Кісен, архивтегі сурет

Кореяда сотталған қазақстандықтың жазасы өзгерді

445
Қазақстан азаматының қорғаушылары жеті күн ішінде Оңтүстік Кореяның жоғарғы сотына апелляцияға бере алады

НҰР-СҰЛТАН, 26 наурыз – Sputnik. Оңтүстік Кореяда баланы қағып кеткені үшін сотталған қазақстандық Сырым Шәрібектің жаза мерзімі екі жылға дейін қысқарды. Бұған қоса, оған түзеу жұмыстары қосылды, деп хабарлайды Sputnik Қазақстан сыртқы істер министрлігінің баспасөз қызметіне сілтеме жасап.

Чангвон қаласында былтыр қыркүйекте баланы қағып кеткені үшін сотталған Қазақстан азаматы Сырым Шәрібектің ісі бойынша апелляциялық соттың отырысы өтті.

"Тыңдау барысында сот бұрын шығарылған үкімді (2 жыл 6 ай) тым қатаң деп санап, бас бостандығынан айыру мерзімін түзеу жұмыстарымен қоса алғанда 2 жылға дейін қысқарту туралы шешім қабылдады", -делінген хабарламада.

Сонымен қатар, қорғау тарапының Кореяның Жоғарғы сотына жеті күн ішінде аппеляцияға беру құқығы бар.

Осы уақыт бойы Шәрібек тергеу изоляторында болады, ал апелляция болмаған жағдайда, Чангвон қаласының түрмесіне ауыстырылады.

Тағы оқыңыз: Кореяда қонақүйде мауқын басқысы келгендер бүкіл әлемге масқара болды

Жазаны өтеу мерзімі ұсталған сәттен, яғни 2019 жылғы 14 қазаннан бастап есептеледі.

Осылайша, жазаның жалпы мерзімі 1 жыл 6 айды құрайды.

"Отандасымыздың жағдайы жақсы, ешқандай шағымы жоқ", - деп мәлімдеді баспасөз қызметі.

Оңтүстік Кореядағы жол апаты

Оқиға өткен жылдың 16 қыркүйегінде болды. Чханвонда 20 жастағы қазақстандық дүкеннен шығып, үйіне бара жатқан 7 жасар баланы қағып кеткен. Салдарынан баланың басына қан құйылды. Ал жас жігіттің көлігі оқиға орнынан бірнеше шақырым жерден табылды.

Жергілікті полиция күдіктінің келесі күні Инчхон әуежайынан ұшып шыққанын хабарлады. Кейінірек қазақстандықтың Павлодарда жүргені анықталды.

Тағы оқыңыз: Оңтүстік Кореяда 28 жастағы қазақстандық әйел өлі табылды

14 қазанда Қазақстан азаматы өз еркімен Сеулге барды. Белгілі болғандай, отандасымыз Кореяда заңсыз жүрген, жүргізуші куәлігі де болмаған.

445
Кілт сөздер:
сот, жаза, қазақстандық жігіт, Оңтүстік Корея
Тақырып бойынша
Қазақстан Оңтүстік Корея батырларының сүйегін еліне қайтарды
Тоқаев Оңтүстік Корея президентіне сый жасады - фото
Ата-анасы кешірген жоқ: Кореяда баланы қағып кеткен қазақстандыққа үкім шықты
Қазақстандық жігіт Кореяда қылмыс жасап, елден қашып кетті
Қазақстан Оңтүстік Корея азаматтарының елге кіруіне тыйым салды
Кореяда "коронавирус жұқтырған" қазақстандықпен байланыс орнатылды - министрлік
Полиция автокөлігі

Алматыда блок бекетті соққан ер адам полицияда 6 жыл жұмыс істеген ІІМ

9
(Жаңартылды 10:37 26.05.2020)
Күдікті құқық қорғау органында қызмет ету барсында өз міндетін дұрыс орындамағаны үшін 4 рет сөгіс алған

АЛМАТЫ, 26 мамыр – Sputnik. Алматыда блок бекетті соққан көлік жүргізушісі полицияда алты жыл қызмет еткен. Бұл туралы қалалық полиция департаменті хабарлады.

"Жол апатына кінәлі азамат бұрын полицияда алты жыл қызмет еткен. Өз міндетін дұрыс атқармағаны үшін төрт рет сөгіс алған. Бұл оның ішкі істер органдарындағы қызметінен босатылуына себеп болды. Соның өзінен ол сабақ алмады. Заңды бұзды және зардабының ауыр болатынын біле тұра, көлікке мас күйінде отырып, қылмыс жасады", – деді Алматы қаласы полиция департаментінің бастығы Қанат Таймерденов.

Екі және одан да көп адам өлтіру фактісі бойынша 1992 жылы туған ер адамға қатысты қылмыстық кодекстің 99-бабының 2-бөлігі бойынша сотқа дейінгі тергеу басталды (бұл бап бойынша 15 жылдан 20 жылға дейінгі мерзімге немесе өмір бойына бас бостандығынан айыру жазасы қарастырылады).

Қазір күдікті қамауға алынды.

Алматы блок бекетіндегі оқиға

25 мамырда Көксай шағын ауданындағы Жаңа ғасыр мен Қожабеков көшелерінің қиылысындағы №4 блок бекетте BMW автокөлігінің жүргізушісі алдымен блок бекет қоршауына, содан кейін екі полицей отырған патрульдік көлікке соқтығысқан.

42 жастағы полицей Жарас Жанғазиев оқиға орнында қаза болды. Ал 26 жастағы екінші полицей Дастан Әбдіқанов ауруханада есін жимастан көз жұмды.

Ережеге бағынбаған азаматтың ішімдік ішкені расталды. Ол Алатау ауданының тұрғыны болып шықты.

Оқиға салдарынан зардап шеккен тағы бір полиция қызметкері ауруханада ауыр халде жатыр.

Оқи отырыңыз: Алматыда екі полицейдің өмірін қиған апаттың куәгері: жедел жәрдем кеш келді

Айта кетейік, әлеуметтік желілерде блок бекетті соққан жүргізуші бұрынғы полиция қызметкері деген ақпарат тарады. Ал полиция департаменті бұл ақпаратты жоққа шығарған болатын.

9
Кілт сөздер:
мас жүргізуші, жол полициясы, полиция, Алматы
Тақырып бойынша
Полицей Қазақстанның туын алу үшін суға түсті – видео
Алматы тұрғыны блок бекетті бұзып өтпек болды: полицей көз жұмды
Мұқтаж отбасының пәтер жалдау ақысын төлеп берген ақтөбелік полицей марапатталды
Алматы блок бекетіндегі апат: екінші полицей көз жұмды
Блок бекеттегі апат: үшінші полицей жансақтау бөлімінде жатыр
Архивтегі фото

Қазақстанда көлікті тіркеу қызметі тоқтатылды

93
Құқық қорғау органдарының ақпараттық жүйелеріне үш жарым сағат бойы профилактикалық жұмыстар жүргізіледі

НҰР-СҰЛТАН, 26 мамыр – Sputnik. Қазақстанда жоспардан тыс профилактикалық жұмыстарға байланысты көлік құралдарын тіркеу уақытша тоқтатылды, деп хабарлайды Sputnik Қазақстан.

Ресми ақпаратқа сәйкес, техникалық үзіліс үш жарым сағатқа – бүгін таңғы сағат 9:00-ден 12:30-ға дейін жалғасады. Осы уақытта құқық қорғау органдарының ақпараттық жүйелеріне профилактикалық жұмыстар жүргізіледі. Сол себепті көлік құралын тіркеу қызметі барлық ХҚКО-ларда, сондай-ақ, "электронды үкімет" порталында жұмыс істемейді.

ІІМ әкімшілік полиция комитеті техникалық қолайсыздықтарға байланысты кешірім сұрайды.

Профилактикалық жұмыстардан кейін көлікті тіркеу қызметі қайта қолжетімді болады.

Оқи отырыңыз: Жүргізуші куәлігін беру қызметі жетілдірілді

Жақында eGov.kz порталында көлік жүргізу куәлігін беруге арналған қызмет жетілдіріліп, қосымша функциялар іске қосылған болатын. Енді жеке тұлғалар құжаттың мерзімі аяқталғанда, сондай-ақ, атын, тегі мен әкесінің атын ауыстырса, осы қызметті онлайн түрде пайдалана алады.

93
Кілт сөздер:
тіркеу, көлік
Тақырып бойынша
Нұр-Сұлтанда екі күн ішінде 26 нысан жұмысы тоқтатылды
Енді қазақстандықтар су жаңа көлігін онлайн тіркей алады
Алматы қаласында Армениядан әкелінген көліктерді қалай тіркеуге болады
Тура бір ай: төтенше жағдай қазақстандықтардың өмірін қалай өзгертті
ет, архив

Қазақстанның екі қаласында заманауи ет өңдеу кешені іске қосылады

5
(Жаңартылды 10:27 26.05.2020)
Министрлік трансұлттық компаниялар мен стратегиялық инвесторларды мал шаруашылығы өнімдерін қайта өндеу секторына тартып жатыр

НҰР-СҰЛТАН, 26 мамыр – Sputnik. Жыл соңына дейін Нұр-Сұлтан және Қостанай қалаларында екі заманауи ет өңдеу кешені іске қосылады. Бұл туралы ауыл шаруашылығы министрі Сапархан Омаров мәлімдеді, деп хабарлайды Sputnik Қазақстан тілшісі.

Ауыл шаруашылығы министрлігі облыс әкімдіктерімен бірлесіп, трансұлттық компаниялар мен стратегиялық инвесторларды мал шаруашылығы өнімдерін қайта өндеу секторына тартып жатыр.

Мәселен, министрдің айтуынша, қазір Tyson Food компаниясын сиыр етін қайта өндеу секторына тартуға қатысты келіссөз жүргізілуде.

"Жобалау кезеңінде қозы етін қайта өндеу бойынша германиялық Бауман компаниясының жобасы бар. Жыл соңына дейін Нұр-Сұлтан және Қостанай қалаларында екі заманауи ет өндеу кешені пайдалануға беріледі", - деді Омаров үкімет отырысында. 

Америкалық AGCO компаниясымен индустриалды балық шаруашылығы бойынша жобаны қаржыландыру басталды.

Сүтті қайта өндеу секторында еуропалық United Green компаниясымен келіссөз жүргізіліп жатыр.

Министрдің айтуынша, аталған жобаларды жүзеге асыру 717 миллиард теңге қосымша инвестиция тартуға мүмкіндік береді.

Омаров дағдарысқа қарсы шаралар аясында мал шаруашылығын және инвестициялық салымдарды субсидиялауға қосымша 28,5 миллиард теңге және агроөнеркәсіп кешені саласын несиелендіруге 400 миллиард теңге қаржы бөлінгенін атап өтті.

Оқи отырыңыз: Елімізде өнеркәсіпті дамыту қоры құрылады

 

5
Кілт сөздер:
ет