Нұрлан Нығматулин

Карантин депутаттардың жұмысына өзгеріс енгізді Нығматулин мәлімдеме жасады

292
Мәжіліс депутаттарына төтенше жағдай кезеңінде жұмыс бабымен және жеке шаруалармен сапарға шығуға тыйым салынды

НҰР-СҰЛТАН, 18 наурыз – Sputnik. Мәжіліс депутаттары төтенше жағдай мен карантинге байланысты жаңа жұмыс форматына көшті. Бұл туралы төменгі палатаның төрағасы Нұрлан Нығматулин мәлімдеді, деп хабарлайды Sputnik Қазақстан тілшісі.

"Елімізде қалыптасқан төтенше жағдайға және қаламызда карантин жариялануына байланысты мәжілістің де жұмыс режимі өзгереді. Ертеңнен бастап мәжіліс жұмысының басым бөлігі басқа форматқа көшеді. Бұл әрбір азаматтың қауіпсіздігін сақтау үшін жасалатын шаралар. Оны бәріміз түсінеміз және жоғары жауапкершілікпен қарауымыз керек", - деді Нығматулин мәжілістің жалпы отырысында.

Айтуынша, мәжіліс депутаттарына тек пленарлық отырыс, комитеттер мен жұмыс топтарының отырыстары кезінде ғана ғимаратта болу ұсынылған.

Басқа күндері депутаттар қашықтықтан жұмыс істейді.

Мәжілістің жалпы отырысына тек депутаттар мен негізгі баяндамашы ғана қатысады. Ал жұмыс топтарының отырыстары сол топқа мүше депутаттар мен заң жобасын әзірлеген орган өкілінің қатысуымен өтеді.

Оқи отырыңыз: Мәжілісте кімдердің жәрдемақысы 367 мың теңгеге дейін өсетіні айтылды

Заң жобасы бойынша позицияны келісу, мүдделі мемлекеттік органдардан, парламенттік емес саяси партиялардан, үкіметтік емес ұйымдар мен сарапшылар қауымдастығынан ұсыныстар жинау коммуникацияның заманауи түрлерін пайдалану арқылы жүргізілмек.

Мәжілістің жалпы отырысын, бейінді комитеттер мен жұмыс топтарының отырыстарын парламенттің www.parlam.kz сайтында онлайн көруге болады.

Сонымен қатар, Нығматулин парламенттік тыңдаулар мен үкімет сағаттары, жоспарланған негізгі шаралар кейінге шегерілгенін де атап өтті.

Мәжіліс ғимаратында жиналыс, жұмыс кездесулері мен азаматтарды қабылдауға шектеу енгізіледі.

"Депутаттар мен аппарат қызметкерлеріне қызмет бабымен немесе жеке шаруаларымен сапарға шығуға, іссапарларға тыйым салынады", - деді спикер.

Ол бүгіннен бастап мәжіліс аппараты қызметкерлерінің 70%-і қашықтықтан жұмыс істеу режиміне көшкенін айтты. Барлығының жалақысы сақталады.

Ал аппараттың қалған қызметкерлері қысқартылған жұмыс күніне ауысқан, яғни сағат 16.00-ге дейін жұмыс істейді.

"Бұл арқаны кеңге салуға себеп емес. Заң шығару жұмысының қарқыны мен сапасы төмендеуі керек", - деп түйіндеді сөзін Нығматулин.

Коронавирус эпидемиясы

18 наурыздағы мәлімет бойынша Қазақстанда коронавирус жұқтырғандардың саны 35 адамға жетті. Оның он сегізі – Нұр-Сұлтан қаласында, он жетісі – Алматы қаласында.

Індеттің басқа өңірлерге таралуына жол бермеу мақсатында Нұр-Сұлтан мен Алматы 19 наурыз сағат 00.00-ден бастап карантинге жабылады. Осыған байланысты қалалардың айналасында көлік пен адам қозғалысын шектеу үшін арнайы блок-посттар орнатылады.

Екі қалаға тек сол жерде тіркелген азаматтар ғана кіре алады.

16 наурыздан бастап елімізде төтенше жағдай жарияланды, режим отыз күнге созылады.

292
Кілт сөздер:
мәлімдеме, мәжіліс, Нұрлан Нығматулин
Тақырып:
Коронавирус эпидемиясы (872)
Тақырып бойынша
"Басымды идім": депутат Хаменова мәжілістен біржола кетті
Қытайдағы коронавирус: депутаттар қазақстандықтарға қатысты мәлімдеме жасады
"Неге күлесіз?!": Нығматулин министр Атамқұловқа ескерту жасады
Нығматулин қазақ тіліндегі сұраққа орысша жауап берген шенеунікті ұялтып тастады
"Сілкілеп алыңдар": Нығматулин үкіметке шүйлікті
"Тыйым салу керек": депутат мектепте неден бас тарту қажет екенін айтты
Судьялардың жұмысы өзгереді - мәжіліс заң жобасын бірінші оқылымда мақұлдады
Армения премьер-министрі Никол Пашинян

Тоқаев Армения премьеріне коронавирустан сауығып кетуін тіледі

18
Мемлекет басшысы Никол Пашинянның коронавирустан емделіп, қызметіне қайта оралатынына сенетінін айтты

НҰР-СҰЛТАН, 1 маусым – Sputnik. Қазақстан президенті Қасым-Жомарт Тоқаев коронавирус жұқтырған Армения премьер-министрі Никол Пашинянға тезірек сауығып кетуін тіледі, деп хабарлайды Sputnik Қазақстан.

"Армения премьер-министрі Никол Пашинянның тезірек сауығып кетуіне тілектеспін. Ол өз қажыр-қайратының арқасында дерттен құлан-таза айығып, достас Арменияның игілігі жолындағы қызметіне қайта оралады деп сенемін", - деп жазды мемлекет басшысы Twitter-де.

Бұған дейін Армения премьерінің коронавирус жұқтырғаны хабарланған еді. Пашинянның айтуынша, ауру жеңіл түрде өтіп жатыр. Коронавирус белгілері байқалмайды. 

Пашинян резиденцияда қашықтан жұмыс істейтінін айтты.

Арменияда 16 наурыздан бастап төтенше жағдай жарияланған, режим 13 маусымға дейін ұзартылды.

1 маусымдағы жағдай бойынша Арменияда COVID-19  жұқтырғандар саны 9492 адамға жетті.

18
Кілт сөздер:
Никол Пашинян, коронавирус, Армения, Қасым-Жомарт Тоқаев
Архивтегі фото

Қазақстанның танымал тұлғалары ұл-қызын қалай тәрбиелейді

88
(Жаңартылды 15:29 01.06.2020)
Рамазан Стамғазиев бала тәрбиесіндегі екі ұстанымы туралы бөлісті, ал Рахман Омар отбасындағы ренішті қалай жеңетінін айтса, Исраил Сапарбай ұрпағын қазақ тілінде сөйлеуді міндеттейді екен

АЛМАТЫ, 1 маусым – Sputnik, Айгерім Таубай. 1 маусым – халықаралық балаларды қорғау күні. Sputnik Қазақстан тілшісі ел алдында жүрген азаматтардың бала тәрбиесіндегі ұстанымын білді. 

Қазақстанның еңбек сіңірген әртісі, дәстүрлі әнді насихаттап жүрген әнші Рамазан Стамғазиев бала тәрбиесінде екі ұстанымды басшылыққа алатынын айтты. 

Еңбектену, іздену, көп оқу

"Қазақта "алға кетсең көз тиеді, артта қалсаң сөз тиеді" деген қағида бар. Қатарыңнан қалма дегенді бала жасымнан әжелерім мен әке-шешем санама сіңдіріп тастаған. Адам қатарынан қалмау үшін еңбектеніп, ізденіп, көп оқуы керек. Оңы мен солын танып, өмірдің жолын білуі қажет. Үлкен балаларыма осыны айтып отырамын", - дейді Стамғазиев.

Рауан Кенжеханұлы: Ұлт мектебінің үлгісін жасау керек

Айтуынша, еңбектену арқылы тұлға болуына көмектескен, еңбек сіңірген ата-ана мен ұстаздардың сенімін ақтау – екінші ұстанымы. Олар мен үшін ұялмауы қажет, мен үшін айналып қашпауы керек. Үлкен еңбектің табысты жолдарына түскен кезде, қазақтың атынан сахнаға шыққан кезде, жалпы өмірде осы екі ұстанымым бар дейді әнші.

"Немерелерім әлі кішкентай, оларға ештеңе айтпаймын, керісінше көрсетемін. Бақшаға апарып, арам шөп жұлдырып, жинатамын. Еңбекке баулимын. Атқа мінуді, үлкен кісі келсе қолына су құюды көрсетемін. Өмірдің бір тетігін көрсетсең, бала бірден қабылдап алады. Қол жайып бата сұрасаң, соны қайталайды. Ер жетіп, есін жинап, сөз түсіне бастаған кезде "Жетіден кейін баланы құлыңдай жұмса" дегенге салып, білген түйгенімді айтамын", - дейді ол.

Әншінің әлеуметтік желідегі парақшасынан немерелерімен жиі саяхаттайтынын байқауға болады. Мұны өзі кең даланың ауасымен тыныстатып, таудың тіршілігімен таныстырумен байланыстырды.

Айтуынша, әншінің жары Ұлту Қабаева мен келіні немерелеріне атасына лайық бала болуды айтып отырады.

"Келінім "атаңның алдына бар", "атаңнан рұқсат сұра" деп айтып отырады. Бала су сияқты, өмірдің ағысымен келе жатып иінінен айналып өтіп, жағаны ұрып, кейін қайтып бәрін үйренеді", - дейді Стамғазиев.

Ең басты ұстаным – өтірік айтпау

Ал бес ұл, бір қыз тәрбиелеп отырған актер әрі тележүргізуші Рахман Омар балаларына қол көтермегенін, отбасындағы ренішті қалай жеңетінін айтты.

"Ұяда не көрсе, ұшқанда соны іледі", "Не ексең, соны орасың" деп айта берсең, бала тәрбиесі жайлы қазақта нақыл сөз де, мақал да көп. Балаларға қол көтеріп көрмеген адаммын. Балаларымның тәрбиесі – мен үшін ең маңызды мәселе. Балалар мені ренжітіп қойса, оларды төпей жөнелмеймін, жай ғана сөйлеспей қоямын. Бұл – менің әке ретіндегі әдісім", - дейді Омар.

Айтуынша, бірнеше сағат өткен соң кінәсі бар екенін сезген бала ағынан жарылып әңгімесін айтатын көрінеді.

"Балалар шыдамсыз келеді ғой, бір сағат өткен соң сөйлей бастайды, ары кетсе жарты күн жүреді де, қипақтап алдыңа келеді. Қарамаймын, мойын бұрмаймын, естімеген болып қасынан өтіп кетемін. Қипақтап-қипақтап алдыңа келеді, іштей шалалығы бар екенін сезіп тұрады. Содан кейін отырып, ақырын-ақырын сұрағымды қоя бастаймын. Ішіндегісін психолог ретінде суырып біліп аламын", - дейді ол.

Актер ашу үстінде баланы қағып жіберсе, ренжіп, бұйығып, ішіндегісін айтпауы мүмкін дейді.

"Баланың жасына қарап, соған сай бейімделу қажет. "Мен әке екенмін" деп қамшыны үйіріп қойып тәрбиелеуге де болады. Бірақ қазір заман басқа, балалардың ой-өрісі басқа. Мен балаларыма доспын. Ең басты ұстаным – өтірік айтпау. Осыны ұл-қызыма үнемі айтып отырамын. Өтірік бар жерде жаман әдет, бір дүниені жасыру, жаман қылық болады", - дейді актер.

Рахман Омар балаларының осы ұстаным бойынша өсіп келе жатқанын алға тартты. Айтуынша, ұл-қызы әкесі секілді сөйлеп, сөз саптауын ыңғайландыруға тырысады.

"Бала – әкесінің көлеңкесі. Олар жүріс-тұрысыңды білдірмей аңдып жүреді. Оған көзім жетті", - дейді ол.

Оқи отырыңыз: "Алып шыға алмайтынымды сездім": актер Рахман Омармен сұхбат

Ана тіліңде сөйле! 

Ал ақын, драматург Исраил Сапарбай қара шаңыраққа жиналатын кезде балаларына, немерелеріне қазақ тілінде сөйлеу керек деген шарт қоятынын айтты.

"Отан отбасыдан басталады. Ақын, тарихшы, базардағы саудагерде де жалғыз ғана ұстаным болу қажет. Ол – өз ана тіліңде сөйлеу. Бізді сақтап отырған ауыл еді, оны да құрттық. Өз отбасыма қатаң қараймын. Тәрбие тілден басталады. Балаларыма қазақ әдебиетін оқытып, құндылықтарды бойына сіңіремін. Қаладан немерелерім үлкен шаңыраққа келгенде қазақша сөйлеу керек деген ұстаным бар", - деді Сапарбай.

88
Кілт сөздер:
танымал тұлғалар, бала тәрбиесі
Тақырып бойынша
Омар Жәлел оқушылардың ашуына тиген дәрісіне қатысты түсініктеме берді
Білім министрі қай мұғалімді үлгі тұтатынын айтып берді
"Жанымды жегідей жейді" Азамат Сатыбалды ешкімге айтпаған сырымен бөлісті
Кіндік әке-шешенің бала өміріндегі рөлі қандай?
"Көзін ашу қажет": белгілі журналист оңтүстіктегі ескі көзқарасты жою керектігін айтты
"Таяқ жедім, аш болдым, бірақ ешкімге айтпадым": Сәкен Майғазиевтен 10 кеңес  
"Болып жатқан жағдайға сөзім жоқ": Әбілдина өзін мазалаған мәселе туралы айтты
Алматы қаласы

Алматы тұрғыны екі адамды құтқарды - оқиға орнында түсірілген видео

17
(Жаңартылды 18:23 01.06.2020)
1414 колл орталығының видеооператоры жұмысшыларды құтқару үшін мұрнын дымқыл орамалмен жауып құдыққа түскен. Тағы бір тұрғын көмекке келді

НҰР-СҰЛТАН, 1 маусым — Sputnik. Алматыда канализациялық люкте екі жұмысшы тұншығып қала жаздады. Оларды Наурызбай ауданындағы халыққа қызмет көрсету орталығының қызметкері Ержан Әбдіразақов құтқарды.

Болған жағдай туралы "Азаматтарға арналған үкімет" корпорациясының атқарушы директоры Мұрат Жұманбай айтты.

Facebook-тегі видеода зардап шеккендердің жағдайы көрсетілген. "Дем ал! Ұйықтама!" – дейді көмек көрсетіп жатқан адамдар. 

1414 колл орталығының видеооператоры люктің маңында адамдар жиналғанын көрген. Құдықта екі ер адам болған.

Полицейлер төтенше жағдайлар департаментінің қызметкерлерін шақырған. Алайда Әбдіразақов бірден әрекет ету туралы шешім қабылдады.

"Екеуі де есінен танып қалған. Олардың бірі "Алматы Судың" киімінде болды. Мен құдыққа түсіп-түспеу туралы мүлдем ойлаған жоқпын. Ол кезде адамдарды құтқару керек деген бір ғана ой болды", - дейді халыққа қызмет көрсету орталығының қызметкері.

Мұрат Жұманбай қызметкер жейдесін шешіп, жанында тұрған әйел берген дымқыл орамалмен аузын жауып, құдыққа түскенін айтты.

"Тағы бір ер адам көмекке келіп, бірге түсті. Жедел жәрдем бригадасы келген кезде екі жұмысшы да құдықтан шығарылды. Есін жиған жоқ, бірақ тыныс алып жатты", - деді Жұманбай.

Ержан Әбдіразақов "Азаматтарға арналға үкіметте" 2007 жылдан бері жұмыс істейді. Үш баланың әкесі. Басшылық қызметкерге тиісті марапат жасауды жоспарлап отыр.

17
Кілт сөздер:
видео, құтқару, адам, Алматы
Тақырып бойынша
Қостанайда жедел жәрдем дәрігерлері екі баланы өрттен құтқарды
Ақтөбе облысында ер адам өртеніп жатқан үйден жеті адамды құтқарды
Алматыда екі полицейдің өмірін қиған апаттың куәгері: жедел жәрдем кеш келді
Алматыда жолда келе жатқан көлік аударылып кетті – видео
Қостанайда ер адам терезеден құлай жаздаған баланы құтқарды – видео