымен қатар, үгіт институтын енгізу қарастырылып отыр. Бейбіт жиын ұйымдастырушысы еш кедергісіз үгіт жүргізуге, Қазақстан заңнамасында тыйым салынбаған иллюстративті материалдар, символикаларды пайдалануға құқылы. Бірақ ұйымдастырушы үгіт жүргізетін арнайы орын мен уақытты алдын ала хабарлауы керек.

500
Кілт сөздер:
Дәурен Абаев, қазақстандықтар, митинг
Тақырып бойынша
"Бізді надан деп ойлайсыздар ма?": Абаев Жаңаөзендегі митинг туралы пікір білдірді
"Бұл бәрібір болатын нәрсе": Президент митинг туралы пікір білдірді
Мемлекет басшысы қандай жағдайда митинг өткізуге рұқсат етілетінін мәлімдеді
Нұр-Сұлтан мен Алматыдағы митинг: қанша адам ұсталғаны белгілі болды
Тұрғымбаев: заңсыз митинг кезінде ұсталған төрт адам жауапқа тартылды
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

516
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

516
Кілт сөздер:
Қазақстан, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті
Дәрігер, архивтегі фото

Аза тұту күні дәрігерлерді көшеге шығару бастамасын кім көтергені белгілі болды

60
(Жаңартылды 13:08 15.07.2020)
Дәрігерлерді көшеге шығару туралы бастаманы медицина қызметкерлерінің қауымдастығы көтерді, деп атап өтті денсаулық сақтау министрлігі

НҰР-СҰЛТАН, 15 шілде – Sputnik. Денсаулық сақтау министрлігі ұлттық аза тұту күні дәрігерлердің көшеге шығып, бір минут үнсіздік рәсімін өткізуіне қатысты түсініктеме берді, деп хабарлайды Sputnik Қазақстан тілшісі.

"Денсаулық сақтау министрлігі пандемия құрбандарын еске алу құрметіне флешмоб өткізуді ұсынған жоқ. Бұл әрбірінің азаматтық парызы деп ойлаймын. Дәрігерлерді көшеге шығару туралы бастаманы медицина қызметкерлерінің қауымдастығы көтерді", - деді денсаулық сақтау вице-министрі Бюрабекова онлайн брифингте.

Оқи отырыңыз: Шымкент әкімі желіде тарап кеткен видеоға түсініктеме берді

Денсаулық сақтау министрлігі тек санитарлық-эпидемиологиялық режимнің сақталуын қамтамасыз етуді тапсырған.

Вице-министр флешмоб үшін жазалау орынсыз деп санайды. Себебі бұл азаматтардың өз бастамасы.

"Олар қайтыс болғандарды құрметпен еске алды, сондықтан, менің ойымша, бұл ретте жазалау мәселесі көтерілмеуі керек", - деді ол.

Еске сала кетейік, 13 шілде Қазақстанда жалпыұлттық аза тұту күні жарияланды.

Қаралы күні Шымкентте дәрігерлер жол бойына шығып, бір минут үнсіздік рәсіміне қатысқан. Әлеуметтік желіде тараған видео қазақстандықтардың наразылығын туғызды.

60
Кілт сөздер:
аза тұту, дәрігерлер
Тақырып:
Коронавирус эпидемиясы
Тақырып бойынша
Әкімдік жұрттың наразылығын тудырған видеоға түсініктеме берді
Орны толмас қайғы - Қазақстан бір-екі апта ішінде кімдерден айырылды
Бұл сұмдық трагедия – президент кеңесшісі Қазақстандағы жағдай туралы айтты
Тоқаев бірнеше дәрігерді қайтыс болғаннан кейін марапаттады
Ақмола облысында әскери дәрігер пневмониядан көз жұмды
Шабуыл жасау, иллюстративті фото

"Сегіз рет пышақтады": Нұр-Сұлтанда ер адам бұрынғы әйеліне шабуыл жасады

0
(Жаңартылды 13:42 15.07.2020)
Күдікті бұрынғы әйелін қала сыртына алып кетіп жарақаттап, оны жол бойына тастап кеткен. Сол маңнан өтіп бара жатқан жүргізушілер полиция мен жедел жәрдем шақырған

АЛМАТЫ, 15 шілде – Sputnik. Астана тұрғыны бұрынғы жұбайына шабуыл жасап, сегіз рет пышақтаған. Әйел аман қалып, қазір ауруханада жатыр. Бұл жайында "НеМолчиKZ" зорлық-зомбылық құрбандарына көмек көрсету қорының жетекшісі Дина Смайылова (Таңсәрі) хабарлады.

Оның айтуынша, зардап шегуші ер адамның алдымен оны алыс жерге апарып, көлік ішіне қамап, соққы жасай бастағанын айтқан. Содан кейін оны жол бойына тастап кеткен.

"Ол бұрынғы әйелінің жұмысына барып, сыртқа шығуын бірнеше рет талап еткен. Ал әйел әріптестерінің алдында өзін ыңғайсыз сезініп, көшеге шыққан. Оны көлікке күштеп отырғызып, алып кеткен. Қарағанды тас жолында ол әйелді ұра бастайды, әйел қарсылық көрсетіп, көліктің терезесін сындыруға тырысады. Содан ер адам әйелге пышақ сұға бастайды, көлікті тоқтатып, сегіз рет пышақ жарақатын салған. Жарақат салғаннан кейін басқа көліктердің тоқтап жатқанын көріп, әйелді жолда тастап кетіп, жасырынып қалған", – деп жазды Смайылова Facebook парақшасында зардап шеккен әйелдің сөзіне сілтеме жасап.

Оқиға орнынан өтіп бара жатқан жүргізушілер полиция мен жедел жәрдем шақырған. Әйел ауруханаға жеткізілді.

Смайылованың айтуынша, тергеушілер әйелге қысым көрсетіп, жарақатының қорқынышты емес екенін айтқан. "НеМолчиKZ" басшысының айтуынша, оны ауруханадан тікелей жауап алуға алып кеткен.

Сонымен қатар ол полиция департаментінің басшысына болған оқиғаны анықтауды сұрап, істі қайта саралауды және тергеушіге қатысты шара қолдануды талап етті.

Кейін Смайылова полиция департаментінің бастығы Ержан Сәденовтің жауабын жариялады. Ол істі жеке бақылауына алғанын мәлімдеді.

Оқи отырыңыз: "Пакетпен қылқындырған": Шымкентте әлдекімдер екі баланың анасына шабуыл жасады

"Аталған факті бойынша Қылмыстық кодекстің 24-бабы 3-бөлімі ("қылмысқа дайындалу және қылмысқа оқталу") , 99-бабы 1-бөлімі ("адам өлтіруге оқталу") бойынша сотқа дейінгі тергеу басталды. Жәбірленушінің қатысуымен тергеу әрекеттері жүргізілуде. Күдікті қылмыстық іс жүргізу кодексінің 128-бабы бойынша ұсталды", – деп атап өтті Сәденов.

Сондай-ақ, қызметкерлердің кәсібилікке жат әрекеттері тексеріледі.

0
Кілт сөздер:
адам құқығы, құқық бұзу
Тақырып бойынша
Таксистке шабуыл жасаған жолаушы әйел видеоға түсіп қалды
Қордайда полицейлерге шабуыл жасаған ағайынды 3 жігіт қамауға алынды
Батыс Қазақстанда шенеунікке не үшін шабуыл жасалды?
Мойнына арқан салып, ақша талап етті: Қостанайда такси жүргізушісіне шабуыл жасалды
Қарағандыда инкассаторға қарулы шабуыл жасалды - видео