Архивтегі фото

Спортшылар мен жаттықтырушылар онлайн сабақ өткізеді

148
Жаттығулардан кейін кешкі сағат 18:00-де қазақстандықтардың назарына отандық спортшылармен сұхбат ұсынылады

АЛМАТЫ, 30 наурыз – Sputnik. Қазақстандық спортшылар мен жаттықтырушылар карантин кезінде онлайн сабақ өткізеді. Сабақ мәдениет және спорт министрлігі, Ұлттық Олимпиада комитетінің және "Сарыарқа" велотрегінің Instagram парақшасында өтеді, деп хабарлайды Sputnik Қазақстан.

Кестеде гимнастика, бокс, еркін күрес және басқа да спорт түрі бар.

"Біз қазақстандықтарға таңғы сегізден бастап жаттығуға қатысуды ұсынамыз. Бұған дейін мұндай жаттығуды Олимпиада чемпионы Серік Сәпиев, бокстан әлем чемпионатының жүлдегері Бақытжан Қожабеков, джиу-джитсудан әлем чемпионы Мөлдір Мекенбаева жүргізді", - деді спортты дамыту дирекциясының баспасөз қызметінде.

Сонымен қатар көрсетілген парақшалардан 30-31 наурызда сағат 14.00-де дұрыс тамақтану мен тоғызқұмалақ тарихын тыңдауға болады.

Ал сәуірдің басынан бастап қазақ күресі, бокс, велоспорттан сабақтар, коньки спорты мен паралимпиадалық спорт түрлерін дамыту туралы дәрістер, таэквондо және еркін күрестен сабақтар онлайн түрде өткізіледі.

Жаттығулардан кейін кешкі сағат 18:00-де қазақстандықтардың назарына отандық спортшылармен сұхбат ұсынылады.

Оқи отырыңыз: 6 сәуірден бастап оқушылар cабақты 30 минуттан оқиды 

Мотивациялық табыс жолымен Серік Сәпиев, Василий Левит, Гузель Манюрова бөліседі. Сондай-ақ, шахматтан әлем чемпионы Динара Сәдуақасова, әлем чемпионатының күміс жүлдегері Элизабет Тұрсынбаеваның әкесі әрі жаттықтырушысы Байтақ Тұрсынбаев сұрақтарға жауап береді.

Онлайн жаттығулар кестесі

Сонымен қатар Алматы қаласының спорт басқармасы карантин кезінде спортпен шұғылдану үшін онлайн жаттығулар кестесін әзірледі. Жаттығуды жоғары дәрежелі мамандар Instagram парақшаларында көрсетеді.

Дүйсенбіде сағат 10.00-10.30 арасында @rovald парақшасында спорттық би, @tulapin парақшасында жеңіл атлетшілердің жаттығулары көрсетіледі.

11.00-11.15 арасында @armyzoj парақшасында фитнес көрсетілсе, сағат 14.00-15.00 аралығында бір сағат @qaz_cheerkz парақшасында черлидинг көруге болады. Кешкі 18.00-18.30 арасында @1kamosya парақшасын қарап, көркем гимнастикамен айналысуға болады.

Сейсенбіде сағат 14.00-14.30 аралығында @kasyanov.aleksandr парақшасында жеңіл атлетшілердің жаттығулары, 14.00-15.00 арасында @vozduhstudio.kz йога, @ijru_jumpropekz парақшасында джамп роуп және роуп скиппинг тамашалауға болады. Кешкі төрт пен бес арасында спорттық мажореттер @asiamajorettesports парақшасында көрсетіледі. Сағат 18.00-де көркем гимнастика@1kamosya парақашсында көрсетіледі, жаттығу жарты сағатқа жалғасады.

Сәрсенбіде спорттық би таңғы онда @irinacherepanskaya парақшасында басталады, жаттығу жарты сағатқа жалғасады. @serechshev_ifbb pro парақшасында бодибилдинг 11.00-11.30 аралығында көрсетіледі.

12.00-12.30 аралығында @kurbanova_a_d джиу-джитсудың қыр-сырын көрсетсе, 14.00-15.00 арасында черлидинг @qaz_cheerkz парақшасында көрсетіледі деп жоспарланып отыр.

Бейсенбіде 14.00-15.00 арасында @ijru_jumpropekz джамп роуп және роуп скиппингтен сабақ өтсе, кешкі алтыда көркем гимнастикадан @1kamosya парақшасында көрсетіледі, жаттығу жарты сағатқа жалғасады. @asiamajorettesports парақшасында 16.00-17.00 арасында спорттық мажореттерді тамашалауға болады.

Жұмада спорттық би @Sergeybubnov парақшасында сағат онда басталады, ал 11-де бодибилдингтен жаттығу түрлерін @serechshev_ifbbpro көрсетеді. 14.00-де черлидинг @qaz_cheerkz парақшасында көрсетіледі, ал кешкі алтыда көркем гимнастикадан @1kamosya жаттығу сабақтарын өткізеді.

Сенбіде 11.00-де жеңіл атлетикадан жаттығу түрлерін @molzhan4ik көрсетеді, ал 16.00-де @asiamajorettesports парақшасынан спорттық мажореттер тамашалай аласыздар. 18.00-де @1kamosya сілтемесі арқылы көркем гимнастикадан тікелей эфирге шығады.

Коронавирус эпидемиясы

16 наурызда елімізде төтенше жағдай енгізілді. Соңғы ақпаратқа сәйкес, республикада коронавирус жұқтырғандар саны 294 адамға жетті. 20 адам аурудан айықты, бір адам қайтыс болды.

 

148
Кілт сөздер:
жаттығу, коронавирус
Тақырып:
Коронавирус эпидемиясы (1078)
Тақырып бойынша
Қазақстанда жасы 65-тен асқан адамдардың көшеге шығуы шектелді
Психолог карантин кезінде төрт қабырғаға қамалып отырғандарға кеңес берді
Балабақшаға бармаған бүлдіршіндердің орны сақталады – министр
Қазақстанда мұғалімдерді жұмысқа шығуға міндеттеген директорлар жазаланды
Жаңа жоба: театрлардың үздік қойылымдары онлайн көрсетіледі
"Ел арна" мен "Балапан" телеарналарында оқушылар үшін сабақ өтеді
Зертхана қызметкері, архивтегі фото

Мәскеу дәрігерлері коронавируспен күресу үшін Қазақстанға келе жатыр

135
Топ құрамында Мәскеудің жетекші ауруханаларының 22 медициналық қызметкері бар, олар коронавирус жұқтырған науқастарды емдеп, бай тәжірибе жинақтаған

НҰР-СҰЛТАН, 6 шілде – Sputnik. Тәжірибелі мәскеулік дәрігерлер тобы Қазақстанға ұшып шықты. Дәрігерлер қазақстандық әріптестеріне көмектесуге дайын.

"22 дәрігерден құралған бригада COVID-19 науқастарын емдеуде жергілікті мамандарға көмек көрсету үшін Қазақстанға аттанды. Мультидисциплинарлы медициналық топты Мәскеу денсаулық сақтау департаменті бастығының орынбасары, нейрохирург Алексей Токарев және Мәскеу денсаулық сақтау департаментінің хирургия жөніндегі ұйымдастыру-әдістемелік бөлімінің басшысы Руслан Маер басқарады", - делінген Мәскеу денсаулық сақтау департаментінің хабарламасында.

Бұл Мәскеу денсаулық сақтау департаменті дәрігерлерінің коронавируспен күресуге көмектесу мақсатындағы алғашқы мемлекетаралық медициналық сапары.

Оқи отырыңыз: Қазақстанда коронавирусқа қарсы вакцина бірінші кезекте кімдерге егіледі 

Топ құрамына пульмонолог, кардиолог, эпидемиолог, КТ рентгенологы, жұқпалы аурулар жөніндегі мамандар, анестезиолог-реаниматологтар, КТ рентгенолог дәрігер және коронавируспен ауырған науқастарды емдеуде бай тәжірибесі бар басқа да мамандар кірген. Бұл мәскеулік жетекші ауруханалардың дәрігерлері.

"Мәскеулік мамандар жергілікті ауруханалардың дәрігерлеріне консультативті-диагностикалық көмек көрсетеді. Бригада COVID ауруханаларына барады, клиникаларды қайта бейіндеуге көмектеседі, пациенттерге қарайды және әртүрлі мамандықтағы дәрігерлер үшін оқу семинарларын өткізеді", - деп атап өтті баспасөз қызметі.

Еске сала кетейік, таяуда Қазақстан премьер-министрі Асқар Мамин Ресей үкімет басшысы Михаил Мишустинмен телефон арқылы сөйлесті, оның барысында Ресей Қазақстанға жұқпалы аурулар ауруханалары мен вирусологиялық зертханалар мамандарын жіберуге дайын екендігі белгілі болды.  

135
Кілт сөздер:
дәрігерлер, коронавирус
Тақырып:
Коронавирус эпидемиясы (1078)
Тақырып бойынша
Грузиядан Қазақстанға гуманитарлық көмек келді
5 шілдеден карантин басталады: ішкі істер министрі ескерту жасады
COVID-19: министр қандай дәрілер көмектеспейтінін айтты
Қазақстанда өткен тәулікте 1 403 адамнан коронавирус табылды
Пневмония эпидемиясы: коронавирус қайда кетті?
Жедел жәрдем көлігі

Пневмония эпидемиясы: коронавирус қайда кетті?

682
(Жаңартылды 22:55 06.07.2020)
Биыл маусымда пневмонияға шалдыққан 32 724 науқас тіркелді. Өткен жылы тура осы айда небәрі 7 964 пациент болған

НҰР-СҰЛТАН, 6  шілде – Sputnik. Әлемде коронавирус пандемиясы басталған кезде инфекция күн көзіне шыдамайды, ультракүлгін сәулелер оны күйдіріп тастайды, сондықтан жаз шыққанда вирус азаяды деген нақты болжам болған. Алайда маусымда науқастардың саны күрт өсті. Пневмония өршіп кетті. Бұл коронавирус инфекциясының негізгі симптомы болып саналса да, тестен COVID-19 шығып жатқан жоқ. Бүгінде пневмониядан қайтыс болғандардың саны коронавирус құрбандарынан екі есеге асып түсті. Sputnik Қазақстан тілшісі қазіргі пневмония мен коронавирус арасында байланыс бар-жоғын анықтап, вирустың генетикалық мутациясы мен оны емдеу шараларының қалайша өзгергенін зерделеп көрді.

Иә, маусым айында ауруханаға пневмониямен түсетін науқастардың саны күрт көбейді. Нұр-Сұлтанда күн сайын стационарға 600-ге жуық пациент жеткізілді. Науқастарға арналған төсек-орынның 90 проценті толып қалды. Шымкент, Ақтөбе мен Атырау да тура сондай жағдайға тап болды. Ал Алматы қаласының әкімі пневмония эпидемиясын жариялауға мәжбүр болды. Себебі бір айдың ішінде пневмониямен ауыратындардың саны бес есеге артты. Бүгінде спорт кешендері қосымша стационар ретінде қолданыла бастады. Себебі ауруханада орын жоқ.

Оқи отырыңыз: Пневмония коронавирустан басым түсті – қайтыс болғандардың саны екі есе көп 

Дегенмен, пневмониямен түсіп жатқан науқастардың барлығынан COVID-19 шығып жатқан жоқ. Оны жаңадан тағайындалған денсаулық сақтау министрі Алексей Цой да растады. 2 шілде күні өткен баспасөз мәслихатында ол бір тәуліктің ішінде коронавирустан 10, ал пневмониядан 20 адам науқастың көз жұмғанын мәлімдеді. Демек, бүгінде пневмония құрбандарының саны екі есеге көп болып тұр. Олардан коронавирус анықталмаған. Осы орайда тағы бір статистиканы айта кеткен жөн. Министрдің айтуынша, биыл маусым айында пневмонияға шалдыққан 32 724 науқас тіркелді. Өткен жылы тура осы айда небәрі 7 964 пациент болған. Сонда биыл пневмонияға шалдыққандардың саны төрт есеге (!) өсіп отыр.

Әрине, бұл жерде заңды бір сұрақ туындайды. Науқастардан коронавирус табылмаса, пневмонияны қандай вирус қоздырып отыр? Неге тест кезінде COVID-19 шықпайды? Дәл осы пандемия кезінде пневмония жайдан-жай өршіп тұрған жоқ қой? Демек, байланыс бар. Оған қоса, пневмония коронавирус инфекциясының негізгі әрі қауіпті симптомы болып саналады.  

Бас мемлекеттік санитар дәрігері Айжан Есмағамбетова да пневмониямен түсетін науқастардан ПТР-тест алғанда бәрінен бірдей коронавирус шықпайтынын айтқан. Маман оның себебін де түсіндірді.  

"Соңғы кезде пневмониямен түсетін науқастардың тесті теріс нәтиже көрсетіп жатыр. Ондай болады. Себебі коронавирус инфекциясы жоғарғы тыныс алу жолдарынан төменгі тыныс алу жолдарына түседі. Осы кезде ПТР-тест оң нәтиже көрсетпеуі мүмкін", - дейді Есмағамбетова.

Сонда бас санитардың сөзіне қарағанда, коронавирус өкпеге өтіп кеткенде жұтқыншақтан шықпауы да мүмкін. Ал ПТР-тест теріс нәтиже көрсетсе де, адамның ағзасында COVID-19 болады. Содан болар, бүгінде емдеу тәртібіне "коронавирус инфекциясының ықтималдылығы" деген анықтама енгізілген. Бұл дегеніміз, пневмониямен түскен адамның тесті теріс нәтиже көрсетсе де, "коронавирус инфекциясының ықтималдылығы" диагнозы жазылады. Осының арқасында науқас дер кезінде емделеді екен.

Соңғы кезде коронавирус мутациясына қатысты әңгімелер де тарай бастады. Мәселен, денсаулық сақтау министрінің зертханалық қызмет жөніндегі кеңесшісі Жанар Сүлейменова коронавирус инфекциясы генетикалық жағынан өзгеріске ұшырады деп санайды. Соның нәтижесінде бүгінде республика бойынша симтомсыз науқастар жиі анықтала бастады. Індет жеңіл түрде өтетін болған. Алайда қазіргі пневмония эпидемиясын коронавирус қоздырса, инфекция генетикалық жағынан қауіпті мутацияға ұшыраған секілді.

Дүниежүзілік денсаулық сақтау ұйымы да коронавирус мутациясына қатысты өз ұстанымын білдірді. Бас ғылыми қызметкер Сумия Сваминатанның айтуынша, зертханалық зерттеулер кезінде вирустың мутациясы анықталған. Ондайда инфекция жылдам көбейеді және тез таралады екен.

"Жақында зертханада "D614G" деп аталатын ерекше мутация анықталды. Ондайда вирус жылдам көбейеді, оның таралуы да күшейеді", - дейді Сваминатан. Бірақ мутацияға ұшыраған вирустың қаншалықты қауіпті екені белгісіз.

Ал біздегі коронавирустың мутациясы қандай? Ол жағы да белгісіз. Алайда Дүниежүзілік денсаулық сақтау ұйымы Қазақстанды COVID-19 жылдам таралып жатқан мемлекеттердің қатарына қосты.

Айтпақшы, өткен аптада елімізде коронавирус инфекциясын емдеудің клиникалық хаттамасына тағы өзгеріс енгізілді. Енді, жағдайы орташа ауыр науқастарды амбулаториялық деңгейде, яғни, үйде вирусқа қарсы препараттармен емдеп көрмек. Ал ауруханада жатқан науқастардың үш күн ішінде дене қызуы көтерілмесе, компьютерлік томография немесе рентген кезінде өкпеде оң динамика байқалса, ауруханадан ерте шығаруға шешім қабылданды. Пациенттің денсаулығын ары қарай емхана дәрігері бақылайды. Осылайша, ауруханадағы орын тапшылығы шешіледі.

682
Кілт сөздер:
коронавирус, эпидемия
Тақырып:
Коронавирус эпидемиясы (1078)
Тақырып бойынша
Маусым айында 628 науқас пневмониядан көз жұмды – бас санитар дәрігер
Министрлік Біртановтың денсаулығына қатысты ақпарат жариялады
ДДҰ әлемде коронавирус жедел тарап жатқанын мәлімдеді
Коронавирусты емдеу тәртібі өзгерді – ауруханалар қалай босатылады
Сағынтаев Алматыдағы пневмония эпидемиясына қатысты мәлімдеме жасады