Логотип Sputnik

"Россия сегодня" агенттігі: жақындарыңыз үшін үйде қалыңыз!

50
(Жаңартылды 14:34 26.03.2020)
Жыл басынан бері COVID-19 бүкіл әлемдегі мыңдаған адамның өмірін қиды, жұқтырғандардың саны жүздеген мың адамға жетті және күн сайын өсіп келеді

АЛМАТЫ, 26 – Sputnik. Қазір пандемия жағдайында ең қарапайым сақтық шарасы – жеке гигиена және өзін-өзі оқшаулау. Сол себепті үйде қалып, біз көптеген адамның өмірін құтқара аламыз. РИА Новости жаңалықтар қызметі және әлемдегі Sputnik редакциясы қашықтан жұмыс істеу режиміне көшіп жатыр, соған қарамастан тәулік бойы ең өзекті және сенімді ақпаратты таратуды жалғастырып отыр.

Өзіңді оқшаулау – қауіпсіз әрі дұрыс шешім және бұл бізді және біздің жақындарымызды вирустың одан әрі таралуынан құтқарады. Біздің логотипіміздегі графикалық үй осыны көрсетеді. Бүгін ол ria.ru-дың жаңартылған түрінде, агенттіктің орыс тілді жобаларында, сондай-ақ, таяу және алыс шетелдегі Sputnik сайттарында, Sputnik радиосында, сондай-ақ, әлеуметтік желідегі парақшаларында пайда болады. 

Бұл мәңгілік емес. Бұл вирустың таралуына біздің жауабымыз және пандемиямен күресте әрбір адамның белсенді ұстанымда болуға шақыру. БАҚ бүгін көпшілікті ақпараттандыруда маңызды рөл атқаруы тиіс. Үйде қалыңыз, ал біз сізді соңғы оқиғалар, аурудың алдын алу және қорғану жолдары туралы жедел ақпаратпен қамтамасыз етеміз.

Жыл басынан бері COVID-19 бүкіл әлемдегі мыңдаған адамның өмірін қиды, жұқтырғандардың саны жүздеген мың адамға жетті және күн сайын өсіп келеді. Елдер жағдайды бақылауда ұстап отыр. Коронавирустың таралуына сенімді тосқауыл қою үшін барлық мүмкіндікті қолданып жатыр. Алайда біз бір-бірімізге көмектеспесек, ешқандай шараның пайдасы болмайды. Біз төнген қауіпке бірлесе тосқауыл бола аламыз. Сондықтан біз логотиптерді ауыстыру туралы шешім қабылдадық.

Өзіңізді және жақындарыңызды қорғаңыз! #Дүрбелеңгежолжоқ 

50
Дәрі-дәрмек, архивтегі фото

Президент дәрі-дәрмек тапшылығы мәселесі қай кезде шешілетінін айтты

279
Бүгінде шамамен 30 мың науқасты емдеуге арналған дәрі-дәрмек сатып алынды. Бұл қазіргі қажеттіліктен 70 процентке көп

НҰР-СҰЛТАН, 8 шілде – Sputnik. Мемлекет басшысы Қасым-Жомарт Тоқаев жақын күндері дәрі-дәрмек тапшылығы мәселесінің шешілетінін мәлімдеді, деп хабарлайды Sputnik Қазақстан тілшісі.

Президенттің айтуынша, бүгінде медициналық препараттарды сертификаттау шаралары қысқа уақыттың ішінде атқарылады. Осы саладағы мемлекеттік сатып алулардың арнайы тәртібі ұзартылды. Қазақстанда тіркелмеген вирусқа қарсы препараттарды бір рет кіргізу тәртібі де жеңілдетілді. Ондай тапсырыстар бір тәуліктің ішінде қаралады. Коронавирусты емдеуге арналған отандық препараттар да шұғыл тіркеуге қойылады. Осының арқасында қажетті дәрі-дәрмекті ауруханалар мен дәріханаларға дер кезінде жеткізуге мүмкіндік бар.

Оқи отырыңыз: Тоқаев ұлттық аза тұту күнін жариялады 

"Бүгінде стационарлар үшін шамамен 30 мың науқасты емдеуге арналған дәрі-дәрмек сатып алынды. Бұл қазіргі қажеттіліктен 70 процентке көп. Бөлшек сауда желісіне де медициналық препараттар түсіп жатыр. Парацетамолдың 800 мың қаптамасы жеткізілді. Осы аптаның аяғына дейін тағы 900 мың қаптаманы әкеледі. Ал антибиотиктердің 150 мың қаптамасы дәріханалар желісіне тапсырылды. Жақын күндері дәрі-дәрмекпен қамтамасыз ету проблемасы шешіледі", - дейді Тоқаев.

Осы орайда мемлекет басшысы халықты дүрбелеңге салынып, дәріні артығымен алмауға үндеді. Себебі одан тапшылық басталады.  

"Бүгінде кейбір ұятсыз пысықайлар осы жағдайды пайдаланып, табыс көргісі келеді. Олар халықты әдейі дүрліктіріп қояды да, қажетті дәрі-дәрмектің бағасын көтеріп отырады. Менің тапсырмам бойынша құқық қорғау органдары ондай алыпсатарларды жауапқа тарта бастады. Әкімдіктер де қоғамдық рейдтер жасау арқылы заң бұзушылықтарды анықтап отыруы тиіс", - дейді Тоқаев.

279
Кілт сөздер:
президент, дәрі-дәрмек
Тақырып:
Коронавирус эпидемиясы
Тақырып бойынша
"Шешуші кезең болады": Тоқаев коронавирусқа қатысты жағдай туралы айтты  
Президент денсаулық сақтау саласында тергеу жүргізілетінін мәлімдеді
Мемлекет басшысы саяси ойын жасағысы келетіндерге шүйлікті
Тоқаев үйде көмек көрсететін мобильді топтардың саны артатынын хабарлады
Қазақстан президенті Қасым-Жомарт Тоқаев

Тоқаев үйде көмек көрсететін мобильді топтардың саны артатынын хабарлады

70
(Жаңартылды 22:28 08.07.2020)
Қазақстанда алғашқы медициналық көмек күшейтілуде. Халыққа үйде медициналық қызмет көрсететін 400 әмбебап мобильді бригада жасақталды

НҰР-СҰЛТАН, 8 шілде – Sputnik. Қазақстанда мобильді топтардың саны 3,5 мыңға дейін артады. Бұл туралы мемлекет басшысы Қасым-Жомарт Тоқаев телевизиялық үндеуінде мәлімдеді, деп хабарлайды Sputnik Қазақстан тілшісі.

"Бүгінде жағдайды тұрақтандыру үшін барлық шара қолға алынып жатыр. Алғашқы медициналық көмек күшейтілуде. Халыққа үйде медициналық қызмет көрсететін 400 әмбебап мобильді бригада жасақталды. Шілденің аяғына дейін олардың саны 3,5 мыңға дейін артады", - деді Тоқаев.

Президенттің айтуынша, ауруханаларда коронавирус жұқтырған науқастарға арналған орындар да көптеп ашылуда. Төсек орындардың жалпы саны 70 процентке артып, 43 мыңға дейін жетті.

"Осы жұмысқа әскери дәрігерлер де тартылып отыр. Қорғаныс күштерінің арқасында 500 кереует қойылды. Ауру өршіп тұрған жерлерде далалық госпитальдар шұғыл түрде ашылады. Запастағы медицина мамандарын қайта даярлау және коронавирусқа қарсы күреске тарту жұмысы қолға алынды", - деп атап өтті Тоқаев.

Оқи отырыңыз: Президент денсаулық сақтау саласында тергеу жүргізілетінін мәлімдеді 

Мемлекет басшысы ПТР-тестілеуге де тоқталды. Оның сөзіне қарағанда, қосымша 20 ПТР-анализатор сатып алынды. Тест жасау үшін 8 мобильді орталық құрылып жатыр. Олар ауылды жерлерге де шығады. Осының арқасында бір тәулікте 40 мың тест жасалады.

70
Кілт сөздер:
коронавирус, Қасым-Жомарт Тоқаев
Тақырып:
Коронавирус эпидемиясы
Тақырып бойынша
"Шешуші кезең болады": Тоқаев коронавирусқа қатысты жағдай туралы айтты  
Тоқаев ұлттық аза тұту күнін жариялады
Президент денсаулық сақтау саласында тергеу жүргізілетінін мәлімдеді
Мемлекет басшысы саяси ойын жасағысы келетіндерге шүйлікті
Дәрігер, коронавирус

Мен көрген қиындықты ешкімнің басына салмасын Түркістан әкімі 

0
Коронавирус жұқтырған Түркістан қаласының әкімі желіде жазба жариялап, дәрігерлердің арқасында аман қалғанын айтты

АЛМАТЫ, 8 шілде – Sputnik. Түркістан әкімі Рашид Аюпов коронавирус инфекциясын жұқтырған соң бірнеше ішкі ағзасының зақымданғанын хабарлады. Бұл жайында қала әкімі Facebook парақшасында жазды.  

"Осы екі апта ішінде дұғада болған әр адамның арқасында, Алланың қалауымен ел қатарына қайта оралу мүмкіндігі бұйырып отыр. Тез арада асқынып кеткен аурудан қолынан келгенше қолдап, аман алып қалған дәрігерлерге алғысымды сөзбен жеткізу қиын. Бұл ауру, өкінішке қарай, салдарсыз өтпеді. Бірнеше ішкі ағза жұмысын тоқтатты, енді қайта қалпына келтіру қажет болып тұр. Әлі де ұзақ уақыт оңалу шараларын жасаймын",- деп жазды қала әкімі.

Айтуынша, коронавирусқа тапсырған кейінгі тест әлі де инфекцияның ағзадан кете қоймағанын көрсеткен. Соған қарамастан қала әкімі қызметіне кіріспек.

"Елге қызмет етуге қайта ораламын. Әрине, барлық сақтық шарасын орындаймын. Дәл қазір жағдай ешкімге де оңай болып тұрған жоқ. Біртіндеп, бірігіп, жағдайды қайта жақсартып аламыз деп сенемін", - деп жазды Аюпов.

Сонымен қатар қала басшысы барлық сақтық шарасын орындау қажет екенін тағы да еске салды.

"Мен көрген қиындықты ешкімнің басына салмасын деп тілеймін. Ең маңыздысы – бетперде тағып жүру. Жасы үлкендерді барынша қорғап қалуға тырысайық", - деп толықтырды Аюпов.

Сондай-ақ, жағдайға байланысты көмек қолын созуға мүмкіндігі бар кәсіпкерлерден байланысқа шығуын сұрады.

"Еліміздегі жағдайды бәріміз көріп отырмыз. Жоққа шығаруға тырысудың, көз жұма қараудың еш мәнісі болмаған, қазір де жоқ. Қиын қыстау заманда елімізге бірігіп қол ұшын созайық",- деді Аюпов.

Оқи отырыңыз: Коронавируспен ауырған Алматы облысының әкімі Нұр-Сұлтанға жеткізілді 

Айта кетейік, 22 маусымда Түркістан қаласының әкімі Рашид Аюповтың коронавирус жұқтырғаны белгілі болды.

Одан бөлек Қазақстанның тұңғыш президенті Нұрсұлтан Назарбаев, мәжіліс төрағасы Нұрлан Нығматулин, бұрынғы денсаулық сақтау министрі Елжан Біртанов, депутат Бекболат Тілеухан, премьер-министрдің орынбасары Ералы Тоғжанов коронавирус жұқтырды.

8 шілдеде коронавирус табылған Алматы облысының әкімі Амандық Баталов жүрек жеткіліксіздігіне байланысты Нұр-Сұлтан қаласындағы кардиология орталығына жатқызылды.

0
Кілт сөздер:
коронавирус, әкім, Түркістан
Тақырып:
Коронавирус эпидемиясы
Тақырып бойынша
"Кім емдейді?": Көлгінов астаналықтарға үндеу жасады
Қостанай облысының әкімі коронавирус жұқтырды
Павлодар облысының әкімі өңірде дәрігер жетпей жатқанын айтты
Шымкент әкімі желіде тарап кеткен видео туралы айтты