кісен, архив

Алматы метросында жөтеліп, жолаушылардың зәресін ұшырған жігіт қамауға алынды - видео

4842
(Жаңартылды 11:07 15.03.2020)
Пранкер коронавирус инфекциясын жұқтырған адам секілді жөтеліп, метродағы жолаушыларды қорқытқан

 

НҰР-СҰЛТАН, 15 наурыз - Sputnik. Коронавирус жұқтырған адамның кейпіне еніп, метрода жолаушылардың зәресін ұшырған Алматы тұрғыны 10 тәулікке қамауға алынды, деп хабарлайды Sputnik Қазақстан.

Өзінің бұл әрекетін ол видеоға түсіріп, әлеуметтік желіде жариялады.

Посмотреть эту публикацию в Instagram

Публикация от 🔥INSTA_PRIKOLY🔥 - НЕ ГРУСТИ!✌ (@insta_prikoly)

Алматының полиция департаментінің баспасөз қызметі 23 жастағы пранкердің "Ұсақ бұзақылық" бабы бойынша 10 тәулікке қамауға алынғанын хабарлады.

"Қазіргі күрделі жағдайда Х. есімді азаматтың әрекеті нағыз бейбастық. Хайп үшін барлық адамгершілік және этикалық нормаға қолды бір-ақ сілтеген жігітті полиция "Ұсақ бұзақылық" бабы бойынша әкімшілік жауапкершілікке тартты", - деді полиция департаментінің ресми өкілі Салтанат Әзірбек.

Алматы тұрғыны сот процесі басталмас бұрын азаматтардан кешірім сұраған.

Айта кетсек, Қазақстан президенті Қасым Жомарт Тоқаев коронавирус туралы фейк ақпарат таратқан арандатушылар жазаланатынын мәлімдеген еді.

Соңғы мәліметтер бойынша, Қазақстанда коронавирус жұқтырғандар саны – алты адам, екеуі – Нұр-Сұлтан қаласында, төрт адам – Алматыда. Олардың барлығы шетелден ұшақпен ұшып келген. 

Тағы бір қазақстандық Германияда емделіп жатыр, оның қазақстандық дипломаттардың бірінің әкесі екені белгілі.

Тағы оқыңыз: Алматыда анықталған төртінші науқастың ұлынан коронавирус табылған

4842
Кілт сөздер:
видео, Алматы
Тақырып:
Коронавирус эпидемиясы (530)
Тақырып бойынша
Нұр-Сұлтанда коронавирусқа байланысты төтенше жағдай режимі енгізілуі мүмкін
Алматы қаласының бас санитар дәрігері карантинде жатыр
Коронавирус жұқтырған науқастың жағдайын нашарлататын дәрілер белгілі болды
Карантинде отырған адамдарға жалақы төленеді
Загрузка...