Мектеп, оқушы

Көктемгі демалыс аяқталған соң оқушылар қалай оқиды

6980
(Жаңартылды 18:48 18.03.2020)
16 наурыздан бастап 5 сәуірге дейін мектеп оқушылары көктемгі демалысқа шыққан болатын. Білім басқармасы карантин сәуірдің бесінен кейін жалғасса, қандай шара қолданылатынын айтты

АЛМАТЫ, 18 наурыз — Sputnik.  Алматыдағы мектеп оқушылары демалыс аяқталған соң қашықтан оқуға көшеді. Колледж студенттері де осы жүйе бойынша білім алады. Бұл туралы Алматы қаласы білім басқармасы басшысының орынбасары Гүлнар Айтқұлова мәлімдеді.

Ертеңнен бастап қаладағы балабақшалар жұмысы уақытша тоқтайды.

"Бүгінге дейін балабақшалардың жұмысы тоқтатылған жоқ. Алайда Алматы және Нұр-Сұлтан қалаларында карантин жарияланғанына байланысты ертеңнен бастап балабақшалар жұмысын тоқтатады", - деді Айтқұлова.

16 наурыздан бастап 5 сәуірге дейін мектеп оқушылары көктемгі демалысқа шықты. 

"Егер карантин жалғасатын болса, 5 сәуірде демалыс аяқталған соң оқушылар қашықтан оқытуға ауысады. Осыған байланысты Алматы қаласы білім басқармасы министрлікпен бірігіп, дайындық жұмыстарын жасап жатыр", - деді басқармасы басшысының орынбасары.

Айтқұлова онлайн сабақ беретін мұғалімдердің үйінде компьютер немесе ноутбук бар екенін де айтып өтті. 

"Жатақханадағы студенттерде үйіне қайтуға мүмкіндік болмаса, олар сол жерде қалып, қашықтан оқуды жалғастыра береді", - деп түсіндірді Айтқұлова.

Коронавирус эпидемиясы

Соңғы мәлімет бойынша, Қазақстанда коронавирус жұқтырғандар саны 36 адамға жетті. 18 адам Нұр-Сұлтанда тіркелді, Алматы қаласында – 18 адам.

Президент Қасым-Жомарт Тоқаевтың шешімімен 16 наурыздан бастап Қазақстанда төтенше жағдай жарияланды. Ол 30 тәулікке жалғасады. 

 Обстановка на алматинских автовокзалах в связи с ситуацией по коронавирусу
© Sputnik / Тимур Батыршин
Карантинге байланысты Алматы вокзалында дүрбелең басталды

19 наурыздан бастап Нұр-Сұлтан мен Алматы карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия Қазақстанның басқа қалаларына коронавирустың таралуына жол бермес үшін осындай шешім шығарды.

Соған сәйкес, 19 наурызда сағат 00.00-ден бастап екі мегаполисте карантин жарияланады.

Алматы қаласы әкімдігі карантин кезінде қаладағы қоғамдық көлік қозғалысының тоқтамайтынын айтты. Сондай-ақ, 22 наурыз 00.00-денбастап барлық әуе және теміржол қатынасы тоқтатылады.

 

 

6980
Кілт сөздер:
оқушылар, демалыс, көктем, білім
Тақырып:
Коронавирус эпидемиясы (877)
Тақырып бойынша
Денсаулық сақтау министрлігі коронавирусқа қатысты соңғы ақпаратты бөлісті
"72 сағат бар": Алматыда 22 наурызда қаладағы барлық бекет жабылады
Алматы вокзалында дүрбелең: қаладан кімдер кетіп жатыр – фото
Үйден жұмыс істейтін қазақстандықтардың жалақысы өзгере ме – министр жауабы
Нұр-Сұлтанда сот қызметкерлері коронавирус жұқтырғаны рас па?
EuroMillions лотерея билеті

Заңсыз лотерея өткізетіндер қалай жазаланады сенат заң қабылдады

6
Заңда лотерея операторынан немесе таратушыларынан басқа кез келген лотерея жарнамасына тыйым салу көзделеді

НҰР-СҰЛТАН, 4 маусым – Sputnik. Парламент сенаты лотереялар және лотерея қызметі туралы заңды екі оқылымда қарап, қабылдады, деп хабарлайды Sputnik Қазақстан тілшісі.

Мәдениет және спорт министрі Ақтоты Райымқұлованың айтуынша, заң жобасы лотереялық қызметті құқықтық реттеуді жетілдіруге бағытталған.

Құжатта лотерея операторы болып саналмайтын тұлғаның лотерея ойындарын жүргізгені үшін әкімшілік жауапкершілік белгіленген.

Жеке тұлғаларға – 100 АЕК, шағын бизнес немесе коммерциялық емес ұйымдар үшін – 300 АЕК, орта бизнес үшін – 500 АЕК, ірі бизнес үшін 1 000 АЕК мөлшерінде айыппұл салынады.

"Ал бір жыл ішінде қайталанып жасалған заңсыз іс-әрекеттер үшін жеке тұлғаларға – 200 АЕК, шағын кәсіпкерлік субъектілеріне немесе коммерциялық емес ұйымдарға – 700 АЕК, орта кәсіпкерлік субъектілеріне – 1 000 АЕК, ірі бизнес үшін 2 000 АЕК айыппұл салынып, әкімшілік құқық бұзушылықтың табысы тәркіленеді", – деді Райымқұлова сенат отырысында.

Сонымен қатар, лотерея операторымен немесе таратушыларымен (агенттерімен) орналастырылған жарнаманы қоспағанда, кез келген лотерея жарнамасына тыйым салынады.

Оператор – біреу, таратушы – үш мыңға жуық

Үкіметтің 2017 жылғы қаулысымен "Сәтті Жұлдыз" АҚ лотерея операторы болып 15 жыл мерзімге белгіленді. Лотерея операторында 748 қызметкер жұмыс істейді.

Министрдің ақпаратынша, республикада 3 мыңға жуық таратушы (агенттер) шағын және орта кәсіпкерлерден тұрады. Олармен келісімшарттар негізінде жұмыс жүргізіледі, яғни лотерея операторы лотереяның дұрыс жүргізілуіне және таратылуына тікелей өзі жауап береді.

Таратушылар (агенттер) лотерея операторынан жалпы таратылған лотерея билеттерінің құнынан 6 процентке жоғары сыйақы алады.

Оқи отырыңыз: Енді Instagram-да лотерея өткізетін әнші-әртістер жауапқа тартылады

"Сәтті Жұлдыз" АҚ 24 жедел (оның ішінде 18-і электрондық) және 8 тиражды лотерея ойынын (оның ішінде 4-і электрондық) жүзеге асырады. 2017-2019 жылдар аралығында лотерея билеттерін сатудан түскен жалпы айналым 18,5 миллиард теңгені құраған.

Сенат заңды екі оқылымда да қабылдап, президентке жіберді.

6
Кілт сөздер:
Ақтоты Райымқұлова, заң, лотерея
Тақырып бойынша
Ұтып алған пәтерімді алмайтын болдым – вице-министр
Тікелей эфирде ұсталған Ернар Айдардың ісіне қатысты Мейрамбек Бесбаев пікір білдірді
Ернар Айдар заңсыз лотерея ұйымдастырды деген күдікке ілінді
"Котёл" ойыны: Тоқаевтың кеңесшісі өз ойын ашық айтты
Василий Левитпен бірге түскі ас: лотерея жеңімпазы анықталды
Қазақстанның туы мен елтаңбасы

Қазақстанның мемлекеттік рәміздері күні: президент мерекемен құттықтады

8
(Жаңартылды 14:33 04.06.2020)
Президент елтаңба, ту, әнұран – тәуелсіздігіміздің басты құндылықтарының көрінісі, бейбітшіліктің, бірлік пен келісімнің, өсіп-өркендеудің белгісі екенін айтты

НҰР-СҰЛТАН, 4 маусым — Sputnik. Президент Қасым-Жомарт Тоқаев қаақстандықтарды Мемлекеттік рәміздер күнімен құттықтады.

"Мемлекеттік рәміздер күні құтты болсын! Елтаңба, ту, әнұран – тәуелсіздігіміздің басты құндылықтарының көрінісі, бейбітшіліктің, бірлік пен келісімнің, өсіп-өркендеудің белгісі. Біз халқымыздың мүддесін қорғайтын күшті, беделді мемлекет құру жолында биік белестерге бірге жетеміз", - деп жазды Тоқаев Twitter-дегі парақшасында.

1992 жылы 4 маусымда тәуелсіз қазақ елінің мемлекеттік рәміздері алғаш рет бекітілді. Ал 2007 жылдың 4 маусымынан бастап, қазақстандықтар бұл күнді мемлекеттік рәміздер күні ретінде мерекелей бастады.

Мемлекеттік рәміздерді кімдер жасады

Рәміздер жобаларын жасау конкурсына 600-ден астам адам қатысты. Мемлекеттік ту эскиздері бейнеленген шығармашылық конкурсына 1200 өтінім түскен. Сондай-ақ бұл байқауда болашақ елтаңбаның 245 сурет жобасы мен 67 кескіндемесі әрі әнұранның 750 нұсқасы ұсынылды.

1992 жылы өткен шығармашылық конкурста суретші Шәкен Ниязбеков салған мемлекеттік ту жеңіп шықты. Ал тәуелсіз Қазақстанның бүгінгі елтаңбасы екі танымал сәулетші Жандарбек Мәлібеков пен Шота Уәлихановтың қыруар еңбегінің жемісі болып саналады.

Қазақстанның тарихында еліміздің мемлекеттік әнұраны екі рет – 1992 және 2006 жылдары бекітілді.

8
Кілт сөздер:
президент, мемлекеттік рәміздер, Қазақстан
Тақырып бойынша
Тоқаев тұрғындардың әнұранды балконда орындауы ненің көрінісі екенін айтты
Елордалықтар әнұранның сөзі мен елтаңба, тудың авторын біле ме - видео
Балкондағы концерт: астаналықтар бір мезетте әнұранды қалай орындады - видео
Әнұран үзіліп қалды: Қазақстан спортшылары сасқан жоқ – видео    
4 маусым – Қазақстанның мемлекеттік рәміздері күні